စီးပွားရေးသတင်း

ဒေါ်လာနဲ့ဖလှယ်ရာမှာ ရက်သတ္တပတ်တစ်ပတ်အတွင်း အနိမ့်ဆုံးဈေးအဖြစ်ရောက်ရှိနေတဲ့   ရင်းဂစ်ငွေကြေးတန်ဖိုး က ပြန်လည်မြင့်တက်လာတဲ့အတွက်ကြောင့် လည်းကောင်း၊ ပို့ကုန်နှေးကွေးကျဆင်းမှုနဲ့  စားအုန်းဆီ ထုတ် လုပ်မှုမြင့်တက် နေချိန်မှာ ကုန်သည်များက အမြတ်ပိုမိုရရှိရန် ကြိုးပမ်းဆောင် ရွက်လာကြသည့် အတွက်ကြောင့်လည်းကောင်း မလေးရှား စားအုန်းဆီရဲ့ ကြိုရောင်းကြိုဝယ်ဈေးက ဧပြီ ၂၇ ရက်မှာ ပြန် လည်ကျဆင်းခဲ့ရာ ရက်သတ္တနှစ်ပတ်အတွင်း အနိမ့်ဆုံးနှုန်းသို့ ရောက်ရှိခဲ့ကြောင်း ဘီရီကော်ဒါသတင်းမှာ  ဖော်ပြထားပါ တယ်။

ဧပြီ ၁၇ ရက်မှ ၂၃ ရက် သီတင်းပတ်မှာ ပြည်တွင်းကို ရေလမ်းမှ ဘိလပ်မြေ အဝင်မှာ ၁၀၇၅၂ တန် ကျော်ရှိခဲ့တယ်လို့ သိရပါတယ်။ ဧပြီ ၃ ရက်မှ ၉ ရက် သီတင်း ပတ် ဘိလပ်မြေအဝင်မှာ တန် ချိန်၇၃၂၉၀ ကျော် ရှိခဲ့ တာကြောင့် ဒီတစ်ပတ်မှာ ဘိလပ်မြေ တန်ချိန် ၆၂၅၀၀ ကျော်အဝင်လျော့ခဲ့တယ်လို့ သိရပါတယ်။  နယ်စပ် လမ်းမှ ဘိလပ်မြေအဝင်မှာ တန်ချိန် ၁၅၅၉၆ ကျော် ရှိခဲ့ပြီး ယခင်တစ်ပတ်အဝင်မှာ တန်ချိန် ၁၁၂၆၈ ကျော်ရှိခဲ့ တာကြောင့် ဒီတစ်ပတ်မှာ တန် ၄၃၂၇ ကျော်အဝင်ပိုခဲ့ တယ်လို့သိရပါတယ်။ ဒါကြောင့်ဒီတစ်ပတ်မှာ ရေလမ်းမှ အဝင်လျော့ခဲ့ပြီး နယ်စပ် လမ်းမှ ဘိလပ်မြေအဝင်ပိုခဲ့ပါတယ်။

သွင်းကုန်လိုင်စင်ရရှိပြီး နယ်စပ်ကုန်သွယ်ရေးစခန်းများမှာ တရားဝင်တင် သွင်းရန် ကျန်ရှိနေသည့် လုပ်ငန်းသုံးယာဉ်ယန္တရားများအား သွင်းကုန်လိုင်စင် သက်တမ်းတိုးမြှင့်ခွင့်ပြု၍ ပြန်လည်တင်သွင်းခွင့်ပြုမည်ဖြစ်ကြောင်း ကုန်သွယ် ရေးဦးစီးဌာနမှ သိရသည်။တရားဝင်တင်သွင်းရန်ကျန်ရှိနေသည့် လုပ်ငန်းသုံးယာဉ်ယန္တရားများ အနက် မူဆယ်(၁၀၅)မိုင် ကုန်သွယ်ရေးဇုန်မှ ၈၀၀၃ စီး၊ မြဝတီကုန်သွယ်ရေးဇုန်မှ ၄၆၃၂ စီးတို့ကို သွင်းကုန်လိုင်စင် သက်တမ်း တိုးမြှင့်ခွင့်ပြု၍ ပြန်လည်တင် သွင်းခွင့်ပြုမည်ဖြစ်ကြောင်း သိရသည်။

မြန်မာ-တရုတ်နယ်စပ်ရှိ ချင်းရွှေဟော် ကုန်သွယ်ရေးစခန်းမှ ဧပြီ ၁ ရက်မှ ၂၀ ရက်တာကာလအတွင်း နှမ်းနက် ၃၆၂ တန်နဲ့ နှမ်းဖြူ ၁၁၇၂ တန်ကို ကန်ဒေါ်လာ ၁ ဒသမ ၈၄၂ သန်းဖိုးတင်ပို့ခဲ့ပါတယ်။ အလားတူ မြန်မာ-ထိုင်းနယ်စပ်ရှိ မြဝတီ ကုန်သွယ်ရေးဇုန်မှ ကန်ဒေါ်လာ ၉၈၅၀ တန်ဖိုးရှိ နှမ်းနက် တန် ၅၀ တင်ပို့ခဲ့တာ တွေ့ရပါတယ်။ မူဆယ်မှာ နှမ်းတင်ပို့မှု မရှိတာ ကြာပြီဖြစ်ပေမယ့် မူဆယ်ကုန်စည်ဒိုင်မှာတော့ ဧပြီလဆန်း ကတည်း က နှမ်းဖြူတစ်တန် ၁၂၄၁၃၃၉ ကျပ်ဈေးနဲ့  နှမ်းနက် ၁၇၇၇၀၅၄ ကျပ်ဈေးမှ ပြောင်းလဲခြင်းမရှိခဲ့ပါဘူး။    

မော်မော်အောင်

အိန္ဒိယနိုင်ငံ၏ အဓိကဆိပ်ကမ်းများသို့ ပဲဝင်ရောက်မှုမှာ ဧပြီလ ၁၁ ရက်မှ ၁၇ ရက်အထိ တန်ထောင် ၈၁ ဖြစ်ပြီး၊ ဧပြီလ ၄ ရက်မှ ၁၀ ရက်အထိ တင်သွင်းမှုတန်ထောင်  ၈၈ ထက် ၇% လျော့ကျပါသည်။ ကုလားပဲ၊ ဘိုကိတ်ပဲ၊ ပဲတီစိမ်း၊ ပဲဝါ၊ ပဲစိမ်း၊ မြေထောက်ပဲတို့တွင် ဝင်ရောက်မှုလျော့ကျပြီး၊ မတ်ပဲ၊ ပဲစင်းငုံတို့တွင် ဝင်ရောက်မှုပိုမိုကြောင်း ဖော်ပြထားပါသည်။ကုလားပဲလက်ကားကုန်စည်ဈေးနှုန်းမှာ ၁၀ ရက်အတွင်း ၁၅% မှ ၂၀% မြင့်တက်ခဲ့ ပါသည်။ မုတ်သုန်ရာသီဥတုကောင်းမွန်ခြင်း၊ စားသုံးသူများက နွေပဲသီးနှံကို ဈေးအမြင့်ပေးခြင်း တို့ကြောင့်ဖြစ်ပါသည်။