အိန္ဒိယ ရော်ဘာပို့ကုန် ၂၈၀ ရာခိုင်နှုန်းတိုးတက်                  အိန္ဒိယနိုင်ငံရဲ့ သဘာဝရော်ဘာတင်ပို့မှုဟာ ယခုဘဏ္ဍာနှစ် ဧပြီမှ သြဂုတ်အထိကာလမှာ ၂၈၀ ရာခိုင်နှုန်း တိုးတက်ခဲ့ကြောင်း သိရပါတယ်။ ယခင်နှစ်အလားတူကာလက ပို့ကုန် ၄၃၆၄ တန်ရှိပြီး ယခုနှစ်မှာ ၁၂၂၁၉ တန်ရှိကြောင်း သိရပါတယ်။ ဒီလိုပို့ကုန်တိုးတာဟာ ဒီကာလအတွင်း အိန္ဒိယမှာ ဈေးကျတာကြောင့်ဖြစ်ကြောင်း သိရပါတယ်။ သဘာ၀ ရော်ဘာတင်ပို့မှုဟာ လွန်ခဲ့တဲ့ ၂ နှစ်အတွင်း ဈေးမြင့်ခြင်းနဲ့ အရည်အသွေးမကောင်းခြင်း ကဲ့သို့သော အခြေအနေ အမျိုးမျိုးကြောင့် စိုးရိမ်စရာအခြေအနေကိုရောက်နေကြောင်း သိရပါတယ်။ ၂၀၁၀ တချို့လ တွေမှာ ပို့ကုန်မရှိတဲ့ အခြေအနေတွေဖြစ်ခဲ့ပါတယ်။ ယခုနှစ် သြဂုတ်လမှာတော့ ၁၀၈၂ တန် အထိတင်ပို့မှုတိုးကာ ယခင်နှစ်အလားတူကာလက ၁၇ တန်သာတင်ပို့နိုင်ခဲ့ပြီး ဇူလိုင်လကလည်း ၇၇၉ တန်တင်ပို့ ကာ ၂၀၁၀ ဇူလိုင်မှာ ၂၄ တန်တင်ပို့နိုင်ခဲ့ကြောင်း သိရပါတယ်။             ယခုဘဏ္ဍာနှစ်မှာတော့ ကမ္ဘာ့ဝယ်လက်တွေအတွက် အိန္ဒိယရဲ့ဈေးနှုန်းက အကျိုးရှိပြီး ပြည်တွင်းဈေးက တော့ တစ်ဂရမ်ကို ရူပီး ၁၇-၁၉ အထိဈေးကျခဲ့ကြောင်း သိရပါတယ်။ လာမယ့်ကာလများမှာလည်း ပို့ကုန်တွေ ပိုမိုတိုးမြှင့် တင်ပို့နိုင်မယ်လို့ သိရပါတယ်။ အိန္ဒိယရော်ဘာက ကမ္ဘာ့ဈေးကွက်မဝင်ရတဲ့ အဓိကအကြောင်းကတော့ အရည်အသွေး ညံ့တာပဲ ဖြစ်ပါတယ်။တကယ်လို့ တစ်ကီလိုကို ရူပီး (၁၂-၁၅) ကိုလျှော့ချပေးနိုင်မယ်ဆိုရင် အိန္ဒိယအနေနဲ့ နိုင်ငံခြားဝယ်လက် တွေကို ပိုပြီးဆွဲဆောင်နိုင်မှာဖြစ်ကြောင်း သိရပါတယ်။ ပြည်တွင်းသုံးစွဲမှုကလည်း မြင့်မားနေတာကြောင့် အိန္ဒိယက ရော်ဘာ အဓိက တင်ပို့တဲ့ ဈေးကွက်တော့မဖြစ်နိုင်ကြောင်း သိရပါတယ်။             သွင်းကုန်ပိုင်းမှာတော့ ဧပြီကနေ သြဂုတ်အထိကာလမှာ တန်ချိန် ၇၆၁၁၆ တန်တင်သွင်းပြီး ယခင်နှစ် အလားတူ ကာလထက် ၁၁ ရာခိုင်နှုန်း ကျဆင်းခဲ့ကြောင်း သိရပါတယ်။ သွင်းကုန်ခွန်က ၂၀ ရာခိုင်နှုန်းကနေ ၇ ဒသမ ၅ ရာခိုင်နှုန်းကို လျော့ချခဲ့ပေမယ့် ပြည်တွင်းသုံးစွဲမှုအားလုံးအတွက်တော့ ဈေးမသက်သာခဲ့ကြောင်း သိရပါတယ်။ ဒါ့အပြင် ရော်ဘာအဓိက စိုက်ပျိုးတဲ့ ကာရာလာဒေသမှာ နိုင်ငံရေးအကျပ်အတည်းအရ ရော်ဘာတင်ပို့ခွင့်မရကြောင်းလဲ သိရပါတယ်။ ဒါကြောင့် ရော်ဘာတင်ပို့မှု ၄၅ ရာခိုင်နှုန်းလောက်ကျဆင်းသွားခဲ့ပါတယ်။ ဧပြီကနေ သြဂုတ်လအတွင်း ပြည်တွင်းသုံးစွဲမှုက ၄ ဒသမ ၅ ရာခိုင်နှုန်းတိုးတက်လာပြီး ၃၁၁၂၀၀ တန်ကို ရောက်ရှိခဲ့တယ်လို့ သိရပါတယ်။                 ဧပြီမှ သြဂုတ်အထိသိုလှောင်မှုက ၂၆၆၀၈၁ တန်ရှိပြီး ယခင်နှစ်အလားတူကာလက ၂၀၂၇၉၈ တန်ရှိခဲ့ကြောင်း ရော်ဘာအသင်းရဲ့ စာရင်းများအရ သိရပါတယ်။ စက်မှုအသင်းနဲ့ ရော်ဘာကုန်သည်များမှာ သိုလှောင် မှုများစွာရှိနေပြီး အမှန်တကယ်လုပ်ငန်းလည်ပတ်တဲ့ ပမာဏက တန်ချိန် ရှစ်သောင်းမှ တစ်သိန်းအထိသာ ရှိကြောင်း သိရပါတယ်။ မော်တော် ကားတာယာထုတ်လုပ်သူများအသင်း(ATMA)က ပြောကြားရာမှာတော့ သိုလှောင်မှုပမာဏ များပေမဲ့ နိုင်ငံအနေနဲ့ ရောင်း လိုအား ပြဿာနာကိုအကြီးအကျယ်ရင်ဆိုင်နေရကြောင်းသိရပါတယ်။ တကယ်လို့ သိုလှောင်မှုပမာဏကျဆင်း ခဲ့မယ်ဆိုရင် ရော်ဘာကဏ္ဍမှာ ဆိုးကျိုးတွေ သက်ရောက်နိုင်ကြောင်း (ATMA) ကပြောကြားခဲ့ပါတယ်။ ရော်ဘာအသင်းရဲ့ စာရင်းများက အစိုးရရဲ့ သွင်းကုန်တင်သွင်းခွင့်ပြုခြင်းကို လွှမ်းမိုးနိုင်ကြောင်း ၎င်းင်းတို့က ဆက်လက်ပြောကြားခဲ့ပါတယ်။ ရော်ဘာ အသင်းရဲ့ စာရင်းများက အမှန်ကုန်သွယ်မှုပြုနိုင်တဲ့ စာရင်းမဟုတ်ဘဲ တောင်သူ၊ သိုလှောင်သူနဲ့ လုပ်ငန်းဆောင်ရွက်တဲ့ ကုမ္ပဏီတွေ အားလုံးပေါင်းမှာရှိတဲ့ စာရင်းများသာဖြစ်ပါတယ်။ Source:businessonline,KZW 

လက်ကျန်များပြီး ဝယ်လိုအားနည်းခြင်းကြောင့် အိန္ဒိယနနွင်းဈေးထပ်မံကျဆင်းနိုင်                 အိန္ဒိယဈေးကွက်တွေမှာ လက်ကျန်များခြင်း၊ ဝယ်လိုအားနည်းခြင်းအပြင် နနွင်းထုတ်လုပ်ရာဒေသတွေမှာ နနွင်းပိုမို ထွက်ရှိမယ့် မျှော်လင့်ချက်များအရ နနွင်းကြိုပွိုင့်များ ဆက်လက်ကျဆင်းနိုင်တယ်လို့ ခန့်မှန်းကြပါတယ်။ လက်ရှိဈေးနှုန်းက အရမ်းနိမ့်ကျနေပြီဖြစ်လို့ အကျဘက်ကိုဆင်းနေတာ ကန့်သတ်နိုင်တယ်လို့ ကုန်သည်တွေက ခန့်မှန်းကြပါတယ်။နနွင်းဈေးနှုန်းက ဝယ်လိုအားပေါ်မူတည်ပြီး လာမယ့်ရက်တွေမှာ ကျဆင်းမှုရပ်တန့်နိုင်ဖွယ်ရှိတယ် လို့လည်း ခန့်မှန်းထားပါတယ်။                လက်ရှိလက်ကျန်နနွင်းအိတ်ပေါင်း ၄၂ သိန်း ဝန်းကျင်ရှိပြီး လှောင်လက်တွေက ဈေးအမြင့်မှာရောင်းချဖို့ မျှော်လင့်နေပါ တယ်။ လက်ရှိလက်ကျန်ဟာ ယခင်နှစ်ကာလတူထက် ၂၀ ရာခိုင်နှုန်း ပိုမိုနေပါတယ်။ ဒါ့အပြင် အင်ဒရာပရာဒေ့ရှ်နဲ့ အခြား နီးစပ်ရာပြည်နယ်တွေမှာ နနွင်းစိုက်ပျိုးမှုတိုးတက်နေခြင်းတို့ကလည်း ဈေးနှုန်းကို ကျဆင်းစေပါတယ်။ အတ္တရာအရာဒေ့ရှ်ကို နနွင်းဝင်ရောက်မှု တိုးတက်နေတယ်လို့သိရပါတယ်။   နနွင်းစိုက်ပျိုးမှုဟာ လက်ရှိဈေးနှုန်းပေါ်မူတည်နေပြီး အကယ်လို့ ဈေးဆက်လက်ကျဆင်းဦး မယ်ဆိုရင် တောင်သူများ  ငွေပိုရတဲ့ဝါ၊ ပဲပုပ်တို့လိုသီးနှံတွေ ပြောင်းလဲစိုက်ပျိုးနိုင်တဲ့အတွက် စိုက်ဧကလျော့ကျနိုင်တယ်လို့ ကုန်သည်များက ခန့်မှန်း ထားပါတယ်။ နနွင်းစိုက်ပျိုးတဲ့ကာလဟာ ဇွန်လမှသြဂုတ်လဖြစ်ပြီး၊ ရိတ်သိမ်းမှုကို ဇန်နဝါရီမှာစတင်ပါ တယ်။                  ပြည်ပတင်ပို့မှုနည်းနေဆဲဖြစ်ပြီး၊ လာမယ့်သီတင်းပတ်များမှာတော့ ဥရောပ၊ အမေရိကန်၊ အနောက်အာရှနဲ့ ဂျပန်တို့က အဝယ်ရှိလာနိုင်တယ်လို့ ခန့်မှန်းကြပါတယ်။ အိန္ဒိယဟင်းခတ်အမွှေးအကြိုင်အဖွဲ့စာရင်းအရ ၂၀၁၁ ခုနှစ် ဧပြီလမှ ဇွန်လအထိ နနွင်းတင်ပို့မှုတန်ချိန် ၂၁၇၇၅ ရှိပြီး၊၂၀၁၀ ကာလတူမှာ တန်ချိန် ၁၅၀၀၀ တင်ပို့ခဲ့တယ်လို့ သိရပါတယ်။ ယမင်းခင် ၊Source: commodityonline 

အရောင်းအဝယ်ပြန်ဖြစ်လို့ ကျောက်ဆည်နနွင်းဈေးမာလာ              ယခုရက်ပိုင်း ကျောက်ဆည်နယ်မှာ နနွင်းတက် အရောင်းအဝယ်ပြန်ဖြစ်လာပြီး၊ ဈေးလည်း အနည်းငယ် ပိုလာတယ်လို့ သိရပါတယ်။ ပြီးခဲ့တဲ့ သြဂုတ်လ လဆန်းပိုင်းမှ လလယ်ခန့်ထိ တရုတ်ဝယ်လက်မှ ကုန်ချိန်ပိဿာ တစ်သောင်းဝန်းကျင်ပါ ကား ၃ စီးသာတင်ပို့နိုင်ခဲ့ပြီး၊ နောက်ပိုင်းဝယ်လက်မဆွဲတော့ဘဲ ဈေးအေးခဲ့ရာ တစ်ပိဿာ ၁၈၀၀ ကျပ် ဝန်းကျင်နဲ့ ဈေးငြိမ် ခဲ့ပါတယ်။ ယခုရက်ပိုင်း တရုတ်ဝယ်လက်အပြင် ဘင်္ဂလားဒေ့ရှ်ဝယ်လက်ပါရှိလာကာ တန်ချိန် ၁၅၀ ခန့် တင်ပို့နိုင်ခဲ့ကြောင်း သိရပါတယ်။ ဝယ်လက်ဆွဲလာတာနဲ့အမျှ ဈေးလည်း အနည်းငယ်ပြန်မာလာရာ ယခုရက်ပိုင်းတစ်ပိဿာ ၂၀၀၀ ကျပ်ထိ ဈေးပလို ာကြောင်း သရိ ပါတယ။် သင်းသင်းမြတ် 

မလေးရှားသို့ နနွင်း ၁၅ တန် တင်ပို့              စက်တင်ဘာ ၄ ရက်မှာ ၁၀ ရက်တာကာလအတွင်း နနွင်း ၁၅ တန်ကို ပင် လယ်ရေကြောင်းလမ်းမှ တင်ပို့ခဲ့ပါတယ်။ တင်ပို့ခဲ့တဲ့ နိုင်ငံမှာ မလေးရှားနိုင်ငံ ဖြစ်ပါတယ်။ ယခင်သီတင်းပတ် ၂၂ တန်တင်ပို့ခဲ့ပေမဲ့ ဒီတစ်ပတ်မှာတော့ ၁၅ တန်သာ တင်ပို့နိုင်ခဲ့လို့ ၇ တန်လောက် အပို့လျော့ခဲ့ပါတယ်။ ယခင်သီတင်းပတ် အက်ဖ်အိုဘီဈေး တစ်တန်ကို ပျမ်းမျှကန်ဒေါ်လာ ၁၈၈၀ ဝန်းကျင်ရရှိခဲ့ပေမဲ့ ဒီသီတင်းပတ်မှာတော့ အက်ဖ်အိုဘီဈေး တစ်တန်ကို ကန်ဒေါ်လာ ၁၅၀၀ ဝန်းကျင် ရရှိခဲ့လို့ စုစုပေါင်း ပို့ကုန်ဝင်ငွေ ကန်ဒေါ်လာ ၂၂၅၀၀ ရရှိခဲ့ပါတယ်။ MIRT (DOT)