ဈေးအမြင့်မှာရှိနေတဲ့ ပြည်ကုလားပဲ          ပြည်ကုလားပဲဈေးမှာ အောက်တိုဘာဒုတိယပတ်က ၂၃၂ဝဝ ကျပ်ဖြင့် အရောင်းအဝယ်ရှိရာမှ ယခုတတိယပတ်မှာ ၂၃၅ဝဝ ကျပ်ဖြင့် တစ်တင်းလျှင် ၃ဝဝ ကျပ်ဈေးဆက်လက်မြင့်တက်ခဲ့ပါတယ်။ ဈေးကွက်အတွင်း လက်လီသမားများ အဝယ်လိုက်လာပြီး၊ ပဲခွဲစက်များမှလည်း အဝယ်လိုက်လာတဲ့အတွက် ဈေးမြင့်ခဲ့ ကြောင်း သိရပါတယ်။ ယခုနှစ်ကုလားပဲဈေးကောင်းတဲ့အတွက် လယ်စိုက်သူတောင်သူများလည်းကုလားပဲပိုမိုဖြစ်ထွန်းရန် ဆောင်ရွက်လျက်ရှိကြောင်း သိရပါ တယ်။ အခြားတိုင်းသို့ တင်ပို့ရောင်းချခြင်း မရှိဘဲ ဒေသတွင်း အိတ် ၂ဝဝ-၃ဝဝ အရောင်းအဝယ်ရှိကြောင်း သိရပါတယ်။                                                                                                                            လွင်လွင်ဆန်း

 ပြည်ပဲတီစိမ်းလည်း အရောင်းသွက် ဈေးကောင်းရ       အောက်တိုဘာ တတိယပတ်မှာ ပဲတီစိမ်းကို တရုတ်ဝယ်လက်မှ ဆွဲအားကောင်းနေတဲ့အတွက် အရောင်းသွက်နေပြီး ဈေးမြင့်လာတာကိုတွေ့ရပါတယ်။ မုံရွာပဲတီစိမ်းကြီးသစ် ဈေးကောင်းရ တစ်ရက်ကို အိတ် ၄ဝ၊ ၅ဝ အထိဝင်ရောက်လျက်ရှိပါတယ်။ ဒေသတွင်းထွက်ရှိတဲ့ မိုးပဲတီစိမ်း များကတော့ ဝင်ရောက်မှုမရှိတော့ဘဲ လက်ကျန်ပဲများသာ အရောင်းအဝယ်ဖြစ်ခဲ့ပြီး ဈေးနှုန်းမှာ တစ်တင်းကို ၂၄ဝဝဝ ကျပ်ဖြင့် ယခင်အပတ်ကထက် ၁ဝဝဝ ကျပ်ခန့်ဈေးမြင့်လာခဲ့ပါတယ်။ အရောင်းအဝယ်ဖြစ်မှုအနေဖြင့် အရောင်းသွက်တဲ့ရက်ဆိုရင် အိတ် ၂ဝဝ ကျော်ထိအရောင်းအဝယ်ဖြစ်ခဲ့ကြပါတယ်။ ယခုတစ်ပတ်အတွင်း အသစ်ဝင်ရောက်လာတဲ့ ပဲတီစိမ်းအမျိုးအစားကတော့ အရည်အသွေးကောင်းတဲ့အတွက် တစ်တင်းကို ၂၅ဝဝဝ ကျပ်ဖြင့် ဈေးကောင်းရရှိနေတယ်လို့ သိရပါတယ်။                                                                                                                                 ခင်ဆွေဝင်း

မန်းပဲတီစိမ်းကို တရုတ်ဝယ်လက် ဆွဲအားကောင်း       ယခုတစ်ပတ် မန်းဈေးကွက်တွင် ပဲတီစိမ်းကို တရုတ်ဝယ်လက်မှ ဆွဲအားကောင်းနေတဲ့အတွက် အရောင်းသွက်နေပြီး ဈေးမြင့်လာတာကို တွေ့ရပါတယ်။ ဈေးကွက်အတွင်းသို့ မကွေး၊ အောင်လံတို့မှ ထွက်ရှိတဲ့ ပဲတီစိမ်းအသစ်များ အနည်းငယ်သာ ဝင်ရောက်မှုရှိနေပါတယ်။ ဈေးကွက်အတွင်းမှာ ရောင်းဝယ်အားအကောင်းဆုံး သီးနံှတစ်ခုဖြစ်သလို အောက်တိုဘာလ ဒုတိယပတ်ထက် ဈေးမြင့်ပြီး ရောင်းဝယ်နေကြတာကို တွေ့ရပါတယ်။ အောက်တိုဘာလ ဒုတိယပတ်မှာ ပဲတီစိမ်းထိပ်စ တစ်ပိဿာ ၁၃၃၃ ကျပ်၊ တစ်တန် ၈၁၆၃ဝဝ ကျပ်ဈေးဖြင့်သာ ရောင်းဝယ်ခဲ့ကြပြီး၊ ယခုတစ်ပတ်မှာတော့ ပဲတီစိမ်း ထိပ်စ တစ်ပိဿာ ၁၅၆၄ ကျပ်၊ တစ်တန် ၉၅၈ဝဝဝ ကျပ်ဈေးတို့ဖြင့် ဈေးမြင့်ပြီးရောင်းဝယ်နေကြပါတယ်။ တင်ပို့မှုအနေနဲ့ တရုတ်ကို တစ်ပတ်အတွင်း ၁၃ဝဝ တန်၊ ရန်ကုန်ကို ၇၇ဝ တန်တင်ပို့မှုရှိခဲ့ပါတယ်။ တရုတ်ဝယ်လက်မှ ဝယ်လိုအားကောင်းနေတဲ့အတွက် ပဲတီစိမ်းဈေးကွက် ဈေးဆက်လက်မာနေဦးမယ်လို့ ကုန်သည်တချို့က ခန့်မှန်းပြောဆိုနေကြကြောင်း သိရပါတယ်။                                                                                                                                   ကျော်ကျော်မိုး 

အိန္ဒိယဝယ်လက် အဝယ်နှေးပေမဲ့ တန် ၂၅ဝဝ ကျော် တင်ပို့မှုရှိဆဲ       ယခုတစ်ပတ် ပင်လယ်ရေကြောင်းက ပဲတီစိမ်းတင်ပို့မှုဟာ ယခင်တစ်ပတ်ကလိုဘဲ တန်ချိန် ၂၅ဝဝ ကျော် တင်ပို့မှုရှိ နေသေးတာတွေ့ရပါတယ်။ အိန္ဒိယ ဝယ်လက်အဝယ်နှေးပေမဲ့ ပါကစ္စတန်၊ စင်ကာပူ ဝယ်လက်တွေ အဝယ်ရှိနေတာကြောင့် တင်ပို့မှုရှိနေဆဲဖြစ်တာတွေ့ရပါတယ်။ ရန်ကုန်တိုင်းဒေသကြီး ဘုရင့်နောင်ဈေးကွက်မှာ အရောင်းအဝယ် ဖြစ်မှုနည်းပေမဲ့ မန္တလေးတိုင်းဒေသကြီး၊ မုံရွာနယ်ဈေးကွက်များမှာ တရုတ်ဝယ်လက်များ အဝယ်ရှိနေတာကြောင့် ဈေးအနည်းငယ်မြင့်တက် လာတာတွေ့ရပါတယ်။ ရန်ကုန် FOB  ဈေးများ ယခင်တစ်ပတ်နဲ့ နှိုင်းယှဉ်ဖော်ပြလိုက်ပါတယ်                                                                                                                         ဒေါ်လာ/တန်                      ပဲတီစိမ်း(အညာ)            ပခုက္ကူ                ပဲတီရွှေဝါအသေး၂၂-၁ဝ-၁ဝ             ၉၃ဝ-၉၄ဝ              ၉၇ဝ-၉၈ဝ               ၁၂ဝဝ-၁၂၂ဝ၁၄-၁ဝ-၁ဝ             ၈၈ဝ-၈၉ဝ              ၉၇ဝ-၉၈ဝ              ၁၁၅ဝ-၁၁၈ဝMIRT (MAPT)