ပြည်တွင်းအိမ်ခြံမြေသတင်း

     အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှုဝန်ကြီးဌာန၊  ရင်းနှီး မြှုပ်နှံမှုနှင့်ကုမ္ပဏီများ ညွှန်ကြားမှုဦးစီး ဌာန၏ ရန်ကုန်တိုင်းဒေသကြီးရုံးခွဲကို ဇွန်လ ၂၅ ရက် နံနက်ပိုင်းက ဖွင့်လှစ် ခဲ့ကြောင်း သိရသည်။ အဆိုပါရန်ကုန် တိုင်းဒေသကြီးရုံးခွဲ တွင် ရုံးခွဲတာဝန်ခံ အဖြစ် ဒေါ်စန်းနွဲ့ (ဒုတိယညွှန်ကြား ရေးမှူး)က တာဝန်ခံ၍ဆောင်ရွက်ပေး သွားမည်ဖြစ်ကြောင်း သိရသည်။

    မန္တလေးမြို့ပြဖွံ့ဖြိုးမှု Supporting  ဇုန်ကိုဆီးဂိမ်းပွဲတော်အမီ တည်ဆောက် ရန် မန္တလေးမြို့တော် စည်ပင် သာယာ ရေးကော်မတီမှ   တာဝန်ရှိသူများနဲ့ မန္တလေးမြို့မှ လိုင်စင်ရဗိသုကာလုပ် ငန်းရှင်များတွေ့ဆုံ ဆွေးနွေးခဲ့ကြောင်း သိရပါတယ်။

       ရန်ကုန်မြို့  ကားဈေးကွက်အတွင်း အပေါ်ကား   အရောင်းအဝယ်အေး နေသော်လည်း အင်ဂျင်ပါဝါသေးသည့် ကားလေးများ အရောင်းအဝယ်အသင့် အတင့်ရှိနေကြောင်း သိရသည်။ မေလ လဆန်းပိုင်းကထုတ်ပြန်ခဲ့သည့် ယာဉ် တင်သွင်းမှု စနစ်သစ်အရ ၂၀၀၇ ခုနှစ် မိုဒယ်နှင့်အထက်ကားများ တင်သွင်း ခွင့်ပြုခြင်းအား အများပြည်သူ နှစ်ခြိုက် ကြသဖြင့် တစ်လမပြည့်မီ  ကာလ အတွင်း ပြည်ပမှ လူစီးယာဉ်ငယ်တင် သွင်းထားမှုမှာ ၁၁၅၄ စီးရှိကြောင်း သိ ရသည်။

ရေကြောင်းလမ်းမှ ဘိလပ်မြေတံဆိပ်မျိုးစုံဝင်သီတင်းတစ်ပတ်ဖြစ်တဲ့ ဇွန် ၃ ရက်မှ ၉ ရက်တာကာလအတွင်း ဘိလပ် မြေ တန်ချိန် ၂၄၉၄၉ ဒသမ ၈၅ တန်၊ တန်ဖိုးအားဖြင့် ကန်ဒေါ်လာ သိန်းနှစ်ဆယ် ကျော်ဖိုးကို တင်သွင်းခဲ့ပါတယ်။ ဒီသီတင်းပတ်မှာတော့ ထိုင်းနိုင်ငံဘက်မှ ဘိလပ် မြေများသာ တင်သွင်းခဲ့ပါတယ်။ ဆင်တံဆိပ်ဘိလပ်မြေ ၄၈၈၄ ဒသမ ၈၅ တန်၊ ကျောက်ဆူးတံဆိပ် ဘိလပ်မြေ ၅၇၀ဝ တန်၊ စိန်တံဆိပ်ဘိလပ်မြေ ၅၇၀ဝ တန်နဲ့ အခြားတံဆိပ်မျိုးစုံ တန်ချိန် ၈၅၅၆ တင်သွင်းခဲ့ပါတယ်။ ယခင်သီ တင်းပတ်မှာ ထိုင်းနိုင်ငံမှသာမက တရုတ်၊ ဗီယက်နမ်နိုင်ငံတို့ဘက်မှပါ တင်သွင်းခဲ့ပေမဲ့ ဒီတစ် ပတ်မှာတော့ ထိုင်းတစ်နိုင်ငံမှပဲတင်သွင်းခဲ့ပါတယ်။ ယခင်သီတင်းပတ် တန်လေး သောင်းကျော်တင်သွင်းခဲ့ပေမဲ့ ဒီတစ်ပတ်မှာတော့ တန်ချိန် တစ်သောင်းကျော် အဝင်လျော့ခဲ့ပါတယ်။                                                          MIRT(DOT)

        မြန်မာနိုင်ငံတော်ဗဟိုဘဏ်မှ ကျပ်တစ်သောင်းတန် ငွေစက္ကူအမျိုးအစားသစ် ကို ၂၀၁၂ခုနှစ် ဇွန်လ ၁၅ ရက်နေ့မှ စတင်ထုတ်ဝေမည်ဖြစ်ကြောင်း ထုတ်ပြန် ကြေညာခဲ့သည်။ ယခုထုတ်ဝေခဲ့သည့် ကျပ်တစ်သောင်းတန်သည် အစိုးရသစ်လက် ထက် ပထမဦးဆုံးထုတ်ဝေသည့်ငွေစက္ကူအမျိုးအစားဖြစ်သည်။