ဇူလိုင်လ ၃၁ ရက်မှ သြဂုတ်လ ၆ ရက်နေ့ထိကာလအတွင်းမှာမြန်မာ-တရုတ်နယ်စပ်မှ ကန်ဒေါ်လာ ၂ ဒသမ ၃၃၆ သန်းတန်ဖိုးရှိ ရေထွက်ကုန် ၇၆၄ တန်ကျော်ကိုတင်ပို့နိုင်ခဲ့ပါတယ်။ မူဆယ် ၁၀၅ မိုင် ကူးသန်းရောင်းဝယ်ရေးဇုန် မှ ကန်ဒေါ်လာ ၁ ဒသမ ၈၃၂ သန်းဖိုး ရှိ ကဏန်း ၂၁၉ တန်ကျော်၊ ငါးရှဉ့် ၃၀၉ တန်ခန့်၊ ရေခဲငါး ၇၅ တန်ကျော်၊ ငါးဆားနယ် ၁၇ တန်ကျော် တင်ပို့ခဲ့ ပါတယ်။

မြန်မာ-တရုတ်နယ်စပ်များဖြစ်တဲ့ မူဆယ် ၁၀၅ မိုင် နဲ့ ချင်းရွှေဟော်ကူး သန်းရောင်းဝယ်ရေးစခန်းများမှ ၂၀၁၃ ခုနှစ် ဇူလိုင်လ ၃၁ ရက်မှ သြဂုတ်လ ၆ ရက်နေ့ထိကာလအတွင်းမှာ အချိုမှုန့် များပြည်တွင်းဈေးကွက်ထဲကို မူဆယ် နယ်စပ်မှ ၂၆၈ တန်၊ ချင်းရွှေဟော် နယ် စပ်မှ ၂၈၇ တန်ကျော်၊ စုစုပေါင်း ၅၅၅ တန်ကျော်တန်ဖိုးအားဖြင့် ကန်ဒေါ်လာ သုည ဒသမ ၅၅၆ သန်းတင်သွင်းလာ တာ တွေ့ရပါတယ်။

မြန်မာ-ထိုင်းနယ်စပ်ရှိ မြိတ် ကူးသန်းရောင်းဝယ်ရေးစခန်းမှ ကန် ဒေါ်လာ ၁ ဒသမ ၄၀၇ သန်းတန်ဖိုးရှိ ရေထွက်ကုန် ၁၃၂၄ တန်ကျော်တင်ပို့ နိုင်ခဲ့ပါတယ်။ ယခင်အပတ်နဲ့ နှိုင်းယှဉ် ပါက ၃၅ တန်နီးပါးလျော့နည်း တင်ပို့ခဲ့ ပါတယ်။

ယခုအပတ် ဇူလိုင်လ ၂၄ ရက်မှ ၃၀ ရက်ထိတာ ကာလအတွင်းမှာ မြန်မာ-တရုတ်နယ်စပ်ရှိ မူဆယ် ၁၀၅ မိုင်ကူးသန်း ရောင်းဝယ်ရေးဇုန်နဲ့ ချင်း ရွှေဟော် ကူးသန်းရောင်းဝယ်ရေး စခန်း မှ ကန်ဒေါ်လာ ၂ ဒသမ ၃၀၄ သန်း တန်ဖိုးရှိ ရေထွက်ကုန် ၉၅၉ တန်ခန့် တင်ပို့ခဲ့ ပါတယ်။ ယခင်အပတ်ကထက် တန် ၅၀ ကျော်ပိုမို တင်ပို့နိုင်ခဲ့ပါတယ်။