ပြည်တွင်းအိမ်ခြံမြေသတင်း

       မန္တလေး-မူဆယ်လမ်းကြောင်း ကုန်စည်ပို့ဆောင်ခဈေးနှုန်းများ အကျဈေးနဲ့ငြိမ်နေကြောင်း သိရပါတယ်။ ယခုရက်ပိုင်းအတွင်း သီးနှံများအရောင်းအဝယ်ဖြစ်မှုအေးခြင်း၊ မူဆယ်တင်ပို့မှုမှာ ယခင်လများထက် ကုန်နည်းခြင်း၊ နောက်တွဲကားများနဲ့ တင်ပို့မှုများ လာခြင်းများကြောင့် ကုန်ရရှိမှုနည်းခြင်း၊ အဆင်းကုန်ရှားခြင်းများကြောင့် ကုန်စည် ပို့ဆောင်ခဈေးမှာ တွက်ခြေကိုက်မှုနည်းကြောင်း ကုန်စည်ဂိတ်များရဲ့ ပြောပြချက်အရသိရှိရပါတယ်။

       မူဆယ် - မန်း ကုန်စည်ပို့ဆောင်ခဲ့တဲ့ ၁၀ ဘီး၊ ၁၂ ဘီးယာဉ်များ အနားပေး ထားရကြောင်း ကုန်စည်ပို့ဆောင်ရေး လုပ်ငန်းများမှ သိရပါတယ်။

ထိုင်းနိုင်ငံဘက်မှသာ ဘိလပ်မြေဝင်ပြည်တွင်းဈေးကွက်ကို ပြည်ပမှ ပင်လယ်ရေကြောင်းကုန်သွယ်မှုလမ်းမှ ဇူလိုင် ၁ ရက်မှ ၇ ရက်တာကာလအတွင်း ဘိလပ်မြေတန်ချိန် ၃၄၆၀၀၊ တန်ဖိုး အားဖြင့် ကန်ဒေါ်လာ နှစ်ဆယ့်ရှစ်သိန်းကျော်ဖိုးကို တင်သွင်းခဲ့ပါတယ်။ ဒီတစ်ပတ်မှာတော့ ဆင်တံဆိပ်ဘိလပ်မြေတန်ချိန် ၇၂၀၀ နဲ့အခြားတံဆိပ်မျိုးစုံတန်ချိန် ၂၇၄၀၀ ကို တင်သွင်းခဲ့ပါတယ်။ ယခင်သီတင်းပတ် ဘိလပ်မြေတင်သွင်းမှုက တန်ချိန် နှစ်သောင်း နှစ်ထောင်ကျော်ရှိခဲ့တာကြောင့် ဒီတစ်ပတ်မှာ ဘိလပ်မြေတင်သွင်းမှုက တန်ချိန် တစ်သောင်းနှစ်ထောင်ကျော် ပိုမိုတင်သွင်းနိုင်ခဲ့ပါတယ်။ ယခင်နှစ် ကာလတူ ကာလဖြစ်တဲ့ ၂၀၁၁ ဇူလိုင်ပထမပတ်အတွင်း ဘိလပ်မြေတင်သွင်းမှုက တန်ချိန်ငါး သောင်းငါးထောင်ကျော်ရှိခဲ့တာကြောင့် ဒီနှစ် ဇူလိုင်ပထမပတ်တင်သွင်းမှုနဲ့ ယှဉ် ရင်တော့ ဘိလပ်မြေအဝင်က တန်ချိန်နှစ်သောင်းကျော် လျော့နည်းခဲ့တာတွေ့ရ ပါတယ်။                                                        MIRT(DOT)

      အာရှစိမ်းလန်းမှုဖွံ့ဖြိုးရေးဘဏ် နှင့် သမဝါယမဘဏ် လီမိတက်   (CB Bank) တို့တွင် နိုင်ငံခြားသုံးငွေစာရင်း ကို ဇူလိုင် ၉ရက်မှ စတင်၍ ဖွင့်လှစ် နိုင်ပြီဖြစ်ကြောင်း သိရသည်။နိုင်ငံခြားငွေစာရင်း ဖွင့်လှစ်လိုသူ များအနေဖြင့် အမေရိကန်ဒေါ်လာ၊ စင်ကာပူဒေါ်လာနှင့် ယူရိုငွေကြေးများ ဖြင့် ဖွင့်လှစ်နိုင်ကြောင်း သိရသည်။

စိန်တံဆိပ်၊ ဆင်တံဆိပ်ဘိလပ်မြေများဝင်ခဲ့ပြည်တွင်းဈေးကွက်ကို ပင်လယ်ရေကြောင်းကုန်သွယ်မှုလမ်းမှ ဇွန် ၂၄ ရက်မှ ၃၀ ရက်တာကာလအတွင်း ဘိလပ်မြေ ၂၂၄၀၀ တန်၊ တန်ဖိုးအားဖြင့် ကန်ဒေါ်လာ ၁၈ သိန်းကျော်ဖိုးကို တင်သွင်းခဲ့ပါတယ်။ ဒီတစ်ပတ်တင်သွင်းခဲ့တဲ့ ဘိလပ်မြေများနဲ့ တန်ချိန်က ဆင်တံဆိပ်ဘိလပ်မြေ ၅၂၅၀ တန်၊ စိန်တံဆိပ်ဘိလပ်မြေ ၄၄၀၀ တန်နဲ့ အခြားတံဆိပ်မျိုးစုံ ၁၂၇၅၀ တန်အသီးသီးမှာယူ တင်သွင်းခဲ့ပါတယ်။ ယခင် သီတင်းပတ်က တန်ချိန်ခြောက်ထောင်ကျော်သာ တင်သွင်းခဲ့တာကြောင့် ဒီတစ်ပတ် မှာ ဘိလပ်မြေတန်ချိန် တစ်သောင်းကျော်ပိုမို တင်သွင်းနိုင်ခဲ့ပါတယ်။  လချုပ်အနေ နဲ့ကြည့်မယ်ဆိုရင် ဇွန်လအတွင်း ဘိလပ်မြေတင်သွင်းမှုက တန်ချိန် တစ်သိန်းငါး သောင်းကျော်ရှိပြီး မေလဘိလပ်မြေတင်သွင်းမှုက တန်ချိန် တစ်သိန်းနှစ်သောင်း ကျော်ရှိခဲ့တာကြောင့် ဇွန်လမှာ တန်ချိန် သုံးသောင်းကျော် လောက်ပိုမိုတင်သွင်းနိုင် တာ တွေ့ရပါတယ်။                                        MIRT(DOT)