ရွှေဈေးတက်သလို ငွေဈေးကလည်း မှတ်တမ်းဝင်      ရွှေဈေးက နယူးယောက်ဈေးကွက် မှာ တစ်အောင်စကို ကန်ဒေါ်လာ ၁၃၅ဝ စွန်းစွန်းကနေ ၁၃၈ဝ ဒေါ်လာနဲ့ ဈေးတည့် အရောင်းအဝယ်ပြုနေချိန်မှာ ငွေသတ္တုဒြပ်စင်ဈေးကလည်း နှစ် ၃ဝ တာကာလအတွင်း အံ့သြလောက်ဖွယ် ဒေါ်လာငွေကြေး အား နည်းမှုတွေ ကြောင့် မှတ်တမ်းဝင်ဈေးဖြစ်ခဲ့ပါတယ်။ အောက်တိုဘာ ၇ ရက်နေ့က မဲလဘုန်း ဈေးကွက်မှာ ၁၃၆၄ဒသမ ၇၇ ဒေါ်လာ ကိုချဉ်းကပ်ခဲ့စဉ်က ရွှေဈေးတစ်အောင် စကို ၂၃ ဒသမ ၆၃၂၅ နဲ့ ၁ ဒသမ ၆ ရာခိုင်နှုန်း ဈေးမြင့်ခဲ့ပါတယ်။ အောက်တိုဘာလ ၁၅ ရက်နေ့သတင်းများအရ တစ်အောင်စကို ကန်ဒေါ်လာ ၁၃၈၁ ဒေါ်လာထိ ရောက်ရှိခဲ့ ပြီး ငွေဈေးက တော့ ၁၉၈ဝခုနှစ်နောက်ပိုင်း အမြင့်ဆုံး ဈေးအဖြစ် ၂၄ ဒသမ ၇၅ ဈေးအထိ ရောက်ရှိခဲ့ ပါတယ်။ အမေရိကန်ဒေါ်လာ အပေါ် ယုံကြည်မှု လျော့နည်းလာခြင်း ကြောင့်ဖြစ်ကြောင်း ဆစ်ဒနီ ရင်းနှီးမြုပ် နံှမှုဘဏ်မှ အကြီးအကဲ Heathcote က ပြောပါတယ်။    အကြမ်းဖျင်းအားဖြင့် ရွှေနဲ့ငွေ ဈေးက ဒီနှစ်မှာ အမြင့်ဆုံးဖြစ်ခဲ့တာမို့ လာမဲ့နှစ်မှာလည်း အနိမ့်ဆုံးအဆင့် ၁၅ ရာခိုင်နှုန်း ကျော်ကျော် ပိုမိုဈေးမြင့်လာ နိုင်ကြောင်း ကြိုတင်ခန့်မှန်းခဲ့ကြပါတယ်။ ရွှေအဓိက ဝယ်ယူတင်သွင်း လျက်ရှိတဲ့ အိန္ဒိယရဲ့ စက်တင်ဘာလ အတွင်း ရွှေဝယ်ယူတင်သွင်းမှုက ၃ဝ ရာခိုင်နှုန်းတိုးကာ ၃၄ ဒသမ ၈ တန် ဝယ်ယူခဲ့ပါတယ်။ သြဂုတ်လ အဝယ်က ၂၆ ဒသမ ၈ တန်သာဝယ်ခဲ့တာမို့ စက်တင်ဘာလမှာ ဈေးမြင့်နေပေမဲ့လည်း အဝယ်တိုးခဲ့ပါတယ်။ ''ပွဲတော်ကာလဖြစ်တယ်။ ဒေသစုံက အဝယ်တက် တယ်။ယခင်နှစ်အလားတူ စက်တင်ဘာ လနဲ့ယှဉ်ရင်တော့ အဝယ်နည်းပေမဲ့ သြဂုတ်လ အဝင်ထက်တော့ အဝယ်ပိုခဲ့ တယ်။ အောက်တိုဘာလမှာလဲ ဆက် လက် ဝယ်လိုအားတက်ဦးမယ်လို့ ထင် တယ်'' လို့ ဘုံဘေရွှေအသင်းမှ ကုန် သည် ှSuresh Hundia  က ပြောပါ တယ်။ှ                                                                                                         Source:commodityonline.com                                                                                                                            WWN

 မြင့်ပြီးရင်း မြင့်ခဲ့တဲ့ ကမ္ဘာ့ရွှေ        ကမ္ဘာ့ရွှေဈေးက အောက်တိုဘာ ၇ ရက်နေ့ သတင်းများအရ မြင့်ပြီးရင်း မြင့်တက်နေကာ ဒီဇင်ဘာ အရောက်ပို့ရွှေဈေး ၁၃၆၆ ဒေါ်လာကို ရောက် ရှိခဲ့ကြောင်း သိရပါတယ်။ ဒေါ်လာတန်ဖိုး အားနည်းမှုများ ကြောင့် အမေရိကန် လက်ငင်းရွှေဈေး ကွက်မှာ တစ်အောင်စကို ကန်ဒေါ်လာ ၁၃၄၅ ဒသမ ၄ ဒေါ်လာနဲ့ ရောင်းဝယ် ဖြစ်ခဲ့ပြီး ကုန်သည်များနဲ့ သုံးသပ်သူ များရဲ့အမြင်အရ ဂျပန်ဘဏ်က အတိုး နှုန်း လျှော့ချလိုက်မှု ဖိအားကြောင့် ဒီလိုဖြစ်လာတယ်လို့ ဆိုပါတယ်။      စင်ကာပူအခြေစိုက် ကုန်သည် တစ်ဦးက ရင်းနှီးမြုပ်နံှသူအနေနဲ့ အတိုး နှုန်းထားဘက်က အရှုံးပေါ်ရင် ရွှေ အဝယ်ဘက်ကို တိုးလာမှာ အမှန်ပဲလို့ ပြောခဲ့ပါတယ်။ ဒီလိုတိုးမြင့် ဝယ်ယူရင်း နှီးကြရာမှာ တရုတ်နိုင်ငံရဲ့ ရွှေဈေးကွက် ကလည်း ဝယ်လိုအား ကျယ်ပြန့်မြင့်မား လျက်ရှိနေပါတယ်။ ဒီလို တရုတ်ဈေး ကွက်ရဲ့ အားဖြည့်တွန်းအားတွေကြောင့် တစ်အောင်စကို ၁၃၅၅ ဒေါ်လာအထိ ရောက်ခဲ့တာဖြစ်တယ်လို့ ရိုက်တာ သတင်းဌာနက သုံးသပ် Wang Tao  က ခန့်မှန်း ဟောကိန်းထုတ်ခဲ့ပါတယ်။      တရုတ်နိုင်ငံ ရွှေဈေးကွက်အတွင်း ရွှေတင်သွင်းမှုအတွက် အထောက်အပံ့ ဖြစ်စေတဲ့ စည်းမျဉ်းစည်းကမ်းများပြုပြင်ပေးခြင်း၊ ရင်းနှီးမြုပ်နံှလိုသူများ အနေနဲ့ စိတ်ကျေနပ်နှစ်သိမ့်မှုအပြည့် နဲ့ လွတ်လပ်စွာ ဝယ်ယူရင်းနှီးကြခြင်း တို့ကြောင့် ဒီနှစ်အတွင်း ရွှေဈေးမြင့်ခဲ့  ပေမဲ့ တရုတ်နိုင်ငံ ရွှေဈေးကွက်ဝယ် လိုအားက ယခင်နှစ်ကထက် ပိုတိုးလာ ပြီး ရာခိုင်နှုန်း ဆယ်ဂဏန်းကျော်ကျော် တိုးလာကာ အိန္ဒိယရဲ့ ဝယ်လိုအားထက် သာတယ်လို့ဆိုပါတယ်။ ''ဒီနှစ်က ကမ္ဘာ့စီးပွားရေး တိုးတက်မှု တုံ့နှေးနေတယ်။      ဒါပေမဲ့ရွှေဝယ်ယူမှုက အရှိန်ရနေတယ်။ အိန္ဒိယရဲ့ ရွှေဝယ်ယူမှုက ဒီနှစ်မှာ ကျဆင်းတယ်။ ဒါပေမဲ့ တရုတ်နိုင်ငံက ရွှေချောင်း အဝယ်က လက်ဝတ်ရတနာ အဝယ် ထက် အားသာလျက်ရှိနေတယ်'' လို့ NYSE Arca Gold Bag မှ တာဝန်ခံကပြောခဲ့ပါတယ်။အလားတူ ဗီယက်နမ် နိုင်ငံဘက်ကလည်း ရွှေဈေးနှုန်း မြင့် တက်မှုကို လိုက်လျောညီထွေဖြစ်ပြီး ဈေးနှုန်း တည်ငြိမ်စေဖို့ လွပ်လပ်စွာ တင် သွင်းခွင့်ပြုသွားမယ်လို့ သိရပါတယ်။ ရက်သတ္တ ကိုးပတ်နီးပါးကြာ အမြင့် တန်းမှာနေခဲ့တဲ့ ရွှေဈေးကအောက်တိုဘာလ ၇ ရက်နေက အမြင့်ဆုံး ကန် ဒေါ်လာ ၁၃၆၆ကို ရောက်ခဲ့ပြီးနောက် အမေရိကန်နိုင်ငံရဲ့ အလုပ်အကိုင် အစီ ရင်ခံစာ ပေါ်ထွက်လာပြီးနောက်ပိုင်းမှာ ပြန်လည်ကျဆင်းကာ ကန်ဒေါ်လာ ၁၃၃၅နဲ့ အရောင်းအဝယ် ဖြစ်ခဲ့ကြောင်း သိရပါ တယ်။ှ                                                                                                                        Source:Reuters                                                                                                                               WWN

ရွှေဈေးအတက်ဘက်သို့ ဦးတည်နေသော်လည်း အရောင်းအဝယ်အေးနေ    ယခုအခါတွင် ကမ္ဘာ့ရွှေဈေးနှုန်းများ စံချိန်တင်မြင့်မားလာသောကြောင့် ပြည်တွင်းရွှေဈေးကွက်မှာအတက်ဘက် သို့ ဦးတည် နေသော်လည်း အရောင်းအဝယ်မှာ အေးနေကြောင်း ရွှေရောင်း ဝယ်သူတစ်ဦးက ပြောကြားသည်။   ''ကမ္ဘာ့ရွှေဈေးက ပြန်တက်လာ တော့ ပြည်တွင်းရွှေဈေးက အတက် ဘက်ကို ဦးတည်လာတယ်။ နိုင်ငံခြားငွေဈေးနှုန်း တွေကကျလာတော့ မြန်မာငွေကြေးက ခိုင်မာလာတယ်လို့ ပြောလို့ ရတယ်။ မြန်မာ့ငွေကြေး ခိုင်မာလာပေမယ့် ရင်းနှီး မြုပ်နံှ သူတွေက အိမ်ခြံမြေ ဘက်ကို အဓိက ဦးစားပေးကြတယ်။ ရွှေဘက်ကိုသိပ်မလှည့်ကြတော့ ရောင်းအားလည်း သိပ်မတက်ခဲ့ဘူး။ ပြည်တွင်း ရွှေဈေးကွက်က အခုလက်ရှိအရောင်း အဝယ်အေးပြီး ဈေးငြိမ်နေတယ်လို့ ပြောလို့ရတယ်။ ပွင့်လင်းရာသီ အရောင်း အဝယ် ကောင်း၊ မကောင်းကတော့ ပြောဖို့ နည်းနည်းစောသေးတယ်။ ဈေးကွက်ကို စောင့်ကြည့်နေတဲ့ အခြေအနေပဲရှိတယ်'' ဟု ၎င်းကပြောကြားသည်။    အဆိုပါ ကမ္ဘာ့ရွှေဈေးနှုန်းမှာ စက်တင်ဘာလ ၂၃ ရက်နေ့တွင် တစ်အောင်စလျှင် အမေရိကန်ဒေါ်လာ ၁၂၉၃ အထိ စံချိန်တင်အောင် မြင့် တက်ခဲ့ပြီး ပြည်တွင်းရွှေဈေးနှုန်းမှာ အခေါက်ရွှေ တစ်ကျပ်သားလျှင် ၆၅၅ဝဝဝ ကျပ်သာရှိကြောင်းနှင့် ပြီးခဲ့သည့် စက်တင်ဘာလ ၁၈ ရက်တွင် ရွှေဈေးမှာတစ်ကျပ်သားလျှင် ၆၅၈ဝဝဝ ကျပ် ဖြင့်ဈေးပိတ်ခဲ့ကြောင်း သိရသည်။                                                                                                                              မင်းသန်

 ရွှေဈေး ၁၃ဝဝ ကို ချဉ်းကပ်နေပြီ        ဟောင်ကောင်ဈေးကွက်မှာ စက်တင်ဘာ ၁၇ ရက်နေ့က ရွှေတစ်အောင်စကို ကန်ဒေါ်လာ ၁၂၈ဝ အထက်မှာ မှတ်တမ်း တင် ဈေးဖွင့်ခဲ့ပါပြီ။ မွန်းလွဲပိုင်းအရောင်းအဝယ်ကနေ ဈေးမြင့်လာတာဖြစ်ပြီး ဒီသီတင်းပတ် ထဲမှာ ဆင့်ကာ ဆင့်ကာ မြင့်လာတာဖြစ်ပါတယ်။ ဥရောပတိုက်ရဲ့ စီးပွားရေးတိုးတက်မှုတွေအပေါ်မှာ စိုးရိမ်ပူပန်မှု၊ သံသယဖြစ်မှု၊ အမေရိကန် စီးပွားရေးတိုးတက်မှု တုံ့နှေးနေခြင်းများက ရွှေဈေးတက်ဖို့ အကြောင်းဖန်လာတာ ဖြစ်တယ်လို့ သုံးသပ် သူများက ပြောဆိုကြပါတယ်။     သုတေသီများကတော့ ဒီနှစ်မကုန်မီ ရွှေဈေးက ၁၃ဝဝ ဒေါ်လာကို ချဉ်းကပ်မယ်လို့ မှန်းခဲ့သလို လက်ရှိရွှေဈေး အဆင့်မှာ ရင်းနှီးမြှုပ်နံှသူများက အမြတ်ငွေရဖို့စွန့်စားစရာအဆင့်ပဲလို့ ပြောခဲ့ပါတယ်။ ရွှေဈေး ၁၃ဝဝ ကို ချဉ်းကပ်သလို ငွေသတ္တုဈေးကလည်း နှစ် ၃ဝ နီးပါးကာလတွင်း မြင့်တက်ကာ နယူးယောက်ဈေးကွက်မှာ၂ဝ ဒသမ ၉၅ ဒေါ်လာသို့ ရောက်ရှိခဲ့ ပါတယ်။ ငွေဈေးနည်းတူ ပလက်တီနမ်၊ပလေဒီယမ်ဈေးတွေလည်း မှတ်တမ်းတင်ဖွယ်မြင့်တက်ခဲ့ပါတယ်။ ကမ္ဘာ့ ငွေကြေးလဲလှယ်မှုဈေးကွက်အတွင်း အဓိကငွေကြေးတစ်ခုဖြစ်တဲ့ ဂျပန်ယန်းငွေကြေးကပြီးခဲ့တဲ့ ရက်အတွင်း စံချိန် တင်တန်ဖိုး မြင့်တက်ခဲ့တဲ့အတွက်လည်း သတ္တုဒြပ်စင်များရင်းနှီးမြုပ်နံှမှုအပေါ် ပိုမိုအာရုံရောက်လာခြင်းဖြစ်တယ်လို့ သုံးသပ်ကြပါတယ်။ Source : commodityonline WWN