ယခုတစ်ပတ်အတွင်း မြန်မာ့ရွှေ ဈေးသည် အတက်အကျအနည်းငယ် ဖြင့်သာ ရှိနေခဲ့ကြောင်း ရွှေဈေးကွက် အတွင်းမှ စုံစမ်းသိရှိရသည်။ ကမ္ဘာ့ရွှေ ဈေးမြင့်တက်နေသော်လည်း မြန်မာ့ရွှေ ဈေးမှာမူ အတက်အကျအနည်းငယ် ဖြင့်သာ အရောင်းအဝယ်ရှိနေခဲ့သော် လည်း ပုံမှန်အတိုင်းသာ အရောင်းအ ဝယ်ဖြစ်ခဲ့ကြောင်း သိရသည်။"ဒီတစ်ပတ်ထဲမှာ ကမ္ဘာ့ရွှေဈေး က တက်လာတယ်။ ဒါပေမယ့် မြန်မာ့ ရွှေဈေးက ပုံမှန်အတိုင်းပဲ။ အတက် အကျနည်းနည်းနဲ့ပဲ အရောင်းအဝယ် ဖြစ်နေတယ်။ နွေရာသီတုန်းက ကျခဲ့ ပေမယ့်အခုအချိန်မှာတော့ တက်သွား ရင်လည်း တစ်ရက်လောက်ပဲ။ နောက် တစ်ရက်ဆို ပြန်ကျသွားတာပဲ။ ဒါက လည်း ကျတယ်လို့ ပြောလို့မရဘူး။ နည်းနည်းလေးပဲကျတာဆိုတော့ ရွှေ ဈေးကျတယ်လို့ ပြောလို့မရဘူး"ဟု ရွှေ လုပ်ငန်းလုပ်ကိုင်နေသူ ဦးစံမြင့်က ဆို သည်။ယင်းကဲ့သို့ ရွှေဈေးအတက် အကျနည်းနေခြင်းကြောင့် ရွှေဝယ် ရောင်းလုပ်ကိုင်သူများအနေဖြင့် စောင့် ကြည့်နေကြသည့်အဆင့်တွင်သာရှိနေ ကြပြီး ငွေလိုသူများသာ ထုတ်ရောင်း နေကြကြောင်း သိရသည်။မြန်မာ့ရွှေဈေးသည် ဇွန်လ ၁ ရက်နေ့က ပိတ်ခဲ့သည့်ဈေးထက် အနည်းငယ်လျော့၍ ကျပ် ၇၀၉၁၀၀ ဖြင့် ပြန်ဖွင့်ခဲ့သော်လည်း ဇွန်လ ၆ရက် နေ့တွင်မှ ကျပ် ၇၁၀၅၀၀သို့ အနည်း ငယ်သာ ပြန်လည်မြင့်တက်ခဲ့သည်။ ဇွန်လ ၇ရက်နေ့တွင်မူ ကျပ် ၇၁၁၀၀၀ သို့ မြင့်တက်ခဲ့သည်။ကမ္ဘာ့ရွှေဈေးသည် ဇွန်လ ၁ရက် နေ့က ၁၃၈၈ ဒေါ်လာရှိခဲ့ပြီး ဇွန်လ ၃ ရက်နေ့တွင် ၁၃၉၈ဒေါ်လာသို့မြင့် တက်ခဲ့ပြီး ဇွန်လ ၇ရက်နေ့တွင် ၁၄၁၁ ဒေါ်လာရှိခဲ့သည်။

ဒေါ်လာနဲ့ ငွေလဲနှုန်းမှာ ယခင် ၈၀၀ ကျော်ရှိရာမှ ၉၀၀ ကျပ်ဝန်းကျင် ထိ ဈေးမြင့်တက်လာခြင်းကြောင့်  စိန် ဈေးနှုန်းမှာ ၆ လုံးစီး၊ ၄ လုံးစီး တစ် ရတီကို ၂၀၀၀၀ ကျပ်နဲ့ ၃၀၀၀၀ ကျပ် ကြား ဈေးမြင့်လာကြောင်း သိရပါ တယ်။   Mandalay  Gem  Center  မှ ကျောက်မျက်ဆိုင်ရှင်တစ်ဦးက "သြင်္ကန် မတိုင်ခင်ကစပြီး၊ စိန်အရောင်း အဝယ် ပါးတယ်။ Order  မှာတဲ့ သူလောက်ပဲ ရှိတယ်။ ဒေါ်လာဈေးတက်ပြီး၊ စိန်ဈေး လိုက်တက်တဲ့အချိန် မှာ ရွှေဈေးကွက် ဘက်ကို ပြောင်းဝယ်ကြတာ။ စိန် အရောင်းအဝယ်ပါးနေတော့ ဈေးကွက် မှာ စိန်အဝင်နည်းနေ တယ်။ ပစ္စည်းပြန် သွင်းတဲ့ သူလည်း များတယ်။ အိမ်ခြံမြေ ဈေးကလည်းအေး၊ ကားဈေးကလည်း ကျတော့ စိန်ပြန်သွင်းလာကြတယ်။ ငွေပြန်ပေါ်ချင်လို့ ပြန်ရောင်းကြတဲ့ သဘောပါ။ အမြတ်ရလို့ ပြန်ရောင်းတာ မဟုတ်ဘူး။ စိန်တစ်ရတီကိုက်၊ ၂ ရက်တီကိုက်ဆိုရင် ဈေးပိုတက်တယ်။ ပစ္စည်းကောင်းတဲ့ပေါ် မူတည်ပြီး၊ ဈေး မြင့်တာ" လို့ ပြောပါတယ်။ စိန်ဈေးနှုန်းမှာ ၁၀ လုံးစီး တစ် ရတီကို ကျပ် ၂သိန်းနဲ့ ၇ သိန်းကြား၊ အကျင် ၄၀ စီးတစ်ရတီကို ကျပ် တစ် သိန်းခွဲမှ ၆ သိန်းထိရှိပြီး၊ ပစ္စည်းရှား ကြောင်း သိရပါတယ်။ စိန်ဈေးနှုန်းမှာ ပစ္စည်းအရည်အသွေးအပြစ် အနာအဆာ ပေါ်မူ တည်ပြီး၊ဈေးနှုန်းကွာခြားကြောင်း သိရပါတယ်။       ဇူးဇူး - မန္တလေး

ယခုတစ်ပတ်အတွင်း မြန်မာ့ရွှေ ဈေးသည် ကျဆင်းနေရာမှ တက်ဈေး ဖြင့် ဈေးပိတ်ခဲ့ကြောင်း သိရသည်။မြန်မာ့ရွှေဈေးသည် ငြိမ်သက်မှု မရှိဘဲ အတက်အကျများဖြင့် ရှိနေခဲ့ရာ  ယခုတစ်ပတ်တွင်လည်း အတက်အကျ များရှိနေခဲ့ပြီး တက်ဈေးဖြင့်ပိတ်ခဲ့သည်။

"ရွှေဈေးက ဒီရက်ထဲမှာ  အတက် ပြလိုက် ကျသွားလိုက်နဲ့။ အထည်တွေ ကတော့ တော်တော်ရောင်းရတယ်။ ဝယ်ရောင်းသမားတွေအတွက်ကတော့ တကယ့်ကို အလုပ်မဖြစ်ဘူး။ ဈေးက တက်လိုက် ကျလိုက်နဲ့ဆိုတော့ တစ်ခါ တစ်ခါ တစ်နေ့တည်းမှာတင် မနက် အဖွင့်ဈေးနဲ့ ညနေအပိတ်ဈေးတင် မတူဘူး။ တစ်နေ့တည်း ဈေးက အတက် အကျများနေရင် ဝယ်ရောင်း သမားတွေ အလုပ်မဖြစ်ဘူးပေါ့။ အ ထည်ဝယ်တဲ့သူတွေ ကတော့ ဈေးကျ နေတယ် ဆိုပြီးတော့ ဝယ်ကြတာများ တယ်။ အထည်အဝယ်များတော့လည်း  ဈေးက လိုက်တက်လာတာပဲ။ ကမ္ဘာ့ ရွှေဈေး တက်တာလည်း ပါတာပေါ့။ ကမ္ဘာ့ရွှေဈေးက မနေ့ကနဲ့ ဒီနေ့ဆိုရင်  ၂၃ဒေါ်လာလောက် တက်လာတယ်။ ဒါကြောင့်လည်း မြန်မာ့ရွှေဈေးတက် လာတာပဲ"ဟု ရွှေကုန်သည်တစ်ဦးက ဆိုသည်။မြန်မာ့ရွှေဈေးသည် ဧပြီလ ၂၉ ရက်နေ့က ကျပ် ၇၁၁၅၀၀ ရှိခဲ့ရာမှ မေလ ၂ရက်နေ့တွင် ကျပ် ၇၀၈၀၀၀ သို့ ကျဆင်းသွားခဲ့ပြီး မေလ ၃ရက်နေ့ တွင် ကျပ် ၇၁၁၄၀၀ သို့ ပြန်လည်မြင့် တက်လာခဲ့သည်။ကမ္ဘာ့ရွှေဈေးသည်လည်း ဧပြီလ ၂၉ရက်နေ့က ၁၄၇၂ဒေါ်လာရှိခဲ့ပြီး မေလ ၂ရက်နေ့တွင် ၁၄၅၃ဒေါ်လာ ရှိခဲ့ရာမှ မေလ ၃ရက်နေ့တွင် ၁၄၇၆ ဒေါ်လာသို့ ပြန်လည်မြင့်တက်ခဲ့သည်။မယ်သီတာ
 
 

သြင်္ကန်ပြီးကာလအတွင်းတွင် ပြည်တွင်းရွှေဈေးများ ဆက်တိုက်ကျ ဆင်းနေ မှုကြောင့် ရွှေအဝယ်လိုက်နေ ကြောင်း သိရသည်။ သြင်္ကန်ပြီးဆုံးချိန် တွင် မြန်မာ့ရွှေဈေးသည် ကျပ် ၆၉၆၀၀၀အထိ ကျဆင်းခဲ့ပြီးနောက် ရုံး များပြန်ဖွင့်ချိန်တွင် မြန်မာ့ရွှေဈေးသည် ကျပ် ၇၁၄၅၀၀သို့ ပြန်လည်မြင့်တက် လာခဲ့သည်။

ယင်းကဲ့သို့ အနည်းငယ်ပြန်လည် မြင့်တက်လာခဲ့သော်လည်း မြန်မာ့ရွှေ ဈေးကွက်တွင် ဒုံးရော အထည်ပါ အ ဝယ်လိုက်နေကြောင်း သိရသည်။ ယင်း ကဲ့သို့ အဝယ်လိုက်လာမှုကြောင့် ပြည် တွင်းရွှေဈေးကွက်၏ ဈေးကွက်လိုအပ် ချက်များအာ တရုတ်နိုင်ငံမှ ရွှေများကို ဝယ်ယူ၍ ဖြေရှင်းပေးနေရကြောင်း သိ ရသည်။"ဒီနှစ်ကတော့ ထူးခြားတယ်ဆို ရမယ်။ သြင်္ကန်ပြီးတာနဲ့ ရွှေဈေးက ဝုန်း ဆို ကျသွားတာ။ ရုံးတွေ ပြန်ဖွင့်မှ နည်း နည်းလေးတက်လာတာ။ ရွှေဈေးကျ နေတော့ ရွှေဝယ်စုတဲ့သူတွေရော၊ အထည်ဝယ်တဲ့သူတွေရော အဝယ် လိုက်နေလို့ ပြည်တွင်းရွှေဈေးကွက်မှာ လိုအပ်ချက်တွေ ရှိလာတယ်။ အဲဒီလို အပ်ချက်တွေကို ပြည်ပကနေတင်သွင်း ပြီးတော့ ဖြေရှင်းပေးနေရတယ်"ဟု ရွှေ လုပ်ငန်းရှင်တစ်ဦးက ပြောသည်။ထို့ပြင် ပြည်တွင်းမှ ရွှေထုတ်လုပ် သူများအနေဖြင့်လည်း ပြည်တွင်းထုတ် လုပ်မှုစရိတ်မှာ ကျဆင်းသွားခြင်း မရှိဘဲ ရွှေဈေးကျဆင်းသွားသဖြင့် ထုတ်လုပ် ပြီးသမျှ ရွှေများကို ထုတ်ရောင်းခြင်းမရှိ သဖြင့် ပြည်တွင်းဝယ် လိုအားကို ဖြည့် ဆည်းရန် ယခုကဲ့သို့ ပြည်ပမှရွှေတင် သွင်း၍ဖြေရှင်းပေးနေရခြင်းဖြစ်ကြောင်း  ၎င်း က ထပ်မံပြောကြားခဲ့သည်။ထို့ပြင် ဆိုက်ပရပ်စ်နိုင်ငံ၏ ဘဏ္ဍာရေး အကျပ်အတည်းကြောင့် အရန်ရွှေများကို ထုတ်ရောင်းချခဲ့သဖြင့် လည်း ကမ္ဘာ့ရွှေဈေးမှာ ကျဆင်းခဲ့ရ သဖြင့် မြန်မာ့ရွှေဈေးမှာလည်းကျဆင်း ခဲ့ရခြင်းဖြစ်ကြောင်း သိရသည်။မြန်မာ့ရွှေဈေးသည် ဧပြီလ ၂၂ ရက်နေ့တွင် ကျပ် ၇၁၄၅၀၀ ရှိခဲ့ရာမှ ဧပြီလ ၂၃ရက်နေ့တွင်ကျပ် ၇၀၅၀၀၀ သို့ နေ့ချင်း ကျပ်တစ်သောင်းကျော် ကျ ဆင်းခဲ့သည်။ ဧပြီလ ၂၄ရက်နေ့တွင် ကျပ် ၇၀၄၃၀၀၊ ဧပြီလ ၂၅ရက်နေ့တွင် ကျပ် ၇၀၅၅၀၀ ဖြစ်လာကာ ဧပြီလ ၂၆ ရက်နေ့တွင် ကျပ် ၇၁၁၅၀၀ သို့ တစ်ရက်အတွင်း ကျပ် ၆၀၀၀ကျော် ပြန်လည်မြင့်တက်လာခဲ့သည်။ကမ္ဘာ့ရွှေဈေးသည်လည်း ဧပြီလ ၂၂ရက်နေ့တွင် ၁၄၂၃ဒေါ်လာရှိခဲ့ရာမှ ဧပြီလ ၂၃ရက်နေ့တွင် ၁၄၁၁ဒေါ်လာ၊ ဧပြီလ ၂၄ရက်နေ့တွင် ၁၄၂၅ဒေါ်လာ၊ ဧပြီလ ၂၅ရက်နေ့တွင် ၁၄၄၅ဒေါ်လာ ရှိခဲ့ရာမှ ဧပြီလ ၂၆ရက်နေ့တွင် ၁၄၆၂ ဒေါ်လာသို့ ပြန်တက်လာခဲ့သည်။မယ်သီတာ