Background
ချင်းရောင်းချမှု ပြတ်လပ်တာကြောင့် အိန္ဒိယနိုင်ငံမှာ ချင်းဈေးကအမြင့်ဘက် သွားနေပြီး၊ ဝယ်လိုအားမှာလည်းဆက်လက်ကောင်းနေပါတယ်။ဇန်နဝါရီလမှ မေလ အတွင်း ရိတ်သိမ်းကာလအလွန်မှာ ချင်းဈေးက တစ်ကီလို ရူပီး ၆၅-၈၅ (ကန်ဒေါ် လာ ၁ ဒသမ ၁၈ - ၁ ဒသမ ၅၅)ရှိခဲ့ရာမှ ယခုအခါ ရူပီး ၁၄၅-၁၆၅ (ကန်ဒေါ်လာ ၂ ဒသမ ၆၅ -၃)ရှိနေတယ်လို့ ဈေးကွက်မှ Business Line ကို ပြောကြားတယ် လို့ သိရပါတယ်။ နောက်ချင်းထွက်ရှိမှု နှောင့်နှေးပြီးအထွက် သိသိသာသာကျဆင်း ဖွယ်ရှိတာကြောင့်လက်ရှိချင်းဈေးက တော်တော်ကို မြင့်တက်နေတယ်လို့ ဆိုပါ တယ်။
အစောပိုင်းမှာ ချင်းဈေးက အကျိုးအမြတ်မရရှိတာကြောင့် တောင်သူတွေက အခြားသီးနှံတွေကို ပြောင်းလဲ စိုက်ပျိုးလာကြတဲ့အတွက် လာမယ့်ရာသီမှာ အထွက် လျော့ကျမယ်လို့ ဆိုပါတယ်။ အိန္ဒိယချင်းက အခြားထုတ်လုပ်တဲ့ နိုင်ငံများအကြား အကောင်းဆုံးဖြစ်လို့ ဝယ်လိုအားက ရောင်းချမှုထက် ကျော်လွန်နေပါတယ်။ လက် ကျန်ချင်းတွေ ရှိနေပေမယ့် ရင်းနှီးမြှုပ်နှံသူတွေက ၎င်းတို့လိုချင်တဲ့ ဈေးမရသေးသမျှ ချင်းလက်ကျန်တွေ ထုတ်ရောင်းမှာ မဟုတ်ဘူးလို့ ဆိုပါတယ်။ အဲဒီအခြေအနေက ၂၀၁၃ ရာသီကုန်အထိ ဆက်ရှိနိုင်တယ်လို့လည်း ဈေးကွက်က ခန့်မှန်းကြပါတယ်။ ကုန်ကြမ်းဈေးက အမြင့်မှာ စိုးမိုးနေလို့ ရာသီသစ်စတင်တဲ့တိုင် ပြုပြင်ထုတ်လုပ်ဖို့ ဆန္ဒမရှိကြဘူး လို့လည်း ဆိုပါတယ်။ ချင်းပြုပြင်ထုတ်လုပ်သူအများစုဟာ လက်ရှိမှာဈေးကွက်ကို ဝင်လာခြင်းမရှိဘဲ ၎င်းတို့ရဲ့ မနှစ်ကထုတ်ကုန်တွေ ကိုသာ ထိန်းထားဖို့ ဆန္ဒရှိနေကြပါတယ်။ ချင်း ခြောက်အသစ်က မတ်လမှသာဝင်ရောက် မှာဖြစ်ပြီး၊ဝင်ရောက်မယ့်ကာလက မေလ ထိသာဖြစ်တယ်လို့ သိရပါတယ်။ အဲဒီကာလမတိုင်မီ ပြည်တွင်းစားသုံး သူ အရောင်း စင်တာများဟာ လက်ရှိချင်းအဟောင်းတွေကိုသာ အားထားရလိမ့်မယ်လို့ဆိုပါ တယ်။ ယခုလအတွင်း ဈေးနှုန်း ၂ ဆခန့်မြင့်တက်တဲ့တိုင် လက်ရှိအခွန်ပုံစံအရ အိန္ဒိယပြည်တွက်ူချင်းကို ဝယ်ယူဖို့ ဈေး သက်သာမှုရှိနေဆဲဖြစ်လို့ တင်သွင်းဖွယ် မရှိဘူးလို့ သိရပါတယ်။ ယခုနှစ် ချင်းထုတ်လုပ်ရာ ကီရာလာနဲ့ ကာနာတာကာတို့မှာ ချင်းကုန်ချောနဲ့ ချင်းခြောက်ပြုလုပ်ဖို့ များစွာ ထုတ်လုပ်မှုရှိခဲ့ကြောင်း သိရပါတယ်။ အိန္ဒိယ ချင်း ဈေးက တရုတ်နဲ့ နိုက်ဂျီးရီးယားလို အဓိကချင်းထုတ်လုပ်တဲ့ နိုင်ငံတွေအကြား ဈေးအနိမ့်ဆုံးဖြစ်နေပါတယ်။ ချင်းဈေးက ရိတ်သိမ်းချိန်လွန်ကနေ ကာလလယ် အထိ ဈေးနှုန်း တည်တည်ငြိမ်ငြိမ်ရှိခဲ့ပေမယ့် ယခုဒုတိယနှစ်ဝက်နှောင်းပိုင်းမှာ ဈေးမြင့်တက်ခဲ့ပြီး၊ အိန္ဒိယချင်းကို အခြား နိုင်ငံချင်း များထက် ပိုမို စားသုံးကြတာ ကြောင့် ဈေးကွက်အတွင်း ဝင်ရောက်မှုကျဆင်းခဲ့ပြီး၊ ဈေးမြင့် တက်လာ ခြင်းဖြစ် တယ်လို့ သိရပါတယ်။ အကျိုးအမြတ်မရရှိတဲ့ဈေးကြောင့် အရည်အသွေးကောင်းအဖြစ် ထင်ရှားတဲ့ Cochin Ginger စိုက်ပျိုးမှု ပျောက်ကွယ်လာပြီလို့ ကိုချိအခြေစိုက်အဓိကချင်း ကုန်သည်များက ဆိုပါတယ်။ Cochin ချင်းဟာသူ့ရဲ့ထူးခြားတဲ့ လီမွန်ရနံ့နဲ့ အမျှင် မပါတာကြောင့် ကမ္ဘာ့ဈေးကွက်မှာ အကောင်းဆုံးအဖြစ် ထင်ရှားတယ်လို့ ပြည်ပ တင်ပို့သူတွေကဆိုပါတယ်။ ယင်းချင်းကို အဆင့်မြင့် အရည်အသွေးအနေနဲ့ ရောင်းချ ရတယ်လို့ ဆိုပါတယ်။ အိန္ဒိယနိုင်ငံဟာ ၂၀၀၉-၁၀ မှာ စိုက်ဧရိယာဟက်တာ ၁၄၂၀၈၉ မှ တန်ချိန် ၇ သိန်းခန့်ထွက်ရှိကာ ကမ္ဘာမှာ အများဆုံးထုတ်လုပ်သူဖြစ်နေပါတယ်။ ဒါပေမယ့် စိုက်ဧရိယာအနေနဲ့ နိုက်ဂျီးရီးယားနဲ့ တရုတ်တို့ဟာ ထိပ်တန်းဖြစ်ပါတယ်။ အဓိက ပြည်ပဈေးကွက်တွေကတော့ သြစတြေးလျ၊ ပါကစ္စတန်၊ ဘင်္ဂလားဒေ့ရှ်၊ ဆော်ဒီအာ ရေးဗီးယား၊ ရီမင်၊ ယူအေအီး၊ မော်ရိုကို၊ ကနေဒါ၊ နယ်သာလန်၊ ဂျပန်၊ အမေရိကန် တို့ဖြစ်ပါတယ်။ ကမ္ဘာတစ်ဝန်းနှစ်စဉ် ချင်းတန်ချိန် ၁ ဒသမ ၆ သန်းဝန်းကျင်ခန့် ထုတ်လုပ်ကြောင်းသိရပါတယ်။ ကမ္ဘာ့ချင်းထုတ်လုပ်မှုရဲ့ ၅၀ ရာခိုင်နှုန်းကိုတော့ အိန္ဒိယနဲ့ တရုတ်က ထုတ်လုပ်ကြောင်းသိရပါတယ်။ ယမင်းခင်
ယခုနှစ်စပိုင်းမှာ အနောက်တောင်မုတ်သုံမိုးရွာသွန်းမှု နည်းတာကြောင့် အိန္ဒိယပဲထုတ်လုပ်မှု ကျဆင်းနိုင်တယ်လို့ Commodity Online သတင်းအရ သိရပါတယ်။ ဒါကြောင့် လက်ငင်းရော ကြိုပွိုင့်ဈေးကွက်မှာပါ မြင့်တက်နိုင်တယ်လို့ ခန့်မှန်းကြပါတယ်။ မိုးရာသီပဲထုတ်လုပ်မှုက ပြီးခဲ့တဲ့ နှစ်ထက် ၁၅ ရာခိုင်နှုန်းဝန်းကျင် လျော့ကျပြီး၊ တန်ချိန် ၅ ဒသမ ၂၆ သန်းရှိမယ်လို့ ဆိုပါတယ်။ ဒါပေမယ့် ပုံမှန်ဆောင်းပဲထွက် ရှိမှု တန်ချိန် ၁၁ ဒသမ ၅ သန်းခန့်နဲ့ဆိုရင် ၂၀၁၂-၁၃ မှာ စုစု ပေါင်းပဲထုတ်လုပ်မှုကပြီးခဲ့တဲ့နှစ်ထက်တန်ချိန် ၂ သိန်း လောက် လျော့ကျပြီး၊ တန်ချိန် ၁၇ သန်းရှိမယ်လို့ နိုင်ငံတော် အသုံးချစီးပွားရေးသုတေသနကောင်စီ (NCAER)မှ ခန့်မှန်း ထားပါတယ်။
အိန္ဒိယနနွင်းဈေးကွက်မှာ သိုလှောင်လက်ကျန်တွေပုံ နေပြီး၊ နနွင်းဝင်ရောက်မယ့်ရာသီလည်း နီးကပ် လာပြီဖြစ်လို့ ကြိုပွိုင့်ဈေး ၁ ရာခိုင်နှုန်းကျဆင်းပြီး၊ တစ်တန်ရူပီး ၅၆၅၈၀ (ကန်ဒေါ်လာ ၁၀၂၅) ဈေးနဲ့ နိုဝင်ဘာ ၂၂ ရက်မှာ ဈေးပိတ်ခဲ့ ပါတယ်။ လက်ငင်းဈေးအနေနဲ့လည်း အရည်အသွေး အသင့် အတင့်ကောင်းမွန်တဲ့ နနွင်းသာ ဝင်ရောက်တဲ့အတွက် စပ်မျိုး နနွင်းဈေးပင်ကျဆင်းခဲ့တယ်လို့ သိရပါတယ်။ ပြီးခဲ့တဲ့ ၃ ရက်မှာ အရည်အသွေးကောင်း နနွင်းဝင်ရောက်တာကြောင့် စပ်မျိုးနနွင်း ဝယ်လိုအားမြင့်တက်ခဲ့တယ်လို့ ဆိုပါတယ်။ ဒါပေမဲ့ ယခုရက်ပိုင်းမှာတော့ ပျမ်းမျှအရည်အသွေး အသင့် အတင့်ရှိတဲ့ နနွင်းသာဝင်ရောက်ခဲ့ပြီး ဈေးမှာလည်း သိသိ သာသာကျဆင်းကြောင်း ကုန်သည်များမှဆိုပါတယ်။
အိန္ဒိယ ပြည်တွင်းဈေးကွက်တွေမှာ ပွဲတော်ကာလအပြီး လက်ငင်းဝယ်လိုအားတွေ ကျဆင်းနေတဲ့အတွက် ပဲဈေးက လည်းအကျဘက်ဆင်းလာနေပါတယ်။ အဓိကလက်ငင်း ဈေး ကွက်တွေမှာမတ်ပဲ၊ ပဲစင်းငုံ၊ ပဲနီလေးနဲ့ ကုလားပဲတွေကို ဝယ် လိုအားနည်းလို့ ဈေးကျဆင်းနေပြီး ပဲတီစိမ်းကိုတော့ ပဲခွဲစက်၊ ကုန်သည်နဲ့ လှောင်လက်တွေ အဝယ်ရှိလို့ ဈေးမတ်နေတယ် လို့ သိရပါတယ်။ ပဲဝင်ရောက်မှု အနေနဲ့ ဂူဘာကာဈေးကွက် ကို ပဲစင်းငုံအသစ် စတင်ဝင်ရောက်လာပြီဖြစ်ပြီး တစ်တန် ရူပီး ၄၃၅၀၀ (ကန်ဒေါ်လာ ၇၈၇) နဲ့ အရောင်းအဝယ်ဖြစ် ကြောင်း သိရပါတယ်။Ludhiana ဈေးကွက်ကို ပဲတီစိမ်း အသစ် စတင်ဝင်ရောက်နေပြီး အရည်အသွေးပေါ်မူတည်လို့ ပဲအသစ် တစ်တန် ရူပီး ၄၀၀၀၀-၅၀၀၀၀ (ကန်ဒေါ်လာ ၇၂၃-၉၀၄) ဈေးရှိကြောင်း သိရပါတယ်။
ကန်ပါဈေးကွက်မှာတော့ ပဲတီစိမ်းအသစ် တစ်တန် ရူပီး ၆၂၀၀၀ (ကန်ဒေါ်လာ ၁၁၂၁) ဈေးရှိပြီး ပဲတီစိမ်းအဟောင်း ကတော့ ရူပီး ၅၄၀၀၀ (ကန်ဒေါ်လာ ၉၇၆) ရှိတယ်လို့ သိရ ပါတယ်။ ဂျယ်နာနဲ့ ဂျယ်ဂွန်ဈေးကွက် တွေကိုတော့ လာမယ့် လမှာ ကုလားပဲနဲ့ ပဲစင်းငုံအသစ်တွေ ဝင်လာမယ်လို့ သိရပါ တယ်။ အိန္ဒိယနိုင်ငံမှာ မီးရထားသယ်ယူခနှုန်းထားတွေကို ဒီဇင်ဘာလ ၁ ရက်ကစပြီး ၂၂ ရာခိုင်နှုန်းတိုးမှာဖြစ်ပြီး ကျန် တဲ့ ၉ ရာခိုင်နှုန်းကို ၂၀၁၃ ဖေဖော်ဝါရီလ ၁ ရက်မှစပြီး တိုးမှာဖြစ်တယ်လို့ သိရပါတယ်။ သယ်ယူခနှုန်းထားတွေ တိုးမြင့်လျင်စားသုံးသူဈေးနှုန်းတွေ မြင့်တက်လိမ့်မယ်လို့ ခန့်မှန်း ကြပါတယ်။ ဆောင်းပဲစိုက်ပျိုးမှုအနေနဲ့ နိုဝင်ဘာလ ၂၁ ရက်အထိ အင်ဒရာပရာဒေ့ရှ်မှာ ကုလားပဲစိုက်ပျိုးမှုက ပြီးခဲ့တဲ့ နှစ်ထက် ၃၅ ဒသမ ၈ ရာခိုင်နှုန်းပိုမိုနေပြီး ပဲတီစိမ်း၊ မတ်ပဲနဲ့ အခြားပဲ စိုက်ပျိုးမှုတွေကလျော့ကျတယ်လို့သိရပါတယ်။ ရာဂျက်စသန် ပြည်နယ်မှာတော့ ကုလားပဲစိုက်ပျိုးမှုမှာ ၂၄ ရာခိုင်နှုန်းခန့်နဲ့ အခြားပဲစိုက်ပျိုးမှုလည်း ၅၈ ရာခိုင်နှုန်းကျော် လျော့ကျနေ ကြောင်း သိရပါတယ်။ နိုင်ငံတကာအနေနဲ့ ၂၀၁၂-၁၃ အတွက် ကနေဒါ ကု လားပဲထုတ်လုပ်မှုက ပြီးခဲ့တဲ့နှစ်ထက် ၁၅ ရာခိုင်နှုန်းပိုမိုပြီး တန်ချိန် ၁ ဒသမ ၀၅ သိန်းထွက်မယ်လို့ ခန့်မှန်းထားပါတယ်။ အဲဒီထဲမှာ ဒေစီကုလားပဲအမျိုးအစားက ထုတ်လုပ်မှု ကျဆင်း ဖွယ်ရှိပြီး ကာဘူလီကုလားပဲထုတ်လုပ်မှုကတော့ ၂၀၁၁-၁၂ ထက်ပိုမို မြင့်တက်ဖွယ်ရှိတယ်လို့ ခန့်မှန်းထားပါတယ်။ ပြည်ပတင်ပို့မှုမှာလည်း တန်ချိန် ၅ သောင်းခန့်အထိ ရှိမယ်လို့ ဆိုပါတယ်။ အမေရိကန် ကုလားပဲထုတ်လုပ်မှုမှာလည်း ၂၀၁၁-၁၂ ကထက် ၂၉ ရာခိုင်နှုန်းပိုမိုပြီး တန်ချိန် ၁ ဒသမ ၂၅ သိန်းခန့်အထိ ရှိမယ်လို့ ဆိုပါတယ်။ ကနေဒါ ပဲနီလေး ကတော့ ဧရိယာလျော့ကျပြီး အထွက်နှုန်းလည်း နည်းတဲ့ အတွက် ပြီးခဲ့တဲ့ နှစ်ထက် ၁၀ ရာခိုင်နှုန်းခန့် ကျဆင်းမယ်လို့ ခန့်မှန်းထားကြောင်း သိရပါတယ်။ ယမင်းခင်
အိန္ဒိယနိုင်ငံမှာ ရာသီဥတုအခြေအနေ ပုံမှန်မဟုတ်တာ ကြောင့် ကုလားပဲစိုက်ပျိုးမှုဧရိယာ ထိခိုက်နိုင်တဲ့ အတွက် နောက် ၂ လကျော်မှာ ကုလားပဲတင်သွင်းမှု သိသိသာသာ မြင့်တက်ဖွယ်ရှိတယ်လို့ ကုန်သည်များ မှ မျှော်မှန်းနေကြပါ တယ်။ ဒါပေမဲ့ တင်သွင်းပဲရရှိနိုင်မှု တိုးတဲ့အတွက် ၂၀၁၃ ဖေဖော်ဝါရီ လလောက်မှာ ကုလားပဲဈေးက လက်ရှိဈေးထက် ၁၀-၁၅ ရာခိုင်နှုန်းခန့်ကျဆင်းနိုင်တယ်လို့လည်း ဆိုပါတယ်။ သြဂုတ်လမှ အောက်တိုဘာလအတွင်း ကုလားပဲတစ်တန် ရူပီး ၄၈၀၀၀-၅၀၀၀၀(ကန်ဒေါ်လာ ၈၆၉-၉၀၅) အထိ မြင့်တက်ခဲ့ပြီးဖြစ်ပါတယ်။လက်ရှိဘဏ္ဍာနှစ်အတွင်းမှာကုလား ပဲတန်ချိန် ၅ သိန်းခန့် တင်သွင်းရနိုင်တယ်လို့ ဆိုပါတယ်။ အဲဒီလို ပိုမိုတင်သွင်းခြင်း ကြောင့် ပဲရရှိနိုင်မှုတိုးပြီး၊ ဈေးနှုန်း ကိုအားလျော့စေလိမ့်မယ်လို့ အိန္ဒိယပဲမျိုးစုံနဲ့ သီးနံှအသင်း ဒုတိယဥက္ကဌ Suresh Agarwal မှ ပြောကြားပါတယ်။
နိုဝင်ဘာလအတွင်း ရော်ဘာဈေးနှုန်းတွေက ဆက် တိုက် အားနည်းလာသည်။နိုဝင်ဘာလ ၅ရက်နေ့က တစ်တန် ကို ၂၉၇၆ ဒေါ်လာမှာ ရှိနေခဲ့တဲ့ ထိုင်းရော်ဘာ RSS – 5 (မှိုင်းခံရော်ဘာ အဆင့် ၅) က နိုဝင်ဘာလ ၁၂ ရက်နေ့မှာ ၂၉၃၄ ဒေါ်လာအထိ ကျဆင်းလာတယ်။ မလေးရှားရော်ဘာ SMR – 20 ကလည်း တစ်ပတ်အတွင်း ၅၇ ဒေါ်လာကျော် ကျဆင်းလာတယ်။ တရုတ်နိုင်ငံရဲ့ အောက်တိုဘာလ ရော်ဘာ တင်သွင်းမှု ကျဆင်းခြင်း၊ဂျပန်ရဲ့ GDP တိုးတက်နှုန်း ကျဆင်းခြင်းနဲ့ အီးယူဒေသကြွေးမြီအကျပ်အတည်းတို့ကြောင့် ကမ္ဘာ့စီးပွား ရေးအားနည်း ကာ ရော်ဘာဝယ်လိုအား ကျဆင်း မယ်လို့ ခန့်မှန်းကြတဲ့အ တွက် ဈေးနှုန်းကျဆင်းလာ တာဖြစ်ပါ တယ်။ ကမ္ဘာ့ရော်ဘာထုတ်လုပ်မှုအများဆုံးဖြစ်တဲ့ ထိုင်း၊ မလေးရှားနဲ့ အင်ဒိုနီးရှားတို့အနေနဲ့ ၎င်းတို့ရဲ့ ရော်ဘာ တင်ပို့ မှုကို လျှော့ချတဲ့ အစီအစဉ်သာ မရှိပါက ရော်ဘာဈေးနှုန်း ယခုထက်ပိုမို ကျဆင်းလာမှာ ဖြစ်ပါတယ်။ ၎င်းင်း ၃ နိုင်ငံပါဝင် တဲ့ အဖွဲ့က ရော်ဘာဈေးနှုန်းတွေ ကျဆင်းမှုကို ထိန်းချုပ်ဖို့ ရော်ဘာတင်ပို့မှု လျှော့ချတဲ့ အစီအမံကို အောက်တိုဘာလ ၁ ရက်နေ့မှ စပြီး ဆောင်ရွက်လျက်ရှိတယ်။Source:online.wsj.com, rubberboard.org.in Thairubber association, ပပ
အိန္ဒိယနိုင်ငံဟာ ယခုနှစ်မှာ ပြောင်းထုတ်လုပ်မှုကျဆင်းခြင်းနဲ့ ကမ္ဘာ့ပြောင်း ဈေးနှုန်းကျဆင်းနေခြင်း တို့ကြောင့် ပြည်ပကို ပြောင်းတင်ပို့မှုကျဆင်းဖွယ်ရှိကြောင်း၊ ၃၇ ဒသမ ၅ ရာခိုင်နှုန်းကျဆင်းပြီး တန်ချိန်ပေါင်း ၃ သန်းသာ တင်ပို့နိုင်ဖွယ်ကြောင်း အစီရင်ခံစာတစ်စောင်မှာ ဖော်ပြပါရှိတယ်။
အိန္ဒိယအနေနဲ့ ပြည်ပမှပဲဝယ်ယူတင်သွင်းမှုအပေါ် မှီခိုနေမှုကို လျှော့ချဖို့နဲ့ ပြည်တွင်းပဲ ထုတ်လုပ်မှု မြင့်မားစေဖို့ ရည်ရွယ်ပြီး ပဲတင်သွင်းမှုအပေါ် အခွန် ၁၀ ရာခိုင်နှုန်း ကောက်ခံဖို့ လယ်ယာစိုက်ပျိုးရေးဆိုင်ရာ ကုန်ကျစရိတ် နဲ့ ဈေးနှုန်း များ ကော်မရှင် (CACP)က အဆိုပြုတင်သွင်းထားတယ်လို့ သိရတယ်။ ဒါ့အပြင် ပြည်ပ ကိုပဲတင်ပို့မှုကို လည်း ပြန်လည်ခွင့်ပြုဖို့ ထောက်ခံတင်ပြထားကြောင်း၊ လက် ရှိမှာ အိန္ဒိယက ပဲတင်သွင်းမှုအပေါ် အခွန်လုံးဝေ ကာက်ခံခြင်းမရှိတဲ့အပြင် ပြည်ပကို ပဲအမျိုးအစားအချို့တင်ပို့မှုကိုလည်း ပိတ်ပင်ထားကြောင်း၊ ပဲတင်ပို့မှု ကို ၂၀၁၃ ခုနှစ် မတ်လအထိ ပိတ်ပင်ထားမှာဖြစ်ကြောင်း သိရတယ်။
ဒီတစ်ပတ်အတွင်း မြန်မာနိုင်ငံရဲ့ပဲဖောက်သည် အိန္ဒိယ မှာ ဒီပါဝလီပွဲတော်ရှိလို့ အရောင်းအဝယ်တန့်နေခဲ့သလို ပွဲတော်အပြီးမှာလည်း ဝယ်လက်တွေ ထိန်းဝယ်နေကြတဲ့ အတွက် အရောင်းအဝယ်အေးပြီး ဈေးနှုန်းမှာလည်း ဆက် လက်ကျဆင်းတယ်လို့ သိရပါတယ်။ မတ်ပဲအနေနဲ့ ပြီးခဲ့တဲ့ ရက်ပတ် ဈေးထက် တစ်တန် ကျပ်တစ်သောင်း ဝန်းကျင်ကျ ဆင်းခဲ့ပြီး ဝယ်လက်တွေက ပမာဏအနည်းငယ်စီ ဝယ်လိုက်၊ ပြန်ရပ်လိုက်လုပ်နေ လို့ ရောင်းလက်တွေကလည်း စောင့်ကြည့် နေတဲ့ အနေအထားရှိနေတယ်လို့ သိရပါတယ်။ ပဲတီစိမ်းက တော့ ပုံမှန်လေးအရောင်းအဝယ်ရှိနေလို့ တစ်တန် ကျပ် ၇၅၀၀၀၀ အထက်ဈေးမှာ တန်းနေတယ်လို့ သိရပါတယ်။
အိန္ဒိယနိုင်ငံရဲ့ မိုးသီးနှံရိတ်သိမ်းမှုနှောင့်နှေးတဲ့အတွက် ဆောင်းပဲစိုက်ပျိုးမှု နောက်ကျလျက်ရှိရာ နိုဝင်ဘာလ ၂ ရက် နေ့အထိ စုစုပေါင်း စိုက်ပျိုးပြီးစီးမှုဟာ ဟက်တာ ၁ ဒသမ ၈၇ သန်းသာရှိလို့ ပြီးခဲ့တဲ့နှစ် ကာလတူ စိုက်ပျိုးမှုဟက်တာ ၂ ဒသမ ၇၂၃ သန်းနဲ့ ယှဉ်ရင် ၃၁ ရာခိုင်နှုန်းခန့် ကျဆင်း နေတယ်လို့ သိရပါတယ်။ ကုလားပဲစိုက်ပျိုးမှုအနေနဲ့ မဟာ ရပ်ရှတရာနဲ့ အင်ဒရာပရာဒေ့ရှ်မှာ စိုက်ဧရိယာ တိုးတက်ပေမဲ့ ရာဂျက်စသန်မှာ စိုက်ဧရိယာကျဆင်းတယ်လို့ သိရပါတယ်။ မဟာရပ်ရှတရာမှာ ကုလားပဲ စိုက်ပျိုးမှုဟက်တာ ၂၁၉ သိန်း ပြီးစီးလို့ လျာထားဧရိယာ ၁၂ ဒသမ ၃၂ သိန်းရဲ့ ၂၄ ရာခိုင် နှုန်းပြီးစီးပြီဖြစ်ပြီး ပြီးခဲ့တဲ့ နှစ်နဲ့ယှဉ်ရင် ၆၇ ရာခိုင်နှုန်း ပိုမို စိုက်ပျိုးထားကြောင်း သိရပါတယ်။ အင်ဒရာပရာဒေ့ရှ်မှာ ၁၅ ဒသမ ၉ ရာခိုင်နှုန်းပိုမိုပြီးဟက်တာ၁ ဒသမ ၉၆ သိန်း စိုက် ပျိုးထားပြီးဖြစ်ပေမဲ့ ရာဂျက်စသန်မှာတော့ အောက်တိုဘာလ ၁၀ ရက်နေ့အထိ စိုက်ပျိုးမှုဟာ ဟက်တာ ၂ ဒသမ ၇၈ သိန်းသာရှိလို့ ၆၆ ရာခိုင်နှုန်းလျော့ကျတယ်လို့ သိရပါတယ်။