ပြည်မြို့နယ်၊ ချင်းဈေးကွက်ကို အောင်ပန်း၊ တောင်ကြီးဘက်မှ ချင်းများ နှစ်ပတ်လည်ပုံမှန်  ဝင်ရောက်မှုရှိနေပြီး မိတ္ထီလာချင်းက ဒီဇင်ဘာလဆန်းပိုင်း လောက်မှ ဝင်ရောက်ပြီးဖြစ်ပါတယ်။ မိတ္ထီလာချင်းအနေနဲ့ ရှမ်းချင်းနဲ့ယှဉ်ရင် ချင်း အရည်အသွေးအရ ဈေးသိပ်မရပါဘူး။ ရှမ်းချင်းကတော့ စားသုံးသူအကြိုက်ဖြစ်ပြီး၊ ပြည်ဈေးကွက်မှာ တစ်နေ့ကို ပိဿာချိန် ၈၀၀ ခန့် ပုံမှန် အရောင်းအဝယ်ဖြစ်နေ ပါတယ်။  တောင်ကြီးဈေးကွက်မှာ ချင်း(စို)တစ်ပိဿာ ၂၅၀-၃၀၀ ကျပ်ဈေးနဲ့ အဝယ်ရှိပြီး၊ ပြည်ဈေးကွက်လက်ကားပွဲရုံများမှာ ယခင်တစ်ပတ်က ဈေးအတိုင်းရှိပြီး၊ ဒီတစ်ပတ်ချင်း (စို)တစ်ပိဿာ ၄၅၀-၆၀၀ ကျပ်နဲ့ ရောင်းချပါတယ်။ လက်လီ ဝယ်ယူမှုများပြီး၊ ပြည်ဈေးကွက်မှတစ်ဆင့် ရခိုင်ပြည်နယ်တောင်ကုတ်ကို အပတ်စဉ် တင်ပို့လျက်ရှိပါတယ်လို့ ပွဲရုံပိုင်ရှင်တစ်ဦးက ပြောကြားပါတယ်။ဝင်းဝင်းခိုင် - ပြည်

မန္တလေးတိုင်းဒေသကြီးအတွင်းမှာ ပွဲစားကုန်သည်စက်ပိုင်များ၊ မဟာကထိန် တော်အသင်း (မန္တလေး ကုန်စည်ဒိုင်)၊ မြင်းခြံကုန်စည်ဒိုင်၊ ကျောက်ပန်းတောင်း ကုန်စည်ဒိုင်တို့ရှိရာမှာ မန္တလေးကုန်စည်ဒိုင်ဟာ သက်တန်းရင့် ပြီး၊ ကုန်စည်ဒိုင် အသင်းဝင်အင်အား များပြားတောင့်တင်းကာ နှစ်ပတ်လည် အရောင်းအဝယ်ဖြစ် လျက်ရှိပါတယ်။ မြင်းခြံကုန်စည်ဒိုင်နဲ့ ကျောက်ပန်းတောင်းကုန်စည်ဒိုင်များမှာ သက်တမ်းနုနယ်သော်လည်း ကုန်စည်ရောင်းဝယ်မှု အင်အားမှာ တဖြည်းဖြည်း တိုးတက်လာလျက်ရှိကြောင်း၊ ယခင်ကာလများမှာ ပြင်ပမှာသာ အဆင်ပြေသလို အရောင်းအဝယ်ပြုလုပ်နေကြရကြောင်း၊ ယခုအခါ ကုန်စည်ဒိုင်မှာ အရောင်း အဝယ် ပြုလုပ်ရလို့ ပေါက်ဈေးနှုန်း အမှန်နဲ့ အာမခံချက်ရှိတာကြောင့် ရောင်းဝယ်မှု အဆင် ပြေလျက်ရှိကြောင်း သိရပါတယ်။

၂၀၁၃ ဇန်နဝါရီ ဒုတိယပတ် ပြည်ပဲဈေးကွက်မှာ ပဲမျိုးစုံ ဈေးနှုန်းများ ဈေးအပြောင်းအလဲ သိပ်မဖြစ် ဘဲ ဈေးငြိမ်နေခဲ့ တာကို တွေ့ရပါတယ်။ ပဲပုပ်သီးနှံတစ်မျိုးသာ တစ်တင်း ၁၀၀၀ ကျပ်ခန့် ဈေးလျော့သွားခဲ့ပါတယ်။  ပဲပုပ်တစ်တင်းကို ၁၆၅၀၀ ကျပ်နဲ့ ပဲသစ်များဟာ ပေါင်းတလည်၊ ပန်းတောင်း ဘက်မှ ဆက်တိုက်ဝင်ရောက်ခဲ့ပြီး၊ အိတ် ၃၀ မှ ၅၀ အထိ လက်လီအဝယ်လိုက်ခဲ့တယ်လို့ သိရပါတယ်။ မတ်ပဲသီးနှံ ကတော့ ယခင်အပတ်ကအတိုင်း တစ်တင်း ၁၄၀၀၀ ကျပ်နဲ့ သာ ရန်ကုန်ဝယ်လက်နေ့စဉ်အဝယ်မရှိဘဲ ရက်ခြားသာ အရောင်းအဝယ်ဖြစ်ခဲ့တာကြောင့် အိတ် ၂၀၀ မှ ၃၀၀ ခန့် ရောင်းချနိုင်ခဲ့ပါတယ်။ ပဲသစ်များ လကုန်မှာ ဝင်ရောက်နိုင် တယ်လို့ သိရပါတယ်။

၂၀၁၃ ခုနှစ်၊ ဇန်နဝါရီလ ၄ ရက်မှ ၁၀ ရက်အတွင်း ပခုက္ကူကုန်စည်ဒိုင်မှာ ပဲစင်းငုံနီ အသစ် အဟောင်း ပြောင်းဖူး စေ့၊ နှမ်းနက်၊ နှမ်းညို၊ ပဲတီစိမ်း ကြီး/သေး၊ ပြောင်းဆန်တွေ အရောင်းအဝယ်ဖြစ်ပါတယ်။ ပဲစင်းငုံအရောင်းအဝယ် အနေ နဲ့ ပဲစင်းငုံနီအသစ် နေ့စဉ် အရောင်းအဝယ်ဖြစ်ပြီး၊ စုစုပေါင်း ၁၄၉၅ အိတ်အရောင်းအဝယ်ဖြစ်ပါတယ်။ ဈေးအနေနဲ့ အနိမ့် ဆုံး ၁၇၃၀၀ ကျပ်မှ ၁၇၈၀၀ ကျပ်ဈေးအထိ နည်းနည်းခြင်း တက်ပြီး၊ တစ်တင်း အပေါ် ၅၀၀ ကျပ် တက်လာတာတွေ့ရ ပါတယ်။ အဟောင်းအနေနဲ့ တစ်ရက်ဘဲ အရောင်း အဝယ် ဖြစ်ပြီး၊ အိတ် ၂၈၀၊ ဈေးနှုန်း ၁၆၁၀၀ ကျပ်ပါ။ ရာသီဖျက်လို့ အသစ်အထွက်နည်းတယ်၊ အဟောင်း သမားလည်း လှောင် လက် လက်ကျန်ရှိနေမယ်။ ဈေးကွက်အပေါ် ပဲစင်းငုံနီ အသစ် တက်ရောက်လာမှုအခြေအနေကို ကြည့်ပြီး၊ အဟောင်းသမားများ ကိုင်သင့်...သလား။ ထုတ်ရောင်း မလား စဉ်းစားချင့်ချိန် သုံးသပ်နေကြ တာ တွေ့ရပါတယ်။ ပြောင်းဖူးစေ့ အိတ် ၁၄၀ ဒိုင်မှာ တင်ရောင်းပြီး၊ ဈေးအနေနဲ့ အနိမ့်ဆုံး တစ်တင်း ၅၈၀၀ ကျပ်၊ အမြင့်ဆုံး ၆၀၀၀ ကျပ်မှာ တစ်တင်းအပေါ် ၂၀၀ ကျပ်အကွာ နဲ့ မွေးမြူရေးသမားတွေ စောင့်....ဆွဲနေတာပါ။