မြန်မာ့ရွှေဈေးသည်  ယခုတစ်ပတ် အတွင်း ဆက်လက် ကျဆင်းလျက်ရှိ ကြောင်း သိရသည်။  ကမ္ဘာ့ရွှေဈေး သည်လည်း ကျဆင်းလျက်ရှိသဖြင့် မြန် မာ့ရွှေဈေးကျဆင်းရသည်ဟု ရွှေကုန် သည်အချို့ သုံးသပ်လျက်ရှိကြသည်။"ဒီတစ်ပတ်ထဲမှာ  ပိတ်ရက်တွေက လည်း များတယ်။ ကမ္ဘာ့ရွှေဈေးက လည်းကျနေတယ် ဆိုတော့ မြန်မာ့ရွှေ ဈေးက လည်း ကျသွားတာပေ့ါ။  ဈေး ကလည်း ကျနေတော့ ဝယ်ရောင်းလုပ် တဲ့သူတွေ ငြိမ်နေကြတဲ့အတွက် ဈေး ကွက်က လှုပ်လှုပ်ရှားရှား  သိပ်မရှိ တော့ဘူး။   ကမ္ဘာ့ရွှေဈေးကလည်း အကျဘက်ကို ဦးတည်နေတယ်။ ကျ တယ်ဆိုပေမယ့် သိပ်အကျကြီး မဟုတ် တော့ ဈေးကစားလို့မရဘူးဖြစ်နေတာ ပေါ့။ ကမ္ဘာ့ရွှေဈေးကလည်း ဒီရက်ထဲ မှာ ပြန်ကျလာ တယ်။ ဒီနေ့ဆို ၁၅၉၇ ဒေါ်လာပဲရှိတော့တယ်။  မနေ့ကဆို ၁၆၀၅ ဒေါ်လာဆိုတော့ ဈေးက ကျ သွားတာပေါ့။ အခု သြင်္ကန်လည်း နီး နေပြီဆိုတော့  တက်ဖို့  မရှိတော့ဘူး။ သြင်္ကန်ပြီးမှ အနေအထားကို စောင့် ကြည့်ရဦးမယ်' ဟု ရွှေဘုံသာလမ်း အ တွင်းမှ  ရွှေကုန်သည်တစ်ဦးက ဆို သည်။

အမေရိကန် အလုပ်အကိုင်ခန့်ထားမှု ပမာဏမှာ မျှော်လင့် ထားတဲ့နှုန်းထက် တိုးတက်ခဲ့ခြင်းကြောင့် စတော့ရှယ်ယာ များကိုသာ စိတ်ဝင်စားမှုများလာပြီး ရွှေကိုဝယ်ယူရင်းနှီးမြှုပ်နှံထားဖို့ စိတ်ဝင်စား မှုနည်းလာရာ ကမ္ဘာ့ရွှေဈေးများ ကျဆင်းလျက်ရှိတယ်။

ယခုတစ်ပတ်အတွင်း မြန်မာ့ရွှေဈေး ဟာ  အတက်အကျ  ကြမ်းလျက်ရှိ ကြောင်း သိရသည်။ ကမ္ဘာ့ရွှေဈေးသည် လည်း ယခုတစ်ပတ်အတွင်း အတက် ပြပြီးမှ ပြန်လည်ကျဆင်းသွားခဲ့ရာ ရွှေ ဝယ်ရောင်းသမားများ  အခက်ကြုံခဲ့ရ ကြောင်း သိရသည်။

မြန်မာ့ရွှေဈေးသည်   တစ်ပတ် အတွင်း ကျပ် ငါးထောင်ကျော်အထိကျ ဆင်းသွားကြောင်း သိရသည်။ တရုတ် နှစ်သစ် ကူးပွဲတော်ကာလဖြစ်နေခြင်းနှင့် အိန္ဒိယမှ ရွှေသွင်းကုန်ခွန်ကို တိုးမြှင့် ကောက်ခံနေခြင်း တို့ကြောင့် ရွှေဝယ် လိုအားများ ကျဆင်းသွားခဲ့ရာ ရွှေဈေး နှုန်းများ ဆက်တိုက်ကျဆင်းနေ ရခြင်း ဖြစ်ကြောင်း ရွှေ ဘုံသာလမ်းရှိ ရွှေကုန် သည်တစ်ဦးက သုံးသပ်ပြခဲ့သည်။