ပြည်ပဲပုပ် သီးနှံများ ဈေးကွက် အတွင်းကိုပန်းတောင်း၊ ပေါင်းတလည်၊ ပေါက်ခေါင်းမြို့နယ်များမှ ဆက်တိုက် ဝင်ရောက်လာခဲ့သော်လည်း ပဲပေါ်စ အချိန်ဖြစ်ပြီး၊ တစ်ရက်အိတ် ၄၀ ခန့် သာဝင်ရောက်မှုရှိခဲ့ပါတယ်။ ပဲပုပ် အသစ်ဈေးမှာ တစ်တင်း ၁၉၅၀၀ ကျပ်မှ ၂၀၀၀၀ ကျပ်ထိ အရောင်း အဝယ် ဖြစ်ခဲ့တဲ့အတွက် ယခင်နှစ်က ဈေးထက်တော့ ဈေးပိုရနေခဲ့ပါတယ်။ ယခင်နှစ်က နှစ်ဆန်းပိုင်း ပဲပုပ်ဈေးမှာ တစ်တင်း ၁၇၀၀၀ ကျပ်သာ ရရှိခဲ့ တဲ့အတွက် ယခုနှစ်ပဲပုပ်ဈေးဆက် ကောင်းမလား၊ တောင်သူအချို့ မျှော် လင့်နေကြောင်း သိရပါတယ်။ခင်ဆွေဝင်း - ပြည်

မိုးရွာသွန်းမှုကြောင့် ကမ္ဘာ့စားအုန်းဆီထုတ်လုပ်မှုမှာ ဒုတိယနေရာကို ရောက်ရှိနေတဲ့ မလေးရှားနိုင်ငံရဲ့ စားအုန်းဆီထုတ်လုပ်မှုကျဆင်းမယ်လို့ ခန့်မှန်း ကြတဲ့အတွက် စားအုန်းဆီဈေးက ဒီဇင်ဘာ ၁၁ ရက် ဗုဒ္ဓဟူးနေ့မှာ ပြန်လည် မြင့်တက်ခဲ့ကြောင်း ဘလွမ်းဘတ်သတင်းမှာ ဖော်ပြထားပါတယ်။ ဘာဆာမလေးရှားကုန်စည်ဒိုင်မှာ ဖေဖော်ဝါရီလအတွက် စားအုန်းဆီကြို ရောင်းဈေးက ၁ ရာခိုင်နှုန်း မြင့်တက်ပြီး၊ မက်ထရစ်တစ်တန်ကို ၂၆၅၇ ရင်းဂစ် (၈၂၃ ဒေါ်လာ)နှုန်းရှိခဲ့ပါတယ်။

ယခင်ရက်က ဈေးတက်လာတာကို အခွင့်ကောင်းယူပြီး ရင်းနှီးမြှုပ်နှံသူ တို့က ပြန်လည်ရောင်းချလာတဲ့အတွက် ဒီဇင်ဘာ၅ ရက်မှာ စားအုန်းဆီရဲ့ ကြို ရောင်း ကြိုဝယ်ဈေးတွေမြင့်တက်ခဲ့ပါတယ်။ ဈေးကျသွားပေမယ့်မလေးရှားနိုင်ငံရှိ စားအုန်းဆီစိုက်ပျိုးရေးလုပ်ငန်းများ ရေလွှမ်းမိုးတဲ့အတွက် စိုးရိမ်မှုတွေကြောင့် ဈေးနှုန်းအကျကို ထိန်းထားနိုင်ခဲ့ပါတယ်။ မလေးရှားကျွန်းဆွယ်ပေါ်မှာ မိုးသည်း ထန်ပြီး မုန်တိုင်း တွေဖြစ်ပေါ်လေ့ရှိတဲ့ မုတ်သုန်ရာသီက မလေးရှား စားအုန်းဆီ စိုက်ပျိုးရာမြေနိမ့်အချို့ဒေသတွေမှာရေလွှမ်းမိုးတာတွေကို ဖြစ်ပေါ်စေခဲ့ပါတယ်။

၁-၁၁-၂၀၁၃                                          US$/Ton အမျိုးအစား    အောက်တိုဘာစတုတ္ထပတ်    အောက်တိုဘာပဉ္စမပတ်     နှိုင်းယှဉ်ချက်
RBD P.Oil               ၇၈၃ .၅၀                      ၈၁၂ .၅၀    RBD P.Olein            ၇၉၈ .၀၀                     ၈၄၃ .၀၀ RBD P.Strarin          ၇၃၄ .၀၀                     ၈၀၁ .၅၀