Background
ရန်ကုန်ဘုရင့်နောင် ပဲဈေးကွက်အတွင်းမှာ မတ်ပဲနဲ့ ပဲတီစိမ်း ကို ပုံမှန်အဝယ်ရှိနေပေမဲ့ ပဲစင်းငုံအဝယ်မရှိတာတော့ သီတင်း ၂ ပတ်လောက်ရှိပြီလို့ ကုန်သည်များက ဆိုပါတယ်။ မတ်ပဲ FAQ၊ FOBကို ပြီးခဲ့တဲ့ရက်ကအောက်ဈေးနဲ့ အဝယ်လိုက်ခဲ့ပေမဲ့ ပြည် တွင်းအရောင်းအဝယ်ဖြစ်တဲ့ ဈေးက ပြီးခဲ့တဲ့ တစ်ပတ်ထက် တစ် တန် တစ်သောင်းလောက်လျော့ပြီး ကျပ် ၄၇၅၀၀၀ ဈေးနဲ့ အရောင်းအဝယ်ဖြစ်တယ်လို့ သိရပါတယ်။ ဒါပေမဲ့ ရန်ကုန် ၤဥြ ဈေးကတော့ တစ်တန် ကန်ဒေါ်လာ ၅၈၀-၆၀၀ နဲ့ ငြိမ်နေပါ တယ်။ ပဲတီစိမ်းကိုလည်း တောင်ငူ၊ ပခုက္ကူဘက် အရည်အသွေး ကောင်း တွေကို ဈေးတိုးဝယ်ယူမှုရှိတယ်လို့ သိရပါတယ်။ ဒီနှစ် ဈေးကွက်ကို ဝင်လာတဲ့ ပဲတီစိမ်းတွေက အရည်အသွေး ကောင်း တဲ့အတွက် ဝင်သလောက် အရောင်းအဝယ်ဖြစ်နေတယ်လို့ သိရပါ တယ်။
အိန္ဒိယအစိုးရ ပြည်တွင်းဝယ်လိုအား ပြည့်မီဖို့ ပဲမျိုးစုံ တင်သွင်းမှုကို ငွေကြေးထောက်ပံ့မှုတွေနဲ့ ဂရုတစိုက် ဆောင် ရွက်နေတဲ့ အချိန်မှာ ပဲတောင်သူတွေရဲ့ ယခုနှစ် ပဲအရည် အသွေးက အစိုးရဝယ်ယူဖို့ သတ်မှတ်ထားတဲ့ အရည် အချင်း မမီတဲ့အတွက် အနိမ့်ဆုံး ထောက်ပံ့ဈေး (MSP)ထက် လျော့ပြီး၊ တောင်သူများက ၎င်းတို့ပဲတွေ ရောင်းချနေရတယ် လို့ သိရပါတယ်။ မဟာရပ်ရှတရာပြည်နယ် လတ္တာခရိုင်မှာ လယ်ယာထွက်ကု န်ဈေးကွက် ရှာဖွေရေးကော်မတီ (APMC) မှ ဈေးနှုန်းမြင့်တက်ဖို့ တောင်သူများ MSP ဈေးအော က် လျော့ပြီး၊ ရောင်းချနေရခြင်း မှ လွတ်မြောက်ဖို့ သဘောတူ တူညီချက်တစ်ခု ရေးဆွဲနေကြောင်း သိရပါတယ်။
ပြီးခဲ့တဲ့ သီတင်းပတ်များစွာက အီရော့နနွင်းရောင်းဝယ် မှု မကောင်းခဲ့ပေမယ့် နိုင်ငံအထက်ပိုင်းမှ အမှာအော်ဒါအသစ် များကြောင့် ဈေးစပြီးမြင့်တက်လာခဲ့ပါတယ်။ နနွင်းတင်ပို့သူ များဟာ ဘီဟာ၊ ချက်တီဂရပ်နဲ့ ဥတ္တရာပရာဒေ့ရှ်က ဒေပါဝလီ အတွက် အဝယ်အသစ်တွေလက်ခံရရှိတယ်လို့ အီရော့နနွင်း ကုန်သည်များအသင်း ဥက္ကဌ မစ္စတာအာကေဗွီရာဗီရှန်ကာမှ ပြောကြားပါတယ်။ ဒါကြောင့် ပြည်ပတင်ပို့သူများက ပျော်ရွှင် ပြီး စတင်ဝယ်ယူခဲ့ကြပါတယ်။ လွန်ခဲ့တဲ့ ရက်အနည်းငယ်က ဈေးနှုန်းငြိမ်နေပြီး၊ ရောင်းချမှုတိုးလာခဲ့တယ်လို့ ဆိုပါတယ်။
အိန္ဒိယနိုင်ငံ ပန်ဂျပ်၊ ဆစ်ကင်မ်နဲ့ အာသန်ပြည်နယ်တို့မှာ ချင်းစိုက်ပျိုး ထုတ် လုပ်မှု ကျဆင်းရာ ဈေးနှုန်းများစွာ မြင့်လာတယ်လို့ သိရတယ်။ အိန္ဒိယရဲ့ ချင်းထုတ် လုပ်မှုကျဆင်းတာကြောင့် နီပေါနိုင်ငံမှ ချင်းတွေကို အိန္ဒိယကိုတင်ပို့မှုရှိနေပြီး နီပေါ နိုင်ငံမှာ ချင်းဈေးနှုန်းတွေက ယခင်နှစ်ကထက် (၇) ဆ ခန့် မြင့်မားလာပြီး တစ်ကီလို ကို နီပေါရူပီး ၃၅ (မြန်မာကျပ်ငွေ ၃၄၅ ဝန်းကျင်) အထိ ရောက်ရှိလာတယ်လို့ သိရတယ်။
ပြည်ပကို ပင်လယ်ရေကြောင်း တင်ပို့မှုလမ်းမှ စက်တင်ဘာ တတိယပတ်မှ စပြီး ချင်းတင်ပို့မှုပျောက်ခဲ့တာ ၅ ပတ်မျှရှိခဲ့ပါတယ်။ ယခုဒီတစ်ပတ်ဖြစ်တဲ့ အောက် တိုဘာ ၂၁ ရက်မှ ၂၇ ရက်နေ့မှသာ ပြန်လည် တင်ပို့နိုင်ခဲ့ခြင်းဖြစ်ပါတယ်။ တင်ပို့ ခဲ့တဲ့နိုင်ငံက ပါကစ္စတန်နိုင်ငံဖြစ်ပါတယ်။ FOB ဈေးက တစ်တန်ကို ကန်ဒေါ်လာ ၁၀၀၀ ရရှိခဲ့တယ်လို့ သိရပါတယ်။ MIRT (DOT)
အိန္ဒိယပြည်တွင်းဈေးကွက်များမှာ ပဲခွဲစက်များနဲ့ ကုန်သည်များ အရောင်းအဝယ်အေးတဲ့အတွက် ဒီတစ်ပတ် လည်း ပဲမျိုးစုံဈေးအေးနေပါတယ်။ ဒါ့အပြင် ပဲပုပ်ထွက်ရှိနေပြီ ဖြစ်လို့ကုန်သည်များက ရောင်းဝယ်မှုကျဆင်းတဲ့ ပဲမျိုးစုံနဲ့ ပဲမျိုး စေ့အစား ပဲပုပ်ကို ပြောင်းလဲရောင်းဝယ်ခြင်းကလည်း ပဲဈေး ကိုကျဆင်းစေတယ်လို့သိရပါတယ်။ ကုလားပဲအနေနဲ့ စိုက်ပျိုး မှု တိုးတက်မယ့် အလားအလာရှိပြီး ပြည်တွင်းဝယ်လိုအား ကျဆင်းတာကြောင့် လက်ငင်း ဈေးပါကျဆင်းနေပါတယ်။ ပွဲတော်က လာမယ့် ရက်အနည်းငယ်အတွင်းမှာရှိလို့ ဒီပါဝလီ အတွက် လက်ကားဝယ်ယူမှု ပြီးဆုံးသလောက် ရှိနေပြီဖြစ်ပြီး ပြည်တွင်းဈေးကွက်တွေမှာ လက်လီ ဝယ်ယူမှုလောက်သာရှိ မယ်လို့ ခန့်မှန်းကြပါတယ်။
ပြီးခဲ့တဲ့ တစ်ပတ်က အိန္ဒိယဝယ်လက်တွေ မတ်ပဲအဝယ်လိုက် ခဲ့လို့ ပြည်တွင်းပဲမျုးိစုံဈေးပြန်လိုက်ခဲ့ရာမှ ယခုသီတင်းပတ် နှောင်း ပိုင်းမှာတော့ အဝယ်ရပ်သွားတဲ့အတွက် မတ်ပဲ၊ ပဲစင်းငုံဈေး ထိုး ကျခဲ့တယ်လို့ သိရပါတယ်။ ဒါပေမဲ့ ပဲတီစိမ်းကတော့ ဆက်ပြီး ဈေးမာနေပါတယ်။ ပြီးခဲ့တဲ့ ပိတ်ရက်များအပြီး အိန္ဒိယဝယ်လက် တွေ မတ်ပဲဆွဲအားကောင်းလာလို့ ဘုရင့်နောင်ဈေးကွက်မှာ တစ် တန် ၅၁၀၀၀၀ ကျော်ထိ ဈေးရှိခဲ့ပြီး ယခုရက်ပိုင်းမှာတော့ အဝယ် မရှိသလောက်ဖြစ်ခဲ့လို့ တစ်တန် ကျပ် ၄၉၂၀၀၀ ခန့်ကို ပြန်လည် ကျဆင်းလာခဲ့ပါတယ်။ အလားတူ ရန်ကုန် FOB မတ်ပဲဈေးမှာ လည်း တစ်တန်ကန်ဒေါ်လာ ၆၂၀-၆၄၀ မှ ကန်ဒေါ်လာ ၆၀၀-၆၂၀ ကို ကျဆင်းခဲ့ပါတယ်။
လက်ရှိမိုးရာသီ ရိတ်သိမ်းစဉ် အတွင်း ပိုးကျရောက်မှု ကြောင့် ပဲစင်းငုံ ထုတ်လုပ်မှု ၁၀ ရာခိုင်နှုန်းဝန်းကျင် ကျဆင်း မှာ ဖြစ်လို့ အိန္ဒိယနိုင်ငံရဲ့ ပဲမျိုးစုံတင်သွင်းမှုအပေါ် မှီခိုရမှုဟာ ယခုနှစ်မှာပိုမိုလာနိုင်တယ်လို့ သိရပါတယ်။ ပဲမျိုးစုံ တင် သွင်း မှုဟာ စုစုပေါင်းနှစ်စဉ်လိုအပ်ချက်ရဲ့ ၁၅ ရာခိုင်နှုန်း ဝန်းကျင် ခန့်ဖြစ်တဲ့ တန်ချိန် ၂ ဒသမ ၅ သန်းနဲ့ ၃ ဒသမ ၅ သန်း အကြားရှိနေပါတယ်။ Assochan မှ ခန့်မှန်းရာမှာ ၂၀၁၂-၁၃ အတွင်းအိန္ဒိယပဲမျိုးစုံ ဝယ်လိုအားဟာ တန်ချိန် ၂၁ သန်း ခန့်၊ ၂၀၁၃-၁၄ မှာ တန်ချိန် ၂၁ ဒသမ ၄၂ သန်းနဲ့ ၂၀၁၄-၁၅ မှာတန်ချိန် ၂၁ ဒသမ ၉၁ သန်းအထိ မြင့်တက်မယ်လို့ ဆိုပါတယ်။
အောက်တိုဘာလ ၁၄ ရက်မှ ၂၀ ရက်ထိကာလအတွင်းမှာ ကန်ဒေါ်လာ ၃ ဒသမ ၄၀၆ သန်းတန်ဖိုးရှိ ရော်ဘာ အဆင့်စုံ ၁၂၇၁ တန်ကို မလေးရှား၊ ကိုရီးယား၊ အိန္ဒိယနဲ့ တရုတ်နိုင်ငံတို့သို့ ပင်လယ်ရေကြောင်းမှ အပို့ရှိခဲ့တယ်လို့ သိရပါတယ်။ ယခင်အပတ်က ရော်ဘာတန် ၂၃၀ ကျော် အပို့ရှိတဲ့အတွက် ယခုအပတ်မှာ တန် ၁၀၀၀ ကျော် အပို့ပိုခဲ့ပါတယ်။ မလေးရှားသို့ RSS-3 ၁၈၁ ဒသမ ၅ တန်၊RSS-5 တန် ၄၀၊ MSR-20 တန် ၂၀၀ ကျော်၊ MSR-50 တန် ၄၀၊ တရုတ်သို့ RSS-3 တန် ၄၀၀၊ ကိုရီးယားသို့ RSS-5 ၃၈၈ တန်ကျော်၊ အိန္ဒိယသို့ RSS-1 တန် ၂၀ အသီးသီးအပို့ရှိခဲ့တယ်လို့ သိရပါတယ်။ အောက်တိုဘာလ ၂၀ ရက်နေ့မှာ အပြည်ပြည်ဆိုင်ရာ ရော်ဘာဈေးဟာ တစ်တန်ကို ကန်ဒေါ်လာ ၁၀၀ ခန့် ကျဆင်းသွားခဲ့ပါ တယ်။ ပြည်ပတင်ပို့မဲ့ရော်ဘာဈေးနှုန်းများကို ကန်ဒေါ်လာ ၁၀၀ စီ လျှော့ချပေးထားပါတယ်။RSS-1 တစ်တန် ကန်ဒေါ်လာ ၂၈၅၀ မှ ၂၉၅၀၊ RSS-3 နဲ့ MSR-50 တစ်တန် ကန်ဒေါ်လာ ၂၇၅၀ မှ ၂၈၅၀၊RSS-3 နဲ့ MSR-50 တစ်တန် ကန်ဒေါ်လာ ၂၆၅၀ မှ ၂၇၅၀ နဲ့ Crepe ရော်ဘာ ၁ တန် ဒေါ်လာ ၂၅၅၀ မှ ၂၆၅၀ ဈေးနဲ့ ရောင်းချမှုရှိနေပါတယ်။ CMK
ဗီယက်နမ်စားသောက်ကုန်နဲ့အချိုရည်၊အဖျော်ယမကာထုတ်လုပ်နေတဲ့ ကိုကာ ကိုလာ၊ နက်စ်တဲလ်၊ ဘီဘီကာမုန့်လုပ်ငန်း၊ ဗီနာနို့ (Vinamilk) စတဲ့လုပ်ငန်းရှင် များ၊ ကုမ္ပဏီကြီးများက ဗီယက်နမ် ပြည်တွင်းသကြား ထုတ်လုပ်မှု မလုံလောက်မှု၊ အရည်အသွေးနိမ့်ကျမှု၊ သကြားဈေးမတည်ငြိမ်မှု၊ ပြည်ပမှတင်သွင်းတဲ့သကြားဈေး ထက်မြင့်မားမှု စတဲ့အကြောင်းပြချက်များနဲ့ ပြည်ပမှသကြားတင်သွင်းခွင့်ကို ဟိုချီမင်းမြို့တော် မှာ အောက်တိုဘာလ ဒုတိယပတ်ကပြုလုပ်တဲ့ သကြားလိုအပ်ချက် ပြည်တွင်းမှ လုံလောက်စွာထုတ်လုပ်ရေး နဲ့ ဈေးနှုန်းတည်ငြိမ်ရေး အစည်းအဝေးမှာ တောင်းဆိုနေကြတယ်လို့ Thanh Nien News မှာ ဖော်ပြထားပါတယ်။