ဈေးကွက်စီးပွားရေးသတင်း

ဧရာဝတီတိုင်းဒေသကြီး၏ မတ်ပဲဈေးနှုန်းသည် ယခင်သီတင်းပတ်ကာလမှာကတည်းက ကျဆင်းခဲ့ခြင်း ဖြစ်ပြီး ယခုသီတင်းပတ်တွင်လည်း ဈေးပြန်တက်မလာပဲ အကျဘက်တွင် ဆက်လက်ရပ်တည်နေသည်။ ယခင်သီတင်းပတ်ကာလ နောက်ဆုံးရက်တွင် မတ်ပဲတစ်တင်းလျှင် ကျပ် ၃၇၅၀၀ ဖြစ်သည်။ အောက်တိုဘာလ ၂၈ ရက်တွင် ကျပ် ၃၈၀၀၀ နှင့် ၂၉ ရက်တွင် ကျပ် ၃၈၂၀၀ သို့ တက်ရိပ်ပြခဲ့သော်လည်း နိုဝင်ဘာလ ၂ ရက်တွင် ကျပ် ၃၇၈၀၀၊ ၃ ရက်တွင် ကျပ် ၃၇၄၀၀ နှင့် ၄ ရက်တွင် ကျပ် ၃၇၁၀၀ သို့ပြန်လည်ကျဆင်းသွားသည်၊ ယခင် သီတင်းပတ် ကာလ ဈေးနှုန်းနှင့်မတိမ်းမယိမ်း အခြေအနေသို့ပြန်လည်ရောက်ရှိနေကြောင်းတွေ့ရပြီး  ဈေးနှုန်းအပြောင်းအလဲများစွာမရှိကြောင်းတွေ့ရ သည်။

မွန်ပြည်နယ်တွင် အစေးလှီးရာသီ ပြန်လည်စတင်ချိန်တွင် မိုးတစ်ပြိုက်/နေတစ်ပြိုက် မြေဆီလွှာများ စိုစွတ်နေပြီး အစေးထွက်နှုန်းကောင်းမွန်သော်လည်း အချိန်အခါမဲ့ မိုးရွာသွန်းမှု‌ များကြောင့် အစေးလှီးလုပ်ငန်းအချို့ ထိခိုက်မှု ရှိခဲ့ကြောင်း သိရှိရသည်။ အောက်တိုဘာလအတွင်း ရော်ဘာဈေးမြင့်တက်ခဲ့ရာ တစ်ရက်လျှင် ကျပ် ၁၀-၂၀ နှုန်းဖြင့် နှစ်ပတ်အတွင်း RSS-3 ရော်ဘာ တစ်ပေါင် ကျပ် ၁၀၀ ထိ မြင့်တက်ခဲ့ကြောင်း သိရှိရသည်။

၂၀၂၀ ပြည့်နှစ်  အောက်တိုဘာလအတွင်း ကယားပြည်နယ်မှ မန္တလေးမြို့ သို့ ဒေသထွက်(ဧည့်မထ)ဆန် စုစုပေါင်း အိတ် ၁၀၅၄၀ တန်ချိန်အားဖြင့် ၅၂၉ ဒသမ ၂၃ တန်တင်ပို့နိုင်ခဲ့ပြီး အခြားမြို့ကြီးများမှတစ်ဆင့် ကယားပြည်နယ်အတွင်း သို့ တင်သွင်းမှုအနေဖြင့် ရန်ကုန်မြို့မှ ဆန်အိတ် ၁၄၈၀ ၊ မန္တလေးမြို့မှ ဆန်အိတ် ၂၉၃၀ နှင့် ရွှေဘိုမြို့မှ ဆန်အိတ် ၄၁၄၀ အိတ် တင်သွင်းခဲ့ရာ စုစုပေါင်းဆန်အိတ် ၈၅၅၀ အိတ် တန်ချိန်အားဖြင့် ၄၂၉ ဒသမ ၃၁ တန်ခန့် တင်သွင်းခဲ့ပါ ကြောင်း ပြည်နယ်အထွက်ဂိတ်စာရင်းများအရ သိရှိရပါတယ်။

ပြည်တွင်းစျေးကွက်များဖြစ်သည့် တောင်ကြီး၊ မန္တလေးနှင့် မကွေးတို့တွင် အရောင်းအေးပြီး မော်လမြိုင်၌ အရောင်းပုံမှန်ရှိကြောင်းသိရသည်။

တောင်ကြီးဘိလပ်မြေဈေးကွက်၌ အရောင်းအဝယ်အေးပြီး ဈေးငြိမ်နေကြောင်း သိရသည်။ ဈေးကွက်ထဲ အရောင်းအဝယ်ဖြစ်နေသည့်ဈေးမှာ စိန်(ထိုင်း) ကျပ် ၈၀ဝ၀၊ အေသုံးလုံး ကျပ် ၅၂၀ဝ၊ အပါချီ ကျပ် ၄၃၀ဝ၊ ကမ္ဘောဇကျပ် ၄၂၀ဝ၊ ကျားခေါင်းကျပ် ၆၂၀ဝ၊ နဂါးကျပ် ၄၃၀ဝဖြင့် အရောင်းအဝယ်ဖြစ်ကြောင်း အိမ်ဆောက်ပစ္စည်း ရောင်းဝယ်ရေးဆိုင်မှ စုံစမ်းသိရှိရသည်။

ပြည်စျေးကွက်သို့ ယခုအပတ်တွင် ပြည်-အောင်လံကြား​ကျေးရွာများနှင့် ပေါင်းတည်၊ ရွှေတောင်၊ မြန်အောင်၊ ကြံခင်းဘက်မှ နေ့စဉ်အိတ် ၄၀၀-၅၀၀ ခန့်အ၀င်ရှိပြီး ၀င်သလောက် အရောင်းအ၀ယ်ဖြစ်တာ တွေ့ရပါတယ်။  ဆီဆန်ကို မြို့တွင်းဆီစက်များနှင့် မကွေးဆီစက်များကအ၀ယ်ရှိပြီး လုံးဆန်အနီကို အကြော်ဖိုသမားများအ၀ယ်ရှိပေမယ့် ယခင်အပတ်ကထက်စျေးကျလာပြီး  လုံးဆန်အဖြူကို ရန်ကုန်၊ မန္တလေး၀ယ်လက်သမားများကအ၀ယ်ရှိပေမယ့် စျေးငြိမ် နေတာတွေ့ရပါတယ်။ ယခုအပတ် မြေပဲဆန်စျေးများမှာ ဆီဆန်တစ်ပိဿာလျှင် ၁၇၀၀ ကျပ်၊ လုံးဆန် အဖြူ တစ်ပိဿာလျှင် ၂၅၀၀ ကျပ် နှင့် လုံးဆန်အနီ တစ်ပိဿာလျှင် ၂၈၀၀ ကျပ်ဖြင့် အရောင်းအ၀ယ်ဖြစ်လျက်ရှိပါတယ်။