Background
ပိုးမွှားပြဿနာကြောင့် အိန္ဒိယရဲ့ ပြောင်းနဲ့ ပဲပုပ် တင်ပို့မှုရပ်ဆိုင်း ဗီယက်နမ်ကိုတင်ပို့တဲ့ ပြောင်း တန် ၅ဝဝဝဝ ကို ပိုးမွှားပြဿနာကြောင့် ဟနွိုင်းကနေ ပြန်လည်ပို့လိုက်ပြီး နောက်ပိုင်းမှာ အိန္ဒိယနိုင်ငံက ပြောင်းနဲ့ ပဲပုပ် ဗီယက်နမ်သို့တင်ပို့မှုကို ရပ်ဆိုင်းခဲ့ကြောင်း သိရပါတယ်။ မကြာသေးမီက အိန္ဒိယ က တင်ပို့ခဲ့တဲ့ ပြောင်းနဲ့ ပဲပုပ်ကုန်စည်တွေထဲမှ အင်းဆက်တွေကို ရှာဖွေတွေ့ရှိတာ ကြောင့် ဗီယက်နမ်က တန်ချိန် ၅ဝဝဝဝ ကို ငြင်းပယ်ခဲ့ပါတယ်။ ဗီယက်နမ်က ပိုးမွှားရှာဖွေစမ်းသပ်တဲ့နည်းစနစ်သစ်ကို ကျင့်သုံးနေကြောင်း သိရပါတယ်။ ယခင်က ဗီယက်နမ်ခွင့်ပြုခဲ့တဲ့ ပိုးသတ်တဲ့နည်းစနစ်နဲ့ မကြာခင်ခွင့်ပြုချက် ရယူဖို့မျှော်လင့်ကြောင်း ကုန်သည်များက ပြောပါတယ်။ တစ်နည်းအားဖြင့် ဗီယက်နမ်က ပိုဈေးကြီးတဲ့ တောင်အမေရိကရဲ့ ရောင်းလိုအားဘက်ကို ဦးလှည့် လိုက်တာကြောင့် ပြည်တွင်းမှာ ဈေးတက်ဖို့ တွန်းအားပေးသလိုဖြစ်နေကြောင်း ကုန်သည်များက ပြောကြားပါတယ်။ ဗီယက်နမ်မှာ ပြောင်းဈေးနှုန်းဟာ တစ်တန်ကို ဒေါ်လာ ၃၃၃-၃၄၉ ဒေါ်လာ ကြားမှာရှိပြီး ယခင်နှစ်ထက် ၂၇ ရာခိုင်နှုန်း ပိုမိုခဲ့ပါတယ်။ သွင်းကုန်တင်သွင်း တာကတော့ လောင်စာဈေးနှုန်းကြောင့်ဖြစ်ကြောင်း သိရပါတယ်။ ဗီယက်နမ်ဟာ ပြောင်းနဲ့ ပဲပုပ်ဝယ်ယူတဲ့ အိန္ဒိယရဲ့ အကြီးဆုံးဝယ်လက်တစ်ခုဖြစ်ကြောင်း သိရပါ တယ်။ Source: commodity online, KZW
ကော်ဖီဈေးနှုန်းတက်ခြင်းက ဗီယက်နမ် ကုန်သည်များအား ထိခိုက် ဗီယက်နမ်မှာ ကော်ဖီဈေးနှုန်း တက်နေခြင်းက စားသုံးသူများရော၊ ကုမ္ပဏီများကိုပါ ထိခိုက်စေကြောင်း သိရပါတယ်။ ကော်ဖီဈေးနှုန်းက တစ်ချိန်လုံးတက်နေပြီး တစ်ကီလိုဂရမ်ကို ဗီယက်နမ်ဒေါင် ၄ဝ၅ဝဝ မှ ၄၁ဝဝဝ ကြားရှိကြောင်း ဗီယက်နမ်ကော်ဖီနဲ့ ကိုကာအသင်း (Vicofa )က ပြောကြား ပါတယ်။ ဒီလိုဈေးနှုန်း မြင့်တက်ခြင်းက နိုင်ငံခြားကုမ္ပဏီတွေကို တောင်သူတွေဆီကနေ တိုက်ရိုက်ဝယ်ယူဖို့ တွန်းအား ပေးတဲ့အတွက် ဒေသခံ ကုန်သည်တွေ ကို စိုးရိမ်မှုဖြစ်စေကြောင်းသိရပါတယ်။ နိုင်ငံခြားကုမ္ပဏီတွေက ပမာဏတော် တော်များများ ဝယ်ယူစုဆောင်းဖို့အခွင့် အရေးရသွားရင် ပြည်တွင်းကုမ္ပဏီတွေ အထိနာမှာ ဖြစ်ကြောင်း (Vicofa) က ပြောခဲ့ပါတယ်။ ဒါ့အပြင် နိုင်ငံခြားကုမ္ပဏီတွေ က နိုင်ငံတော်ရဲ့ဥပဒေကို ချိုးဖောက်ပြီး တောင်သူတွေဆီက တိုက်ရိုက်ဝယ်ယူ နေတယ်လို့ (Vicofa) က ခံစားနေရကြောင်း ပြောပါတယ်။ ကော်ဖီတင်ပို့သူများအဖွဲ့က သက်ဆိုင်ရာအေဂျင်စီတွေ ကို ဒီအခြေအနေကို ထိန်းသိမ်းဖို့နဲ့ အစိုးရအနေနဲ့ ကော်ဖီကဏ္ဍတစ်ခုလုံး ဒါမှမဟုတ် ပို့ကုန်ပိုင်းကို ဘဏ္ဍာရေး အထောက်အပံ့ပေးဖို့ တောင်းဆိုခဲ့ ကြောင်း သတင်းရရှိပါတယ်။ ှSource: Commodity Online KZW
် အနည်းငယ်အေးနေတဲ့ မာလာဥဈေးကွက် ပြည်မြို့ရဲ့ အမယ်သစ်ဈေးကွက်မှာ အခုအချိန် မာလာဥတွေ အရောင်း အဝယ်ဖြစ်နေပါတယ်။ အစို ၁ဝ ပိဿာကိုပြုတ်ပြီး နေလှန်းရင် အခြောက် ၁ တစ်ပိဿာခွဲမှ ၂ ပိဿာအထိ ရပါတယ်။ မာလာဥအစိုကို ယခင်လက ၂၅ဝဝ ကျပ်အထိ ဈေးရရှိခဲ့ပေမယ့် အခုအချိန်မှာ ၂ဝဝဝ ကျပ်မှ ၂၂ဝဝ ကျပ်ထိသာ ဈေးရှိတော့ကြောင်း သိရပါတယ်။ အခုအချိန်ဈေးကျနေတာကြောင့် အရောင်း အဝယ်လည်း အနည်းငယ်အေးနေတယ်လို့ သိရပါတယ်။ ယဉ်သိမ့်နွေး
ပြည်ငရုတ်သီးစိမ်း ဈေးကွက် ပဲခူးတိုင်းဒေသကြီး အနောက်ပိုင်း ဟာ ငရုတ်သီးစိမ်း အများဆုံးထွက်ရှိတဲ့ တိုင်းတစ်တိုင်းဖြစ်ပါတယ်။ သဲကုန်းမြို့ နယ်အတွင်းရှိ ပုတီးကုန်း၊ အင်းမ၊ ဝက်ပုတ်နယ်တစ်ဝိုက်မှ အများဆုံးထွက်ရှိ ပြီး၊ ရန်ကုန် (သီရိမင်္ဂလာဈေးသစ်) သို့ လည်း တိုက်ရိုက်တင်ပို့ကြောင်း သိရပါတယ်။ ယခုပြည်ဈေးကွက်တွင် ရောင်းချနေတဲ့ ငရုတ်သီးများမှာ ငရုတ်ရှည်ပွ၊ ငရုတ်ရှည်၊ ငရုတ်ပွကြီး၊ ပီနံသီး၊ ဂျီဆွယ်၊ ငရုတ်ရှည်ချိုပွတို့ ဖြစ်ကြပါတယ်။ ငရုတ်သီးဈေးနှုန်းများမှာ ငရုတ်ရှည်ပွ တစ်ပိဿာလျှင် ကျပ် ၄ဝဝဝ ၊ ငရုတ်ရှည် ကျပ် ၃ဝဝဝ၊ပီနံသီး ကျပ် ၁၅ဝဝဝ ရှိကြောင်း သိရပါတယ်။ ထိုငရုတ်သီး များကို ပြည်မြို့နယ် အနီးတစ်ဝိုက်ရှိ ကျေးရွာများဖြစ်သော မှော်ဇာ၊ ဇီးအုပ် တို့မှလာရောက်ရောင်းချကြပြီး၊ သဲကုန်း မြို့နယ်ရှိ ပုတီးကုန်း၊ အင်းမ၊ ဝက်ပုတ် တို့မှလည်း ပြည်ဈေးကြီးသို့ လာရောက် ရောင်းချကြောင်း သိရပါတယ်။ နေ့စဉ် ပြည်မြို့မှ တောင်ကုတ်သို့ ငရုတ်သီးစိမ်း အိတ် ၂ဝ မှ ၃ဝ အထိ တင်ပို့ကြပြီး၊ တစ်အိတ်လျှင် ပိဿာချိန် ၃၅-၄ဝ အထိ ပါဝင်ကြောင်းသိရပါတယ်။ အိအိခိုင်
အဝယ်ပြန်သွက်လာလို့ အိန္ဒိယနနွင်းဈေးမြင့်တက်လာ အိန္ဒိယနိုင်ငံ နီဇမ်မာဘတ်မှာ အဝင်များသလို အဝယ်သွက်လာတာကြောင့် နနွင်းလက်ငင်းဈေးရော ကြိုပွိုင့်ဈေးပါ မြင့်တက်လာခဲ့ပါတယ်။ ကြိုပွိုင့်အရောင်းအဝယ်သွက်လာတာကြောင့် ဖေဖော်ဝါရီလ ၁၇ ရက်မှာ ၂ ဒသမ ၅၅ ရာခိုင်နှုန်း မြင့်တက်လာခဲ့တယ်လို့ သိရပါတယ်။ အဓိကတော့ ပြည်တွင်းလှောင်လက်များက ဝယ်လိုအားတက်လာတာကြောင့် ဈေးနှုန်း ခိုင်မာနေတာဖြစ်ပါတယ်။ နီဇမ်မာဘတ်ဈေးကွက်ကို ယခင်ရက်များက အိတ် ၅ဝဝဝ ခန့်စီဝင်ရောက်ရာမှ ဖေဖော်ဝါရီလ ၁၆ ရက်မှာ အိတ် ၃ဝဝဝ ဝန်းကျင်ကို လျော့ကျလာခဲ့တယ်လို့ သိရပါတယ်။ ယခုနှစ် နနွင်းထွက်ရှိမှုကို ၇ဝ ကီလိုပါ အိတ်ပေါင်း ၆၉ သိန်း ခန့်မှန်းထားရာ ယခင်နှစ်ထုတ်လုပ်မှု အိတ်ပေါင်း ၄၈ သိန်းထက် ပိုမိုနေပါတယ်။ ယခုနှစ်အတွင်း နနွင်ဈေးက တစ်တန်ကို ရူပီး ၁၁ဝဝဝဝ (ကန်ဒေါ်လာ ၂၄၃၁) ဈေးရှိနေလို့ နနွင်းစိုက်ပိုျးသူ များ အတွက် ဝမ်းမြောက်စရာ ဖြစ်နေပါတယ်။ လာမယ့်ရက်တွေမှာတော့ နနွင်းဝင်ရောက်မှုက ၃ဝ ရာခိုင်နှုန်းခန့် ကျဆင်းလာ နိုင်ပေမဲ့ ဈေးနှုန်းကတော့ မပြောင်းလဲနိုင်ဘူးလို့ ခန့်မှန်းထားပါတယ်။ အကယ်လို့ အိန္ဒိယမြောက်ပိုင်းက အဝယ်ထပ် တက်လာရင်တော့ ဈေးမြင့်တက်နိုင်တယ်လို့ ခန့်မှန်းကြပါတယ်။ အီရော့ နနွင်းကုန်သည်များ ရောင်းချတဲ့ ဈေးဝင်းမှာ နနွင်းလက်ချောင်းဈေး တစ်တန်ကို ရူပီး ၈၆၃၃ဝ-၁၁၁ဝ၅ဝ (ကန်ဒေါ်လာ ၁၉ဝ၈-၂၄၅၅) ရှိပြီး နနွင်းဥဈေးက တစ်တန်ကို ရူပီး ၈၆ဝ၃ဝ-၁ဝ၈၁၄ဝ (ကန်ဒေါ်လာ ၁၉ဝ၂- ၂၃၉ဝ) ဈေးဖြစ်တယ်လို့ သိရပါတယ်။ ယမင်းခင်၊ှSource: business line
ဟိုပုံးနနွင်း ဈေးကွက်ကိုအဝင်လှိုင် နနွင်းအထွက်များပြီး၊ ပစ္စည်းကောင်းတဲ့ ဟိုပုံးနနွင်းခြောက်တွေလည်း ဈေးကွက်မှာ အဝင်များလာပြီဖြစ် ပါတယ်။ ဟိုပုံးတောင်ဖက်ခြမ်းဒေသဖြစ်တဲ့ ပေါက်လင်းနယ်ကနေ အများအပြားဝင်လာတာဖြစ်တယ်လို့ သိရ ပါတယ်။ မနှစ်က ဈေးကောင်းခဲ့လို့ ဒီနှစ်တောင်သူတွေ အစိုက်များတာကြောင့် နနွင်းအထွက်လည်း သိပ်မလျော့ခဲ့ ပါဘူး။ နာမည်ကြီး ဟိုပုံးနနွင်း ကလည်း ဈေးကွက်ကိုအတော်များများ ဝင်လာနေပြီလို့သိရပါတယ်။ ဒါပေမဲ့ ဒီနှစ်နနွင်း ဈေးကွက်က မနှစ်ကလောက် မသွက်ဘူးလို့ ဒေသခံကုန်သည်တွေထံမှသိရပါတယ်။ ဒီတစ်ပတ် ဟိုပုံးဈေးကွက်မှာ နနွင်းပေါက်ဈေးက တစ်ပိဿာ ၂၁ဝဝ ကျပ်ဈေး ရှိပါတယ်။ အောင်ပန်းဈေးကွက်မှာလည်း နနွင်းခြောက်တွေက အရင်တစ်ပတ်ကထက် ပိုပြီးဝင်လာတယ်လို့ သိရပါတယ်။ ချင်းလိုပဲ ပြည်ပဝယ်လိုအား ရပ်နေတာကြောင့် အရောင်းအဝယ်ကလည်း အနည်းငယ်အေးနေ တယ်လို့သိရပါတယ်။ အောင်ပန်းဈေးကွက်မှာ ဒီတစ်ပတ်နနွင်းခြောက်ဈေးက နနွင်းခြောက် (ရိုးရိုး) တစ်ပိဿာ ၂ဝဝဝ ကျပ်၊ ၂၅ဝဝ ကျပ်၊ ဆင်တောင်နနွင်းက ၃ဝဝဝ ကျပ်၊ ၃၅ဝဝ ကျပ်ဈေးရှိပြီး အောင်ပန်းဈေးကွက်မှာတော့ တစ်ပိဿာ ၂၃ဝဝ ကျပ်ဈေးနဲ့ ဈေးငြိမ်နေပါတယ်။ ဧဧခိုင်
ယခုအပတ် စစ်တွေအပြင် မူဆယ်နယ်စပ်မှ တင်ပို့မှုရှိ ဖေဖော်ဝါရီလ ၉ ရက်မှ ၁၅ ရက်ထိ ကာလအတွင်းမှာ ပုံမှန်တင်ပို့နေကျဖြစ်တဲ့ စစ်တွေနယ်စပ် အပြင် မူဆယ်နယ်စပ်မှလည်း ပရဆေးကုန်ကြမ်းအဖြစ်အသုံးပြုရန် ဒေသထွက်နနွင်းများကို တင်ပို့နိုင်ခဲ့ပါတယ်။ မူဆယ်နယ်စပ်မှ ဟိုပုံးဒေသထွက် နနွင်းတက် ၆ ဒသမ ၇၉ တန်နဲ့ စစ်တွေနယ်စပ်မှ ၁ တန်၊ စုစုပေါင်း ၈ တန် နီးပါးတန်ဖိုးအားဖြင့် ၁၄၇ဝဝ ဒေါ်လာဖိုး တင်ပို့ခဲ့တာဖြစ်ပါတယ်။ ၂ဝ၁ဝ-၁၁ ဘဏ္ဍာနှစ် ဧပြီလမှ ဇန်နဝါရီလထိ ကာလအတွင်း နယ်စပ်စခန်း များမှ နနွင်းတက် တန် ၁ဝဝဝ ကျော်တင်ပို့ထားပြီးဖြစ်တယ်လို့ သိရပါတယ်။ MIRT (DOBT)
ပြန်လည်တင်ပို့နိုင်ခဲ့တဲ့နနွင်း ဖေဖော်ဝါရီလ ၇ ရက်မှ ၁၃ ရက်တာကာလအတွင်း နနွင်း ၂၁ တန်ကို ပင် လယ်ရေကြောင်းလမ်းမှ တင်ပို့နိုင်ခဲ့ပါတယ်။ တင်ပို့ခဲ့တဲ့ကုန်သွယ်ဖက်နိုင်ငံကတော့ စင်ကာပူနိုင်ငံကို ၁၆ တန်နဲ့ မလေးရှားနိုင်ငံကို ၅ တန်ဖြစ်ပါတယ်။ ပြီးခဲ့တဲ့သီတင်း နှစ်ပတ်ခန့် အပို့ပျောက်ခဲ့တဲ့ နနွင်းက ဒီတစ်ပတ်မှသာ ပြန်လည်တင်ပို့နိုင်ခဲ့ပါတယ်။ တစ်တန်ကို အက်ဖ်အိုဘီဈေးကန်ဒေါ်လာ ၁၆၅ဝ ခန့်နဲ့ စုစုပေါင်းပို့ကုန်ဝင်ငွေ ကန်ဒေါ်လာ ၃၄၇ဝဝ ရရှိခဲ့ပါတယ်။ MIRT (DOT)
မန်ကျည်း ၇၄ တန်တင်ပို့နိုင် ပင်လယ်ရေကြောင်းကုန်သွယ်မှုလမ်းကနေ ဖေဖော်ဝါရီလ ၇ ရက်မှ ၁၃ ရက်တာကာလအတွင်း မန်ကျည်းတန်ချိန် ၇၄ တန်ကို တင်ပို့ခဲ့ပါတယ်။ တင်ပို့ခဲ့ တဲ့နိုင်ငံက စင်ကာပူနိုင်ငံကို ၂၄ တန်နဲ့ ပါကစ္စတန်နိုင်ငံကို ၅ဝ တန်ပဲဖြစ်ပါတယ်။ တစ်တန်ကို အက်ဖ်အိုဘီဈေး ကန်ဒေါ်လာ ၃၅ဝ ဝန်းကျင်နဲ့ တင်ပို့နိုင်ခဲ့အတွက် စုစုပေါင်း ပို့ကုန်ဝင်ငွေကန်ဒေါ်လာ ၂၅၉ဝဝ ရရှိခဲ့ပါတယ်။ ပြီးခဲ့တဲ့သီတင်းပတ် မန်ကျည်းတင်ပို့နိုင်မှုက ၂၄ တန်သာတင်ပို့နိုင်ခဲ့တဲ့အတွက် ဒီတစ်ပတ်အပို့သာခဲ့ တာတွေ့ရပါတယ်။ MIRT (DOT)
ချင်းစိုဈေးကျ၊ ချင်းခြောက်ဈေးမာ ရှမ်းပြည်နယ်တောင်ပိုင်းရဲ့ ချင်းဈေးကွက်တစ်ခုဖြစ်တဲ့ အောင်ပန်းဈေး ကွက်မှာ ဒီတပတ် ချင်းစိုဈေးက အနည်းငယ်ကျလာပြီး၊ ချင်းခြောက်ဈေးက ပြန်တက်လာပါတယ်။ ချင်းခြောက်တွေကလည်း ဈေးကွက်ကိုအများကြီး ဝင်မလာသေး ပါဘူး။ အောင်ပန်းဈေးကွက်မှာ ချင်း (စို) ဈေးက တစ်ပိဿာ ၄ဝဝ ကျပ်မှ ၆၅ဝ ကျပ်ဈေးရှိပြီး၊ ချင်းခြောက်ကတော့ တစ်ပိဿာ ၂ဝဝဝ ကျပ်-၂၂ဝဝ ကျပ်ဈေး ရှိပါတယ်။ ဟိုပုံးချင်းဈေးကွက်မှာတော့ အပင်ကျပြီး၊ အခက်လှတဲ့ ချင်း (စို) ကို တစ်ပိဿာ ၄၂ဝ ကျပ်နဲ့ ဝယ်ယူနေတယ်လို့သိရပါတယ်။ ပယ်ချင်းလို့ခေါ်တဲ့ ချင်းညံ့တွေကို အခြောက်ပြုလုပ်ဖို့ ဝယ်ယူနေကြပြီး၊ ချင်းခြောက်တွေ ကတော့ တပေါင်းလမှသာ အဝင်များလာမှာဖြစ်တယ်လို့သိရပါတယ်။ ဒီနှစ်က ပြည်ပဝယ် လက်တွေ အဝယ်ရပ် နေပြီး၊ ပြည်တွင်းသုံးအတွက်သာ ဝယ်ယူနေကြပါတယ်။ ဒီနှစ်ထွက်ချင်းကို အလှူပွဲမှာဧည့်ခံရန်၊ ဟင်းခတ် အမွှေး အကြိုင်အဖြစ် အသုံးပြုရန် အတွက်သာ ဝယ်ယူနေကြတဲ့အတွက် တစ်ရက်ကို ပိဿာချိန် ၁ သောင်း၊ ၁ သောင်းခွဲခန့်သာ အရောင်းအဝယ်ဖြစ်တယ်လို့သိရပါတယ်။ ဟိုပုံးဈေးကွက်မှာ ချင်း ခြောက်ဈေးက တစ်ပိဿာ ၁၆ဝဝ ကျပ်မှ ၁၈ဝဝ ကျပ်ဈေးရှိပြီး၊ တောင်ကြီးဈေးကွက်မှာ တစ်ပိဿာ ၂ဝဝဝ ကျပ်၊ ၂၃ဝဝ ကျပ်ဈေးရှိတယ်လို့ သိရှိရပါတယ်။ ဧဧခိုင်