ကာရာလာအပြင် အခြားဒေသများ၌ ရော်ဘာတိုးခဲျ့ စိုက်ပျိုး               ကာရာလာဒေသဟာ အိန္ဒိယရဲ့ သဘာဝရော်ဘာထွက်ရှိရာဒေသအဖြစ် အချိန်ကြာမြင့်စွာ ကတည်းက ရပ်တည်ခဲ့ပြီး အိန္ဒိယရော်ဘာထွက်ရှိမှုရဲ့ ၉ဝ ရာခိုင်နှုန်းက ကာရာလာကနေထွက်တာဖြစ်ကြောင်း သိရပါတယ်။ ဒါပေမဲ့ ကာရာလာမှာ စိုက်မြေတွေပြည့်နှက်နေတာကြောင့် အိန္ဒိယရော်ဘာအသင်းက ရော်ဘာ စိုက်ပိုျးနိုင်တဲ့မြေနေရာတွေကို အခြားဒေသတွေမှာ ရှာဖွေနေကြောင်းသုတေသီများကပြောပါတယ်။ အရှေ့မြောက်ပိုင်းက ထရိုင်ပူရဒေသရဲ့ ရာသီဥတုအခြေအနေက ကာရာလာ နဲ့ နီးစပ်ပါတယ်ဒါ့အပြင် အခြားဒေသတွေ ဖြစ်တဲ့ မဟာရရှထရာနဲ့ ဂိုရာဒေသတွေကိုလည်း ရော်ဘာစိုက်ပျိုးဖို့ အလားအလာရှိကြောင်း ရှာဖွေတွေ့ရှိထားပါတယ်။ ၁၉၇၉ ခုနှစ်မှာ စတင်ခဲ့တဲ့ စိုက်ပျိုးရေးအစီအစဉ်မှာ ဂိုရာဒေသကို ရော်ဘာ စိုက်ပျိုးရေးဒေသအဖြစ်သတ်မှတ်ခဲ့ပြီးဖြစ်ပါတယ်။ ရော်ဘာအသင်းရဲ့ နောက်ဆုံးစာရင်းများအရ မဟာရရှထရာမှာ စိုက်ပျိုးရေး လုပ်ငန်း ၂၂ဝ ရှိပြီး ဂိုရာမှာ ၁၉၅ ခုရှိကြောင်းသိရပါတယ်။ မဟာရရှထရာမှာ ရော်ဘာ ဟက်တာ ၉ဝဝ စိုက်ပျိုးပြီး ဂိုရာမှာတော့ ဟက်တာ ၇ဝဝ စိုက်ပိုျးကြောင်းသိရပါတယ်။ မဟာရရှထရာက ဟက်တာ ၁ဝဝ နဲ့ ဂိုရာက ဟက်တာ ၆၅ဝ က အရွယ်ရောက်နေပြီဖြစ်တယ်လို့သိရပါတယ်။ ဂိုရာဒေသမှာ တစ်နှစ်ကို တန် ၉ဝဝ ထုတ်လုပ်နိုင်ပြီး တစ်ဟက်တာကို ၁၄ဝဝ ကီလိုဂရမ်ထုတ်လုပ်နိုင်ကာ မဟာရရှထရာဒေသမှာတော့ တစ်နှစ်ကို တန် ၂ဝဝ ထုတ်လုပ်နိုင်ပြီး တစ်ဟက်တာကို ပျမ်းမျှခြင်း ၂ တန်ထုတ်လုပ်နိုင်ကြောင်းသိရပါတယ်။ ဂိုရာဒေသက ရော်ဘာပင်တွေရဲ့ ၆ဝ ရာခိုင်နှုန်းက အပင်အိုတွေဖြစ်နေပြီး ပြန်လည်စိုက်ပျိုးဖို့ လိုအပ်လျက်ရှိကာ မဟာရရှထရာက ရော်ဘာပင်တွေကတော့ သက်တမ်းငယ်သေးကြောင်း သိရပါတယ်။ လာမယ့် ၅ နှစ်အတွင်းမှာ မဟာရရှထရာမှာ ရော်ဘာဟက်တာ ၂၅ဝဝ နဲ့ ဂိုရာမှာ ဟက်တာ ၅ဝဝ ထပ်မံစိုက်ပျိုးဖို့ ရော်ဘာအသင်းက ဆုံးဖြတ်ခဲ့ပြီးဖြစ်ကြောင်း သတင်းရရှိပါတယ်။   Source; Commodity online ,KZW 

ပင်လယ်ရေကြောင်း တန် ၁၉ဝဝ ကျော်တင်ပို့မှုရှိ               ဇွန် ၁၇ ရက်မှ ၂၃ ရက်ထိကာလအတွင်း ပင်လယ်ရေကြောင်းမှ ပြောင်းတန်ချိန် ၁၉၂၇ တန်၊ တန်ဖိုး ဝ ဒသမ ၅၅၂ သန်းဖိုး တင်ပို့နိုင်ခဲ့ပါတယ်။ ယခင်ရက်သတ္တပတ်က ၁၆၅၇ တန် တင်ပို့ခဲ့တာကြောင့် ယခုအပတ်မှာ တင်ပို့မှုတန် (၃ဝဝ) လောက်ပိုမိုခဲ့ပါတယ်။ ပြောင်းအထွက်ကျချိန်ဖြစ်တာကြောင့် တင်ပို့မှု လျော့ကျရခြင်းဖြစ်ကြောင်းသိရပါတယ်။ တင်ပို့တဲ့ နိုင်ငံတွေကတော့ တရုတ်ကို ၂၁၂ တန်၊ စင်္ကာပူကို ၁ဝ၈ဝ တန်နဲ့ အိန္ဒိယကို ၆၃၅ တန်အသီးသီး တင်ပို့ခဲ့တယ်လို့ သိရပါတယ်။ FOB ရန်ကုန်ဈေးနှုန်းတွေကတော့ ပြောင်းလဲမှုမရှိပဲ တစ်တန်ကို ၂၉ဝ ဒေါ်လာနဲ့ ၃၁ဝ ဒေါ်လာကြား ဈေးရလျက် ရှိပါတယ်။ ပင်လယ်ရေကြောင်းက အပို့နည်းပေမယ့် နယ်စပ်ကနေ တန် ၈ဝဝဝ ကျော် တင်ပို့နိုင်ခဲ့ပါတယ်။ ုKZW 

စစ်ကိုင်းတိုင်းဒေသကြီးအတွင်း ပဲစင်းငုံနီစိုက်ပျိုးနေပြီ               စစ်ကိုင်းတိုင်းဒေသကြီးအတွင်း တစ်နှစ်ကိုတစ်သီးသာ စိုက်ပျိုးတဲ့ပဲစင်းငုံနီဟာ ၂ဝ၁၁-၁၂ ခုနှစ်လျာထား စိုက်ဧက ၅ ဒသမ ၄၅ သိန်းအနက်ဧက ၃ ဒသမ ၄၂ သိန်း၊ ရာခိုင်နှုန်းအားဖြင့် ၆၃ ရာခိုင်နှုန်းစိုက်ပျိုးပြီးဖြစ်ကြောင်း သိရှိရပါတယ်။ ပဲစင်းငုံ သီးနံှကို မေ၊ ဇွန်၊ ဇူလိုင် လများမှာစတင်စိုက်ပျိုးပြီး နိုဝင်ဘာ၊ ဒီဇင်ဘာ၊ ဇန်နဝါရီ ကာလများ မှာထွက်ပေါ်မှာဖြစ်လို့ သက်တမ်း ၆ လမျှအချိန်ကာလကြာမြင့်ပါတယ်။ ယခုရောင်းဝယ်နေတာက တောင်သူနဲ့ ကုန်သည်များလက်ဝယ်ရှိနေတဲ့ ယခင်နှစ်ထွက်ပဲစင်းငုံများဖြစ်ပါတယ်။ မုံရွာကုန်စည်ဒိုင်မှာ ဇွန်လအတွင်းပဲစင်းငုံ နီတစ်ပိဿာ အနိမ့်အမြင့်ဈေးမှာ ၆၁ဝ ကျပ်၊ ၇ဝဝ ကျပ်ဈေးအသီးသီးနဲ့ရောင်းဝယ်ခဲြ့ကပြီး တစ်ရက်ကိုပဲစင်းငုံနီ ပျမ်းမျှတင်း ၁ဝဝဝ ကျော်အရောင်းအဝယ်ဖြစ်ကြောင်း သိရှိရပါတယ်။ ယခုလအတွင်း စစ်ကိုင်းတိုင်းဒေသကြီးအတွင်း မှ မန္တလေးသို့ ပဲစင်းငုံနီတင်း ၂၁ဝဝ ကျော်စီးထွက်ခဲ့ကြောင်း သိရှိရပါတယ်။   သန်းးသန်းးတင်

မုတ်သုံမိုး ပုံမှန်အောက်နည်းမယ့် ခန့်မှန်းချက်ကြောင့် အိန္ဒိယသီးနံှများကို ထိခိုက်ဖွယ်မရှိ                 စပါး၊ ဝါဂွမ်းနဲ့ ပဲမျိုးစုံစိုက်ပျိုးဖို့ အဓိကကျတဲ့ အိန္ဒိယရဲ့ မုတ်သုံမိုးဟာ ယခုနှစ်မှာ ပျမ်းမျှအောက်ရောက်မယ်လို့ ခန့်မှန်းထားပါတယ်။ အိန္ဒိယမိုးလေဝသ ဌာနရဲ့ယခုနှစ်မှာ မိုးရွာသွန်းမှုက ပုံမှန်အောက်အနည်းငယ်ကျဆင်းဖွယ် ရှိတယ် လို့ ခန့်မှန်းထားပေမဲ့ မိုးရေကကောင်းကောင်းလုံလောက်မှာဖြစ်လို့ သီးနံှအထွက် သိသိသာသာထိခိုက် နိုင်ဖွယ်မရှိဘူးလို့ မိုးလေဝသထိပ်တန်းအရာရှိများက ဆိုပါတယ်။                 အိန္ဒိယနိုင်ငံရဲ့ ဇွန်လမှ စက်တင်ဘာလ မိုးရွာသွန်းမှုဟာ လွန်ခဲ့တဲ့လ နှောင်းပိုင်းမှာပါးပါးနဲ့ စတင်ရွာသွန်းခဲ့ပေမဲ့အိန္ဒိယအလယ်ပိုင်းကပဲပုပ်နဲ့ မြောက်ပိုင်း က စပါးစိုက်ပျိုးမှုကို မထိခိုက်ခဲ့ဘူးလို့ IMD မှ ဆိုပါတယ်။ ဇွန်လစက်တင်ဘာလ မိုးရွာသွန်းမှုဟာ နှစ် ၅ဝ ပျမ်းမျှရဲ့ ၉၅ ရာခိုင်နှုန်းခန့်ရွာဖွယ်ရှိ တယ်လို့ ဆိုပါတယ်။                     လာနီညာအခြေအနေအားပျော့လာခြင်း၊ အိန္ဒိယသမုဒ္ဒရာမှာ အပူချိန် မပူမအေးဖြစ်ခြင်းတို့ကြောင့် မိုးရွာသွန်းမှု လျော့ကျမယ်လို့ IMD  ကခန့်မှန်းခြင်း ဖြစ်ပါတယ်။ ပုံမှန်မိုးရေချိန်အောက်ရောက်ရှိမယ့် ခန့်မှန်းချက်က လေ့လာဆန်းစစ်သူတွေကို အံ့အားသင့်စေပြီး စားနပ်ရိက္ခာဈေးနှုန်းကြီးမြင့်မှုကို ဖြစ်စေတဲ့ ငွေကြေးဖောင်းပွမှုမျိုး ထပ်မံဖြစ်မှာစိုးရိမ်စေခဲ့ပါတယ်။                        မကြာသေးခင် သီတင်းပတ်များက စားသောက်ကုန်ဈေးနှုန်းများကျဆင်း ခဲ့ပေမဲ့ မိုးနည်းပါးခြင်းက ဈေးနှုန်းတစ်ဖန်ပြန်မြင့်လာစေနိုင်ပါတယ်။ တစ်နှစ် ထက် တစ်နှစ် ငွေကြေးဖောင်းပွမှုနှုန်းက ဇွန်လ ၄ ရက် သီတင်းပတ်မှာ ၈ ဒသမ ၉၆ ရာခိုင်နှုန်းဖြစ်လို့ ယခင်သီတင်းပတ်ရဲ့ ၉ ဒသမ ဝ၁ ရာခိုင်နှုန်းထက် အနည်းငယ် လျော့ကျခဲ့ပါတယ်။ အိန္ဒိယမြောက်ပိုင်းဟာ နိုင်ငံရဲ့ သီနံှအများဆုံးထုတ်ရာဒေသဖြစ်ပြီး ရာသီ မိုးရွာသွန်းမှုဟာ ယခုအခါ ဥတ္တရာပရာဒေ့ရှ်ပြည်နယ် ပတ်ဝန်းကျင်အတွင်းသာ ရွာသွန်းတယ်လို့သိရပါတယ်။ အိန္ဒိယနိုင်ငံဟာ ကမ္ဘာမှာဂံျုနဲ့ ဆန်ကို ဒုတိယ အများဆုံးထုတ်လုပ်ပြီး ဇွန်လမှ စတင်တဲ့ သီးနံှရာသီအတွင်း ပုံမှန်မိုးရေရရှိရင် တန်ချိန် ၂၃၅ ဒသမ ၉ သန်းအထိ စံချိန်တင်ထုတ်လုပ်မှုရှိပါတယ်။ စာနပ် ရိက္ခာသီးနံှတန်ချိန် သန်း ၂၄ဝ ရရှိဖို့ ရည်မှန်းထားပေမဲ့ မိုးရွာသွန်းမှု ပုံမမှန်ဘူး ဆိုရင် ရည်မှန်းချက်နဲ့ လွဲချော်နိုင်တယ်လို့ လေ့လာဆန်းစစ်သူတွေက ဆိုပါတယ်။ လဝန်းး၊Source: commodityonline