Background
စိန်ဈေးနှုန်းများ ကျဆင်းလာဖွယ်ရှိနေ ယခုအခါတွင် မင်္ဂလာဆောင် ရာသီသို့ရောက်ရှိနေသော်လည်း အရောင်းအဝယ်များ အေးနေခြင်း၊ နိုင်ငံခြားငွေ လဲလှယ်နှုန်း၊ အမေရိကန်ဒေါ်လာဈေးနှုန်းများ ကျဆင်းလာသောကြောင့် စိန် ဈေးနှုန်းများ ယခုထက်ပိုမို၍ ကျဆင်း လာနိုင်ကြောင်း စီအမ်စိန်ဆိုင်ပိုင်ရှင် ဦးရွှေကြည်က ပြောကြားသည်။ ''ဒီနှစ်မင်္ဂလာဆောင်ရာသီက မင်္ဂလာမဆောင်ကြတော့ဘူးလားလို့ မေးရ မလိုကို ဖြစ်နေတယ်။ ဆိုင်တွေက အ ရောင်းအဝယ်မကောင်းတော့ အပ်ထည် တွေကလည်း အရမ်းနည်းသွားတယ်။ မနှစ်ကလောက် ဝယ်အားမရှိတော့ဘူး။ ဈေးကွက်က အကုန်လုံးစောင့်ကြည့်နေ ရတဲ့အခြေအနေဖြစ်သွားတယ်။ ဈေးကျ လာရင်တော့ ဈေးကွက်ပြန်ကောင်းမယ် လို့မျှော်လင့်ရတာပဲ။ အခုထိတော့ ဈေးကွက်ကအေးစက်နေတယ်။ ဆိုင်သမား တွေ အကုန်လုံးယပ်တောင်ခပ်ပြီးတော့ ကို ထိုင်နေရတယ်။ ဒီလောက်အထိကို အေးနေတာ''ဟုဦးရွှေကြည်ကပြောသည်။ ပြည်တွင်းဈေးကွက်တွင် ငွေဈေး ကျဆင်းမှုကြောင့် စိန်ဈေးကျဆင်းလာ နိုင်သော်လည်း ပြည်ပဈေးကွက်ဖြစ်သော တရုတ်နှင့် အိန္ဒိယနိုင်ငံများတွင်မူ ဝယ်လိုအားမြင့်မားနေမှုကြောင့် ဈေးနှုန်းများ ငြိမ်လျက်ရှိကြောင်းနှင့် ပြည်တွင်းဈေးကွက်တွင်လည်း တည်တည်ငြိမ်ငြိမ်ဖြင့် စီးပွားရေးလုပ်ငန်းများကောင်းမွန်လာပါက စိန်ဈေးကွက်မှာလည်း ပြန်လည်၍ ကောင်းမွန်လာနိုင်ကြောင်းသိရသည်။ မင်းသန့််
ရွှေထည်ဆိုင်များ အထူးအစီအစဉ်များဖြင့် ရောင်းချလာ လအတန်ကြာ အရောင်းအဝယ် အေးနေသည့် ရွှေထည်ဈေးကွက် အတွင်း အထူးအစီအစဉ်အဖြစ် အရောင်းမြှင့်တင်ရေး ပုံစံအမျိုးမျိုးဖြင့် ရောင်းချလာကြောင်း သိရသည်။ ''ရွှေထည်စ္စည်းရောင်းတဲ့ ဆိုင် တွေအနေနဲ့ အရောင်းအေးအေးနဲ့ သွား နေတာကြာပါပြီ။ အခုချိန်က ပွင့်လင်း ရာသီချိန်လဲဖြစ်တော့ အထူးအစီအစဉ် တွေကို တစ်ဆိုင်တစ်မျိုးနဲ့ အရောင်းမြှင့် တင် ရောင်းချလာတာ တွေ့ရတယ်။ တချို့ဆိုင်တွေဆိုရင် ကျပ် ၅ သိန်းဖိုး ဝယ်ယူရင် ထီးအသေးနဲ့ဓာတ်ဘူး၊ ကျပ် ၅ သိန်းကနေ ၁၅ သိန်းဖိုးအတွင်း ဝယ် ရင် ဖန်စီထီးနဲ့ တီရှပ်၊ ကျပ်သိန်း ၅ဝ ဖိုးအထက်ဝယ်ယူရင် ပန်ကာ၊ ဟော့ပေါ့၊ ပေါင်းအိုးနဲ့ ထမင်းပေါင်းအိုး၊ တချို့လက်ကားရွှေဆိုင်ကြီးတွေကျတော့ ဝယ်ယူမှုအရေအတွက် ၁ဝဝ ပြည့်တိုင်း အလျော့တွက် ၁ဝ ပဲ လျော့ပေးတာမျိုး တွေ၊တချို့ဆိုင်တွေကျတော့ Mamber Card ပေးတာမျိုးတွေနဲ့ ရောင်းချလာ ကြပါတယ်'' ဟု မဟာဗန္ဓုလလမ်းပေါ် ရှိ ရွှေထည်လုပ်ငန်းရှင်တစ်ဦးက ပြော ပြသည်။ နိုဝင်ဘာလ ၂၆ ရက်နေ့တွင် ၁၆ ပဲရည် တစ်ကျပ်သားလျှင် (၆၆၅၄ဝဝ- ၆၆၄၄ဝဝ) ဖြစ်ပေါ်ခဲ့ပြီး ကမ္ဘာ့ ရွှေဈေး မှာ တစ်အောင်စလျှင် ၁၃၇၃ ဒေါ်လာ ဖြစ်ပေါ်ခဲ့သည်။ ခင်မျိုးသွယ်
နှစ်ကုန်သည့ ်တိုင်အောင် ရွှေဈေးဆက်လက်ဦးမော့ နိုင် နိုဝင်ဘာလ ဒုတိယပတ်က တစ်အောင်စကို ၁၃၅ဝ ဒေါ်လာအထိ ကျဆင်း သွားတဲ့ ကမ္ဘာ့ရွှေဈေးနှုန်းက နိုဝင်ဘာလ ၂၂ ရက်နေ့တွင် ပြန်လည်မြင့်မားလာရာ ဆိုးလ်မြို့စံတော်ချိန် နေ့ခင်း ၂ နာရီက ချက်ချင်းအရောက် ပို့ရွှေဈေးနှုန်းက သုည ဒသမ ၇ ရာခိုင်နှုန်းမြင့်မားပြီး တစ်အောင်စကို ၁၃၆၁ ဒသမ ၈ဝ ဒေါ်လာနဲ့ အရောင်းအဝယ်ဖြစ်ခဲ့ကြောင်း သိရပါတယ်။ နယူးယောက် ကုန်စည်ရောင်းဝယ်ရေး တွင် ဒီဇင်ဘာအရောက်ပို့ ရွှေဈေးနှုန်းက သုည ဒသမ ၆ ရာခိုင်နှုန်း မြင့်မားကာ တစ်အောင်စကို ၁၃၆၁ ဒေါ်လာနဲ့ အရောင်းအဝယ်ဖြစ်ခဲ့ကြောင်း သိရပါတယ်။ အိုင်ယာလန်ပြဿနာကို ဖြေရှင်းမပြီးသေးသော်လည်း သဘောတူဆွေးနွေး ပြီးစီးမှုများက စိုးရိမ်ပူပန်မှုများကို သက်သာစေပြီး ယူရိုငွေတန်ဖိုး ပြန်လည်မြင့်မား လာပြီး ဒေါ်လာတန်ဖိုး ပြန်လည်ကျဆင်းသွားကြောင်း၊ ဒေါ်လာတန်ဖိုး ကျဆင်း သွားခြင်းက ရွှေတန်ဖိုးကို မြင့်မားလာစေကြောင်း၊ နှစ်ကုန်တဲ့အထိ ရွှေဈေး ဆက် လက်ဦးမော့နိုင်ကြောင်း ဆိုးလ်မြို့ရှိ ုKorea Exchange Bank Futures Co., မှ ဝါရင့်ကုန်သည်တစ်ဦးက ဆိုပါတယ်။ Source:bloomberg.com, ပပ
ပွင့်လင်းရာသီရောက်ပြီဖြစ်၍ ဘိလပ်မြေတင်သွင်းမှုပိုမို ပုဂ္ဂလိကဆောက်လုပ်ရေးလုပ်ငန်းများနဲ့ စီမံကိန်းများအတွက် ဘိလပ်မြေများ တင်သွင်းမှုကို နယ်စပ်ကုန်သွယ်ရေးစခန်းများမှတစ်ဆင့် ဆောင်ရွက်လျက်ရှိရာ ယခုအပတ်မှာ မူဆယ်၊ လွယ်ဂျယ်၊ ကန်ပိုက်တီးနဲ့ ကော့သောင်း၊ တာချီလိတ်နယ်စပ် ကုန်သွယ်ရေးစခန်းများမှာ ဘိလပ်မြေတန်ချိန် ၄၄၄၅ ကျော် တန်ဖိုးအားဖြင့် ကန် ဒေါ်လာ ၄၇၄၃၅ဝ နီးပါး တင်သွင်းနိုင်ခဲ့ပါတယ်။ နယ်စပ်စခန်းအလိုက် တင်သွင်း မှုများကတော့ မူဆယ်မှ ၁၆၄ တန်၊ ကန်ပိုက်တီးမှ ၂၂ဝ၈ တန်၊ လွယ်ဂျယ် မှ တန် ၆ဝဝ ၊ ကော့သောင်းမှ ၂၅ တန်နဲ့ တာချီလိတ်မှ တန် ၁၄၅ဝ အသီးသီးဖြစ်ပါတယ်။ ယခင်အပတ်က တန်ချိန် ၂၆၃ဝ နီးပါး တင်သွင်းခဲ့တဲ့အတွက် ယခုအပတ်မှာ တန်ချိန် ၁၈ဝဝ ကျော်တင်သွင်းမှု ပိုမိုခဲ့ပါတယ်။ တရုတ်နယ်စပ်မှ တင်သွင်းတဲ့ ဘိလပ်မြေတံဆိပ်တွေကတော့ ဆင်၊ ကမ္ဘာလုံး၊ စွန် ၊ Xin Lin Po တို့ဖြစ်ပြီး ထိုင်းနယ်စပ် တာချီလိတ်ကတင်သွင်းတဲ့ တံဆိပ်တွေကတော့ ကျားနဲ့ ဆင်ဖြစ်ပါ တယ်။MIRT(DOBT)ပြည်တွင်းဈေးကွက် ဈေးနှုန်းပြည်တွင်းဘိလပ်မြေဖြန့်ဈေးများမှာ အောက်ပါအတိုင်းဖြစ်ပါတယ် -တိုင်းဒေသကြီး/ပြည်နယ် အမျိုးအစား ဈေးနှုန်း(ကျပ်/အိတ်)ရန်ကုန်တိုင်းဒေသကြီး ဘိလပ်မြေ(ဆင်)ထိုင်း ၅၂ဝဝ(လက်ကား) ဘိလပ်မြေ(နှင်းတောင်) ၅၁ဝဝ ဘိလပ်မြေ (စိန်) ၅ဝဝဝမန္တလေးတိုင်းဒေသကြီး ဘိလပ်မြေ(ဆင်)ထိုင်း ၆၄ဝဝ ဘိလပ်မြေ(AAA) ၅၇ဝဝ ဘိလပ်မြေ(မြန်မာဆင်) ၅၄ဝဝ ဘိလပ်မြေ(TPI)ထိုင်း ၆ဝဝဝ ဘိလပ်မြေ(ဆင်မင်း) ၅ဝဝဝ ဘိလပ်မြေ(မြင်းခေါင်း) ၅၁ဝဝတောင်ငူ ဘိလပ်မြေ(ကြံ့)ထိုင်း ၆ဝဝဝ ဘိလပ်မြေ(ဆင်)ထိုင်း ၇ဝဝဝ ဘိလပ်မြေ(မြင်းခေါင်း) ၅၃ဝဝ ဘိလပ်မြေ (Lucky)ပါကစ္စတန် ၆၅ဝဝတောင်ကြီး ဘိလပ်မြေ(စိန်)ထိုင်း ၆၈ဝဝ ဘိလပ်မြေ(ခြင်္သေ့) ၅၆ဝဝမော်လမြိုင် ဘိလပ်မြေ(ဆင်)ထိုင်း ၅၈၅ဝ ဘိလပ်မြေ(ကြံ့)မြိုင်ကလေး ၅၁၅ဝ ဘိလပ်မြေ(စိန်)ထိုင်း ၅၈၅ဝ ဘိလပ်မြေ(မြင်းခေါင်း) ၄၃ဝဝမကွေးတိုင်းဒေသကြီး ဘိလပ်မြေ(ဆင်)ထိုင်း ၆၈ဝဝ ဘိလပ်မြေ(စိန်)ထိုင်း ၆ဝဝဝ ဘိလပ်မြေ(မြင်းခေါင်း) ၆ဝဝဝMIRT (MAPT)
ရွှေဈေးကွက်အတွင်း ပစ္စည်းအဝင်များကာ ဈေးကွက် ခပ်အေးအေးသွားနေ ရန်ကုန် အခေါက်ရွှေဈေးကွက် အတွင်း မန္တလေးဘက်မှ အခေါက်ရွှေ များ အဝင်များကာ ဈေးကွက် ခပ်အေးအေးဖြင့် သွားနေကြောင်း ရန်ကုန်တိုင်း ရွှေလုပ်ငန်းရှင်များအသင်းမှ သိရသည်။ ''ပြီးခဲ့တဲ့အပတ် နိုဝင်ဘာလ ၈ ရက် ကနေ ၁၃ ရက်အတွင်း ရန်ကုန်ဈေးကွက်မှာ အခေါက်ရွှေဈေး ဖြစ်ပေါ်မှု ဟာ ကမ္ဘာ့ရွှေဈေးနဲ့အတူ လိုက်တက် ခဲ့တဲ့အပြင် ပြည်တွင်းရွှေဈေးက ၁ ကျပ်သားကို ၅ဝဝဝ ကျပ်ခန့် ပိုအမြင့်နဲ့ သွားခဲ့ပါတယ်။ အဲဒါကြောင့် မန္တလေးဘက်က ရွှေအဝင်များခဲ့တယ်။ အရပ် ဝယ်လက်တွေလဲ ရွှေအဝယ်ရှိခဲ့တယ်။ ဒီအပတ်မှာ နိုဝင်ဘာလ ၁၅ ရက်က ၁၉ ရက်အတွင်း ပြီးခဲ့တဲ့အပတ်က ဝင် ထားတဲ့ ရွှေတွေနဲ့ ဈေးကွက်ထဲမှာ လည်ပတ်ရောင်းဝယ်နေကြတယ်။ အခုချိန် အထိ အရပ်ဝယ်လက်က ပြန်ရောင်းတဲ့ အနေအထား မမြင်ရသေးပါဘူး။ ရွှေဈေး ခပ်ငြိမ်ငြိမ်၊ ခပ်အေးအေးမှာ ရှိနေပါတယ်။ ဒီပုံနဲ့ဆို ရွှေဈေးပြန်ဆင်းသွားနိုင်ပါတယ်''ဟု ယင်းအသင်းမှ တာဝန်ရှိသူတစ်ဦးက ပြောကြားသည်။ နိုဝင်ဘာလ ၁၈ ရက်က အခေါက် ရွှေ ၁ ကျပ်သားလျှင် ၆၆ဝဝဝဝ- ၆၆၁ဝဝဝ ရှိခဲ့ပြီး၊ ကမ္ဘာ့ရွှေဈေးမှာ ၁ အောင်စ လျှင် ၁၃၄၅-၁၃၅၇ ဒေါ်လာ ဖြစ်ပေါ်လာခဲ့သည်၊ ခင်မျိုးသွယ်
စိန်များ ပြန်လည်ရောင်းချရာတွင် ရာခိုင်နှုန်းဖြတ်မှု မြင့်တက်လာ ရန်ကုန်မြို့ စိန်ဈေးကွက်အတွင်း အရောင်းအဝယ်များ အေးနေသောကြောင့် စိန်ပိုင်ရှင်များမှ စိန်များကို ဆိုင်များသို့ ပြန်လည်ရောင်းချရာတွင် ရာခိုင်နှုန်းဖြတ် မှုများ ယခင်ထက် ပိုမိုမြင့်တက်လာကြောင်း စိန်ရောင်းဝယ်သူတစ်ဦးက ပြောကြား သည်။ ''အရင်က စိန်ပြန်ရောင်းမယ်ဆိုရင် ၃ဝ ရာခိုင်နှုန်းဝန်းကျင်လောက်ပဲ ဈေးနှုန်း ဖြတ်ပြီး ပြန်ဝယ်တယ်။ အခု အရောင်းအဝယ်က မရှိသလောက် အေးနေတော့ ပြန်ရောင်းမယ်ဆိုရင် ၃၅ ရာခိုင် နှုန်းအထိဈေးဖြတ်လာတယ်။ စိန်ဝယ် တဲ့သူတွေ ကလည်း ပြန်ရောင်းတဲ့သူက အရမ်းနည်းပါတယ်။ တချို့ မရောင်းမဖြစ်လိုအပ်နေတဲ့ သူတွေလောက်ပဲ ပြန်ရောင်းနေကြတာ၊ အခု ဆိုင်သမား တော်တော်များများက ဖောက်သည်လည်းမပျက်အောင်၊ တွက်ခြေလည်းကိုက်အောင် ဈေးကိုချိန်ပြီးရောင်း နေကြတာ ဈေးကပြည်ပမှာ တက်နေပေမယ့် ပြည်တွင်းမှာ အရောင်းအဝယ်အေး နေတော့ မတက်ရဲကြဘူး၊ ချိန်ပြီးရောင်းနေရတာ''ဟု ၎င်းကပြောကြားသည်။ ယခုအခါတွင် ဆိုင်သမားအများစုမှာ ပြည်ပတွင် စိန်ဈေးမြင့်တက်ခြင်း၊ ပြည်တွင်းတွင် ဈေးငြိမ်နေခြင်း၊ အရောင်းအဝယ် အေးနေခြင်းများကြောင့် ပြည်ပမှ အသစ်မှာယူမှုနည်းနေပြီး လက်ကျန်စိန်များကိုသာ ရောင်းချလျက်ရှိကြောင်းနှင့် အများစုမှာ စိန်ဈေးကွက် ပြန်လည်ကောင်းမွန်လာရေးကိုသာ မျှော်လင့်နေကြ ကြောင်း သိရသည်။ မင်းသန့်
အိန္ဒိယရဲ့ ဝယ်လိုအားမြင့်မှုကြောင့် ရွှေဈေးမြင့်ခဲ့ ၂ဝ၁ဝ ခုနှစ် တတိယလေးလပတ်ကာလအတွင်း အိန္ဒိယရဲ့ ယခင်နှစ်အလား တူကာလက အဝယ်တန်ချိန် ၁၃၅ တန်ကျော်ရှိခဲ့ပြီး ဒီနှစ်ကာလမှာ ၁၈၄ တန်ကျော် ဝယ်ခဲ့တဲ့အတွက် ဝယ်လိုအားသာလွန်ခဲ့ကြောင်း သိရပါတယ်။ ဒီလိုသာလွန်ခဲ့ ကြောင့် နိုဝင်ဘာလ ၉ ရက်နေ့ ကမ္ဘာ့ရွှေဈေးအမြင့်တန်း ရောက်ခဲ့မှုကို ပံ့ပိုးခဲ့ ကြောင်း ကမ္ဘာ့ရွှေကောင်စီက သုံးသပ်ဖော်ပြခဲ့ပါတယ်။ နိုဝင်ဘာလ ၁၇ရက်မှာတော့ ဒေါ်လာရဲ့ တစ်ကျော့ပြန် အနည်းငယ် ခိုင်မာမှုနဲ့ ဥရောပဇုန် စီးပွားရေးဖိအားများအပေါ် ပူပန်မှုတွေ လျော့ပါးသွားမယ်လို့ ထင်မြင်ယူဆချက်တွေပေါ်လာပြီး ရွှေဈေး အနိမ့်ပိုင်းပြန်ရောက်ခဲ့ပါတယ်။ စင်ကာ ပူဈေးကွက်မှာ ဒီဇင်ဘာလအရောက်ပို့ ရွှေဈေးက တစ်အောင်စကို ကန်ဒေါ်လာ ၁၃၅၆ ဒသမ ၈၁ နဲ့စာချုပ်ခဲ့ပြီး သုည ဒသမ ၇ ရာခိုင်နှုန်းဈေးကျခဲ့ပါတယ်။ ငွေ ဈေးကတော့ သုည ဒသမ ၈ ရာခိုင်နှုန်းအတက်နဲ့ တစ်အောင်စကို ကန်ဒေါ်လာ ၂၅ ဒသမ ၆၇၁ နဲ့ အရောင်းအဝယ်ဖြစ်ခဲ့ပါတယ်။ သုံးသပ်သူများက ဥရောပဇုန် အဖွဲ့ဝင် အိုင်ယာလန်နိုင်ငံဘက်က နိုင်ငံရဲ့ဘဏ္ဍာရေးအခြေအနေကောင်းကြောင်း အချက်ပြ ပြောဆိုမှုတွေ ရရှိခဲ့ပြီးနောက်မှာ ဒေါ်လာဈေးက သုည ဒသမ ၂ ရာခိုင်နှုန်း ပြန်လည်ဈေးမာခဲ့တယ်လို့ဆိုပါတယ်။ အမေရိကန်ဒေါ်လာနဲ့ ရွှေက အမြဲတမ်း ပြောင်းပြန်ဆက်စပ်နေတာမို့ ဒီနှစ်အတွင်း ဒေါ်လာအားပျော့မှုကြောင့် ရွှေဈေး ၂၄ ရာခိုင်နှုန်းခန့် ဈေးမြင့်ခဲ့ရပါတယ်။ နိုဝင်ဘာလ ၉ ရက်နေ့က ၁၄၂ ဒသမ ၆၈ ဒေါ်လာနဲ့ မှတ်တမ်းတင်မြင့်ခဲ့ပြီးနောက် ဒေါ်လာ အားပြန်ကောင်းမှု ကြောင့် ယခုသီတင်းပတ်အတွင်း သုည ဒသမ ၃ ရာခိုင်နှုန်းဈေးပြန်ကျခဲ့ပါတယ်။ ''အိန္ဒိယရဲ့ ဝယ်လိုအားကလည်း ဒီတတိယလေးလပတ်မှာမြင့်ခဲ့တယ်။ ၂ဝဝ၉ တစ်နှစ်လုံး အိန္ဒိယအနေနဲ့ ၅၅၉ တန် တင်သွင်းခဲ့ပြီး ဒီ ၂ဝ၁ဝ နှစ်မကုန်မီမှာ အဝယ် ၆၂၄ တန်တင်သွင်းပြီး ဖြစ်နေပြီး မနှစ်က အဝယ်ထက်ဈေးမြင့်ခဲ့ပေ မဲ့လည်း အသွင်းပိုခဲ့တယ်။ ဒါကြောင့် အိန္ဒိယရဲ့ ရွှေနဲ့ လက်ဝတ်ရတနာလုပ်ဖို့၊ ရင်းနှီးမြူပ်နံှဖို့ ဝယ်လိုအားက ၃၆ ရာခိုင်နှုန်း တိုးလာခြင်းကြောင့်ပဲ ကမ္ဘာ့ရွှေဈေးက အမြင့်တန်း ၁၄၂၄ ဒေါ်လာကျော်ကို ချဉ်းကပ်ခဲ့ခြင်းဖြစ်တယ်လို့ ကမ္ဘာ့ရွှေကောင်စီ က သုံးသပ်ခဲ့ပါတယ်။ Source:Bloomberg.com, WWN
ပြည်တွင်း ရွှေဈေးများ ပြန်လည် ကျဆင်းလာနိုင် ယခုအခါတွင် ရွှေဈေးကွက်မှာ ကမ္ဘာ့ရွှေဈေးများလည်း ကျဆင်းလျက်ရှိရာ ပြည်တွင်းရွှေဈေးမှာလည်း ထပ်မံ ကျဆင်းလာနိုင်ဖွယ်ရှိကြောင်း စီအမ် စိန်ဆိုင်ပိုင်ရှင် ဦးရွှေကြည်က ပြောကြား သည်။ ''ကမ္ဘာ့ရွှေဈေးက တစ်ပတ်၊ တစ်ပတ်ကို သိသိသာသာ ကျဆင်းလာ တယ်။ ပြီးခဲ့တဲ့အပတ်နဲ့ယှဉ်ရင် ဒီ တစ်ပတ်က တစ်အောင်စကို အမေရိကန်ဒေါ်လာ ၂ဝ ဝန်းကျင်လောက် ကျဆင်းသွားတယ်။ ကမ္ဘာ့ရွှေဈေးက ဆက်တိုက် ကျဆင်းနေပေမယ့် ပြည်တွင်းရွှေဈေးကတော့ ၆ သိန်းခွဲ ဝန်းကျင်မှာပဲဈေးကစားနေတယ်။ အတက် အကျကလည်း လေးငါးထောင် ဝန်းကျင်လောက်ပဲရှိတယ်။ ဈေးအီနေတာ၊ ကမ္ဘာ့ရွှေဈေး ခုလိုကျဆင်းလာတဲ့အတွက် ပြည်တွင်းရွှေဈေးကလည်း ပြန်ကျလာနိုင်တယ်။ အရောင်းအဝယ်က တော့ ထူးထူးခြားခြား သိပ်မရှိသေးဘူး၊ ပုံမှန်ပဲသွားနေတယ်''ဟု ဦးရွှေကြည်က ပြောသည်။ ရွှေဈေးနှုန်းများမှာ ကမ္ဘာ့ရွှေဈေး တစ်အောင်စလျှင်အမေရိကန်ဒေါ်လာ ၁၃၂၅ ၊ ပြည်တွင်းရွှေဈေးမှာ အခေါက်ရွှေတစ်ကျပ်သားလျှင် ၆၅၃ဝဝဝ ကျပ် ဖြင့် အောက်တိုဘာလ ၂၈ ရက်နေ့ တွင် ဈေးပိတ်ခဲ့ကြောင်းသိရသည်။ မင်းးသန့််
စိန်ကျင်ဖြူဈေးနှုန်းများ ၁၀ ရာခိုင်နှုန်း ဈေးပြန်ကျလာ ပြည်တွင်းစိန်ဈေးကွက်အတွင်း အရောင်းအဝယ်များအေးနေပြီး နိုင်ငံခြားငွေ လဲလှယ်နှုန်းများပါ ကျဆင်းလာသောကြောင့် စိန်ကျင်ဖြူဈေးနှုန်းများမှာ ၁ဝ ရာခိုင် နှုန်းဝန်းကျင်ကျဆင်းလာကြောင်း စီအမ်စိန်ဆိုင်ပိုင်ရှင် ဦးရွှေကြည်က ပြောသည်။ ''အခုလို ဈေးကျသွားတာ အဓိကက ဝယ်လိုအားမရှိလို့ ကျင်ဖြူကလည်း အဓိကမြန်မာပြည်မှာပဲ သုံးတာ၊ ခုအရောင်းအဝယ်လည်း အေးနေ၊ ဈေးကလည်း ပြန်ကျလာတဲ့အတွက် စိန်ဝယ်ထားတဲ့ သူတွေပြန်လာရောင်း ရင် ၃၅ ရာခိုင်နှုန်း ဖြတ်ပြီးမှ ပြန်ဝယ်တယ်။ ဘယ်သူကမှ ဒီလောက်အရှုံးခံပြီး ပြန်မရောင်းဘူး၊ စိန် အသန့်ကတော့ ဈေးမကျဘူး။ ဈေးမကျတာက ပစ္စည်းကလဲသိပ်မထွက်ဘူး။ အခု အချိန်မှာတော့ ဈေးကြီးကြီးနဲ့ မြကွပ်ရောင်းတဲ့သူလောက်ပဲ ဝယ်နိုင်တယ်။ သာမန်အခြေအနေကတော့ သိပ်မဝယ်နိုင်ဘူး။ ပွင့်လင်းရာသီလက်ထပ်ပွဲတွေကိုပဲ မျှော်နေရတာ၊ မနှစ်ကနဲ့ယှဉ်ရင်တော့ ဒီနှစ်က ရောင်းအားအရမ်းကိုကျတယ်'' ဟု ဦးရွှေကြည်က ပြောသည်။ ယခုရက်ပိုင်းအတွင်း စိန်ဈေးကွက်မှာ ခန့်မှန်းရခက်နေပြီး တစ်ချို့ရက်များတွင် မထင်မှတ်ပဲ အရောင်းအဝယ်ဖြစ်တတ်ကြောင်း၊ စိန်ဈေးနှုန်းများကျဆင်းလာမှုမှာ ဝယ်လိုအားပေါ်တွင်မူတည်ပြီး အရောင်းအဝယ်များ ကျဆင်းလာခြင်းကြောင့်ဖြစ်ကြောင်းနှင့် အိန္ဒိယနှင့် တရုတ်နိုင်ငံတွင် ဝယ်လိုအားမြင့်မားမှုကြောင့် ဈေးနှုန်းများ ကျဆင်းခြင်းမရှိကြောင်း ယင်းကထပ်မံပြောကြားသည်။ မင်းသန့်