မြန်မာနိုင်ငံ အလယ်ပိုင်းဒေသဖြစ်တဲ့ မန္တလေးတိုင်း ဒေသကြီး၊ စစ်ကိုင်းတိုင်းဒေသကြီးနဲ့ မကွေးတိုင်းဒေသကြီး အတွင်းမှာ ပဲစိုက်ပျိုးတဲ့ စိုက်ဧရိယာဧကများသလို  ပဲအထွက် များတဲ့အတွက် ပဲပိုလျှံဒေသဖြစ်ပါတယ်။ ပဲပိုလျှံတဲ့ ဒေ သဖြစ် တဲ့အတွက် ပိုလျှံတဲ့ပဲတွေကို ပဲလိုတဲ့အခြားတိုင်းဒေသကြီးနဲ့ ပြည်နယ်များသာမက အိမ်နီးချင်းပြည်ပနိုင်ငံများ ကို တင်ပို့ ရောင်းချပါတယ်။ ပဲစိုက်ပျိုး ထွက်ရှိတဲ့ဒေသနဲ့ နီးစပ်တဲ့ မန္တလေးမြို့ပေါ်မှာ ပဲသန့်စင်စက်၊ ပဲခွဲစက်၊ အမှုန့်ကြိတ်စက် အမြောက်အမြား တည်ဆောက်ကြိတ်ခွဲလျက်ရှိပါတယ်။

ယခုနှစ်မှာ အဓိကအရောင်းအဝယ်ပြုလုပ်တဲ့ ပဲဈေး မြင့်တာကြောင့် အရင်းအနှီးတတ်နိုင်တဲ့ ပဲခွဲစက် ပိုင်ရှင် များသာ ပဲများကိုလှောင်ပြီး ကြိတ်ခွဲနိုင်ကြောင်း၊ ပဲခွဲစက်ငယ် ကလေးများမှာ ကုန်သည်ကြီးတွေဆီက ကုန်ကြမ်းယူ ကုန် ချောပေးလက်ခစားအဖြစ်နဲ့သာ ရပ်တည်နေတာမို့ ပဲခွဲစက် ငယ်ပိုင်ရှင်တစ်ဦးကို မေးမြန်းရာမှာ ကျွန်တော်ရဲ့ ပဲခွဲစက်ဟာ တစ်ရက်ကို ၃ တင်းဝင်အိတ် ၆၀ ကျော် (ကုလားပဲ) ကြိတ်ခွဲ နိုင်တဲ့အတွက် ပိဿာ ၃၅၀၀ နီးပါးရှိပါတယ်။ ကုလားပဲ ထိုင်ဝမ် တစ်ပိဿာ ၉၂၄ ကျပ်ဈေးရှိ လို့ တစ်ရက်ကုန်ကြမ်း ပဲအရင်းအနှီးငွေ ကျပ် ၃၂ သိန်းကျော်ရှိပြီး၊ မီတာခ၊ စက် ပစ္စည်းခ၊ သယ်ယူစရိတ်၊ လုပ်သားခပေါင်းလိုက်ရင် ၃၃ သိန်း ကျော်ရှိသွားပါတယ်။ အရင်းအနှီးများပေမယ့် အကျိုးအမြတ် အနည်းငယ်သာ ရတဲ့အတွက် ကျိန်းသေပေါက်ဝင်ငွေရနိုင်တဲ့ နဝလီကြိတ်ခွဲခြင်းနဲ့သာ ရပ်တည်ပါတယ်။ လုပ်သားအလုပ် အကိုင်ရရှိရေးအတွက် စက်လည်ပတ်ကြောင်း၊ ပဲဈေးအ တက်အကျ ဘယ်လိုရှိမယ်ဆိုတာ ခန့်မှန်းရခက်ခဲတာကြောင့် တစ်ကြောင်း၊ အရင်းအနှီး မလုံလောက်တာလည်း တစ် ကြောင်း၊ ပဲဈေးမြင့်တာကို မကြောက်ကြောင်း ဈေးတည် ငြိမ်မှုရှိပါက ကုန်ကြမ်းဈေးကို အခြေခံပြီး၊ ကုန်ချောဈေးကို တွက်ချက်နိုင်သဖြင့် အမြတ်နည်းသော်လည်း အရှုံးမပေါ်နိုင် ကြောင်း ပြောကြားပါတယ်။ သြင်္ကန်ရက်တွင်းနဲ့ သြင်္ကန်ရက်ကျော်လွန်ပါက ပဲ ဈေးမြင့်တက်နိုင်တယ်လို့ ကုန်သည်အများစုခန့်မှန်းထား တဲ့ အတွက် ယခုရက်ပိုင်းမှာ ပဲဈေးအမြင့်နဲ့ အရောင်းအဝယ်ပြု လုပ်ကြောင်း သိရပါတယ်။ အဲဒီလို ပဲဈေးမြင့်လေလေ ပဲခွဲ စက်ငယ်ကလေးများက (နဝလီ) ကုန်သည်ကြီးများဆီက ပဲကုန်ကြမ်းအပ်ထည် မျှော်ရလေလေဖြစ်နေဦး မှာ ဖြစ် ကြောင်းကုန်သည်တစ်ဦးက ပြောပါတယ်။ စိုးအောင် - မန္တလေး
 

ပင်လယ်ရေကြောင်း ကုန်သွယ်မှုမှ မတ်လ ၁၇ ရက်မှ ၂၃ ရက်ထိကာလအတွင်းမှာ မလေးရှားနိုင်ငံသို့ ကန်ဒေါ်လာ သုည ဒသမ ၇၉၉ သန်းတန်ဖိုးရှိ ရော်ဘာ ၂၈၂ တန်ခန့်တင်ပို့နိုင်ခဲ့ပါတယ်။ တင်ပို့တဲ့ရော်ဘာများ ကတော့ RSS-3  တန် ၈၀ နဲ့MSR-20  ၂၀၂ တန်ခန့်ဖြစ်ပါတယ်။ ယခင်အပတ်က စင်္ကာပူနိုင်ငံသို့ ၂၆၅ တန်ခန့်တင်ပို့ခဲ့တဲ့အတွက် ယခုအပတ်မှာ ၁၇ တန်ခန့်ပိုမိုတင်ပို့နိုင်ခဲ့ပါတယ်။ ယခုအပတ်နိုင်ငံ တကာ ရော် ဘာ ပေါက်ဈေးမှာ ယခင်အပတ်ဈေးနဲ့ကွာခြားမှုသိပ်မရှိလှဘဲ FOB ပေါက်ဈေးမှာလည်းပြောင်းလဲမှု မရှိကြောင်း မြန် မာနိုင်ငံရော်ဘာစိုက်ပျိုးထုတ်လုပ်သူများအသင်းရဲ့ ထုတ်ပြန်ချက် အရသိရပါတယ်။ ဈေးတွေကတော့ RSS-1 တစ်တန်လျှင်ဒေါ်လာ ၂၈၀၀-၂၉၀၀၊RSS-3   နဲ့ MSR-20 တစ်တန်လျှင် ဒေါ်လာ ၂၇၀၀-၂၈၀၀၊RSS-5 နဲ့MSR-50   တစ်တန်လျှင် ဒေါ်လာ ၂၆၀၀-၂၇၀၀၊ MSR-10  တစ်တန်လျှင်ဒေါ်လာ ၂၇၅၀-၂၈၅၀၊ Crepe Rubber တစ်တန်လျှင်ဒေါ်လာ ၂၅၀၀-၂၆၀၀ ဖြစ်တယ်လို့သိရှိရပါတယ်။ယဉ်ယဉ်အေး၊ MIRT (DOBT)

မြန်မာ-တရုတ်နယ်စပ်ရှိ မူဆယ် ၁၀၅ မိုင်ကူးသန်းရောင်းဝယ်ရေးဇုန်မှ မတ်လ ၂၀ ရက်မှ ၂၆ ရက်တာကာလ အတွင်း ကန်ဒေါ်လာ ၅ ဒသမ ၉၀၆ သန်းတန်ဖိုးရှိ ပြောင်းဖူးစေ့ တန်ချိန် ၁၆၇၀၀ ကျော်ကိုတင်ပို့နိုင်ခဲ့ပါတယ်။ စခန်းအ လိုက်ပြောင်း တင်ပို့မှုတွေကတော့ မူဆယ်မှ ၇၆၅၆ တန်၊ ချင်းရွှေဟော်မှ ၈၄၂၂ တန်ကျော်နဲ့ ကန်ပိုက်တီး စခန်းမှ ၆၂၅ တန်တို့ဖြစ်ပါတယ်။ ယခင်အပတ်က စခန်း (၃) ခုပေါင်း တန်ချိန် ၆၉၅၁ တန်ခန့်သာ တင်ပို့နိုင်ခဲ့တာမို့ ယခုအပတ်မှာပြောင်းဖူးစေ့တင်ပို့မှု တန်ချိန် ၉၇၅၀ ကျော် ပိုမိုခဲ့တာတွေ့ရပါတယ်။ မတ်လ ၁ ရက်မှ ၂၆ ရက်ထိ တရုတ်နယ်စပ်စခန်းများမှ ပြောင်း ၄၃၀၀၀ တန်ကျော်တင်ပို့ခဲ့ပြီးဖြစ်တယ်လို့ သိရပါ တယ်။ တရုတ်နိုင်ငံ မှာ ပြောင်းဖူးစေ့ကို စားသောက်ကုန်အပြင် တိရစ္ဆာန်အစာမှာ အသုံးပြုနေကြတဲ့အတွက် ဝယ်လိုအားများ လာတာနဲ့အ မျှ အစေ့ထုတ်ပြောင်း ဈေး ကောင်းရလျက်ရှိနေပါတယ်။ နှစ်ဖက်နိုင်ငံပြောင်းဈေးများကို ယခင်အပတ်နဲ့ နှိုင်း ယှဉ်ဖော်ပြပေးလိုက်ပါတယ် -

ဟိုပုံးဒေသတစ်ဝိုက်ထွက်တဲ့ နနွင်းများ ဟိုပုံးဈေးကွက် ကို ပုံမှန်အဝင်ရှိနေပါတယ်။ နနွင်းစိုများ ဈေးကွက်တွင်း စဝင်နေသလို နနွင်းခြောက်များလည်း စဝင်နေပြီလို့ သိရပါ တယ်။ ဒီတစ်ပတ် နနွင်းအခြောက်တစ်ပိဿာ ၆၅၀ ကျပ်ဈေး ရှိပြီး၊ အရောင်းအဝယ်ကတော့ ပုံမှန်ပဲဖြစ်နေပါတယ်။ ဟိုပုံး ကုန်သည်အချို့က တရုတ်၊ အိန္ဒိယဝယ်လက် ကို စောင့်နေ တာရယ်၊ လက်ရှိဈေးကိုလည်း မကြိုက်လို့ ထုတ်မရောင်းသေး ဘဲ ဝယ်လှောင်ပြီး၊ကြိုက်ဈေးစောင့်နေ ပါတယ်။ တစ်ပတ် အတွင်းမှာတော့ ပိဿာချိန်  ထောင်ဂဏန်းလောက်သာ အရောင်းအဝယ်ဖြစ်ခဲ့တယ်လို့ သိရပါတယ်။