ရန်ကုန်မြို့ ရွှေဈေးကွက် ဈေးငြိမ်နေ           ရန်ကုန်မြို့ ရွှေဈေးကွက်အတွင်း အရောင်းအဝယ် အေးနေသောကြောင့် ရွှေဈေးနှုန်းမှာ အတက်အကျသိပ်မရှိပဲ ဈေးငြိမ်နေကြောင်း ရွှေလုပ်ငန်းလုပ်ကိုင် သူတစ်ဦးက ပြောကြားသည်။           ''အခုဈေးကွက်ထဲမှာက ကမ္ဘာ့ရွှေဈေးပဲ အတက်အကျပြောင်းနေတယ်။ ပြည်တွင်းဈေးကွက်ကတော့ ဈေးငြိမ် တယ်လို့ပြောလို့ရတယ်။ရွှေဈေးက တစ်ကျပ်သားကို ကျပ်တစ်သောင်းကျော် အပြောင်းအလဲရှိမှ ဈေးကွက်လှုပ်ရှား တယ်လို့ ပြောလို့ရတယ်။ ကမ္ဘာ့ဈေးက တော့ အမျိုးမျိုးကို ပြောင်းနေတယ်။ တချို့က ကမ္ဘာ့ဈေးတက်ရင် ပြည်တွင်း ဈေးပါလိုက်တက်မယ်လို့ ထင်ကြတယ်။ နိုင်ငံခြားငွေဈေးနှုန်းတွေက ကျနေ တော့ ပြည်တွင်းဈေးက လိုက်တက်လို့ မရဘူး။ ဒါကြောင့် ဈေးငြိမ်နေတာ၊ နောက်တစ်ချက်က အရောင်းအဝယ် ကလည်းသိပ်မရှိဘူး။ ရွှေဆိုတာကငွေပို ငွေလံျှရှိမှ စုဆောင်းကြတာ၊ မရှိမဖြစ် လိုအပ်တဲ့ပစ္စည်းလို မဟုတ်ဘူး'' ဟု ၎င်း က ပြောကြားသည်။          ရွှေဈေးကွက်အတွင်း ကမ္ဘာ့ရွှေဈေး နှုန်းမှာ ယခင်တစ်ပတ်က တစ်အောင် စလျှင် အမေရိကန်ဒေါ်လာ ၁၃၃၈ အ ထိကျဆင်းခဲ့သော်လည်း ယခုတစ်ပတ် တွင်မူ အမေရိကန်ဒေါ်လာ ၁၃၉ဝ အ ထိ ပြန်လည်မြင့်တက်လာကြောင်းနှင့် ပြည်တွင်းရွှေဈေးနှုန်းမှာမူ အခေါက်ရွှေ တစ်ကျပ်သားလျှင် ၆၆၃ဝဝဝ ကျပ်ဖြင့် ဈေးငြိမ်နေကြောင်းသိရသည။် မင်းသန်

 အာရှရွှေအဝယ် ပိုမိုကောင်းမွန်လာ              ရွှေဈေးကွက်အတွင်း တောင်ကိုရီးယားနိုင်ငံရဲ့ အဝယ်အား ကောင်းလာတယ် လို့ဆိုပါတယ်။ သုံးစွဲသူတွေအနေနဲ့ ရွှေချောင်းအဝယ်ဘက်မှာ ပိုမိုလာပြီး ငွေကြေး အစားခိုင်မာတဲ့ ပစ္စည်းအဖြစ် ရွှေကိုရင်းနှီးမြူပ်နံှဖို့ ဝယ်ယူလာမှုပိုမိုခဲ့ကြောင်း ဖော်ပြခဲ့ပါတယ်။ ''ကိုရီးယားရွှေ လက်ငင်းအရောင်းအဝယ်ဈေးကွက်ကို လာမဲ့ ၂ဝ၁၂ ခုနှစ်မှာစတင်ဖွင့်မယ်။ အစီအမံတွေက သေချာသလောက်ဖြစ်နေပြီ'' လို့ အမှုဆောင်အရာရှိ Kin In Soo ကပြောခဲ့ပါတယ်။               အာရှရဲ့ငွေကြေးဈေးကွက်ထဲက ရင်းနှီးသူတွေက ငွေကြေးလဲလှယ်မှုနှုန်းများ ဆက်လက်အားပျော့နိုင်နေတယ်လို့ သုံးသပ်ကြပြီး တစ်ဖက်ကလည်း ငွေကြေး ဖောင်းပွနှုန်းကိုလည်း ပစ်ပယ်ထားလို့မရသေးတဲ့ အနေအထားလည်းဖြစ်နေတာမို့ အာရှမှာ ရွှေအဝယ် တိုးလာမှုဖြစ်နေပါတယ်လို့ သုံးသပ်ပါတယ်။ လာမဲ့နှစ်တွေမှာ အသေးစားရွှေ အရောင်းအဝယ်တွေ ပိုမိုတိုးပွားနိုင်ဖွယ်ရှိပြီး စိတ်ဝင်တစားရင်းနှီး သူများလည်း ပိုလာနိုင်တယ်လို့ Kin  က ပြောပါတယ်။              အာရှရဲ့ ရွှေဝယ်လိုအားအနက် တရုတ်နိုင်ငံက ၂ဝဝ၉ ခုနှစ်က ၄၅ တန်ဝယ် ခဲ့ပေမဲ့ ဒီ ၂ဝ၁ဝ ခုနှစ် ၁ဝ လတာကာလမှာ ၂ဝ၉ တန် ဝယ်ခဲ့ကြောင်း ရှန်ဟိုင်း အရောင်းအဝယ်ဈေးကွက်က ပြီးခဲ့တဲ့လက ထုတ်ဖော်ပြောကြားခဲ့ပြီး၊ တရုတ်နိုင်ငံ အနေနဲ့ အများဆုံးရွှေထုတ်လုပ်သူ၊ အများဆုံးသုံးစွဲသူဖြစ်တဲ့အပြင် ရွှေဈေးကွက် ပိုမိုကြီးမားကျယ်ပြန့်လာစေရေးအတွက် ရည်ရွယ်ဆောင်ရွက်လျက်ရှိနေတာကြောင့် အာရှဈေးကွက်ရဲ့ ဝယ်လိုအားက သာလွန်အားကောင်းမှုရှိနေမှာပဲလို့ ကမ္ဘာ့ရွှေ ကောင်စီက ဒီဇင်ဘာ ၇ ရက်နေ့မှာ ပြောခဲ့ပါတယ်။     Source:bloomberg.com, WWN

 ရွှေဈေးကွက်အတွင်း ဝယ်လိုအားအနည်းငယ်ပြန်ရှိလာ             ယခုအခါတွင် ပြည်တွင်းရွှေဈေးကွက်အတွင်းတွင် အရောင်းအဝယ် အနည်းငယ်ပြန်ရှိလာသောကြောင့် ရွှေ ဈေးနှုန်းများမှာ အနည်းငယ် ပြန်မြင့် တက်လာကြောင်း ရွှေလုပ်ငန်းလုပ်ကိုင် သူတစ်ဦးက ပြောကြားသည်။ ''အခုငွေဈေးကလည်း နည်းနည်း ပြန်ကျသလို ကမ္ဘာ့ရွှေဈေးကလည်း ပြန်ကျလာတဲ့အတွက် အရောင်းအဝယ် နည်းနည်းပြန်ရှိလာတယ်။ အရမ်းကြီး တော့ မကောင်းသေးဘူး။ ဈေးကြီးမိ ထားတဲ့သူတွေကလည်းပြန်ထုတ်ရောင်း ဖို့ကို ဈေးကောင်း စောင့်ကြည့်နေကြ တယ်။ အခေါက်ချွတ်သမားတွေက တော့ပုံမှန်ပဲ။ နေ့တိုင်း အဟောင်းက အရောင်းအဝယ်ရှိနေတော့ အသစ်ပြန် လုပ်ရင် အခေါက်ချွတ်ရတယ်ဆိုတော့ သူတို့ကပုံမှန်လို့ ပြောလို့ရတယ်။ အခု ဒီနှစ်ကစပြီး သွားပြီဆိုတော့ လာမယ့် နှစ်ကို အရောင်းအဝယ် ပြန်ကောင်း အောင်စောင့်နေကြတယ်''ဟု ယင်းက ပြောကြားသည်။ ယခုလတ်တလောဈေးကွက်အတွင်း တွင် ကမ္ဘာ့ရွှေဈေးနှုန်းမှာ ဒီဇင်ဘာလ ၈ ရက်နေ့တွင် တစ်အောင်စလျှင် အမေရိကန်ဒေါ်လာ ၁၄၂၈ အထိ မြင့် တက်ခဲ့ပြီး ဒီဇင်ဘာလ ၁ဝ ရက်နေ့တွင် အမေရိကန်ဒေါ်လာ ၁၃၃၈ သို့ ပြန် လည်ကျဆင်းလာကြောင်းနှင့် ပြည်တွင်း ရွှေဈေးနှုန်းမှာ အခေါက်ရွှေက တစ် ကျပ်သားလျှင် ၆၆၄ဝဝဝ ကျပ်သို့ ပြန် လည်မြင့်တက်လာကြောင်း သိရသည်။                                                                 မင်းးသန့််

 ဒေါ်လာပေါက်ဈေးကျဆင်းခြင်းနဲ့အတူ စိန်ဈေးနှုန်းကျဆင်းပြီး တန်ဆောင်တိုင်ကာလတွင် မန္တလေးစိန်ကုန်သည်များ အရောင်းအဝယ်ဖြစ်              မန္တလေးစိန်ဈေးကွက်တွင် ဒေါ်လာ ဈေး ကျဆင်းလျက်ရှိခြင်းကြောင့် စိန်ဈေးနှုန်းမှာ တစ်ရတီကို ၄ဝဝဝ ကျပ်၊ ၅ဝဝဝ ကျပ်ဈေးကျဆင်းလာကြောင်း သိရပါတယ်။            မန္တလေး Gem Centers မှ ဒေါ်ခင်လေးမြင့်က ''ဒီအချိန်မှာ ပွဲလမ်းသဘင် များလို့ အရောင်းအဝယ် ကောင်းသလို စိန်ဈေးနှုန်းကျတဲ့အတွက် ပစ္စည်းလည်း ပြန်ဝင်လာတယ်။ ဒီရက်ပိုင်းပစ္စည်းအစုံ ဝင်နေတယ်။ ရေတွက်လို့ မရနိုင်ဘူး။ ဒီရက်ပိုင်း အဝယ်များတာကတော့ စိန် အဖြူအနာနဲနဲပါတာ အဝယ်လိုက် တယ်။ ဈေးသက်သာတာလေးတွေ အဝယ်လိုက်လာတယ်။ တအားဆိုးတာ တော့ မဝယ်ကြဘူး၊ ဒီလမှာ ပွဲလမ်း သဘင်များလို့လား မသိဘူး ဆိုင်တော် တော်များများကို ဝယ်ကြတယ်''လို့ ပြော ပါတယ်။ မန္တလေးစိန်ဈေးကွက်မှာ စိန်ရတနာဆိုင်အများစုမှာအရောင်းအဝယ် ကောင်းလျက်ရှိပြီး စိန်များသာမက ဖန်စီကျောက်များလည်း ဝယ်ယူမှုပို ကြောင်း သိရပါတယ် ။             စိန်ဈေးနှုန်းမှာ ရိုးရိုးကျင်ဖြူ ၁ဝ လုံးစီး တစ်ရတီကို (ဝါပြီးညို) ၁ သိန်း ၂ သောင်းမှ ၁ သိန်း ၅ သောင်းကြား၊  (နဲနဲဖြူ) ၁ သိန်း ၈ သောင်းမှ ၂ သိန်း ၂ သောင်းကြား၊ (ဖြူနာ) ၂ သိန်း ၇ သောင်းမှ ၃ သိန်း ၇ သောင်းကြား ၊ (ဖြူနာ) ၂ဝ လုံးစီး ၂ သိန်းမှ ၂ သိန်း ၆ သောင်းကြား၊ ၄ဝ လုံးစီး (ဖြူနာ) ၁သိန်း ၈သောင်းမှ ၂ သိန်း ၅ သောင်း၊ ၃ သိန်းကြားဈေးများနဲ့ အရောင်း အဝယ ်  ရှိကြောင်း သရိ ပါတယ။် ဇူူးဇူူး