လယ်ယာထွက်ကုန်ပစ္စည်းသတင်း

ဟင်္သာတခရိုင်တွင် အစေ့ထုတ် ပြောင်းကို  ဆောင်းသီးနှံအဖြစ် စိုက်ပျိုး ပြီး မြေနုကျွန်းများ၊ သဲဆန်သော ကိုင်း မြေများ၊ မြစ်ကမ်းပါးများတွင် စိုက်ပျိုး ကြသည်။  ၂၀၂၄ -၂၀၂၅   ခုနှစ်တွင် ဟင်္သာတခရိုင်၌   အစေ့ထုတ်ပြောင်း စိုက်ဧက ၁၅၃၈၃ ဧက   စိုက်ပျိုးပြီး ယခင်နှစ်ကထက် ဧက သုံးထောင်ကျော် လျော့နည်း စိုက်ပျိုးခဲ့သည်။

မန္တလေး
မန္တလေးဈေးကွက်အတွင်းသို့  ကျောက်ဆည်၊ မြစ်သား၊ စဉ့်ကိုင်၊ တံတားဦး၊ မြင်းခြံ၊ တောင်သာ၊ နွားထိုးကြီး၊ ပျော်ဘွယ်၊ ရမည်းသင်း စသည့် ဒေသများနှင့် အခြားဒေသများမှ  ထွက်ရှိသည့်  ကြက်သွန်နီများ မတ်လကုန်ပိုင်းတွင် ဖြိုင်ဖြိုင်ဝင်ရောက်လျက်ရှိသည်။ ဆောင်းကြက်သွန်နီသည် ကြက်သွန်မျိုးစေ့ကို ပျိုးထောင်၍ အပင် ကလေးများ တစ်လခွဲသားအရွယ်တွင် ပျိုးပင်ကိုနုတ်၍ နေရာရွှေ့ ပြောင်း စိုက်ပျိုးကြရသည်။ 

မွန်ပြည်နယ်သည် ယခုနှစ်အတွင်း ပဲအထွက်နှုန်းကောင်းပြီး ဈေးနှုန်းဈေးကွက်ကောင်းများလည်း ရရှိနေသည်။ မော်လမြိုင်ရှိ ကုန်စည်ဒိုင်တွင် နေ့စဉ်အရောင်းအဝယ် ပြုလုပ်လျက်ရှိသည်။ 
၂၀၂၄-၂၀၂၅ ခုနှစ်တွင် အထွက်နှုန်းကောင်း၍ လာမည့် ၂၀၂၆-၂၀၂၇ ခုနှစ်တို့တွင်လည်း ပဲစိုက်ပျိုးမှုကို ပိုမိုတိုးချဲ့လုပ် ကိုင်သွားမည်ဖြစ်ကြောင်း ပဲနှမ်းစိုက်ပျိုးသူတောင်သူများ၏ ပြောကြားချက်အရ သိရသည်။  

မိုးစပါး
မြင်းခြံခရိုင်တွင် မိုးစပါးစိုက်ဧက ၁၉၈၃၃ ဧကအနက်  ၁၃၃၅၅ ဧက  ရိတ်သိမ်းခဲ့ပြီး တစ်ဧက အထွက်နှုန်း ၆၇ တင်းနှုန်းဖြင့် အထွက်တင်းပေါင်း ၈၉၄၇၈၅ တင်းထွက်ရှိကာ ကျန်ဧကများကို ဆက် လက်ရိတ်သိမ်းဆဲဖြစ်သည်။ မနောသုခ မိုးစပါးအသစ် တစ်တင်းလျှင် ကျပ် ၂၂၀ဝ၀ ဈေးဖြင့် ဒေသတွင်းရှိ ကျေးရွာများတွင် အရောင်းအဝယ်ဖြစ်လျက်ရှိကြောင်းသိရသည်။ မနောသုခ စပါး အဟောင်း တစ်တင်း လျှင် ကျပ် ၂၄၀ဝ၀ ဖြစ်ပြီး မနောသုခဆန် (ဟောင်း) တစ်အိတ်လျှင် ကျပ် ၈၅၀ဝ၀ မှ  ၉၅၀ဝ၀ ထိရှိ ကြောင်း သိရသည်။
မြေပဲ

ဗိုလ်ကိတ်ပဲ
ဗိုလ်ကိတ်ပဲသစ်များ   အထွက်လှိုင်လာသည့်အတွက် ပြည်ဈေးကွက်သို့ တစ်ရက်လျှင် အိတ်၂၀ဝမှ၂၅၀ ကျော် ဝင် ရောက်လာခဲ့သည်။ မင်းတုန်း၊ ကံမ၊ ပန်းတောင်းမြို့နယ်များမှ ဝင်ရောက်ခဲ့ခြင်းဖြစ်ပြီးဒေသတွင်း လက်လီသမားများသည် နေ့စဉ် အဝယ်ရှိ နေသလို လက်ကားဝယ်ယူမှုများလည်းရှိသည်။ ဈေးနှုန်း အနေဖြင့် တစ်တင်းလျှင်  ကျပ် ၈၅၀ဝ၀ ဖြင့် ရှိပြီး ပဲသစ်ပေါ်စအချိန်  ဈေးအနည်းငယ် လျော့နည်းသွားခဲ့သည်။ ပဲသစ်ပေါ်စအချိန်က တစ်တင်းလျှင် ကျပ် ၁၀ဝ၀ဝ၀ ကျော် ရရှိခဲ့သည်။  ယခင်နှစ်က ပဲဈေးမှာ တစ်တင်းလျှင် ကျပ် ၇၂၀ဝ၀ ဖြစ်သည်။