အောက်တိုဘာ ၂၅ ရက်မှ ၃၁ ရက် သီတင်းပတ်အတွင်း အမေရိကန်ဒေါ်လာ ၄၅၄၈၉၇ ဒေါ်လာတန်ဖိုးရှိ နို့ဆီ ၄၀၂ ဒသမ ၇၇၅ တန်ကို ပင်လယ်ရေကြောင်းလမ်းမှ တင်သွင်းခဲ့သည်။ ယခုတစ်ပတ် မလေးရှားနိုင်ငံမှ ၁၄၀ ဒသမ ၁၁၉ တန်နှင့် စင်ကာပူနိုင်ငံမှ ၂၆၂ ဒသမ ၆၅၆ တန် တင်သွင်းခဲ့သည်။ ယခုတစ်ပတ် စင်ကာပူနိုင်ငံမှ အများဆုံးတင်သွင်းခဲ့သည်။

တင်သွင်းခဲ့သည့် တံဆိပ်များမှာ တီးပေါ့(ပ်)၊ အယ်လ်ပိုင်း၊ ကောင်းဘဲလ်နှင့် အိုကေ တို့ဖြစ်သည်။ ယခင်သီတင်းပတ်က နို့ဆီ ၂၁၈ ဒသမ ၈၈ တန်တင်သွင်းခဲ့ခြင်းကြောင့် ယခုတစ်ပတ်တင်သွင်းမှုနှင့်နှိုင်းယှဉ်လျှင် ၁၈၃ ဒသမ ၈၉၅ တန်ပိုမိုတင်သွင်းခဲ့ကြောင်းသိရသည်။

အောက်တိုဘာ ၂၅ ရက်မှ ၃၁ ရက်သီတင်းပတ်အတွင်း အမေရိကန်ဒေါ်လာ ၂၇၀၀ ဒေါ်လာတန်ဖိုးရှိ ဘိလပ်မြေ ၉ တန်ကို ပင်လယ်ရေကြောင်းလမ်းမှ တင်သွင်းခဲ့သည်။ ယခုတစ်ပတ် တရုတ်နိုင်ငံမှ တင်သွင်းခဲ့ကြောင်း သိရသည်။ ယခင်သီတင်းပတ်က တင်သွင်းမှု ပျောက်ခဲ့သည့် ဘိလပ်မြေမှာ ယခုတစ်ပတ်မှ ပြန်လည်တင်သွင်းလာခြင်းဖြစ်ကြောင်း သိရသည်။

သီတာဝင်း(DOT)

အောက်တိုဘာ ၂၅ရက်မှ ၃၁ ရက်သီတင်းပတ်အတွင်းနနွင်း ၇၅ တန်ကို ပင်လယ်ရေကြောင်း ကုန်သွယ်မှုလမ်းမှ တင်ပို့ခဲ့သည်။ တင်ပို့ခဲ့သည့်နိုင်ငံမှာ အိန္ဒိယနိုင်ငံဖြစ်သည်။ ယခင်သီတင်းပတ်က နနွင်း၁၁၈ ဒသမ ၅တန်တင်ပို့ခဲ့ခြင်း ကြောင့် ယခုတစ်ပတ် တင်ပို့မှု နှင့်နှိုင်းယှဉ်လျှင် ၄၃ ဒသမ ၅ တန်တင်ပို့မှုလျော့နည်းခဲ့ကြောင်းသိရသည်။ ယခုတစ်ပတ် နနွင်း တစ်တန်အမေရိကန်ဒေါ်လာ၁၁၈၅ ဒေါ်လာရရှိခဲ့ကြောင်းသိရသည်။ ယခင်သီတင်းပတ် နနွင်း တစ်တန် အမေရိကန်ဒေါ်လာ ၁၁၇၀ ဒေါ်လာရရှိခဲ့သောကြောင့် ယခုတစ်ပတ် နနွင်းစျေး အနည်းငယ်မြင့်တက်ခဲ့ကြောင်းသိရသည်။ ယခုတစ်ပတ်နနွင်းတင်ပို့မှုမှ စုစုပေါင်းအမေရိကန် ဒေါ်လာ  ၈၈၈၇၅ ဒေါ်လာ၀င်ငွေရရှိခဲ့သည်။

ပြည်ကြက်သွန်နီစျေးကွက်အတွင်း ယခုအောက်တိုဘာ ဒုတိယပတ်၌ ဆိပ်ဖြူ၊ ပခုက္ကူဘက်မှ ကြက်သွန်နီများ ပိဿာ ၃၀ ၀င်အိတ် ၃၀၀-၃၅၀ ခန့်ကို တစ်ရက်ခြား၀င်ရောက်မှုရှိနေပေမယ့် အရောင်း အ၀ယ်မှာ COVID – 19 ကူးစက် ရောဂါကြောင့် ၀င်ရောက်မှုရဲ့ ငါးပုံလျှင် တစ်ပုံခွဲခန့်သာ ရောင်း၀ယ်မှုရှိ နေသည့်အတွက် ပွဲရုံများတွင် ကြက်သွန်နီလက်ကျန်များပြားလျက်ရှိနေကြောင်းသိရပါသည်။ စျေးနှုန်းများအနေ နဲ့ပွဲရုံလက်ကားစျေးတစ်ပိဿာကို (ကြီး/လတ်/ သေး)ကျပ် ၁၁၀၀/ ၁၀၅၀-၁၀၀၀/၉၅၀-၈၅၀ နှုန်းတို့ရှိပြီး လက်လီ စျေးအသေးများတွင် (ကြီး/လတ်/သေး) ကျပ် ၁၄၀၀-၁၃၅၀/၁၃၀၀-၁၂၅၀/၁၂၀၀ စတဲ့နှုန်းများဖြင့် အသီးသီးရောင်း၀ယ်မှုရှိနေသည့်မှုရှိနေကြောင်း သိရပါသည်။