ပြည်ပနိုင်ငံများအထိ ဈေးကွက်ထိုးဖောက်သည့် ချင်းပြည်နယ်မှ ဝဥမျိုးများကို ပခုက္ကူမြို့နယ် ငဖောင်ကန်ကျေးရွာအနီး ရွှေနယုန်ဝဥစက်ရုံတွင် ဝဥအစိုတစ်ပိဿာကို ငွေကျပ် ၁၁၅၀ ဖြင့် ဒီဇင်ဘာလကစတင်ပြီး လက်ခံဝယ်ယူလျက်ရှိကြောင်း သိရသည်။

ယခု  ၂၀၂၂ ခုနှစ်အတွင်း  ဒီဇင်ဘာ တတိယပတ်အထိ  ရန်ကုန်တိုင်းဒေသကြီး၌ ရင်းနှီးမြှုပ်နှံမှုလုပ်ငန်း ၅၃ ခု  ဝင်ရောက်ခဲ့ကြောင်း တိုင်းဒေသကြီးအစိုးရအဖွဲ့ရုံးက သိရသည်။ 
အဆိုပါ ရင်းနှီးမြှုပ်နှံမှုလုပ်ငန်းများက တစ်ဆင့် ပြည်တွင်းလုပ်သားများအတွက် အလုပ်အကိုင်အခွင့်အလမ်းပေါင်း  ၃၅၀ဝ၀ ကျော်ကို ဖန်တီးပေးနိုင်ခဲ့ကြောင်း သိရသည်။

ဒီဇင်ဘာ ၁၇ ရက်မှ ၂၃ ရက်အထိ ကာလအတွင်း ပင်လယ်ရေကြောင်း ကုန်သွယ်မှုမှ အမေရိကန်ဒေါ်လာ သုည ဒသမ ၄၉၀ သန်း တန်ဖိုးရှိ နို့ဆီတန်ချိန် ၃၆၀ ကျော် တင်သွင်း ခဲ့သည်။ ယခုတစ်ပတ်အတွင်း စင်ကာပူနိုင်ငံမှ တန်ချိန် ၂၂၀ ကျော်နှင့် မလေးရှားနိုင်ငံမှ တန်ချိန် ၁၅၀ ခန့်  တင်သွင်းခဲ့ သည်။ အနီးစပ်ဆုံးကာလနှင့်  နှိုင်းယှဉ်ပါက နို့ဆီတန်ချိန် ၂၀ဝ  ခန့် ပိုမိုတင်သွင်းခဲ့ကြောင်း သိရသည်။
ဒီဇင်ဘာ ၁၇ ရက်မှ ၂၃ ရက်အထိ  ကာလအတွင်း ပင်လယ်ရေကြောင်း ကုန်သွယ်မှုမှ အမေရိကန်ဒေါ်လာ သုည ဒသမ ၆၉၃ သန်းတန်ဖိုးရှိ နို့မှုန့် တန်ချိန် ၁၈၀ ကျော် လစ်သူ ရေးနီးယားနိုင်ငံမှ တင်သွင်းခဲ့သည်။ 

ပဲခူးတိုင်းဒေသကြီး သာယာဝတီခရိုင်တွင် ဆောင်းသီးနှံဖြစ်သောမတ်ပဲကို လျာထားဧက ၄၇၇၅၀၉ ဧက၊ ပဲတီစိမ်း လျာထားဧက ၃၆၂၄၂ ဧက ၊ ပဲလွမ်း လျာထားဧက ၁၅၃၉၆ ဧက၊ ဗိုလ်ကိတ် လျာထားဧက ၄၈၈၉ ဧက၊  ပဲပုပ်လျာထားဧက ၁၇၄၉၇ ဧက၊ ပဲကြီး လျာထားဧက ၃၈၁၈ ဧက၊ ပဲယဉ်း ၁၈၅၆ ဧက၊ စားတော်ပဲ၊ စွန်တာနီ၊ ပဲနောက်၊ ထောပတ်ပဲ၊ ပဲဖြူကလေး နှင့်အခြားပဲမျိုးစုံများကိုလည်း အနည်းငယ်စီ လျာထား စိုက် ပျိုးလျက်ရှိကြောင်း သိရှိရသည်။