Background
ဈေးကောင်းစောင့်တဲ့ ရွှေဟင်္သာ မန္တလေးတိုင်းဒေသကြီးအတွင်းကထွက်တဲ့ သရက် တွေဟာမူဆယ်ကို ဆက်ပြီးတက်နေပါတယ်။ အခုချိန်မှာ စိန်တလုံး ကုန်သလောက်ရှိတဲ့အတွက် ရွှေဟင်္သာ၊ အကြမ်း မျိုးစုံ အတက်များနေပါတယ်။ စဉ့်ကိုင်ဘက်က ရွှေဟင်္သာ တွေဟာ ခြံတစ်ခြံမှာ တစ်ဝက်သာခူးပြီး တင်ရသေးတာ ကြောင့် တစ်ဝက်လောက်အပင်မှာ ကျန်သေးတယ်လို့ သိရပါတယ်။ နောက် ၁ဝရက်လောက်ဆို အကုန်တင်နိုင်ပြီ ဖြစ်ပါတယ်။ ဒီရက်ပိုင်းမူဆယ်ဈေး အိတ်စွပ်ရွှေဟင်္သာ တစ်ဖာ ၆၅ ယွမ်(ကျပ် ၇၆၇ဝ) ရိုးရိုး၊ မျိုးစုံသီးတွေက ၂ဝ၊ ၂၅၊ ၃ဝ ယွမ် (ကျပ် ၂၃၆ဝ၊ ၂၉၅ဝ၊ ၃၅၄ဝ) သာရှိပါတယ်။ ဒီရက်ပိုင်း ဈေးနည်းနည်းတက်လာတော့ ခြံထဲမှာ ကျန်တဲ့တစ်ဝက်ကို ဈေးကောင်းရဖို့ မျှော်လင့်ချက်နဲ့ စောင့်နေရတယ်လို့ ဆိုပါတယ်။ မန္တလေးကွင်းတွေအားလုံး ကုန်သွားရင် ညောင်ပင် ဝင်းဘက်ကပဲကျန်မယ်။ အဲဒီအခါမှာ သရက်ပိုရှားလာတဲ့ အတွက် ပိုဈေးကောင်းရနိုင်တယ်လို့ သိရပါတယ်။ ရိုးရိုး သီးတွေကမိုးများတဲ့အတွက် မိုးရေစီးကြောင်းတွေ ပါတာ ကြောင့် ဈေးနိမ့်တယ်လို့ သိရပါတယ်။ ဇွန် ၁၂ ရက်နေ့အထိ သရက် ၁၆ မိုင်ဂိတ် ဖြတ်သန်းစီးဆင်းမှုမှာ စိန်တစ်လုံး တန်ချိန် ၂၈၄၄၊ ရွှေဟင်္သာ ၁၄၆၅တန်၊ သရက်မျိုးစုံ ၁၂၂၂၄ တန် ဖြတ်သန်းလျက်ရှိကြောင်း သိရပါတယ။် အေးအေးတင့််
မန်း ပန်းဈေးကွက် မန်းပန်းဈေးကွက်တွင် သစ္စာပန်းများ လှိုင်လှိုင်ဝင်ရောက် လျက်ရှိပြီး မန္တလေးမြို့နှင့် အနီးတစ်ဝိုက်၌ ပြင်ဦးလွင်၊ ပုသိမ်ကြီး၊ မတ္တရာနယ်များမှ စိုက်ပျိုးသည့် ဟော်လန်၊ သစ်ခွ၊ ဒေသအခေါ် ရေစိုစပ်ကြားတို့ ယခုအချိန်တွင် စတင်ဝင်ရောက်လျက်ရှိပါတယ်။ ဈေးကွက် အနေအထားကတော့ ၂ ထပ်ပွင့်ကြီး ၅ ခက်တစ်စည်း ပန်းရောင်၊ အဖြူ၊ အနီ ၆ဝဝ ကျပ်၊ အဝါ တစ်စည်း ၅ဝဝ ကျပ်၊ အပွင့်သေး ၅ ခက်တစ်စည်း ၃၅ဝ ကျပ်-၃ဝဝ ကျပ်ဈေးများနဲ့ အရောင်းအဝယ်ဖြစ်လျက်ရှိပြီး ယခုလောလောဆယ် ပန်းဒိုင်များ မှလည်း ဝါဆိုကာလနီးတဲ့အတွက် ခြံအထိ သွားရောက်ဝယ်ယူကြပြီး ပန်းဈေးမှာ ဝယ်ဈေးနဲ့ ရောင်ဈေးကွာခြားချက် သိပ်မရှိကြောင်း သိရပါတယ်။ ဝါဆိုခါနီး တစ်ပတ်အလိုမှာ ပျဉ်းမနား၊ မိတ္ထီလာ၊ မြင်းခြံ၊ စစ်ကိုင်းနယ်များသို့လည်း သစ္စာပန်းများ လှိုင်လှိုင်တင်ပို့ရ ကြောင်း လက်လီ၊ လက်ကား ဖြန့်ဖြူးလျက်ရှိတဲ့ ပန်းဒိုင်မှ သိရပါတယ်။ ခင်ပပနိုင်
တိုင်းရင်းဆေးထဲက ပွေးကိုင်းဈေးကွက် ပခုက္ကူမြို့နယ်ထဲက မြစ်ခြေ၊ ပေါက်တော နယ်ဘက်မှ တိုင်းရင်းဆေးဘက်ဝင် ပွေးကိုင်းတွေစိုက်ကြပါတယ်။ ယာခင်း ကုန်းတွေပေါ်မှာ စိုက်သလို ရေကျသွားတဲ့ ကျွန်းတွေပေါ်မှာလည်း မြေပဲနဲ့ သီးညှပ်စိုက်ကြပါတယ်။ တစ်ဧကကို မျိုးစေ့ ၂ ပြည်သုံးစွဲရပြီး မျိုးစေ့တစ်ပြည်ကို ၃၅ဝဝ ကျပ်ရှိပါတယ်။ စိုက်ပြီး တစ်လခွဲဆိုရင် အောက်လက်ရွက်ရင့်တွေက စပြီသိမ်းရပါတယ်။ ရွက်သပ်ခ၊ ရွက်ခူးခက တစ်မနက်ကို ၄ဝဝ ကျပ် ပေးရပါတယ်။ တစ်လကို နှစ်ကြိမ်ခန့် အရွက်ခူးပေးရပါတယ်။ ခူးပြီးတဲ့အရွက်တွေကို နေပြပြီး ပွေးကိုင်းခြောက် ကိုင်း ပါရင် တစ်ပိဿာ ကျပ် ၁၃ဝဝ နဲ့ အရွက်ခြောက်သီးသန့်ဆိုရင် တစ်ပိဿာ ကျပ် ၁၅ဝဝ ဈေးပေါက်ပါတယ်။ ဖူးတံအပွင့်ထွက် လာရင် အကြီးမခံဘဲ အသီးအဖြစ်မရောက်အောင် ချိုးပြစ်ရပါတယ်။ အပင်နဲ့ အရွက်သန်အောင်လို့ပါ။ ပေါက်တောရွာရှိ ပွဲစားများက စုဝယ်သိမ်းပြီး မန္တလေးတိုင်းရင်းဆေးဈေးကွက်ကို တင်ပို့တယ်လို့ သိပါတယ်။ MMA
ပြည် မြကျောက်သရက် အရောင်းသွက်နေဆဲ ပြည်မြို့ရဲ့ သရက်သီးဈေးကွက်မှာ ဧပြီ နောက်ဆုံးပတ်က စတင်အရောင်း အဝယ်ဖြစ်ခဲ့ပြီး မေလတစ်လလုံး ဈေးကွက်အတွင်း သရက်သီးများ လှိုင်လှိုင် ဝင်ရောက်လာမှုကြောင့် ဈေးနှုန်းချို သာကာအရောင်းသွက်ခဲ့ပါတယ်။ဒေသ ရဲ့နာမည်ကျော် မြကျောက်သရက်မှာ တုံးစပြုလာပြီဖြစ်တာကြောင့် ဈေးပြန် လည် မြင့်တက်လာတာကို တွေ့ရပါ တယ်။ မြကျောက်တစ်လုံးကို ပေါ်စအချိန်က ၄၅ဝ-၅ဝဝ ကျပ်ရှိကာ လှိုင်လှိုင်ပေါ်ချိန်တွင် ၇ဝ ကျပ်အထိ ဈေး ကျဆင်းခဲ့ပေမယ့် ယခုရက်ပိုင်းမှာတော့ ၁၅ဝ-၂ဝဝ ကျပ်အထိ ဈေးပြန်တက် လာခဲ့ပြီး အရောင်းသွက်နေဆဲလို့ သိရ ပါတယ်။ အိဆွေဇင်
လေးလေးမှန်မှန်ဖြစ်နေဆဲ ပြောင်းဖူးစေ့ ဈေးကွက် မန္တလေးဈေးကွက်မှာ တွင်ကျယ်ဆဲ ကုန်ပစ္စည်းက ပြောင်းဖူးစေ့ပါ။ ပြောင်းဖူးစေ့ကို မိုးနဲ့ နွေမှာ စိုက်ပျိုးကြ ပါတယ်။ ယခုအချိန်ဟာ နွေပြောင်းက အသစ်အနေနဲ့ ဝင်ရောက် ရောင်းဝယ်လေ့ရှိတတ်ပေမဲ့ ယခုနှစ်မှာတော့ မိုးရွာ သွန်းမှုက အဆက်မပြတ်လှတာကြောင့် နွေပြောင်းအထွက် လျော့ကျခဲ့ပါတယ်။ ဒါပေမဲ့ ပြောင်းဖူးစေ့ အရောင်းအဝယ်က မှန်မှန်ရှိနေပါတယ်။ ပြောင်းဖူးစေ့ကို ကြက်စာအနေနဲ့ရော၊ တရုတ်တင်ဖို့အတွက်ပါ အရောင်းအဝယ် မှန်မှန်ပြုနေကြပါ တယ်။ မန္တလေးက မူဆယ်ကို တင်ပို့မှုတွေကြည့်ရင် ၂ဝ၁ဝ တစ်နှစ်လုံး ၁ဝ၁၇၂၉ တန် တင်ပို့ခဲ့ပါတယ်။ တစ်လခြင်း ကြည့်ရင် ဒီလိုတွေ့ရပါတယ်စဉ် လအမည် ၂ဝ၁ဝ ၂ဝ၁၁၁ ဇန်နဝါရီ ၃၆၄၉ ၁၇၁၄၂ ဖေဖော်ဝါရီ ၅၈၈၆ ၁၂၃ မတ် ၇၈၃၆ ၂၄၄၄ ဧပြီ ၄၂၁၉ -၅ မေ ၉၅၂၁ ၈၁၃ဝ ပြောင်းဖူးစေ့က တစ်နှစ်ထက်တစ်နှစ် အထွက်နှုန်း တိုးလာသလို နယ်စပ်ကနေတစ်ဆင့် တရုတ်ရဲ့ ဝယ်ယူမှုကလဲ နှစ်စဉ်တိုးတက်နေပါတယ်။ ဇွန်လ ၁ ရက်မှာ ၉၄ဝ တန်၊ ၂ ရက်မှာ ၅၇ဝ တန်၊ ၃ ရက်မှာ ၅၇၁ တန်၊ ၄ ရက်မှာ ၃၆၉ တန်၊ ၅ ရက်မှာ ၃၁၉ တန်၊ ၆ ရက်မှာ ၂၆၅ တန်၊ ၇ ရက်မှာ ၅၂၉ တန် တင်ပို့မှု ရှိတာတွေ့ရပါတယ်။ လက်ရှိပြောင်းဖူးစေ့ပေါက်ဈေးက တစ်ပိဿာကို ၂၅ဝ ကျပ်-၂၅၉ ကျပ်ဖြစ်ပါတယ်။ ယခင်နှစ်က ဒီအချိန်မှာ တစ် ပိဿာကို ၃၇ဝ ကျပ်-၃၈၉ ကျပ် ရှိခဲ့ပါတယ်။ ဈေးအနေနဲ့ တစ်ပိဿာကို ၁၂ဝ ကျပ်-၁၃ဝ ကျပ် လျော့နေတာကို တွေ့ရ ပါတယ်။ မျိုးသူ
အိတ်စပို့တန်းဝင် စစ်ကိုင်းသရက် မူဆယ်ရောက် စစ်ကိုင်းတိုင်း ဒေသကြီးအတွင်း သရက်စိုက်ဧက ၁၄၃၉ အနက် စစ်ကိုင်း၊ မြင်းမူ၊ မြောင်မြို့နယ်များမှ အိတ် စပို့တန်းဝင် သရက်စိုက်ဧက ၇၄ဝ စိုက်ပျိုးကြောင်း သိရပါတယ်။ စိန်တလုံး၊ ဟင်္သာ၊ ပတ္တမြားငမောက်နဲ့ ရင်ကွဲမျိုး များကို အိတ်စွပ်စိုက်ပျိုးကြကြောင်း သိရပါတယ်။ ယခုအချိန်က သရက်သီး များ လှိုင်လှိုင်ပေါ်တဲ့ရာသီဖြစ်လို့ တိုင်းဒေသကြီးအတွင်း စားသုံးမှု ဖူလုံခြင်း သာမက အိတ်စပို့တင်ပို့ရန်ရည်ရွယ်ပြီး သရက်ခြံပိုင်ရှင်များက စိုက်ပျိုးကြကြောင်း စစ်ကိုင်းမြို့နယ် ညောင်ပင် ဝန်းကျေးရွာရှိ သရက်ခြံပိုင်ရှင်တစ်ဦး က ပြောပါတယ်။ နှစ်စဉ် စစ်ကိုင်းမြို့နယ်အတွင်းမှ မူဆယ်သို့ သရက်သီးများ တင်ပို့လျက် ရှိရာ ယခင်နှစ်က စိန်တလုံးသရက် တန် ၃၃ဝ ကျော်၊ ဟင်္သာသရက် တန် ၅၈ဝ ကျော်၊ ရင်ကွဲသရက် တန် ၄ဝဝဝ ကျော်တင်ပို့နိုင်ခဲ့ကြောင်း သိရပါတယ်။ ယခုနှစ်မှာလည်း စိန်တလုံးသရက် တန် ၄ဝဝ ကျော်၊ ဟင်္သာသရက် တန် ၆ဝဝ ကျော်၊ ရင်ကွဲသရက် တန် ၄၅ဝဝ ကျော် မူဆယ်သို့ တင်ပို့ရန်ခန့်မှန်းထားကြောင်း ယခုအချိန်ထိ စိန်တလုံးနဲ့ ဟင်္သာသရက်တန် ၄၅ဝ ကျော်တင်ပို့ပြီး ကြောင်း သိရပါတယ်။ စစ်ကိုင်းမှ မူဆယ်သို့ သယ်ယူပို့ဆောင်စရိတ်မှာ ၆ ဘီးကား စီးလုံးပြတ် ၄၂ဝဝဝဝ ကျပ် ကျပြီး ကားတစ်စီးကို ဂျပ်ဖာ ၅ဝဝ ခန့် တင်နိုင်ကြောင်း သိရပါတယ်။ ကျော်ဝင်း
မန္တလေးစိန်တလုံးပြီးတော့ ရှမ်းပြည်နယ်(တောင်ပိုင်း) စိန်တလုံး ဈေးကွက်တင်ပို့ရန် ပြင်ဆင် ဧပြီ၊ မေလတုန်းက မန္တလေးစိန်တလုံးသရက် လှိုင်လှိုင်ပေါ်တဲ့ ရာသီ ဖြစ်ခဲ့ပါတယ်။ ဇွန်လမှာတော့ စိန်တလုံးသရက် ကုန်သလောက်ရှိပြီး ရင်ကွဲ၊ ရွှေဟင်္သာလောက်ဘဲ ကျန်ပါတယ်။ ဇွန်၊ ဇူလိုင်လများမှာတော့ ရှမ်းပြည် နယ်(တောင်ပိုင်း) စိန်တလုံးသရက်များ ဈေးကွက်ကိုစတင်ပြီး လှိုင်လှိုင်ဝင်လာ တော့မှာမို့ မေလကုန်ပိုင်းက ဖိုးသာအောင်တို့အဖွဲ့က ပြည်နယ်သရက်စိုက် ဧကရဲ့ ၅ဝ ရာခိုင်နှုန်းကျော်စိုက်ပျိုးတဲ့ ရပ်စောက်၊ အင်တော သရက်ဇုန် များကို ရောက်ရှိလေ့လာဖြစ်ပါတယ်။ ရပ်စောက်သရက်ဇုန် ဥက္ကဋ္ဌရဲ့ ရှင်းလင်းချက်အရ ဒီနှစ် သရက်ပန်းပွင့်ချိန် နှင်းခါးကျခဲ့တာကြောင့် အသီးတင်နှုန်း နည်းခဲ့ပေမဲ့ ပင်ပျိုအသီးတင်ပင်များလာသဖြင့် အထွက်မလျော့နိုင်ကြောင်း ပြောပြပါတယ်။ လာမဲ့နှစ် အလားတူမဖြစ်စေရေးအတွက် ယခုကတည်းက ခေါင်နိမ့်စနစ်ကို အချိန်ကိုက်ပြင်ဆင်ပုံနဲ့ နှင်းခါးကာကွယ်သည့် နည်းစနစ်များကို မီးခိုးမှိုင်းတိုက်နည်းနဲ့ ရေအဆင်ပြေက ရေဖျန်းသည့်စနစ်များ အသုံး ပြုရန် ခြံရှင်များအား ပညာပေးလျက်ရှိကြောင်း သိခဲ့ရပါတယ်။ ဈေးကွက်ကို တော့ ဇွန်၊ ဇူလိုင်လများမှာ တင်ပို့မှာဖြစ်ပါတယ်။ ၎င်းမှ ဆက်လက်ပြီး အင်တောသရက်ဇုန်ဖြစ်တဲ့ ကမ္ဘောဇ၊ ထူး၊ ရွှေသံလွင်၊ ကျောက်ဆုံ သဘာဝသရက်နဲ့ ရာသီသီးနံှခြံများကို ဆက်လက်လေ့လာ ဖြစ်ခဲ့ပါတယ်။ သီးသမျှအသီးဈေးကွက်ဝင်ဖို့အတွက် အသီးအားလုံးကို အိတ် စွပ်ထားတာ တွေ့ရပါတယ်။ ကျောက်ဆုံသရက်ခြံမှာတော့ မေ ၂၉ ရက်ကတည်းက သရက်သီး ၁ တန်ခန့်ကို အသီးရင့်မှည့်မှု စမ်းသပ်ရင်း ဈေးကွက် နမူနာ ထိုးဖောက်ဖို့အတွက် စမ်းသပ်ခူးထားတာ တွေ့ခဲ့ရပါတယ်။ ဇွန်ပထမ ပတ်ကနေစပြီး ဈေးကွက်ကို ၁၅ ရက်တစ်ကြိမ် ၄ ရစ်မှ ၅ ရစ်ခွဲပြီး တင်ပို့ တော့မယ်လို့ ခြံတာဝန်ခံကရှင်းပြပါတယ်။ တင်ပို့မဲ့ဈေးကွက်ကတော့ မူဆယ်၊ ကွမ်ကျိုးနဲ့ မန္တလေး၊ ရန်ကုန်၊ တောင်ကြီး ဈေးကွက်များကို ကြိုတင်ချိတ်ဆက် မှာကြားတဲ့အတိုင်း မျှ၍တင်ပို့သွားမယ်လို့ သိခဲ့ရပါတယ်။ သရက်သီးခူးဆွတ်ရန် တောင်းများ၊ တင်ပို့ရန်ခြင်းများ၊ ထုပ်ပိုးရန် သေတ္တာများ စနစ်တကျ ပြင်ဆင်ထားတာ တွေ့ရပါတယ်။ ဈေးကွက် အကြိုက်၊ အရည်အသွေးမီ သရက်သီးများဖြစ်ရေးအတွက် သရက်ဇုန်ခြံရှင်၊ ဌာန ပူးပေါင်းဆောင်ရွက် အောင်မြင်မှုများကိုကြည့်၍ ပီတိဖြစ်ရင်း နောင်နှစ် များမှာဆိုရင် ဒီထက်ပိုပြီး တိုးတက်လာတော့မှာပါလား ဆိုသောအတွေးဖြင့် -------။ ဖိိုးးသာအောင်
အိန္ဒိယ သရက်သီး စိုက်ပျိုးသူများ မလေးရှားဈေးကွက်ဝေစု သိမ်းယူဖို့စီစဉ်
ကမ္ဘာ့သရက်သီး အများဆုံးတင်ပို့တဲ့ အိန္ဒိယနိုင်ငံဟာ ယခုရာသီအတွင်း သရက်သီးတန်ချိန် ၇ဝဝဝဝ ထိ တင်ပို့နိုင်မယ်လို့ ခန့်မှန်းထားပြီး ယခုနှစ် မလေးရှားဈေးကွက်ဝေစု ခဲျ့ထွင်ဖို့လည်း စီစဉ်ထားတယ်လို့ သိရပါတယ်။ ရာသီမတိုင်မီ ယခင်နှစ် ဆောင်းတွင်းအအေးပိုပြီး ပုံမှန်မဟုတ်တဲ့ မိုးရွာသွန်းမှုကြောင့် အရသာရှိတဲ့ Alphonso သရက်သီးအမျိုးအစားအပါအဝင် သရက်ထုတ်လုပ်မှု ကျဆင်းနိုင်တယ်လို့ ခန့်မှန်းထားပေမဲ့ ပြည်ပတင်ပို့မှုတော့ ကျဆင်းဖွယ်မရှိဘူးလို့ ခန့်မှန်းထားပါတယ်။
လက်ရှိအချိန်ထိ ပြည်ပတင်ပို့မှု အခြေအနေကောင်းနေဆဲဖြစ်ပြီး ယခုနှစ် ဇွန်လအတွင်း မလေးရှားကို တိုးမြှင့် တင်ပို့ဖို့လည်း စီစဉ်နေတယ်လို့ စိုက်ပျိုးရေးထုတ်ကုန်နဲ့ စားသောက်ကုန်ပြုပြင်ထုတ်လုပ်တင်ပို့မှုဌာန ဒုတိယအထွေထွေ မန်နေဂျာ V.K Kaul က ဆိုပါတယ်။ အိန္ဒိယ လတ်ဆတ်သရက်နဲ့ သရက်ဖျော်ရည်တို့ဟာ ကမ္ဘာတစ်ဝန်း ထင်ရှားပြီး ၂ဝ၁ဝ ခုနှစ်အတွင်း မလေးရှားနိုင်ငံက တန်ချိန် ၄ဝဝ နီးပါး တန်ဘိုးအားဖြင့် ရင်းဂစ် ၁ သန်း (ကန်ဒေါ်လာ ၃ ဒသမ ၃၁ သိန်း) ဖိုးတင်သွင်းခဲ့တယ်လို့ ဆိုပါတယ်။ ဒါပေမဲ့ အဲဒီပမာဏဟာ ယခင်နှစ်က အိန္ဒိယ စုစုပေါင်းတင်ပို့မှု တန်ချိန် ၆၅ဝဝဝ နဲ့ယှဉ်ရင် အလွန်ပဲ နည်းနေသေးတယ်လို့ ဆိုပါတယ်။
အိန္ဒိယနိုင်ငံမှာ ဧပြီလနဲ့ ဇူလိုင်လအတွင်း စုစုပေါင်းသရက်သီးတန်ချိန် ၁၃ သန်းထုတ်လုပ်ပြီး ကမ္ဘာ့ထုတ်လုပ်မှုရဲ့ ၄ဝ ရာခိုင်နှုန်းရှိတယ်လို့ ဆိုပါတယ်။ အိန္ဒိယနိုင်ငံမှာ ပြည်တွင်းသရက်မျိုးပေါင်း ၁ဝဝဝ နီးပါးရှိတဲ့ အနက် ၃ဝ မျိုးသာလျှင် စီးပွားဖြစ်စိုက်ပျိုးတယ်လို့ ဆိုပါတယ်။ ယမင်းခင်၊Source: yahoo.com
ဂျပန် နာနတ်သီးများ မန်းဈေးကွက်ဝင်
မန္တလေးတိုင်းဒေသကြီး သစ်သီးဝလံဈေးကွက်အတွင်း တစ်နှစ်ပတ်လုံး နာနတ်သီးများကို တွေ့ရှိနေရသော် လည်း ယခုအခါ ရှမ်းပြည်နယ် (မြောက်ပိုင်း)၊ ရွှေကူ၊ ဗန်းမော်၊ ပြင်ဦးလွင်နယ်ဘက်မှ ပေါ်ဦးပေါ်ဖျား၊ ဂျပန်နာနတ်သီးများ ရာသီချိန် ဝင် ရောက်လာပါတယ်။
ပေါ်ဦးပေါ်ဖျား ဖြစ်တဲ့အတွက် သစ်သီးဈေးကွက်မှာ ဂျပန်နာနတ် သီးရှယ် ၁ဝ လုံး ၃၅ဝဝ ကျပ်၊ အလတ် စ ၁ဝ လုံး ၂၅ဝဝ ကျပ်၊ အသေးစ ၂ဝဝဝ ကျပ်ဖြင့် ရောင်းဝယ်နေပါတယ်။ လက်လီအရောင်း တစ်လုံး ၃ဝဝ ကျပ်- ၄ဝဝ ကျပ်-၅ဝဝ ကျပ်နှုန်းဖြင့် အရွယ် အစားအလိုက် ရောင်းချကြကြောင်း သိရပါတယ်။ ပြုံးရီ
ဝတ်ဆင်သူတိုင်း နှစ်သက်တဲ့ ဝမ်းတွင်းချည်ချောလုံချည် ချည်ထည်ယက်လုပ်ခြင်းလုပ်ငန်းမှာ ဝမ်းတွင်းမြို့ရဲ့ ထင်ရှားတဲ့ စီးပွားရေးလုပ်ငန်းတစ်ခုဖြစ်ပါတယ်။ ယက်လုပ်တဲ့ အထည်များမှာ အမျိုးသား၊ အမျိုးသမီးဝတ် ချည်ချောလုံချည်များဖြစ်ပါတယ်။ (၁/၄ဝ) ဝါဂွမ်းချည်စစ်စစ်ကို အရောင်း အသွေး၊ အဆင်ဒီဇိုင်းစုံလင်စွာရက်လုပ်ပြီး ရန်ကုန်၊ မန္တလေးဈေးကွက်များမှတစ်ဆင့် မြန်မာပြည်အနံှ့အပြားသို့ ၇ ရက်တစ်ပတ်ကို အထည်ကွင်းပေါင်း နှစ်သိန်းကျော် ထုတ်လုပ်တင်ပို့ကြောင်း သိရပါတယ်။ ထုတ်လုပ်သောအထည်များမှာ ပေါ့ပါးခြင်း၊ ရာသီဥတုနဲ့ ကိုက်ညီခြင်း၊ အဆင်ဒီဇိုင်းလှပခြင်းတို့ကြောင့် ဝတ်ဆင်သူ များ အထူးနှစ်သက်ပြီး ဝယ်ယူသုံးစွဲကြကြောင်း သိရပါတယ်။ ဒေသအတွင်းမှာတော့ ကိန္နရီတံဆိပ်၊ မြသဇင်တံဆိပ်၊ကိုးသုံးလုံးတံဆိပ်၊ သိန်းတံဆိပ်၊ စိန်သရဖူတံဆိပ်များမှာ ဝယ်လိုသူများတာကြောင့် ရောင်းအားမြင့်တက်နေတယ်လို့ ဈေးကွက်အတွင်းမှ ကြားသိရပါတယ်။ ဒီတစ်ပတ်ဒေသတွင်း လက်လီရောင်းချနေသော ဈေးနှုန်းများမှာ အမိုျးသားဝတ် ၁/၄ဝ ချည်ပလေကပ် ၂၃ဝဝ ကျပ်-၂၆ဝဝ ကျပ်၊ ဂန့်ဂေါ ၂၃ဝဝ ကျပ်၊ နဒီ ၂၃၅ဝ ကျပ်-၂၆ဝဝ ကျပ်၊ မြပွင့်တူ (ပုလဲ) ၂ဝဝဝ ကျပ်ဖြစ်ပြီး၊ အမျိုးသမီးဝတ် ၁/၄ဝ ချည် ပွင့်ထိုးလုံးချည် ၂၅ဝဝ ကျပ်၊ ရှမ်းမတန်းလုံချည် ၂၃ဝဝ ကျပ်ဖြစ်ကြောင်း၁/၄ဝ ချည်ချောလုံချည်နှစ်သက်သူများအတွက် သတင်းပေးလိုက်ပါတယ်။ ခင်စ်စန်းးမြင့့််