်အိန္ဒိယမတ်ပဲဈေး တစ်လအတွင်း တစ်တန်ကန်ဒေါ်လာ ၁၅ဝ ခန့်လျော့ကျ       အိန္ဒိယပြည်တွင်းဈေးကွက်တွေကို ပဲအသစ်တွေ ဝင်ရောက်လာပြီ ဖြစ်တာရယ် ပြုပြင်ပြီး မတ်ပဲတွေကို အဝယ်နည်းတာရယ်ကြောင့် စက်တင်ဘာလ ၂၁ ရက်နဲ့ အောက်တိုဘာလ ၂၁ ရက်အတွင်း တစ်တန်ကို ကနု်ဒေါ်လာ ၁၅ဝ ကျော်ခန့်လျော့ကျလာခဲ့ပါတယ်။ လက်ရှိမိုးပဲအထွက်မြင့်တက်မယ့် ခန့်မှန်းချက် များအရ ပဲဈေးဆက်လက်ကျဆင်းမယ့် အရိပ်အရောင်ကြောင့် လတ်တလော အရောင်းအဝယ် ဈေးအေးနေတယ်လို့ သိရပါတယ်။ တစ်လအတွင်း ကာလတူ ဈေးနှုန်းများ နှိုင်းယှဉ် ဖော်ပြလိုက်ပါတယ်                                                                                                                                       ဒေါ်လာ/တန်                        မွန်ဘိုင်း                  ချန်နိုင်း(C & F)၂၁-၁ဝ-၁ဝ            ၉၂၄                 ၁ဝဝဝ-၁ဝ၁ဝ၂၁-၉-၁ဝ        ၁ဝ၉၃-၁၁၁၅                 ၁ဝ၉၅MIRT(MAPT)

အိန္ဒိယပဲစင်းငုံ တစ်လအတွင်း ကန်ဒေါ်လာ ၁ဝဝ ခန့်ကျဆင်း     အိန္ဒိယပြည်တွင်းဈေးကွက်တွေမှာ မိုးပဲအသစ်တွေ ဝင်ရောက်လာနေပြီ ဖြစ်တာရယ်၊ အထွက်မြင့်တက်မယ့် မျှော်မှန်းချက်တွေရယ်အပြင် ပဲစင်းငုံကို အဝယ်နည်းတာတွေရယ်ကြောင့် စက်တင်ဘာလ ၂၁ ရက်မှ အောက်တိုဘာလ ၂၁ ရက်အတွင်း တစ်တန်ကို ကန်ဒေါ်လာ ၁ဝဝ ခန့်ကျဆင်းလာတာတွေ့ရပါတယ်။ ပဲစင်းငုံအများဆုံးစိုက်ပျိုးတဲ့ ကာနာတာကာမှာ ရာသီဥတုကောင်းမွန်နေခြင်းက လည်း ပဲစင်းငုံအပင်များ တိုးတက်နေတာကြောင့် အထွက်နှုန်းတိုးတက်မယ်လို့ ခန့်မှန်းထားကြပါတယ်။ ပဲစင်းငုံအသစ်ဈေးကွက်တွေထဲ ဝင်ရောက်လာခြင်းမရှိမီ တန်ဇန်းနီးယားက တင်သွင်းပဲများ ဝင်ရောက်လာတာကြောင့် ရောင်းအားများနေ တာမို့ ကာလတိုအတွင်းလည်း ဈေးနှုန်းလျော့ကျအုံးမယ်လို့ ခန့်မှန်းကြပါတယ်။                                                                                                                                ဒေါ်လာ/တန်                       မွန်ဘိုင်းဈေးကွက်              မွန်ဘိုင်း (C & F)၂၁-၁ဝ-၁ဝ            ၆၈၂-၆၈၈                           ၈ဝဝ၂၁-၉-၁ဝ                  ၇၈၇                              ၈၂ဝMIRT(MAPT)

 တစ်နှစ်အတွင်း ပါကစ္စတန်ပဲဈေးနှုန်း ၁ဝဝ ရာခိုင်နှုန်းမြင့်တက်       ပါကစ္စတန်နိုင်ငံရဲ့ လက်ကားဈေးကွက်များမှာရော လက်လီဈေးကွက် များမှာပါ ပဲမျိုးစုံဈေးနှုန်းဟာ ယခုတစ်နှစ်အတွင်း အနည်းဆုံး ၁ဝဝ ရာခိုင်နှုန်း မြင့်တက်ခဲ့တယ်လို့ အပတ်စဉ်ကုန်စည်ဈေးနှုန်းများ အခြေခံထားတဲ့ စာရင်းအရ သိရပါတယ်။ ပြည်တွင်းရောင်းချမှုပြတ်လပ်တာကြောင့် တစ်ပတ်အတွင်း ပဲမျိုးစုံ ဈေးနှုန်းဟာ ရူပီး ၁ဝ ကနေ ၆ဝ အထိ မြင့်တက်ခဲ့တယ်လို့ ဈေးကွက်များ က ဆိုပါတယ်။      ပဲမျိုးစုံလက်ကားရောင်းချသူ  Tariq Murtaza ပြောကြားရာမှာ ကုလားပဲခွဲခြမ်း တစ်ကီလိုဈေးဟာ ရူပီး ၇ဝ (ကန်ဒေါ်လာ ဝ ဒသမ ၈၁) ရှိခဲ့ ရာမှ ရူပီး ၇၅-၈ဝ (ကန်ဒေါ်လာ ဝ ဒသမ ၈၇- ဝ ဒသမ ၉၃) ဈေးနဲ့ ရောင်းချ နေရတယ်လို့ ဆိုပါတယ်။ ယခင်နှစ်ကာလတူက ကုလားပဲခွဲခြမ်းဈေးဟာ ရူပီး ၃၇ (ကန်ဒေါ်လာ ဝ ဒသမ ၄၃) သာရှိခဲ့လို့ တစ်နှစ်အတွင်း ၁ဝဝ ရာခိုင်နှုန်းနီးပါး မြင့်တက်လာခဲ့တယ်လို့ဆိုပါတယ်။ ပဲမျိုးစုံဈေးနှုန်းပုံမှန်မြင့်တက်နေရတဲ့ အကြောင်းရင်း တွေထဲမှာ ပါကစ္စတန်ရူပီး တန်ဖိုးကျဆင်းတာရယ်၊ ရေလွှမ်းမိုးလို့ သီးနံှတွေပျက်စီးရတဲ့အပြင် နိုင်ငံတကာဈေးကွက်မှာ စားဖိုချောင်သုံးကုန်စည်များ သိသိသာသာ ဈေးနှုန်း မြင့်တက်ရတဲ့အချက်တွေ ပါဝင်နေတယ်လို့လည်း ၎င်းက ထပ်လောင်းပြောကြားပါတယ်။     ပဲနီလေးဈေးနှုန်းဟာ လွန်ခဲ့တဲ့သီတင်းပတ်မှာ တစ်ကီလိုကို ရူပီး ၁၂ဝ (ကန်ဒေါ်လာ ၁ ဒသမ ၃၉) ရှိခဲ့ရာမှ ယခုပတ်မှာ ရူပီး ၁၆ဝ-၁၇ဝ (ကန်ဒေါ်လာ ၁ ဒသမ ၈၆-၁ ဒသမ ၉၇) ဖြစ်လာလို့ ၇ ရက်မှ ၁ဝ ရက်အတွင်း တစ်ကီလိုကို ရူပီး ၅ဝ (ကန်ဒေါ်လာ ၁ ဒသမ ၅၈) မြင့်တက်လာခဲ့တယ်လို့ ဆိုပါတယ်။ ပဲနီလေးဟာ ၂ဝဝ၉ ခုနှစ်အောက်တိုဘာ-နိုဝင်ဘာလ အတွင်း အရည်အသွေးအလိုက် ရူပီး ၉ဝမှ ၁၁ဝ ( ကန်ဒေါ်လာ ၁ ဒသမ ဝ၄- ၁ ဒသမ ၂၈) အကြား အရောင်းအဝယ်ဖြစ်ခဲ့တာကြောင့်တစ်နှစ်အတွင်း ပဲနီလေးမှာလည်း ၉ဝ ရာခိုင်နှုန်း ဝန်းကျင်မြင့်တက်ခဲ့ပါတယ်။ ၂ဝဝ၉ ခုနှစ် အောက်တိုဘာလက ကနေဒါပဲနီလေး လက်ကား ဈေးဟာ တစ်တန်ကို ရူပီး ၉၈ဝဝဝ (ကန်ဒေါ်လာ ၁၁၃၇) ရှိချိန်မှာ ပြည်တွင်း ပဲနီလေးများက တစ်တန်ကို ရူပီး ၁၁ဝဝဝဝ (ကန်ဒေါ်လာ ၁၂၇၇) ဈေးရှိခဲ့တယ်လို့ ၎င်းကထပ်လောင်း ပြောကြားပါတယ်။လမင်း၊ ှSource: the nation

ဒေသတွင်းအသုံးနှင့် ရန်ကုန်ဝယ်လက်အားပြိုင်နေတဲ့ မုံရွာစွန်တာနီဈေးကွက်      အောက်တိုဘာဒုတိယပတ်အတွင်း ဒေသတွင်းအသုံးနဲ့ ရန်ကုန်ဝယ်လက်အပြိုင်ဆွဲပြီး ဈေးကောင်းနေတဲ့ ပဲကစွန်တာနီပါ။ ဈေးကွက်လက်ကျန်နည်းလာပြီဖြစ်သလို မဝယ်မဖြစ် ဒေသတွင်းသို့ ကြာဇံစက်၊ ပဲကြော်ဖိုများရဲ့ ဝယ်လိုအားနဲ့အတူရန်ကုန်ဝယ်လက်လည်းရှိလာတဲ့အတွက် အောက်တိုဘာလ ဒုတိယပတ်အတွင်းမှာ တစ်တင်း ၂၁ဝဝဝ ကျပ်မှ ၂၂ဝဝဝကျပ်ထိ ဈေးမြင့်တက်ခဲ့ပြီး၊ အောက်တိုဘာ ၁၁ ရက်နေ့က အိတ် ၅ဝဝ ခန့် အရောင်းအဝယ်ဖြစ်ခဲ့ကြောင်း သိရပါတယ်။အောင်မင်း