Background
ကမ္ဘာ့ရွှေဈေးမြင့်တက်မှုကြောင့် ပြည်တွင်းရွှေဈေးမြင့်တက် ပြည်တွင်းဝယ်လိုအားထက် နယ်စပ်ဝယ်လိုအားသာများနေ ကမ္ဘာ့ရွှေဈေးမှာ စံချိန်ကျိုးအောင် မြင့်တက်လာမှုကြောင့် ပြည်တွင်း ရွှေ ဈေးနှုန်းများပါ ကျပ်တစ်သောင်းဝန်း ကျင်မြင့်တက်လာပြီး ပြည်တွင်းဝယ်လို အားထက် နယ်စပ်ဝယ်လိုအားသာ များ ကြောင်း ရွှေလုပ်ငန်းရှင်များအသင်းမှ တာဝန်ရှိသူတစ်ဦးက ပြောကြားသည်။ ''ကမ္ဘာ့ရွှေဈေးက စံချိန်ကျိုးအောင် မြင့်တက်နေတော့ ပြည်တွင်းရွှေဈေးက ထင်သလို မကျဘူး။ မှန်းသလောက် မကျဘူးဖြစ်နေတယ်၊ ရင်းနှီးမြုပ်နံှသူ တွေကလည်း ကားလေလံ၊ အိမ်၊ ခြံ၊ မြေတွေကြောင့် ရွှေဘက်ကို ရင်းနှီး မြုပ်နံှမှု သိပ်မလုပ်နိုင်ဘူး၊ ရွှေဈေးအဖွင့် အပိတ်ကလည်း ဘယ်သူက ဖွင့်တယ်၊ ဘယ်သူက ပိတ်တယ်ဆိုတာ မရှိဘူး။ ဝယ်သူ ရောင်းသူ နှစ်ဦးတွေ့ကြတာပဲ။ မနှစ်က ဒီအချိန်မှာရွှေဈေးငြိမ်နေတယ်။ ရွှေဈေးခိုင်မာတဲ့အတွက် ပြည်တွင်းရွှေ ဈေးက ကမ္ဘာ့ရွှေဈေးပေါ် မူတည်နေ တယ်။ ကမ္ဘာ့ရွှေဈေးက အနိမ့်ဆုံးအနေ နဲ့ပြောရရင် တစ်ရက်ထဲမှာ ၂၅ဒေါ်လာ လောက်တက်လာတယ်''ဟု ယင်းက ပြောကြားသည်။ ကမ္ဘာ့ရွှေဈေးနှုန်းမှာ နိုဝင်ဘာလ ၆ ရက်နေ့တွင် တစ်အောင်စလျှင် အမေရိကန်ဒေါ်လာ ၁၃၈ဝ သာရှိရာမှ နိုဝင်ဘာလ ၁၁ ရက်နေ့တွင် ၁၄၂၈ အထိမြင့်တက်ခဲ့ပြီး ပြည်တွင်းရွှေဈေး နှုန်းမှာလည်း နိုဝင်ဘာလ ၆ ရက်နေ့ တွင် အခေါက်ရွှေ တစ်ကျပ်သားလျှင် ၆၆၅ဝဝဝ ကျပ်မှ နိုဝင်ဘာလ ၁၁ ရက် နေ့တွင် ၆၇၁၅ဝဝ ကျပ်အထိမြင့်တက်ခဲ့ ကြောင်း သိရသည်။ မင်းးသန့််
ပွင့်လင်းရာသီသို့ ရောက်ရှိလာသော်လည်း စိန်ဈေးကွက် ထင်သလိုမဖြစ် ယခုအခါ ပွင့်လင်းရာသီသို့ ရောက်ရှိလာပြီဖြစ်သော်လည်း စိန်ဈေးကွက် အရောင်းအဝယ်မှာ မျှော်မှန်းထားသလိုဖြစ်မလာဘဲ အရောင်းအဝယ်အေးနေ ကြောင်း စီအမ်စိန်ဆိုင်ပိုင်ရှင် ဦးရွှေကြည်က ပြောကြားသည်။ ''ပွင့်လင်းရာသီဆိုပေမယ့် အရောင်းအဝယ်က ထင်သလိုဖြစ်မလာဘူး။ မနှစ် ကလည်း အရောင်းအဝယ် အေးတယ်ဆိုပေမယ့် အခုက မနှစ်ကထက်ကို ပိုအေး နေတယ်။ တစ်လောက စိန်ကျင်ဖြူတွေ ဈေးတက်လာတယ်ဆိုပေမယ့် ခုပြန်ငြိမ် သွားတယ်၊ အရောင်းအဝယ်က သိပ်မရှိတော့ ရောင်းသူတွေကဈေးကို သိပ်ပြီးလိုက် မတက်ရဲဘူး၊ ဖောက်သည်ပျက်မှာစိုးလို့ ဈေးကိုချိန်ပြီး ရောင်းနေရတယ်။ အခု အချိန်က တွက်ခြေကိုက်တယ်လို့တော့ မဟုတ်ဘူး၊ ဒီလိုပဲ ဈေးကွက်မပျက်အောင် ထိန်းပြီး ဈေးရောင်းနေကြရတာ''ဟု ယင်းကပြောကြားသည်။ ယခုလတ်တလောဈေးကွက်အတွင်း အရောင်းအဝယ်များလည်း အေးနေ သလို အပ်ထည်များလည်း နည်းပါးလျက်ရှိကြောင်း ပွင့်လင်းရာသီ၊ မင်္ဂလာဆောင် ရာသီဖြစ်သော်လည်း စိန်ဝယ်ယူမှုမှာ နည်းပါးနေသေးကြောင်းနှင့် ရှေ့ဆက်၍ လည်း အရောင်းအဝယ်မှာ ယခုကဲ့သို့ပင် ပုံမှန်အနေအထားတွင်သာ ရှိနိုင်ကြောင်း နှင့် ပြည်တွင်းစိန်ဈေးနှုန်းများ ငြိမ်နေသော်လည်း ပြည်ပတွင်စိန်ဈေးနှုန်းများ မြင့် တက်လျက်ရှိကြောင်း ယင်းက ထပ်မံပြောကြားသည်။ မင်းသန့််
အခေါက်ရွှေပေါက်ဈေး ကမ္ဘာ့ဈေးထက် အနည်းငယ်မြင့် ရန်ကုန်ဈေးကွက်အတွင်း အခေါက်ရွှေပေါက်ဈေးမှာ ကမ္ဘာ့ရွှေပေါက် ဈေးထက် အနည်းငယ်မြင့်နေကြောင်း ရန်ကုန်တိုင်း ရွှေလုပ်ငန်းရှင်အသင်းကသိရသည်။ ''မြန်မာ့ရွှေဈေးကွက်မှာ ဒေါ်လာဈေးကကျနေတာကြောင့် အခေါက်ရွှေ ပေါက်ဈေးက ကမ္ဘာ့ရွှေပေါက်ဈေးထက် အနည်းငယ်ပိုမြင့်နေပါတယ်။ နိုဝင်ဘာလ ဒုတိယအပတ်ထဲမှာ အခေါက်ရွှေ ၁ ကျပ်သားကို ၆၆၇ဝဝဝ ကျပ်ဝန်းကျင်မှာ ဖြစ်ပေါ်နေပါတယ်။ ဒီဈေးနှုန်းအနေအထားကို အရပ်ဝယ်လက်တွေ ကြိုက်တဲ့အတွက် ဈေးကွက်ထဲမှာ အနုတ်အသိမ်းရှိနေပါတယ်။ဒီအပတ်ထဲမှာ မန္တလေးနဲ့ ရန်ကုန်ရွှေပေါက်ဈေးတူနေပြီး၊ ဈေးနှုန်းအပြောင်းအလဲမရှိတာ ကြောင့် မန္တလေးဘက်က အခေါက်ရွှေ အဝင်မရှိပါဘူး။ ရန်ကုန်ဈေးကွက်ထဲက ရွှေတွေပဲ အရောင်းအဝယ်ဖြစ်ခဲ့ပါတယ်''ဟု ယင်းအသင်းက တာဝန်ရှိသူတစ်ဦး က ပြောကြားသည်။ နိုဝင်ဘာလ ၁၂ ရက်နေ့တွင် အခေါက်ရွှေ ၁ ကျပ်သားလျှင် (၆၆၇၇ဝဝ -၆၆၇၃ဝဝ)ကျပ် ဖြစ်ပေါ်ခဲ့ပြီး ကမ္ဘာ့ရွှေဈေးမှာ ၁ အောင်စလျှင် ၁၃၈၉ ဒေါ်လာဖြစ်ပေါ်ခဲ့သည်ဟု ဆိုသည်။ ခင်မျိုးသွယ်
အခေါက်ရွှေဈေး ပုံမှန်အနေအထားသို့ ပြန်လည်ရောက်ရှိလာ ရန်ကုန်ဈေးကွက်တွင် အခေါက် ရွှေဈေးနှုန်းများ ပုံမှန်အနေအထားသို့ ပြန်လည်ရောက်ရှိလာပြီ ဖြစ်ကြောင်း ရွှေဘုံသာလမ်းရှိ ရွှေလုပ်ငန်းရှင်များ ထံက ကြားသိရသည်။ ''ဈေးကွက်အတွင်းမှာ အရင်က အခေါက်ရွှေ တစ်ကျပ်သားကို ကျပ် ခြောက်သိန်းခုနစ်သောင်းကျော် အထိ ရှိခဲ့ရာက အခု ကျပ်ခြောက်သိန်း ငါးသောင်းကျော်မှာပဲ ရှိနေပါတယ်။ အရင်ပေါက်ဈေးတွေထက်စာရင် တစ်ကျပ်သားကို ကျပ် တစ်သောင်းခွဲဝန်း ကျင်လောက် ကျဆင်းသွားပြီး ပုံမှန် အနေအထားလေးဖြစ်လာပါပြီ။ မြန်မာ့ရွှေဈေးက ကမ္ဘာ့ရွှေဈေးနဲ့ နိုင်ငံတကာ ငွေကြေး အပြောင်းအလဲ ပေါ်မူတည်ပြီး အတက်အကျ မြန်ဆန် သဖြင့် ဒီနှစ်မှာ ဝယ်ယူစုဆောင်းသူ နည်းသွားပါတယ်။ အချို့လည်း ရွှေလုပ်ငန်းအစား အခြားလုပ်ငန်းတွေဘက်မှာ လုပ်ကိုင်လာကြတာလဲ ရှိလာပါတယ်'' လို့ ရွှေကုန်သည်တစ်ဦးက ပြောကြား သည်။ ၂ဝ၁ဝ ခုနှစ် နိုဝင်ဘာလ ၄ ရက် တွင် အခေါက်ရွှေတစ်ကျပ်သားလျှင် (၆၆၂၅ဝဝ-၆၅၉၅ဝဝ) ကျပ် ဖြစ်ပေါ်ခဲ့ ပြီး ကမ္ဘာ့ရွှေဈေးမှာ တစ်အောင်စလျှင် ၁၃၅၅ ဒေါ်လာတို့ ဖြစ်ပေါ်ခဲ့သည်။ ခင်မျိုးသွယ်
ဒီနှစ်အတွင်း ရွှေဈေး ၂၄ ရာနှုန်းမြင့်တက် ဒီနှစ်အတွင်းရွှေဈေးက၂၄ ရာခိုင်နှုန်းကျော် မြင့်တက်ခဲ့သလို ငွေစင်သတ္တု ဈေးကလည်း တစ်အောင်စကို ကန်ဒေါ်လာ၂၅ ဒေါ်လာ ကျော်လွန်သွားနိုင် ကြောင်း လန်ဒန် သတ္တုဒြပ်စင်ရင်းနှီးမြူပ်နံှမှုအဖွဲ့က သုံးသပ်ခဲ့ပါတယ်။ ပလေဒီယမ် ဒြပ်စင်မှာ ကိုးနှစ်အတွင်း အမြင့်ဆုံးဈေးနှုန်း တစ်အောင်စကို ကန်ဒေါ်လာ ၆၅၃ ဒသမ ၃၈ သို့ ရောက်ရှိခဲ့သလို ငွေသတ္တုဈေးကလည်း နှစ် ၃ဝ ကျော်ကာလအတွင်း အမြင့်ဆုံးဈေးဖြစ်ခဲ့ပါတယ်။''တချို့ရင်းနှီးမြုပ်နံှသူတွေက ရွှေထက်ဈးသက်သာ တဲ့ ငွေနဲ့ ပလေဒီယမ်ကို ဝယ်ရင်းကြတယ်။ ဒေါ်လာလဲလှယ်နှုန်းကလည်း ဆက် တိုက်အားနည်းနေတယ်။ ဒီအခြေအနေကြောင့် ငွေနဲ့ပလေဒီယမ် ဝယ်လိုအားက အရမ်းတိုးလာတယ်'' လို့ ဆိုးလ်အခြေစိုက် N H Investment &Security အဖွဲ့မှ သုံးသပ်သူ C .S. Oh က ဆိုပါတယ်။ ရွှေဈေးက ဒီနှစ် ၂ဝ၁ဝမှာ ၂၄ ရာခိုင်နှုန်း တိုးလာခဲ့ပြီး ငွေစင်သတ္တုဈေးက ၄၇ ရာခိုင်နှုန်းဈေးမြင့် လာတယ်။ ပလေဒီယမ်က ၅၉ ရာခိုင်နှုန်းဈေးတက်တယ်။ အမြင့်ဆုံးရွှေဈေးအဖြစ် ပြီးခဲ့တဲ့ အောက်တိုဘာလ ၁၄ ရက်နေ့က တစ်အောင်စကို ကန်ဒေါ်လာ ၁၃၈၇ ဒသမ ၃၅ ဒေါ်လာ အထိချဉ်း ကပ်ခဲ့တယ်။ အမေရိကန်ရဲ့ အတိုးနှုန်းထားက ၂ဝဝ၈ ခုနှစ် ဒီဇင်ဘာလ ကတည်းက စတင်ကာ သုညရာခိုင်နှုန်းနီးပါး သုည ဒသမ ၂၅ ရာခိုင်နှုန်း ကိုလျော့ချခဲ့ပြီးတဲ့ နောက် ဒီလိုအားနည်းမှုတွေဖြစ်လာခဲ့တယ်လို့ ဆိုပါတယ်။ ဒါ့အပြင်သုံးသပ်သူများ ရဲ့ အဆိုအရ အမေရိကန်ဒေါ်လာ ၁ ဒသမ ၇ ထရီလီယံကို ဝယ်လိုအားမြှင့်တင်ရေး အစီအမံများအတွက် ပံပိုးပေးခဲ့ခြင်းများ ပြုလုပ်ခဲ့ပေမဲ့လည်း အလုပ်လက်မဲ့နှုန်းကသိသိသာသာကျဆင်းသွားခြင်းမရှိဘဲ အောက်တိုဘာမှာ ၁ဝ ရာခိုင်နှုန်းဝန်းကျင် အထိရှိနေခြင်းကပင် ရွှေဈေးတက်ခြင်းအတွက် အကြောင်းအရင်းဖြစ်ခဲ့ကြောင်း ဘလွန်း ဘတ်သတင်းက သုံးသပ်ဖော်ပြခဲ့ပါတယ်။ တရုတ်နိုင်ငံအနေနဲ့ နိုင်ငံခြားငွေအရန်နိုင်ငံခြားငွေကို ဒေါ်လာအစား ရွှေကို တိုးမြှင့်ဝယ်ယူရင်းနှီးမြုပ်နံှရန် လှုံ့ဆော်မှု အစီအမံများကြောင့်လည်း ရွှေဈေးက နှစ်အတွင်း ၂၄ ရာခိုင်နှုန်းမြင့်ခဲ့ကြောင်းဖော်ပြခဲ့ပါတယ်။ Source Bloombearg.com, WWN
ပြည်တွင်းရွှေဈေးနှုန်းများ ပြန်လည်ကျဆင်းလာ ယခုတစ်ပတ်အတွင်း ကမ္ဘာ့ရွှေဈေးနှုန်းများ ကျဆင်းလာသလို ပြီးခဲ့သည့် အပတ်အတွင်းမြင့်တက်ခဲ့သော ပြည်တွင်းရွှေဈေးနှုန်းပါ ပြန်လည်ကျဆင်းလာ ကြောင်း ရွှေလုပ်ငန်းလုပ်ကိုင်သူတစ်ဦးက ပြောကြားသည်။ ''ပြီးခဲ့တဲ့အပတ်ကဆိုရင် ကမ္ဘာ့ရွှေဈေးက တစ်အောင်စကို အမေရိကန် ဒေါ်လာ ၁၃၈ဝ အထိရှိခဲ့တယ်။ အခုဒီတစ်ပတ်အတွင်းမှာတော့ တစ်အောင်စကို ၁၃၄၅ ဒေါ်လာအထိ ပြန်ကျဆင်းလာတယ်။ အရောင်းအဝယ် လည်းပြန်အေးသွား တယ်။ အရောင်းအဝယ်က ပြီးခဲ့တဲ့အပတ်က ကောင်းတယ်။ အခုဝယ်လိုအားက လျော့လာတယ်။ ဒီနှစ်မင်္ဂလာဆောင်ရာသီက ခါတိုင်းနှစ်နဲ့မတူဘူး။ နည်းနည်း အေးတယ်။ ဒီရက်ပိုင်းအတွင်းမှာကို အရောင်းအဝယ်တွေ ပြန်စမယ်လို့ထင်တယ်။ ဒါကိုတော့ စောင့်ကြည့်ရမှာပဲ'' ဟု ယင်းက ပြောကြားသည်။ ပြည်တွင်းရွှေဈေးနှုန်းမှာပြီးခဲ့သည့် တစ်ပတ်အတွင်း အခေါက်ရွှေ တစ်ကျပ် သားလျှင် ကျပ် ၆၇ဝဝဝဝ အထိ မြင့်တက်ခဲ့ပြီး ယခုတစ်ပတ်အောက်တိုဘာ ၂၁ ရက်နေ့တွင် အခေါက်ရွှေတစ်ကျပ်သားလျှင် ၆၅၉ဝဝဝ အထိ ကျဆင်း ခဲ့ကြောင်း သိရသည်။ မင်းသန့််
စိန်ဈေးကွက် အေးနေ အော်ဒါမှာယူမှု နည်းနေသေး ယခုလတ်တလော စိန်ဈေးကွက်အတွင်း အရောင်းအဝယ်အေးနေပြီး မင်္ဂလာဆောင်ရာသီသို့ ရောက်ရှိလာပြီ ဖြစ်သော်လည်း အော်ဒါမှာယူမှု နည်းနေသေးကြောင်း စီအမ်စိန်ဆိုင်ပိုင်ရှင် ဦးရွှေကြည်က ပြောကြားသည်။ ''စိန်ဈေးကွက် အရောင်းအဝယ် အေးနေတယ်၊ ဈေးကွက်အခြေအနေ က မှန်းလို့မရသေးဘူး။ အခု လူတော်တော်များများကလည်း ရွေးကောက်ပွဲ အခြေအနေကို စိတ်ဝင်စားနေတဲ့အတွက် အရောင်းအဝယ်ဘက်မလှည့် နိုင်သေးဘူး၊ မင်္ဂလာဆောင်ရာသီဖြစ် ပေမယ့် အော်ဒါလည်း မကျသေးဘူး။ အခု ဒီနှစ်က အရောင်းအဝယ် တော်တော်လေး အေးတယ်။ စိန်ဈေး ကတော့ မတက်ဘူး။ နိုင်ငံခြားငွေ လဲလှယ်နှုန်းတွေကျနေတဲ့အတွက် စိန်ဈေးကတော့ ငြိမ်နေတယ်''ဟု ဦးရွှေကြည်က ပြောသည်။ အဆိုပါစိန်ဈေးနှုန်းမှာ ပြည်တွင်းတွင် ဈေးငြိမ်နေသော်လည်း အိန္ဒိယနှင့် တရုတ်နိုင်ငံများတွင်ငွေကြေးခိုင်မာလာမှုကြောင့် ဈေးမြင့်တက်လာကြောင်း နှင့် တရုတ်ငွေကြေးမှာ ပို၍ခိုင်မာလာသောကြောင့် ဈေးပိုမိုမြင့်တက်လာ ကြောင်း ၎င်းက ထပ်မံပြောကြားသည်။ မင်းသန့််
ရွှေဈေးတက်သလို ငွေဈေးကလည်း မှတ်တမ်းဝင် ရွှေဈေးက နယူးယောက်ဈေးကွက် မှာ တစ်အောင်စကို ကန်ဒေါ်လာ ၁၃၅ဝ စွန်းစွန်းကနေ ၁၃၈ဝ ဒေါ်လာနဲ့ ဈေးတည့် အရောင်းအဝယ်ပြုနေချိန်မှာ ငွေသတ္တုဒြပ်စင်ဈေးကလည်း နှစ် ၃ဝ တာကာလအတွင်း အံ့သြလောက်ဖွယ် ဒေါ်လာငွေကြေး အား နည်းမှုတွေ ကြောင့် မှတ်တမ်းဝင်ဈေးဖြစ်ခဲ့ပါတယ်။ အောက်တိုဘာ ၇ ရက်နေ့က မဲလဘုန်း ဈေးကွက်မှာ ၁၃၆၄ဒသမ ၇၇ ဒေါ်လာ ကိုချဉ်းကပ်ခဲ့စဉ်က ရွှေဈေးတစ်အောင် စကို ၂၃ ဒသမ ၆၃၂၅ နဲ့ ၁ ဒသမ ၆ ရာခိုင်နှုန်း ဈေးမြင့်ခဲ့ပါတယ်။ အောက်တိုဘာလ ၁၅ ရက်နေ့သတင်းများအရ တစ်အောင်စကို ကန်ဒေါ်လာ ၁၃၈၁ ဒေါ်လာထိ ရောက်ရှိခဲ့ ပြီး ငွေဈေးက တော့ ၁၉၈ဝခုနှစ်နောက်ပိုင်း အမြင့်ဆုံး ဈေးအဖြစ် ၂၄ ဒသမ ၇၅ ဈေးအထိ ရောက်ရှိခဲ့ ပါတယ်။ အမေရိကန်ဒေါ်လာ အပေါ် ယုံကြည်မှု လျော့နည်းလာခြင်း ကြောင့်ဖြစ်ကြောင်း ဆစ်ဒနီ ရင်းနှီးမြုပ် နံှမှုဘဏ်မှ အကြီးအကဲ Heathcote က ပြောပါတယ်။ အကြမ်းဖျင်းအားဖြင့် ရွှေနဲ့ငွေ ဈေးက ဒီနှစ်မှာ အမြင့်ဆုံးဖြစ်ခဲ့တာမို့ လာမဲ့နှစ်မှာလည်း အနိမ့်ဆုံးအဆင့် ၁၅ ရာခိုင်နှုန်း ကျော်ကျော် ပိုမိုဈေးမြင့်လာ နိုင်ကြောင်း ကြိုတင်ခန့်မှန်းခဲ့ကြပါတယ်။ ရွှေအဓိက ဝယ်ယူတင်သွင်း လျက်ရှိတဲ့ အိန္ဒိယရဲ့ စက်တင်ဘာလ အတွင်း ရွှေဝယ်ယူတင်သွင်းမှုက ၃ဝ ရာခိုင်နှုန်းတိုးကာ ၃၄ ဒသမ ၈ တန် ဝယ်ယူခဲ့ပါတယ်။ သြဂုတ်လ အဝယ်က ၂၆ ဒသမ ၈ တန်သာဝယ်ခဲ့တာမို့ စက်တင်ဘာလမှာ ဈေးမြင့်နေပေမဲ့လည်း အဝယ်တိုးခဲ့ပါတယ်။ ''ပွဲတော်ကာလဖြစ်တယ်။ ဒေသစုံက အဝယ်တက် တယ်။ယခင်နှစ်အလားတူ စက်တင်ဘာ လနဲ့ယှဉ်ရင်တော့ အဝယ်နည်းပေမဲ့ သြဂုတ်လ အဝင်ထက်တော့ အဝယ်ပိုခဲ့ တယ်။ အောက်တိုဘာလမှာလဲ ဆက် လက် ဝယ်လိုအားတက်ဦးမယ်လို့ ထင် တယ်'' လို့ ဘုံဘေရွှေအသင်းမှ ကုန် သည် ှSuresh Hundia က ပြောပါ တယ်။ှ Source:commodityonline.com WWN
ပထမနှစ်ဝက်တွင် တရုတ်နိုင်ငံ၏ ရွှေထုတ်လုပ်မှု စံချိန်တင်မြင့်တက် ၂ဝ၁ဝ ခုနှစ် ပထမနှစ်ဝက်တွင် တရုတ်နိုင်ငံရဲ့ ရွှေထုတ်လုပ်မှုက ယခင် နှစ်ထက် ၈ ဒသမ ၆၉ ရာခိုင်နှုန်း စံချိန်တင်မြင့်တက်ခဲ့ပြီး စုစုပေါင်းတန်ချိန် ၁၅၉ ဒသမ ၂၄ တန်ရှိကြောင်း ၊ ကမ္ဘာ ပေါ်တွင်ရွှေထုတ်လုပ်မှု အများဆုံးနိုင်ငံအဖြစ် ဆက်လက်သတ်မှတ်ခြင်းခံရ ကြောင်း၊ တရုတ် ရွှေထုတ်လုပ်သူအဖွဲ့ အစည်းမှ ထုတ်ပြန်ခဲ့ပါတယ်။ ပြည်တွင်း ရွှေထုတ်လုပ်မှုကဏ္ဍမှ ၂ဝ၁ဝ ခုနှစ် ပထမခြောက်လတွင် အသားတင်ထုတ်လုပ်မှု တန်ဖိုးက ယွမ် ၉၆ ဒသမ ၈၉ဘီလီယံ (အမေရိကန်ဒေါ်လာ ၁၄ဒသမ ၂၇ဘီလီယံ)ရှိရာ ၆၁ ဒသမ ၂၇ ရာခိုင် နှုန်း မြင့်တက်ခဲ့ကြောင်း ဖော်ပြခဲ့ပါတယ်။ ၂ဝ၁ဝ ခုနှစ် ဇွန်လမှာ ရွှေထုတ်လုပ်မှုက စုစုပေါင်းတန်ချိန် ၃၁ ဒသမ ၉ တန်ရှိပြီး ပြီးခဲ့တဲ့ မေလထက် ၂၈ ဒသမ ၃ ရာခိုင်နှုန်းပိုမိုထုတ်လုပ်နိုင်ခဲ့ကြောင်း သိရပါတယ်။ ရွှေထုတ်လုပ်တဲ့လုပ်ငန်းများမှ ပထမနှစ်ဝက်တွင်ရရှိခဲ့တဲ့ အသားတင် အမြတ်ဝင်ငွေမှာ အမေရိကန်ဒေါ်လာ ၁ ဒသမ ၅၁ဘီလီယံရှိပြီး ၈၄ ဒသမ ဝ၉ ရာခိုင်နှုန်းမြင့်တက်ခဲ့ကြောင်း၊ ဇန်နဝါရီလမှ ဇွန်လအတွင်း ကမ္ဘာ့ရွှေဈေးနှုန်းမှာ တစ်အောင်စကို ပျမ်းမျှအမေရိကန်ဒေါ်လာ ၁၁၅၂ ဒသမ ၂၂ ရှိရာ ဝယ်လိုအားမြင့်နဲ့ ထုတ်လုပ်မှုမြင့်ခဲ့ကြောင်း၊ ၂ဝဝ၉ ခုနှစ်မှာ တရုတ်နိုင်ငံရဲ့ စုစုပေါင်းဝယ်လို အား အမေရိကန်ဒေါ်လာ ၁၄ ဘီလီယံဖိုးရှိပြီး တစ်ကမ္ဘာလုံး စုစုပေါင်းဝယ်လိုအား ရဲ့ ၁၁ ရာခိုင်နှုန်းရှိနေကြောင်း ကမ္ဘာ့ရွှေထုတ်လုပ်သူများကောင်စီမှ ထုတ်ပြန်ခဲ့ပါ တယ်။ှ Source: ပြည်ထောင်စု မြန်မာနိုင်ငံတော် ကောင်စစ်ဝန်ချုပ်ရုံး ဟောင်ကောင်မြို့
မြင့်ပြီးရင်း မြင့်ခဲ့တဲ့ ကမ္ဘာ့ရွှေ ကမ္ဘာ့ရွှေဈေးက အောက်တိုဘာ ၇ ရက်နေ့ သတင်းများအရ မြင့်ပြီးရင်း မြင့်တက်နေကာ ဒီဇင်ဘာ အရောက်ပို့ရွှေဈေး ၁၃၆၆ ဒေါ်လာကို ရောက် ရှိခဲ့ကြောင်း သိရပါတယ်။ ဒေါ်လာတန်ဖိုး အားနည်းမှုများ ကြောင့် အမေရိကန် လက်ငင်းရွှေဈေး ကွက်မှာ တစ်အောင်စကို ကန်ဒေါ်လာ ၁၃၄၅ ဒသမ ၄ ဒေါ်လာနဲ့ ရောင်းဝယ် ဖြစ်ခဲ့ပြီး ကုန်သည်များနဲ့ သုံးသပ်သူ များရဲ့အမြင်အရ ဂျပန်ဘဏ်က အတိုး နှုန်း လျှော့ချလိုက်မှု ဖိအားကြောင့် ဒီလိုဖြစ်လာတယ်လို့ ဆိုပါတယ်။ စင်ကာပူအခြေစိုက် ကုန်သည် တစ်ဦးက ရင်းနှီးမြုပ်နံှသူအနေနဲ့ အတိုး နှုန်းထားဘက်က အရှုံးပေါ်ရင် ရွှေ အဝယ်ဘက်ကို တိုးလာမှာ အမှန်ပဲလို့ ပြောခဲ့ပါတယ်။ ဒီလိုတိုးမြင့် ဝယ်ယူရင်း နှီးကြရာမှာ တရုတ်နိုင်ငံရဲ့ ရွှေဈေးကွက် ကလည်း ဝယ်လိုအား ကျယ်ပြန့်မြင့်မား လျက်ရှိနေပါတယ်။ ဒီလို တရုတ်ဈေး ကွက်ရဲ့ အားဖြည့်တွန်းအားတွေကြောင့် တစ်အောင်စကို ၁၃၅၅ ဒေါ်လာအထိ ရောက်ခဲ့တာဖြစ်တယ်လို့ ရိုက်တာ သတင်းဌာနက သုံးသပ် Wang Tao က ခန့်မှန်း ဟောကိန်းထုတ်ခဲ့ပါတယ်။ တရုတ်နိုင်ငံ ရွှေဈေးကွက်အတွင်း ရွှေတင်သွင်းမှုအတွက် အထောက်အပံ့ ဖြစ်စေတဲ့ စည်းမျဉ်းစည်းကမ်းများပြုပြင်ပေးခြင်း၊ ရင်းနှီးမြုပ်နံှလိုသူများ အနေနဲ့ စိတ်ကျေနပ်နှစ်သိမ့်မှုအပြည့် နဲ့ လွတ်လပ်စွာ ဝယ်ယူရင်းနှီးကြခြင်း တို့ကြောင့် ဒီနှစ်အတွင်း ရွှေဈေးမြင့်ခဲ့ ပေမဲ့ တရုတ်နိုင်ငံ ရွှေဈေးကွက်ဝယ် လိုအားက ယခင်နှစ်ကထက် ပိုတိုးလာ ပြီး ရာခိုင်နှုန်း ဆယ်ဂဏန်းကျော်ကျော် တိုးလာကာ အိန္ဒိယရဲ့ ဝယ်လိုအားထက် သာတယ်လို့ဆိုပါတယ်။ ''ဒီနှစ်က ကမ္ဘာ့စီးပွားရေး တိုးတက်မှု တုံ့နှေးနေတယ်။ ဒါပေမဲ့ရွှေဝယ်ယူမှုက အရှိန်ရနေတယ်။ အိန္ဒိယရဲ့ ရွှေဝယ်ယူမှုက ဒီနှစ်မှာ ကျဆင်းတယ်။ ဒါပေမဲ့ တရုတ်နိုင်ငံက ရွှေချောင်း အဝယ်က လက်ဝတ်ရတနာ အဝယ် ထက် အားသာလျက်ရှိနေတယ်'' လို့ NYSE Arca Gold Bag မှ တာဝန်ခံကပြောခဲ့ပါတယ်။အလားတူ ဗီယက်နမ် နိုင်ငံဘက်ကလည်း ရွှေဈေးနှုန်း မြင့် တက်မှုကို လိုက်လျောညီထွေဖြစ်ပြီး ဈေးနှုန်း တည်ငြိမ်စေဖို့ လွပ်လပ်စွာ တင် သွင်းခွင့်ပြုသွားမယ်လို့ သိရပါတယ်။ ရက်သတ္တ ကိုးပတ်နီးပါးကြာ အမြင့် တန်းမှာနေခဲ့တဲ့ ရွှေဈေးကအောက်တိုဘာလ ၇ ရက်နေက အမြင့်ဆုံး ကန် ဒေါ်လာ ၁၃၆၆ကို ရောက်ခဲ့ပြီးနောက် အမေရိကန်နိုင်ငံရဲ့ အလုပ်အကိုင် အစီ ရင်ခံစာ ပေါ်ထွက်လာပြီးနောက်ပိုင်းမှာ ပြန်လည်ကျဆင်းကာ ကန်ဒေါ်လာ ၁၃၃၅နဲ့ အရောင်းအဝယ် ဖြစ်ခဲ့ကြောင်း သိရပါ တယ်။ှ Source:Reuters WWN