မေလ ၂၆ ရက်မှ ဇွန်လ ၁ ရက်ထိ ကာလအတွင်းမှာ ပင်လယ်ရေကြောင်းကုန်သွယ်မှုမှ ကန်ဒေါ်လာ သုည ဒသမ ၂၇၉ သန်းတန်ဖိုးရှိ ရော်ဘာ MSR 20  တန် ၁၂၀ ကျော်ကို စင်္ကာပူနဲ့အိန္ဒိယနိုင်ငံသို့တင်ပို့ခဲ့ပါတယ်။ စင်္ကာပူနိုင်ငံသို့ တန် ၁၀၀ ကျော်နဲ့ အိန္ဒိယသို့တန် ၂၀ ဖြစ်ပါတယ်။ ယခင် အပတ် ကထက် တန် ၃၀၀ ကျော်လျော့နည်း ခဲ့ပါတယ်။ ရော်ဘာ ဈေးများဆက်လက်ကျဆင်းလာတာကြောင့် လျော့နည်းရခြင်း ဖြစ်ပါတယ်။ ပင်လယ်ရေကြောင်း မှ မေလအတွင်းမှာ ကန် ဒေါ်လာ ၅ ဒသမ ၅၀၇ သန်းဖိုးရှိ ရော်ဘာ ၂၂၇၀ တန် ကျော်နဲ့ နယ်စပ်ကူးသန်းရောင်း ဝယ်ရေးစခန်းများမှ ကန်ဒေါ် လာ ၂၀ ဒသမ ၆၅၉ သန်းတန်ဖိုးရှိ ရော်ဘာအဆင့်စုံ ၇၅၆၈ တန်ကျော်တင်ပို့ထား ပြီးဖြစ်ပါတယ်။ နိုင်ငံတကာဈေးများ ကျဆင်းသလို မိမိတို့ရော်ဘာ FOB ဈေးနှုန်းမှာလည်း တစ် တန်လျှင် ဒေါ်လာ ၅၀ ခန့်ဈေးကျ၍ RSS 1 တစ်တန်လျှင် ဒေါ်လာ ၂၄၅၀ -၂၅၅၀၊ RSS 3  နဲ့  MSR 20 တစ်တန်လျှင်ဒေါ်လာ ၂၃၅၀- ၂၄၅၀၊ ျွှ ၅ နဲ့ MSR 50 တစ်တန်လျှင်ဒေါ်လာ ၂၂၅၀- ၂၃၅၀၊ MSR 10 တစ်တန်လျှင် ဒေါ်လာ ၂၄၀၀- ၂၅၀၀ နဲ့  Creep Rubber တစ်တန်လျှင်ဒေါ်လာ ၂၁၅၀- ၂၂၅၀  ဖြစ်ကြောင်း မြန်မာ နိုင်ငံရော်ဘာစိုက်ပျိုး ထုတ်လုပ်သူများအသင်းက ဈေးနှုန်း ထုတ်ပြန်ချက်အရ သိရှိရပါတယ်။ယဉ်ယဉ်အေး DCCA

မြန်မာ-တရုတ်နယ်စပ်ရှိ မူဆယ် ၁၀၅ မိုင်၊ လွယ်ဂျယ်နဲ့ ချင်းရွှေဟော်  ကူးသန်း ရောင်းဝယ်ရေးစခန်း အသီးသီးမှ မေလ ၂၉ ရက်မှ ဇွန်လ ၄ ရက်ထိကာလ အတွင်းမှာ ကန်ဒေါ်လာ ၅ ဒသမ ၉၀၁ သန်းတန်ဖိုးရှိ ပြောင်းဖူးစေ့တန်ချိန် ၁၆၆၁၂ တန်ကျော်တင်ပို့နိုင်ခဲ့ပါတယ်။ မူဆယ်မှ ၇၉၅၇ တန်နီးပါး၊ ချင်းရွှေဟော်မှ ၅၉၁၅ တန်ကျော်နဲ့ လွယ်ဂျယ်မှ ၂၇၄၀ တန်ခန့် ယခုအပတ်မှာတင်ပို့ခဲ့တာဖြစ်ပါတယ်။ ကန်ပိုက်တီးစခန်းမှ တင်ပို့ခဲ့ခြင်းမရှိပါဘူး။ယခင်အပတ်က တန်ချိန် ၁၆၀၀၀ သာ တင်ပို့ခဲ့တာမို့ ယခုအပတ် ပြောင်းတင်ပို့မှု တန် ၆၀၀ ကျော်ပိုမိုလာခဲ့ပါ တယ်။ ပြောင်းနဲ့ နှမ်းကိုတရုတ်လိုင်းမှဈေးကောင်းပေးပြီး ဝယ်နေတယ်လို့ မူဆယ်ကို တင်ပို့ နေတဲ့ကုန်သည်တွေထံက သိရှိရပါတယ်။ နှစ်နိုင်ငံပြောင်းဈေးများကိုကြည့်မယ် ဆိုလျှင်ဈေးအနည်းငယ် ပြန်ကျသွားတာတွေ့ ရပါတယ်။ မန္တလေး-မူဆယ်ကုန်စည် သယ်ယူခနှုန်းထား မှာတော့ ပြောင်းတစ်ပိသာကို ၅၂ ကျပ်နှုန်းဖြစ်ပြီး ယခင်အပတ် က ၄၇ ကျပ်ဖြစ်လို့ သယ်ယူခနှုန်းမြင့်တက်ခဲ့တယ်လို့သိရပါတယ် -

မုံရွာကုန်စည်ဒိုင် မေလကုန်ပတ် ပဲဈေးကွက်မှာ  ပြည် တွင်းသုံး ပဲများ ဈေးအေးအရောင်းအေးနေခဲ့ပြီး၊Export ပဲဖြစ်တဲ့ ငုံနီနဲ့ စိမ်းကြီးကတော့ ဈေးအေးပေမယ့် အရောင်း အဝယ်သွက်ခဲ့တယ်လို့ ဒိုင်ရပ်ကွက်ကဆိုပါတယ်။ ယခုတစ် ပတ် ကုလားပဲဈေးကွက်အနေနဲ့ Export အဝယ်မရှိပေမယ့် ဒေသတွင်း ပဲခွဲစက်၊ အမှုန့်ကြိတ်စက်၊ ကြာဇံစက် နဲ့ ပဲကြော်ဖို ပဲလက်လီအဝယ်ပုံမှန်ရှိခဲ့လို့ ဈေးငြိမ်နေခဲ့ပါတယ်။ ပေါက်ဈေး အားဖြင့် V2တစ်တင်း၁၁၆၀၀ ကျပ်ထိုင်ဝမ်တစ်တင်း ၁၈၀၀၀ ကျပ်၊ ကုလားပဲရိုးရိုး ၁၇၉၀၀ ကျပ်နဲ့ 929 တစ်တင်း ၁၈၁၀၀ ကျပ်အသီးသီးအမြင့်ဈေး ဖြစ်ပေါ်ခဲ့ပါတယ်။ တစ်ပတ်အတွင်း ကုလားပဲမျိုးစုံ အိတ် ၃၀၀၀ ကျော်ရှိတယ်လို့ ကုန်သည်ရပ် ကွက်က ဆိုပါတယ်။

အောင်ပန်းကုန်စည်ဒိုင်ရဲ့ ၂၀၁၃ ခုနှစ်၊ မေနောက်ဆုံးပတ်မှာ ဒေသထွက် လယ်ယာသီးနှံများ ဈေးနှုန်းအလွန် အတက်အကျမရှိဘဲ ဈေးငြိမ်ပြီး၊ အရောင်း အဝယ် သွက်ခဲ့ကြောင်းနဲ့ စုစုပေါင်းကုန်ချိန်ပိဿာ ၈ သိန်းကျော် ၁၃၆၉ တန်ခန့် တင်ပို့ရောင်းချနိုင်ပါတယ်။မေ ၂၃ မှ ၃၀ ရက်အထိ အောင်ပန်းကုန်စည်ဒိုင်က တင်ပို့ရောင်းချခဲ့တဲ့ သီးနှံ အမျိုးအစားအလိုက် ဈေးနှုန်းများနဲ့ တင်ပို့ရောင်းဝယ်ခဲ့မှု အခြေအနေများကတော့ ပဲပုပ်စေ့တစ်ပိဿာ ၁၂၀၀ ကျပ်နဲ့ ၃၅ တန်၊ ပဲစင်းငုံ တစ်ပိဿာ ၈၀၀ ကျပ် - ၉၀၀ ကျပ်နဲ့ ၂၆ တန်၊ ပဲရာဇာတစ်ပိဿာ ၁၅၅၀ ကျပ် နဲ့ ၃၃ တန်၊ အစေ့ထုတ်ပြောင်းတစ်ပိဿာ ၄၆၀ ကျပ်နဲ့ ၃၉ တန်၊ ပန်းနှမ်းတစ် ပိဿာ ၁၁၀၀ ကျပ်နဲ့ ၂၉ တန်၊ ကြက်သွန်ဖြူ တစ်ပိဿာ ၆၅၀ ကျပ် - ၁၆၀၀ ကျပ်နဲ့ ၃၅၉ တန်၊ ချင်းအစိုတစ်ပိဿာ ၇၅၀ ကျပ် - ၁၀၅၀ ကျပ်နဲ့ ၃၆၂ တန်၊ နနွင်းတစ်ပိဿာ ၁၂၀၀ ကျပ်နဲ့ ၃၆ တန်၊ ချင်းခြောက်တစ်ပိဿာ ၁၂၀၀ ကျပ်နဲ့ ၃၅ တန်၊ အာလူး တစ်ပိဿာ ၃၅၀ ကျပ် - ၆၅၀ ကျပ်နဲ့ ၄၁၅ တန်တို့ ဖြစ်ကြပြီး၊ အစေ့ထုတ်ပြောင်းနဲ့ ပဲစင်းငုံမှာ တောင်သူလက်ကျန် ကုန်သ လောက်နည်းပါးနေပြီး၊ ပွဲရုံလှောင်လက်များကသာ အရောင်းအဝယ်ပြုလျက် ရှိကြောင်း အောင်ပန်းကုန်စည် ဈေးကွက်သတင်းအရ သိရပါတယ်။         မင်းအောင် - တောင်ကြီး