ဆန်ဈေးနှုန်းများ

မကွေးတိုင်းဒေသကြီး သရက်ခရိုင် အထက်မင်းလှမြို့ နယ်သည် စိုက်ပျိုးရေးဒေသဖြစ်သော်လည်း စပါးစိုက်ဧက နည်းပြီး ဆန်မှာ အခြားတိုင်းဒေသကြီးများမှ ဝယ်ယူ တင် သွင်းရသောဒေသဖြစ်သည်။ မင်းလှမြို့သို့ စစ်ကိုင်းတိုင်းဒေသ ကြီး ရွှေဘိုမြို့၊  ရေဦးမြို့နှင့် မကွေးတိုင်းဒေသကြီး မကွေးမြို့၊ မင်းဘူးမြို့၊ စလင်းမြို့၊ ဆင်ဖြူကျွန်းမြို့နှင့် ဧရာဝတီတိုင်းဒေသ ကြီး ဖျာပုံမြို့၊ ပုသိမ်မြို့၊ မြောင်းမြမြို့၊ မြန်အောင်မြို့၊ ကြံခင်း မြို့၊ ဟင်္သာတမြို့တို့မှ ဆန်အိတ်များ ဝင်ရောက်လျက်ရှိကြောင်း  သိရသည်။

ပြည်ခရိုင်အတွင်းရှိမြို့နယ်များတွင်မိုးစပါးသစ်များ လှိုင်လှိုင်ပေါ်နေပြီဖြစ်ရာ ပြည်မြို့နယ်တွင် မိုးစပါးစိုက်ဧက ၇၄၆၄၂ ဧက စိုက်ပျိုးပြီး ရိတ်သိမ်းဧကမှာ ၆၀၇၆၂ ဧက၊ ပေါက်ခေါင်းမြို့နယ်တွင် ၄၆၇၅၇ ဧက စိုက်ပျိုးပြီး ရိတ်သိမ်းဧကမှာ ၃၈၆၆၃ ဧက၊ ပန်းတောင်းမြို့နယ်တွင် ၃၆၉၃၅ ဧက စိုက်ပျိုးပြီး ရိတ်သိမ်း ၄၃၈၆၇ ဧက၊ ရွှေတောင်မြို့နယ်တွင် ၅၈၁၆၃ ဧက စိုက်ပျိုးပြီး ရိတ်သိမ်းဧကမှာ ၄၈၂၅၆ ဧကဖြစ်သည်။ အထွက်နှုန်းအနေဖြင့် ၈၉ တင်းခန့်ထွက်ရှိသည်။ 

သြဂုတ် ၁၂ ရက်မှ ၁၈ ရက်ထိ ကာလအတွင်း ပုံမှန် ကုန်သွယ်မှုလမ်းကြောင်းမှ အမေရိကန်ဒေါ်လာ  ၄ ဒသမ ၇၀၇ သန်း  တန်ဖိုးရှိ ဆန်တန်ချိန် ၉၂၈၀ ကျော်တင်ပို့ခဲ့သည်။  ဆန်တင်ပို့မှုအနေဖြင့် အီးယူအဖွဲ့ဝင်နိုင်ငံများသို့ ဆန် ၅၃၅၁ တန်နှင့် အာရှနိုင်ငံများသို့ တန်ချိန် ၃၉၃၀ ကျော် တင်ပို့ခဲ့ သည်။  ဆန်တင်ပို့သော အီးယူအဖွဲ့ဝင်နိုင်ငံများမှာ ချက် သမ္မတနိုင်ငံသို့ ဆန်တန်ချိန် ၅၀၂ တန်၊ ပြင်သစ်နိုင်ငံသို့  ၂၇၅ တန်၊ ပိုလန်နိုင်ငံသို့ ဆန်တန်ချိန် ၅၀ဝ၊ ခရိုအေးရှားနိုင်ငံသို့ ၇၅ တန်၊ အီတလီနိုင်ငံသို့ တန်ချိန်၂၅၀၊ ဂျာမနီနိုင်ငံသို့ ၂၂၄ တန်၊ ဂရိနိုင်ငံသို့ ဆန်တန်ချိန် ၅၀ဝ၊ ဘယ်လ်ဂျီယံနိုင်ငံသို့ ဆန်တန်ချိန်

စစ်ကိုင်းတိုင်းဒေသကြီးသည်   ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘိုနှင့် ရေဦးခရိုင်များမှ တောင်သူများ စပါးလက်ကျန်နည်းပါးလာပြီး   အဝယ်များနေခြင်းကြောင့်  ခရိုင် အားလုံး ဈေးအနည်းငယ် တက်နေကြောင်း သိရှိရသည်။

ပခုက္ကူဒေသသည် စပါးစိုက်ဧကနည်းပြီး စားသုံးဆန် ဖူလုံမှု   မရှိသောကြောင့် တခြား  တိုင်းဒေသကြီးများနှင့် မြို့နယ်များမှ ဆန်တင်သွင်းရသော ဒေသဖြစ်သည်။ ဧရာဝတီ တိုင်းဒေသကြီးဖြစ်သော ပုသိမ်၊ မြောင်းမြနှင့် မြန်အောင်မြို့ များမှ ရေကြောင်းလမ်းဖြင့်လည်းကောင်း၊ ရွှေဘို၊ ဆင်ဖြူ ကျွန်း၊ စလင်းဒေသများမှ   ကုန်းလမ်းကြောင်းဖြင့်လည်းကောင်း နေ့စဉ်ဝင်ရောက်လျက်ရှိသည်။ 
ပခုက္ကူဒေသတွင် ဆန်များ မှာယူစားသုံးရပြီး ဆန်ထွက် ရှိရာ ဒေသများတွင်လည်း ဆန်ဈေးနှုန်းမြင့်တက်ပြီး သယ်ယူ ပို့ဆောင်စရိတ် မြင့်တက်လာခြင်းကြောင့် ဆန်ဈေးနှုန်းများ လည်း မြင့်တက်လာသည်ကို တွေ့ရသည်။