အိန္ဒိယပြည်တွင်းဈေးကွက်တွေကို ကုလားပဲဝင်ရောက်မှုနည်းပြီး ဝယ်လိုအား တက်နေတာကြောင့် ကုလားပဲဈေးက အမြင့်ဘက်ဆက်လက်ချီတက်နေပါတယ်။ လက်ငင်းဈေးကွက်မြင့်တက်ခြင်းနဲ့အတူ ကြိုပွိုင့်ဈေးလည်း မြင့်တက်လာခဲ့ရာ NCDEX  ကုလားပဲဖြူလုံးကြီး ကြိုပွိုင့်ဈေးကွက်မှာ ဧပြီလစာချုပ်ဈေးဟာ ၁ ဒသမ ၀၆ ရာခိုင်နှုန်းမြင့်တက်ခဲ့တယ်လို့ သိရပါတယ်။ ဝယ်လိုအားကောင်းပြီး အထွက် လျော့ကျတာကြောင့် လာမယ့်ရက်တွေမှာလည်း ကုလားပဲဈေးဆက်လက်မြင့်တက် ဖွယ် ရှိကြောင်း ခန့်မှန်းကြပါတယ်။

    ပါကစ္စတန်နိုင်ငံ ကရာချိ လက်လီလက်ကားဈေးကွက်များမှာ လွန်ခဲ့တဲ့သီတင်းပတ်အတွင်း ပဲမျိုးစုံဈေးနှုန်း ဆက်တိုက် မြင့်တက်နေတာကြောင့် စားသုံးသူများအတွက် ဈေးနှုန်းဖိစီးမှုဖြစ်ပေါ်နေပါတယ်။ ပါကစ္စတန်ငွေကြေး တန်ဖိုး ဆက်လက် ကျဆင်းခြင်းကြောင့် တင်သွင်းပဲဈေးက မြင့်တက်လာခဲ့ပါတယ်။ Jodia   ဈေးမှာ တင်သွင်းပဲတွေရဲ့ ဈေးနှုန်းဟာ

    ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ယခုတစ်ပတ်လည်း ပဲတီစိမ်း၊ ပဲတီရွှေဝါရောင်းဝယ်မှု အားကောင်းနေတာ တွေ့ရပါတယ်။ ယခင်သီတင်းပတ် အရောင်းအဝယ်ဖြစ်မှုထက် အနည်းငယ်လျော့ပေမဲ့ မတ်လ ၁၀ ရက်မှ ၁၅ ရက်အတွင်းမှာ တန်ချိန် ၁၅၅၀၀ ကျော် အရောင်းအဝယ် စာချုပ်နိုင်ခဲ့ကြောင်း သိရပါတယ်။ အိန္ဒိယဝယ်လက် အဝယ်သွက်ပြီး အရောင်းအဝယ်ဖြစ်ခဲ့ပေမဲ့ ရန်ကုန် FOB ဈေးမှာ အခြားပဲဈေးများနဲ့မတူ ဈေးကျဆင်းခဲ့တာ တွေ့ရပါတယ်။ မတ်လ ၉ ရက်က FAQ အညာရွှေဝါနဲ့ ပခုက္ကူမှာ တစ်တန် ကန်ဒေါ်လာ ၆၇၀-၆၉၀ နဲ့ ရွှေဝါအကြီး မှာ ကန်ဒေါ်လာ ၈၀၀-၈၂၀ ရှိရာမှ မတ်လ ၁၆ ရက်မှာ FAQ အညာနဲ့ ပခုက္ကူမှ ကန်ဒေါ်လာ ၆၅၀-၆၇၀ နဲ့ ရွှေဝါအကြီးမှာ ကန်ဒေါ်လာ ၇၈၀-၈၀၀ ကို လျော့ကျခဲ့ကြောင်း သိရပါတယ်။                                                                          MIRT - MAPT                                        

    မြန်မာ - တရုတ်နယ်စပ်ရှိ မူဆယ် နယ်စပ်ကုန်သွယ်ရေးမှ ကန်ဒေါ်လာ သုညဒသမ ၀၅၆ သန်း တန်ဖိုးရှိ ပဲလွန်း ဖြူ ၇၄ တန်ကိုမတ်လ ၇ရက်မှ၁၃ ရက် ထိကာလအတွင်းမှာ အပို့ရှိခဲ့ရာ ယခင် အပတ်ကထက် ၈၄ တန် တင်ပို့မှုလျော့ နည်းခဲ့ရပါတယ်။