Main menu

Background

Wednesday, 4 May 2011

 ဆီးရိုင်းသီးလည်း ဝရင် ဈေးမကောင်း             ဝတာဟာ ကိုယ်ကိုယ်တိုင်အတွက် အသွားလေး အလာနှေး အထိုင်အထလေးတဲ့အပြင် ရေရှည် ကျန်းမာရေးအတွက် မကောင်းတာ လူတိုင်းသိကြပါတယ်။တစ်ခါတစ်ရံ ပတ်ဝန်းကျင်ကိုလည်း အနှောက်အယှက် ဖြစ်တတ်ပါတယ်။ ဝတဲ့ သူ ဆိုက်ကားစီးရင် ပုံမှန်ထက် နှစ်ဆအတောင်းခံရသလို တစ်ဖက် ၁၂ ယောက်ဆံ့တဲ့ ဟိုင်းလတ်လို၊ ဒိုင်နာလို ဘေးတန်းခုံတွေမှာ ဝတဲ့သူတွေကြောင့် ၁ဝ ယောက်နဲ့ပဲပြည့်သွားရင် စပယ်ယာရဲ့ မေတ္တာပို့သခြင်းကို ခံရတတ်ပါတယ်။ ဒါကြောင့် ဝတာ မကောင်းပါဘူး။             လူတွင်မကပါဘူး ဆီးရိုင်းသီးတွေမှာလည်း ဝရင်ဈေးမရပါဘူး။ ပေါက်နယ်၊ မြိုင်နယ်ကထွက်တဲ့ ဆီးရိုင်းသီးတွေက သေးသေး ကျစ်ကျစ်တွေဆိုတော့ တစ်တင်းကို ၃၅ဝဝ ကျပ်ရပါတယ်။ ပခုက္ကူတစ်ဝိုက် ကံမနယ်က ဆီးသီးခြောက်အလုံး ထွားထွားတွေဆိုရင် တစ်တင်းကို ၂၅ဝဝ ကျပ်မှ ၃ဝဝဝ ကျပ်ဘဲရပါတယ်။ ဆီးသီးကလည်း သစ်သီးလှိမ့်ချတင်းတောင်းနဲ့ခြင် ဝယ်ရောင်းတာဆိုတော့ အလုံးရေပါဝင်မှုမှာ ကွာသွားလို့ပါ။               အလုံးရေကွာပြီးဆိုတော့ ဆီးစေ့ထွက်တာကွာပြီပေါ့ အခုလိုဆီးပေါ်ချိန်မှာဆိုရင် ကျောက်ပန်းတောင်း၊ ပခုက္ကူ၊ ကံမလမ်း တစ်လျှောက် ဆီးခွဲစက်ခြံဝင်းတွေအတွင်းမှာ ဆီးသီးခြောက်တွေ တောင်လိုပုံနေပါတယ်။ ဆီးသီးခြောက်တစ်တင်းကို ကြိတ်ခွဲရင် ဆီးဝက်ဆံ ၂၅ ကျပ်သားမှ ၂၇ ကျပ်သားထိ ထွက်ပါတယ်။ ဆီးဆံဈေးက တစ်ပိဿာကို သြင်္ကန်မကျမီက ၁၃၃ဝဝ ကျပ်ရှိခဲ့ပြီး လက်ရှိ ၁၄၆ဝဝ ကျပ် ပေါက်ပါတယ်။ ဆေးဝါးကုန်ကြမ်းအဖြစ် အသုံးပြုပြီး တရုတ်ဈေးကွက်ကို တင်ပို့ရောင်းချ တယ်လို့ သိရပါတယ်။ မောင်မောင်အေး

Wednesday, 4 May 2011

 စင်ကာပူဈေးကွက်သို့ စိန်တစ်လုံးသရက် တင်ပို့                ယခုနှစ် သရက်ရာသီမှာ မန္တလေးတိုင်းဒေသကြီးမှထွက်ရှိတဲ့ သရက်သီးများကို ပြည်ပဈေးကွက် တိုးခဲျ့ တင်ပို့မည်ဖြစ်ရာ စင်ကာပူဈေးကွက်သို့ စတင်တင်ပို့ပြီဖြစ်ကြောင်း မန္တလေးတိုင်း သရက်သီးအစုအဖွဲ့ ဥက္ကဋ္ဌထံမှ သိရပါတယ်။ စင်ကာပူဈေးကွက်သို့တင်ပို့ရန် မာလာမြိုင်ကုမ္ပဏီမှ ဝယ်ယူခဲ့ရာ ဧပြီ ၂၄ ရက်မှ ၂၇ ရက်အတွင်း ၃ တန်နီးပါး တင်ပို့ခဲ့ကြောင်း သိရပါတယ်။ သဇင်နွယ်သရက်ခြံပိုင်ရှင် ဒေါ်သန်းသန်းဆွေက 'မနှစ်က စင်ကာပူဈေးကွက် စပို့ရတာ။ မလေးရှားဈေးကွက်ဖောက်ဖို့လည်း စီစဉ်ထားတယ်။ လောလောဆယ် သရက်သီးကောင်းကောင်း မရင့်သေးလို့ စင်ကာပူဈေးကွက် ကို ခဏရပ်ထားရတယ်။ စင်ကာပူဈေးကွက်က သရက်သီးအစက်အပြောက် ပါတာ၊ ပိုးပါတာ မကြိုက်ဘူး။ ပြောင်ချောပြီး အရောင်လှမှ လက်ခံတာ။ တရုတ်ဈေးကွက်ကတော့ အကုန်ယူတယ်။ အကြီး၊ အသေးခွဲပြီး သူ့ဈေး နဲ့သူ ဈေးဖြတ်ပေးတယ်''လို့ ပြောပါတယ်။                  မန္တလေးတိုင်းဒေသကြီးမှထွက်ရှိတဲ့ သရက်သီးများကို မူဆယ် ၁ဝ၅ မိုင်မှတစ်ဆင့် တရုတ်နိုင်ငံဘက်မှ ဝယ်ယူလျက်ရှိရာ ဧပြီ ၂၁ ရက်မှ ၂၄ ရက်နေ့ထိ သရက် (အကြမ်းသီး) ၆၉၁၉၈ ဖာ၊ စိန်တစ်လုံးသရက် ၁ဝ၇၈၆ ဖာ၊ ရွှေဟင်္သာသရက် ၂၂၅၅ ဖာ တင်ပို့ခဲ့ကြောင်း သိရပါတယ်။ ဇူူးးဇူူးး

Wednesday, 4 May 2011

ပြည်ဒေသထွက် မြကျောက်သရက် ဈေးကွက်မှာ စတင်ရောင်းချ                   ပြည်ဈေးကွက်အတွင်း၌ ဒေသရဲ့ နာမည်ကျော် မြကျောက်သရက်သီးများ စတင်ရောင်းချနေတာကို တွေ့ရပါတယ်။ ပြည်မြို့တစ်ဖက်ကမ်း ရွှေဘုံသာ၊ စစ်တဝင်းနဲ့ မှော်ဇာဒေသများမှာ မြကျောက်သရက်များ အများဆုံး စိုက်ပျိုးကြပါတယ်။ ဧပြီနောက်ဆုံးပတ်မှစ၍ မြကျောက်သရက်သီးများ ထွက်ပေါ်ပြီး မေလလယ်လောက်မှာ ရင်ကွဲသရက်များ ဈေးကွက်ဝင်ရောက် လာမှာဖြစ်ပါတယ်။ ယခုနှစ် သီးကင်းစအချိန်မှာ အချိန်အခါမဟုတ် မိုးရွာသွန်း မှုနဲ့ လေပြင်းတိုက်ခတ်မှုများကြောင့် အသီးတင်မှု အနည်းငယ်နည်းခဲ့ပေမယ့် ယခင်နှစ်က ဈေးအတိုင်း ဈေးဖွင့်ရောင်းချတာကို တွေ့ရပါတယ်။ မြကျောက် တစ်လုံးကို ကျပ် ၅ဝဝ၊ ၁ဝ လုံးဈေး ကျပ် ၄၅ဝဝ ဈေးရှိပြီး ပေါ်ဦးပေါ်ဖျား လက်ဆောင်ပေးလိုသူများကြောင့် အရောင်းအဝယ်ဖြစ်လျက်ရှိပါတယ်။ အိရွှေစင်

Wednesday, 4 May 2011

 ဈေးကွက်မှ မျှော်လင့်နေတဲ့ စိန်တစ်လုံး သရက်သီး                   မန္တလေးရဲ့ ဈေးကွက်အခိုင်အမာရရှိနေတဲ့ စိန်တစ်လုံး၊ ရွှေဟင်္သာ၊ ရင်ကွဲ၊ အောင်ဒင်၊ မယ်သီ၊ မစောရင်၊ ပတ္တမြားငမောက်၊ ဦးမေဓိရ၊ ခေါင်ကျိုး သရက်သီးများထွက်ရှိလို့လာပါပြီ။ စောစောရင့်မှည့်ထွက်ရှိတဲ့ သရက်သီး ကတော့ စိန်တစ်လုံးနဲ့ အောင်ဒင်ဖြစ်ပါတယ်။ ကျောက်ဆည်၊ အမရပူရ၊ ပုသိမ်ကြီးမြို့နယ်က စိန်တစ်လုံး သရက်ခြံများမှ တစ်ရက်လျှင် ၁ဝ စီး၊ ၁၅ စီးထိ သြင်္ကန်ပြီးတဲ့နောက်ပိုင်း တင်ပို့နေကြပါတယ်။ မူဆယ် ၁ဝ၅ မိုင်မှာ စိန်တစ်လုံးတစ်ကီလိုဂရမ်ကို ၂ ဒသမ ၅ ယွမ်မှ ၃ ဒသမ ၅ ယွမ်အထိ ဈေးပေါက်ပါတယ်။ မနှစ်က ကာလတူ ဈေးနှုန်းထက် ပိုရတယ်လို့ဆိုပါတယ်။ ''ဟံမြင့်မိုရ်ကျေးရွာ ပတ်ဝန်းကျင်ရှိ စိန်တစ်လုံးစိုက်တဲ့ ရဲကြီး၊ သံရွာ၊ ပုန်းညက် ကျေးရွာများမှ ခြံပိုင်ရှင်များစုပေါင်းပြီး ဟိုင်းလတ်၊ ဒိုင်နာကား များငှားပြီး တစ်ရက်လျှင် ကားငါးစီး၊ ရှစ်စီးထိ ၃၅ လုံးဝင် ဂျပ်ဖာတစ်ခုကို ကားသယ်ယူခ ၁၈ဝဝ ကျပ်ဖြင့် မူဆယ် ၁ဝ၅ မိုင်သို့ တင်ပို့နေပါတယ်။ ဒီနှစ်က သရက်သီးအရည်သွေး၊ သတ်မှတ်ထုပ်ပိုးမှု စနစ်တကျရှိမှုကြောင့် တစ်ကီလို ၃ ဒသမ ၅ ယွမ်ထိရပါတယ်။ လေပြင်းတိုက်ခတ်လို့ အထွက်နှုန်း ကျသော်လည်း ဈေးကွက်ခိုင်မာတဲ့အတွက် စိန်တစ်လုံးသရက်ခြံပိုင်ရှင်များ ဈေးကောင်းရနေကြပါတယ်''လို့ ကျောက်ဆည်မြို့၊ ဟံမြင့်မိုရ်ကျေးရွာမှ သရက် သီးစိုက်ပျိုးထုတ်လုပ်တင်ပို့ရောင်းချသူ ဦးအောင်ကျော်မိုးထံမှ သတင်းရ ရှိပါတယ်။ ကျော်ဦး

Sunday, 20 Mar 2011

နယ်စပ်မှာ အရောင်းသွက်နေတဲ့ ဖရဲသခွားနဲ့ အခြားသစ်သီးဝလံများ                 မတ်လ ၉ ရက်မှ ၁၅ ရက်ထိကာလအတွင်း နယ်စပ်စခန်းများဖြစ်တဲ့ မူဆယ်နဲ့ မောင်တောတို့မှ ဖရဲသီး ၁ဝ၂၄၈ တန်ခန့် ကန်ဒေါ်လာ ၁ ဒသမ ၁၅ သန်းဖိုး တင်ပို့နိုင်ခဲ့ပါတယ်။မောင်တောနယ်စပ်မှ ၂၇ တန်ခန့်နဲ့ မူဆယ်မှ ၁ဝ၂၂ဝ တန်ကျော်တင်ပို့ခဲ့တာဖြစ်ပါတယ်။သခွားမွှေးတန်ချိန် ၃၃၁၈ တန်ကျော် ကန်ဒေါ်လာ ၅၅၈ဝဝဝ ဖိုးလည်း မူဆယ်မှ တင်ပို့နိုင်ခဲ့ပြီး ဆီးသီးအစို ၄၃၂ ဖာကန်ဒေါ်လာ ၁ သိန်းဖိုးလည်း တင်ပို့နိုင်ခဲ့ပါတယ်။ကန်ပိုက်တီးနယ်စပ်မှ တစ်ရှုး ငှက်ပျော တန် ၁ သိန်း၊ ကန်ဒေါ်လာ ၁၆၃၉၃ ဖိုးလည်း တင်ပို့နိုင်ခဲ့ပါတယ်။ ရိဒ်နဲ့ တမူးနယ်စပ်များမှ ကန်ဒေါ်လာ ၃ဝဝဝ တန်ဖိုးရှိ ချင်းတောင်ပန်းသီး ၈ တန် ကျော်လည်း တင်ပို့နိုင်ခဲ့တယ်လို့ သိရှိပါတယ်။ချင်းရွှေဟော်နယ်စပ်မှ ကန် ဒေါ်လာ ၆၂၉၂ ဒေါ်လာ တန်ဖိုးရှိ ဖရုံသီးတန် ၇ဝ လည်းတင်ပို့နိုင်ခဲ့ပါသေးတယ်။ MIRT (DOBT)

Sunday, 20 Mar 2011

 ဗန်းမော် - ရွှေကူ - ကသာ ဆောင်းဖရဲ                 ဗန်းမော်ဒေသ ရွှေကူဒေသနဲ့ ကသာဒေသတို့မှာ နိုဝင်ဘာ လဆန်းက စိုက်ပိုျးထားတဲ့ ဆောင်းဖရဲတွေထွက်နေပါပြီ။ ၄ ပိဿာအောက်စ ဖရဲသီးဆိုရင် ၁ဝ/၁၂ ဘီးကား ၁ စီးမှာ ဖရဲအလုံး (၃ဝဝဝ-၃၂ဝဝ) လောက်တင်နိုင်ပြီး၊ လွယ်ဂျယ် နယ်စပ်ကုန်သွယ်ရေးစခန်းမှ တဖက်နိုင်ငံ လိုင်းရင်း ဈေးကွက် ကို ပေါ်ဦးပေါ်ဖျားစပြီး တင်ပို့နေပါပြီ၊ အကြမ်းဖျင်း အားဖြင့် ဖရဲသီးကို ၄ ပိဿာအောက်နဲ့ ၄ ပိဿာအထက်လို့ ခွဲခြားပြီးရောင်းဝယ်ကြတာဖြစ်ပါတယ်။ဖရဲတစ်လုံး အနည်းဆုံး ၄ ပိဿာရှိတဲ့အရွယ်ကို ၄ ပိဿာအောက်စလို့ ခေါ်လေ့ ရှိပါတယ်။ ၄ ပိဿာမရှိတဲ့ အရွယ်ကိုတော့ အသီးအနေ အထား အရွယ်ကြည့်ပြီး ရောင်းဝယ်ကြပါတယ်။ယခုအခင်း ဈေး ၄ ပိဿာအောက်စ ၁ လုံး ၁ဝဝဝ-၁၂ဝဝ ကျပ်ရှိပြီး၊ အခင်း ကနေ ဆိပ်ကမ်းကို လှည်းခ ၁ လုံး ၇ဝ ကျပ်၊ တစ်စီးအလုံး ၅ဝ သာတင်နိုင်ကြောင်း၊ မော်တော်ခ ၃ သိန်း (ဗန်းမော်တပ်ကလေးဆိပ်ကြီးထိ) အလုပ်သမားခ ၁ သိန်း ၂ သောင်း၊ ကောက်ရိုး ၅ သောင်းကျပ်၊ ဗန်းမော်လွယ်ဂျယ်ကားခကားကြီးတစ်စီး ၇၅ဝဝဝဝ ကျပ်ကုန်ကျ ကြောင်း သိရပါတယ်။ အခင်းရှင်ကိုယ်တိုင် ဗန်းမော် နယ်စပ် ကုန်သွယ်ရေးစခန်းမှတစ်ဆင့် လိုင်းရင်းဈေးကွက်ကို ကိုယ် တိုင် ရောင်းချကြပြီး တရုတ်ဘက်ကလည်း ၄ ပိဿာ အောက်စဆိုရင် ဈေးကောင်းပေးကြကြောင်း၊ ဖရဲအရည် အသွေးနဲ့ အရွယ်အစားကောင်းရင် ကောင်းသလို ဈေးပိုရလေ့ရှိပြီး၊ လွယ်ဂျယ် နယ်စပ်ကုန်သွယ်ရေး ကားကွင်း ထဲမှာပဲ ကားအစီး လိုက် ရောင်းကြဝယ်ကြပါတယ်။ရွှေကူမြို့၊ ဇီးဖြူကုန်းမှာ ဧက (၂ဝ) စိုက်ပျိုးပြီးကိုယ်တိုင်တင်ပို့ ရောင်း ချတဲ့ ကိုဇော်မင်းသိန်းမှ လက်ရှိဈေးမှာ ကားကြီး ၁ စီး ၄ ပိဿာအောက်စ ၅၅ဝဝဝ-၆ဝဝဝဝ ယွမ်ဈေး ရှိကြောင်း၊ ဖရဲကား အတက် များလျှင် ဈေးကျသွားတတ်လေ့ ရှိကြောင်း၊ဒါ့ကြောင့် ရောင်းချတဲ့အခင်းရှင်များကလည်း အခိုျးကျညှိနှိုင်း တင်ပို့ဖို့လိုကြောင်း၊ ဖရဲဈေးလည်း အသင့်အတင့်ကောင်း၍ ဒီနှစ် တရုတ်ဘက်ကို ဖရဲတင်ပို့မှု ယခင်နှစ်ထက် ပိုကောင်း နိုင်တယ်လို့ ခန့်မှန်းနေကြပါတယ်။                 နကသ(လဂ)MIRT

Sunday, 27 Feb 2011

ကဏန်းများမျိုးပွားနိုင်စေရန် ဘေးမဲ့တောများတွင် ပြန်လွှတ်ပေးခဲ့              ကဏန်းများထွက်ရှိရာ တိုင်းဒေသကြီးများတွင် ကဏန်းများမျိုးပွားနိုင်စေရန် ဘေးမဲ့တောများတွင် ပြန်လွှတ် ပေးခဲ့ကြောင်း ငါးလုပ်ငန်းဦးစီးဌာနက သိရသည်။                       ''ငါးလုပ်ငန်းဦးစီးဌာနရဲ့ စီစဉ်မှုနဲ့ ကဏန်းထွက်ရှိရာ ရခိုင်ပြည်နယ်၊ ဧရာဝတီတိုင်းဒေသကြီးနဲ့ တနင်္သာရီတိုင်း ဒေသကြီး ၃ ခုတို့မှာ ကဏန်းဘေးမဲ့တော ဧရိယာဇုန်တွေ သတ်မှတ်ပေးထားပါတယ်။ အဲဒီဒေသတွေမှာ ကဏန်းတွေ မျိုးပွားနိုင်စေဖို့နဲ့ ကဏန်းတွေမျိုးမသုဉ်းစေဖို့အတွက် ရည်ရွယ်ပြီး ဥပါတဲ့ ကဏန်း အမကြီးတွေ၊ ၁ဝဝ ဂရမ်အောက် ကဏန်းသေးတွေနဲ့ ၁ဝဝ ဂရမ်အထက် ကဏန်းအကြီးတွေကို လွှတ်ပေးနေပါတယ်''ဟု ငါးလုပ်ငန်းဦးစီးဌာနက တာဝန်ရှိသူ တစ်ဦးက ပြောကြားသည်။                    ကဏန်းမဖမ်းရဘေးမဲ့တောများအနက် ဧရာဝတီတိုင်းဒေသကြီးအတွင်းရှိ လပွတ္တာမြို့နယ်၊ ဟိုင်းကြီးကျွန်း ဒေသ တွင် ဖေဖော်ဝါရီလ ဒုတိယပတ်က ကဏန်းကောင်ရေ ၁၅ဝဝဝ လွှတ်ပေးခဲ့သည်ဟု ဆိုသည်။ MN

Wednesday, 9 Feb 2011

 တစ်နေ့လျှင် နဂါးမောက်သီး တန်ချိန် ၁ဝဝဝ တင်ပို့နေတဲ့ ဗီယက်နမ်နိုင်ငံက Binh Thuan  ပြည်နယ်                  ၂ဝ၁၁ ခုနှစ် ဇန်နဝါရီလ ကုန်၊ ဖေဖော်ဝါရီလဆန်းတွင် ရောက်ရှိမဲ့ ဗီယက်နမ်ရဲ့ Tet ခေါ် Lunar နှစ်သစ် ကူးပွဲအတွက် ဗီယက်နမ်နိုင်ငံ Binh Thuan ပြည်နယ်မှ တစ်နေ့ကို နဂါးမောက်သီး တန်ချိန် ၁ဝဝဝ တင်ပို့လျက်ရှိ ရာ ပုံမှန်တင်ပို့မှုနဲ့ နှိုင်းယှဉ်ပါက စံချိန်တင်မြင့်မားလျက်ရှိပါတယ်။ အဖြူရောင်အနှစ်ပါ နဂါးမောက် သီးလက်ကား ဈေးအနေနဲ့ တစ်ကီလိုဂရမ်ကို ဗီယက်နမ်ဒေါင် ၁၃ဝဝဝ မှ ၁၄ဝဝဝ အထိရရှိပြီး နဂါးမောက်သီးစိုက်ပျိုးသူများမှာ တစ်ကီလိုဂရမ်ကို အနည်းဆုံး ဗီယက်နမ်ဒေါင် ၇ဝဝဝ အမြတ်ရနိုင်မှာဖြစ်ကြောင်း၊ ပန်းရောင်အနှစ်ပါ နဂါးမောက် သီးအမျိုးအစားမှာ တစ်ကီလိုဂရမ်ကို ဗီယက်နမ်ဒေါင် ၃၄ဝဝဝ အထိ အမြင့် ဈေးရရှိသော်လည်း ယခုလက်ရှိတွင် ပြည်ပ ကိုတင်ပို့ဖို့ လုံလောက်တဲ့ အရေ အတွက်မရရှိသေးကြောင်း Binh Thuan ပြည်နယ် နဂါးမောက်သီးအသင်း အဖွဲ့မှ ဥက္ကဌ Bai Dang Hung မှပြောကြားပါတယ်။                     ဗီယက်နမ်နိုင်ငံ Binh Thuan  ပြည်နယ်ရှိ နဂါးမောက်သီးခြံတွင် နဂါးမောက်စိုက်ဧက ဟက်တာ ၁၃ဝဝဝ ခန့်ရှိရာ ဟက်တာ ၁၂၃ဝဝ ကို အဖြူရောင် အနှစ်ပါ နဂါးမောက်သီးစိုက်ပျိုးပြီး ဟက်တာ ၃ဝ ကို ပန်းရောင်အနှစ် ပါနဂါး မောက်သီးစိုက်ပျိုးကြပါတယ်။ တောင်ကိုရီးယားနိုင်ငံနဲ့ ချီလီနိုင်ငံတွင် ပူပြင်းမှု ဒဏ်မှ ကာကွယ်ကုသဖို့အတွက် မကြာသေးမီအချိန်က လိုအပ်တဲ့ မှတ်ပုံတင်ခြင်းများ ပြုလုပ်ပြီး နဂါးမောက်သီးများကိုစပြီး သွင်းလာခဲ့ရာ ဗီယက်နမ် နိုင်ငံအနေနဲ့ ပို့ကုန်အလျင်အမြင်တိုးမြှင့်ဆောင်ရွက်ဖို့ တွန်းအားတစ်ခုဖြစ်လာပါတယ်။ ဗီယက်နမ်နိုင်ငံက ယခုဆိုရင် သြစတြေးလျနဲ့ နယူးဇီလန်နိုင်ငံများကို နဂါးမောက်သီး တင်ပို့ဖို့ ဆက်သွယ်စီစဉ်လျက်ရှိပါတယ်။ ဗီယက်နမ်နိုင်ငံမှ နဂါးမောက်သီးကို အိမ်နီးချင်း နိုင်ငံဖြစ်တဲ့ တရုတ်နိုင်ငံကို အများဆုံးတင်ပို့နေတဲ့ အပြင် အာရှနိုင်ငံများ၊ အမေရိကန်နဲ့ ဥရောပနိုင်ငံများသို့လည်း တိုးတက်တင်ပို့လျက် ရှိပါတယ်။ နှင်းပန်းဖြူ၊Source:VOVnews.com

Wednesday, 9 Feb 2011

ဈေးကွက်ဝင်အရောင်းအဝယ်ဖြစ်နေတဲ့ ပန်းမွှေးခြောက်             မိုးကောင်းဒေသအတွင်း ယခုတလော ပန်းမွှေးခြောက်များ ဈေးကွက်မှာအရောင်းအဝယ်ဖြစ်နေတာကို တွေ့ရပါတယ်။ မိုးကောင်းဒေသ သိုက်ဝါးကုန်း၊ အင်ကြင်းကုန်း၊ ထောင်နီ၊ ပင်းကျိုင်းကျေးရွာများရှိ သစ်တောများ အတွင်း သဘာဝအလျောက် ပေါက်ရောက်နေတဲ့ သစ်မွှေးပင်မှ ပန်းမွှေးခြောက်များရရှိပြီး ဈေးကွက်မှာတော့ ပန်းမွှေးခြောက် တစ်ပိဿာ ကျပ် ၂ဝဝဝဝ မှ ၂၂ဝဝဝ၊ ပန်းမွှေးအစို တစ်ပိဿာ ကျပ် ၃၈ဝဝ မှ ၄ဝဝဝ ဈေးပေးဝယ်ယူနေပြီး၊ တရုတ် ဘက်သို့တင်ပို့ရန် ဝယ်လက်များဝယ်ယူနေတာကြောင့် အရောင်းအဝယ်သွက်နေကြောင်း သိရပါတယ်။ တရုတ်နှစ်သစ် ကူးကာလမှာ တင်ပို့မှုရပ်ဆိုင်းနိုင်သော်လည်း နှစ်သစ်ကူးပြီးတာနဲ့ တင်ပို့နိုင်ရေးအတွက် ဝယ်လက်တွေကတော့ အဝယ်မရပ်ဘဲ စုဆောင်းဝယ်ယူနေတာကြောင့် အရောင်းအဝယ်မရပ်ဘဲ ဒေသများအတွက် အပိုဝင်ငွေတိုးနေကြောင်း သိရပါတယ်။မိုးကောင်းဒေသတွင်းမှာ ပန်းမွှေးခြောက်အပြင် သစ်မွှေးစိုက်ပျိုးသူများ၊ ပျိုးခြံများမှလည်း သစ်မွှေးမျိုးစေ့များကို နို့ဆီဘူးတစ်ဘူး ကျပ် ၆၅ဝဝဝမှ ၇၂ဝဝဝအထိ ဈေးပေးဝယ်ယူနေတာကြောင့် သစ်မွှေးမျိုးစေ့ ရှာဖွေသူများလည်း အလုပ်အကိုင်ရနေကြောင်း သိရပါတယ်။ ကိုကိုစိုး

Thursday, 9 Dec 2010

 ဖားကန့်၊ လဝါးလိမ္မော် ဈေးကွက်ထဲရောက်               ကချင်ပြည်နယ်၊ ဖားကန့်မြို့နယ် လဝါး၊ ဒွန်ဘန်ဒေသများမှာ နိုဝင်ဘာလဆန်းက လိမ္မော် သီးများ စတင် ထွက်ပေါ်လာခဲ့ပါတယ်။ ယခင်က လဝါး၊ ဒွန်ဘန်ဒေသများမှာ လိမ္မော်အနည်း ငယ်သာ စိုက်ပျိုးထွက်ရှိသော်လည်း လွန်ခဲ့သော ၅ နှစ်၊ ၆ နှစ်မှစပြီး လုပ်ငန်းရှင်များမှ လီဒို ကားလမ်းကြီး ဘေးဝဲယာတစ်လျှောက်မှာ ခြံများဝယ်ယူပြီး စီးပွားဖြစ်ရင်းနှီးမြုပ်နံှ စိုက်ပျိုးခဲ့ရာ ယခုအခါ လိမ္မော်သီးထွက်ရှိမှု များပြားလာခဲ့ပါတယ်။                ယခုနှစ် သစ်သီးဝလံရောင်းဝယ်သူများမှာ လဝါးဒေသ လိမ္မော်သီးများကို မိုးကောင်း ဈေးကွက်သို့တင်ပို့၍ ရောင်းဝယ်နေကြသလို ခြံပြတ်၊ အပင်ပြတ်လည်း ဝယ်ယူနေကြပြီး၊ လဝါးမှ မိုးကောင်း၊ မိုးကောင်းမှတစ်ဆင့် ဖားကန့်၊ စစ်ကိုင်း၊ မန္တလေးသို့ တင်ပို့လျက်ရှိပါတယ်။               ဒေသတွင်း လိမ္မော်သီး(လက်လီ)ဈေးတစ်လုံး အသေး ၃၅ကျပ်၊ အကြီး ၅ဝ ကျပ်၊ လဝါး ဒေသခြံပြတ် ဈေးမှာ အသီးအရေအတွက်၊ အပင်အရေအတွက်ဖြတ်ပြီး ၂ဝ သိန်းမှ ၃ဝ သိန်းထိ ရောင်းဝယ်လျက်ရှိပါတယ်။ အပင်ပြတ် ဈေးမှာ ၄ လုံးလျှင် ၁ဝဝ ကျပ်ရှိပါတယ်။ ယခုနှစ်မှာ မိုးများတဲ့အတွက် လိမ္မော်သီးအထွက်နှုန်း ပိုမိုလာခဲ့တာ ကြောင့် ခြံရှင်များဝမ်းသာနေကြသ လို လိမ္မော်ဝယ်ယူရောင်းချသူများ၊ တစ်နိုင်တစ်ပိုင်သယ်ယူရောင်းချ သူများမှာလည်း တွက်ခြေ ကိုက်နေကြောင်း သိရပါတယ်။ ဝင်းသိန်းဦး

Pages