စီးပွားရေးသတင်း

ဒီဇင်ဘာ ၁၂ ရက်မှ ၁၈ ရက်ထိကာလအတွင်း နယ်စပ် ကုန်သွယ်ရေးစခန်းများမှ  အမေရိကန်ဒေါ်လာ၄ဒသမ ၅၉၅ သန်းတန်ဖိုးရှိ ဆန်တန်ချိန်၁၁၄၉၀ခန့် တင်ပို့ခဲ့ကြောင်း သိရ သည်။ တင်ပို့မှုများအနေဖြင့်  မြန်မာ-တရုတ်နယ်စပ်များဖြစ် သော မူဆယ်(၁၀၅ ) မိုင်ကုန်သွယ်ရေးဇုန်မှ ဆန်တန်ချိန် ၄၃၀ဝ ခန့်၊ ချင်းရွှေဟော်ကုန်သွယ်ရေးစခန်းမှ  ဆန် တန်ချိန် ၄၃၉၅ခန့်နှင့် လွယ်ဂျယ်ကုန်သွယ်ရေးစခန်းမှ  ဆန် တန်ချိန် ၂၇၉၅ခန့်တင်ပို့နိုင်သဖြင့် ယခင်တစ်ပတ် ကုန် သွယ်မှုနှင့်နှိုင်း ယှဉ်လျှင်ဆန်တန်ချိန်၁၄၀ဝကျော်လျော့နည်း တင်ပို့နိုင်ခဲ့သည်။ 

စက်တင်ဘာ ၂၇ ရက်မှ အောက်တိုဘာ ၃ရက်အတွင်း ပင်လယ်ရေကြောင်းမှ မတ်ပဲတင်ပို့မှုမှာ တန်ချိန် ၉၅၄ ဒသမ ၂၄၊ တန်ဖိုး အမေရိကန်ဒေါ်လာ ၈၆၄၁၄၃ ဒသမ ၆၈ ဖြစ်ပါသည်။ တင်ပို့ခဲ့သောနိုင်ငံများမှာ ၁၀ နိုင်ငံရှိပြီး ယူနိုက် တက်ကင်းဒမ်း၊ ဘယ်လ်ဂျီယံ၊ စင်ကာပူ၊ နယူးဇီလန်၊ ကနေဒါ၊ အမေရိကန်ပြည်ထောင်စု၊ ထိုင်း၊ အာရပ်စော်ဘွားများပြည်ထောင်စု၊ ပါကစ္စတန်နှင့် မလေးရှားနိုင်ငံတို့ဖြစ်သည်။

အများဆုံးတင်ပို့ခဲ့သောနိုင်ငံမှာ စင်ကာပူနိုင်ငံဖြစ်၍ တန်ချိန် ၆၂၈ ဒသမ ၄၉၊ တန်ဖိုး အမေရိကန်ဒေါ်လာ ၅၆၅၀၄၉ ဒသမ ၁၈ ဖြစ်ပြီး အနည်းဆုံးတင်ပို့ခဲ့သော နိုင်ငံမှာ ဘယ်လ်ဂျီယံနိုင်ငံဖြစ်၍ တန်ချိန် ၆၊ တန်ဖိုး အမေရိကန်ဒေါ်လာ ၃၀ဝ၀ ဖြစ်သည်။

စက်တင်ဘာ ၂၇ ရက်မှ အောက်တိုဘာ ၃ ရက်အတွင်း အမေရိကန်ဒေါ်လာ ၄၁၅၃၄၄ ဒေါ်လာတန်ဖိုးရှိ နို့ဆီ ၃၆၁ ဒသမ ၈၇၂ တန်ကိုပင်လယ်ရေကြောင်း လမ်းမှ တင်သွင်းခဲ့သည်။ ယခုတစ်ပတ်စင်ကာပူနိုင်ငံမှ ၂၆၂ ဒသမ ၆၅၆ တန်နှင့် မလေးရှားနိုင်ငံမှ ၉၉ ဒသမ ၂၁၆ တန်တင်သွင်းခဲ့ကြောင်းသိရသည်။ ယခုတစ်ပတ် စင်ကာပူနိုင်ငံမှ အများဆုံးတင်သွင်းခဲ့သည်။ တင်သွင်းခဲ့သည့် တံဆိပ်များမှာ အိုကေနှင့် Hawk  တို့ဖြစ်သည်။ ယခင်သီတင်းပတ်က နို့ဆီ၂၅၅ တန်ကျော် တင်သွင်းခဲ့ခြင်းကြောင့် ယခုတစ်ပတ်တင်သွင်းမှုနှင့်နှိုင်းယှဉ်လျှင် တန်ချိန် ၁၀ဝ ကျော် ပိုမိုတင်သွင်းခဲ့ကြောင်းသိရသည်။

စက်တင်ဘာ ၂၆ ရက်မှ အောက်တိုဘာ ၂ ရက်အထိ နယ်စပ်လမ်း မှမြေသြဇာ အဝင်မှာ တန်ချိန် ၇၆၃၀ ကျော်ရှိခဲ့ပြီး ယခင်တစ်ပတ် အဝင်မှာ တန် ၈၇၁၀ ကျော် ရှိခဲ့ခြင်းကြောင့် ယခု တစ်ပတ်တွင်တန်ချိန် ၁၀၇၀ ကျော်အဝင်လျော့ခဲ့ ကြောင်း သိရသည်။ ထို့ကြောင့် ယခုတစ်ပတ် ပင်လယ်ရေကြောင်းမှ အဝင်ပိုခဲ့ပြီးနယ်စပ်လမ်းမှအဝင်လျော့ခဲ့သည်။

ပြည်တွင်းဈေးကွက်များဖြစ်သည့်မော်လမြိုင်၊ တောင်ကြီးနှင့် မန္တလေးတို့တွင် အရောင်းပုံမှန် ရှိပြီး မကွေး၌အရောင်းအေးကြောင်းသိရသည်။

သီတာဝင်း (DOT)

တောင်ငူမြို့နယ်အတွင်းသို့  ကရင်ပြည်နယ် သံတောင်ကြီး၊ ဘောဂလိ၊ လိပ်သိုဘက်မှ ရာသီအလိုက်သီးနှံများ ဝင်ရောက် ရောင်းချလျက်ရှိရာ သံတောင်နာနတ်သီးအသေးမျိုးတစ်လုံးလျှင် ၄၀ဝ ကျပ်မှ၅၀ဝ ကျပ်အထိ ဈေးရရှိပြီး ရှမ်းပြည်နယ် သီပေါ၊ ကျောက်မဲဘက်မှ ဝင်ရောက်လာသောနာနတ်သီးမှာ သံတောင်ဘက်က အသီးထက်အလုံးလှသလို အရသာမှာလည်း ကွာ သဖြင့် နာနတ်သီးတစ်လုံးလျှင် ၈၀ဝ ကျပ်မှ ၁၀ဝ၀ ကျပ်အထိ ဈေးရရှိကြောင်းနှင့်အရောင်းသွက်လျက်ရှိကြောင်း နာနတ်သီး ရောင်းချသူများထံမှ သိရသည်။                                                                                                သင်းသင်းအေး(တောင်ငူ)