မူဆယ်ဈေးကွက်မှာ ဒီတစ်ပတ်ပြောင်းကို တရုတ်ဝယ်လက်က ဝယ်အားပုံမှန်ရှိသလို ရောင်းသူကုန်သည်များကဈေးကွက် မျှော်လင့် ချက်နဲ့ အရောင်းနည်းနေတာကြောင့် အရောင်းအဝယ်ဖြစ်မှုနည်း နေတယ်လို့ ပွဲရုံရပ်ကွက်ကဆိုပါတယ်။အရောင်းအဝယ်ဖြစ်မှုက တစ်ပတ်အတွင်း မက်တန် ၁၀၂၀၀ ခန့်သာဖြစ်ခဲ့ကြောင်းသိရပါ တယ်။

ဘုရင့်နောင်ဈေးကွက်မှာ ဒီတစ်ပတ်မတ်ပဲ(RC)ကိုအိတ်စပို့ ဝယ်လက်တွေက ဈေးကွက်စဖွင့်ချိန်မှာ တစ်တန်ကို ၅၅၇၀၀၀ ကျပ် ဈေးနဲ့ဈေးဖွင့်အဝယ်ရှိခဲ့ပြီးနောက်ပိုင်းမှာ ငွေလဲနှုန်းအနည်းငယ်မြင့် လာတာကြောင့် ပဲဈေးလည်း တစ်ရိပ်ရိပ် မြင့်တက်လာကာ ဈေး ပိတ်ချိန်မှာတော့ တစ်တန်ကို ၅၅၉၀၀၀ ကျပ်ဈေးအထိ ဖြစ်လာ ပေမယ့်ယခင်အပတ်နဲ့စာရင် ဈေးအနည်းငယ်ကျနေသေးကြောင်း ပဲကုန်သည်တစ်ဦးကဆိုပါတယ်။အရောင်းအဝယ်ဖြစ်မှု ပမာဏက တော့ တစ်ပတ်အတွင်းတန် ၃၀၀၀ ခန့်ဖြစ်ခဲ့ကြောင်းသိရပါတယ်။ ပဲစင်းငုံနီကိုတော့ အိန္ဒိယဝယ်လက်က အဆွဲအနည်းငယ်ပြန်လိုက် လာတာကြောင့် ယခင်အပတ်နဲ့စာရင် ဈေးအနည်းငယ်မြင့်လာပြီး တစ်တန်ကို ၆၆၂၀၀၀ ကျပ်ဈေးနဲ့တန် ၁၂၀၀ ခန့်အရောင်းအဝယ် ဖြစ်ခဲ့ကြောင်းဈေးကွက်အတွင်းမှသိရပါတယ်။

မြင်းခြံဈေးကွက်မှာ ဒီတစ်ပတ် ပဲစင်းငုံနီကို ရန်ကုန်ဝယ်လက် ကဈေးနှိမ်ပြီး အဝယ်ရှိနေ သလို ရောင်းသူကုန်သည်များကလည်း ဈေးကွက်မျှော်လင့်ချက်နဲ့ အရောင်းနည်းသွားတယ်လို့ ဆိုပါတယ်။ အရောင်းအဝယ်ဖြစ်မှုက တစ်ပိဿာ ၁၀၂၅ ကျပ်(တစ်တန်ကို ၆၂၇၆၉၉ ကျပ်)ဈေးနဲ့ တစ်ရက်ကိုအိတ် ၂၀၀ မှ ၃၀၀ ကြားသာ အရောင်းအဝယ်ဖြစ်ခဲ့ကြောင်း မြို့ခံပဲကုန်သည်တစ်ဦးက ဆိုပါတယ်။

မန္တလေးဈေးကွက်မှာ ဒီတစ်ပတ် ပဲမျိုးစုံဈေးကွက်မှာ ပဲတီစိမ်း ကြီးဈေးစွာလာပြီး မတ်ပဲဈေးတန့်နေကာ ပဲစင်းငုံနီနဲ့ ကုလားပဲဖြူလုံး ကြီးကတော့ ကျဈေးနဲ့ အရောင်းအဝယ်ဖြစ်ခဲ့ကြောင်း ပွဲရုံရပ်ကွက် ကဆိုပါတယ်။ နှမ်းမျိုးစုံကတော့ ဒီတစ်ပတ်မှာ အမြင့်ဈေးနဲ့ အ ရောင်းအဝယ်ဖြစ်ခဲ့တာ တွေ့ရပါတယ်။ ပဲတီစိမ်းဈေးကွက်မှာ တရုတ် ဝယ်လက်က ပဲရဲ့အရည်အသွေးကိုကြည့်ပြီး ဈေးပေးအဝယ်ရှိတာ ကြောင့် ယခင်အပတ်နဲ့စာရင် ဈေးမြင့်လာပြီး တစ်ပိဿာကို ၁၄၂၂ ကျပ်(တစ်တန်ကို ၈၇၀၈၁၈ ကျပ်)ဈေးနဲ့ တစ်ရက်ကိုအိတ် ၅၀၀ မှ ၈၀၀ ကြားအရောင်းအဝယ်ဖြစ်ခဲ့တယ်လို့ သိရပါတယ်။ မတ်ပဲအ နေနဲ့ ရန်ကုန်ဝယ်လက်အဝယ်ပါးပြီး မြို့ခံပဲခွဲစက်တွေသာ ဝယ်အား ပုံမှန်ရှိခဲ့လို့ ယခင်အပတ်နဲ့စာရင် ဈေးအပြောင်းအလဲမရှိဘဲ ဈေးငြိမ် နေတယ်လို့ ဆိုပါတယ်။ အရောင်းအဝယ်ဖြစ်မှုက တစ်ပိဿာကို ၈၅၀ ကျပ်(တစ်တန်ကို ၅၂၀၅၃၁ ကျပ်)ဈေးနဲ့ တစ်ရက်ကိုအိတ် ၅၀၀ ခန့်သာဖြစ်ခဲ့ကြောင်း သိရပါတယ်။ ယခင်အပတ်က အရောင်း ရောအဝယ်ပါလျော့သွားတာကြောင့် တစ်ပိဿာ ကို ၁၀၃၃ ကျပ်(တစ်တန်ကို ၆၃၂၅၉၈ ကျပ်)ဈေးနဲ့ တစ်ရက်ကိုအိတ် ၈၀၀ မှ ၁၀၀၀ ကြားသာအရောင်းအဝယ်ဖြစ်ခဲ့ကြောင်း မြို့ခံကုန် သည်တစ်ဦးက ဆိုပါတယ်။ ကုလားပဲဖြူလုံးကြီးနဲ့ ကုလားပဲ(ထိုင်ဝမ်) ကို ဒီတစ်ပတ်မှာ ရန်ကုန်ဝယ်လက်ဒေသတွင်းခွဲစက်နဲ့ ဒေသလုပ်ငန်း သမားများရဲ့ ဝယ်လိုအားက ပုံမှန်ထက်စာရင် လျော့သွားတာကြောင့် ယခင်အပတ်နဲ့စာရင် ဈေးကအကျဘက်မှာရှိနေတယ်လို့ မြို့ခံပဲခွဲစက် လုပ်ငန်းရှင်တစ်ဦးက ဆိုပါတယ်။ အရောင်းအဝယ်ဖြစ်မှုအနေနဲ့ ကု လားပဲဖြူလုံးကြီးတစ်ပိဿာ ၉၆၉ ကျပ်(တစ်တန်ကို ၅၉၃၄၀၅ ကျပ်)၊ ကုလားပဲ(ထိုင်ဝမ်)တစ်ပိဿာကို ၉၅၁ ကျပ်(တစ်တန်ကို ၅၈၂၃၈၂ ကျပ်)ဈေးနဲ့ နှစ်မျိုးပေါင်းတစ်ရက်ကို အိတ် ၁၀၀၀ ခန့်သာအရောင်း အဝယ်ဖြစ်ခဲ့ကြောင်း သိရပါတယ်။ နှမ်းမျိုးစုံကိုတော့ တရုတ်ဝယ် လက်နဲ့ ဒေသတွင်းဆီစက်တွေက ဒီတစ်ပတ်မှာ ဈေးပေးအဝယ်ရှိတာ ကြောင့် အမြင့်ဈေးနဲ့ အရောင်းအဝယ်ဖြစ်ခဲ့တယ်လို့ မြို့ခံနှမ်းကုန် သည်တစ်ဦးက ဆိုပါတယ်။ အရောင်းအဝယ်အနေနဲ့ နှမ်းဖြူတစ်ပိ ဿာ ၃၁၁၁ ကျပ်၊ နှမ်းညိုတစ်ပိဿာ ၂၄၄၄ ကျပ်၊ နှမ်းနက်စမုံ ၃၄၄၄ ကျပ်ဈေးနဲ့ တစ်ရက်ကို အိတ် ၈၀၀ ခန့်အရောင်းအဝယ်ဖြစ် ခဲ့ကြောင်း သိရပါတယ်။