မုံရွာကုန်စည်ဒိုင် ဆီထွက်သီးနှံ ဈေးကွက်မှာ ပြီးခဲ့တဲ့ ဆောင်းနှမ်းပေါ်စ ဇန်နဝါရီလကတည်း က ဈေးမာနေ တဲ့ နှမ်းမျိုးစုံဟာ မေလဆန်းဈေးကွက်ထိ ဆက်လက်ခိုင်မာမြင့်မားလျက်ရှိပါတယ်။ မေလ ပထမပတ်မှာ နှမ်းညို တစ်တင်း ၃၅၅၀၀ ကျပ်၊ နှမ်းနီတစ်တင်း ၃၇၀၀၀ ကျပ်နဲ့ နှမ်းဖြူ တစ်တင်း ၄၀၅၀၀ ကျပ် ထိ စံချိန်တင် အမြင့်ဆုံး ပေါက်ခဲ့ပါ တယ်။ တောင်သူပွဲစားနဲ့ ကုန်သည် လက်ဝယ်မှာနှမ်းလက်ကျန်မရှိသလောက် လျော့နည်းနေလို့ ဝယ်လိုအားရှိ သလောက် မရောင်းနိုင်သလို ဒေသခံ ဆီစက်သမားတွေလည်း ကုန်ကြမ်း အတွက် အဝယ်ခက်နေတယ်လို့ ဆိုပါ တယ်။ နှမ်းဖြူဈေးလည်း တစ်ပိဿာ ၄၄၀၀ ကျပ်နဲ့ အမြင့်ဈေးမှာ တန့်နေပြီး၊ ပဲဆီဈေးက တစ်ပိဿာ ၃၄၅၀ ကျပ်၊ စားအုန်းဆီ တစ်ပိဿာ ၁၅၄၀ ကျပ်မှာ ငြိမ်နေပါတယ်။မုံရွာခရိုင်အနီး တစ်ဝိုက် မှာ မေလဆန်းပိုင်းက မိုးသက်လေပြင်း ကျရောက်ခဲ့ပေမယ့် လိုအပ်သလောက် မိုးရေမရလို့ ကျည်းတော ရွာတွေမှာ နှမ်း မစိုက်နိုင်သေးဘူးလို့ တောင်သူ ရပ် ကွက်က ဆိုပါတယ်။ ရေဝင်ပိုင်းဖြစ် တဲ့ အောက်တော ဒေသေ တွမှာတော့ ယခုအခါ မိုးကြိုနှမ်းတွေစိုက်ပြီး သွား ပြီလို့ သိရပါတယ်။ မြေအောက်ရေနဲ့ ကိုယ်ပိုင်တွင်းရှိတဲ့ ကျည်းတောတွေ မှာတော့ မိုးနှမ်းအချို့ စိုက်နိုင်ခဲ့ကြပြီး၊ နှမ်းနက်မျိုးစေ့တစ်တင်း ဟာ ၄၈၀၀၀ ကျပ်ထိ ရှိခဲ့တယ်လို့ နှမ်းတောင်သူ တွေ ထံမှ ကြားသိရပါတယ်။ နွေနှမ်းအနေနဲ့ မစိုက်ပျိုးမီရေ တစ်ကြိမ်သွင်းဖို့နဲ့ စိုက် ပြီးတစ်လခန့်အကြာမှာ ရေတစ်ကြိမ် သွင်းရုံနဲ့ သီးနှံအောင်မြင်နိုင်မှာဖြစ်သလို ယခုတောင်သူ အများစု စိုက်ပျိုးကြတဲ့ နှမ်းနက်ဟာ ဆင်းရတနာ - ၃ မျိုး ဖြစ်ပြီး၊ တစ်ပြည်နှစ်ပြည်ကြဲဆိုရင် ရေ သွင်းမှန်ပါက ၁၈ တင်းခန့်ထွက်လို့ စမ်း သပ်စိုက်ပျိုးသူ များပြားကြောင်း စိုက် ပျိုးရေးလောက က ကြားသိရပါတယ်။ထွန်းလှိုင် - မုံရွာ

၃-၅-၂၀၁၃                                               US$/Ton မတ်လတတိယပတ်    မတ်လစတုတ္ထပတ်    နှိုင်းယှဉ်ချက်          RBD P.Oil            ၇၇၄ .၀၀                ၇၇၅ .၀၀ RBD P.Olein        ၇၉၇ ..၅၀               ၇၈၄ .၀၀ RBD P.Strarin      ၇၄၅ .၅၀               ၇၁၅ .၅၀

မလေးရှားနိုင်ငံမှာ ရွေးကောက်ပွဲနီးကပ်လာတဲ့အတွက် ရင်းနှီးမြှုပ်နှံသူအများ အပြားက ဈေးကွက်ရှာ လာချိန်နဲ့အတူ အရောင်းအဝယ်လည်း တင်းကျပ်လာတဲ့ အတွက် မလေးရှားစားအုန်းဆီကြိုရောင်းဈေး များ မြင့်တက် လာပါတယ်။ဒါပေမဲ့မြင့် တက်လာတဲ့ဈေးနှုန်းကို ပို့ကုန်ကိန်းဂဏန်း အချက်အလက်တွေ ကျဆင်းမှုက ထိန်းချုပ်ထား သလို ဖြစ်ခဲ့ပါတယ်။

 
စားအုန်းဆီထုတ်လုပ်ရာ မှာ ဒုတိယအများဆုံးဖြစ်တဲ့မလေးရှား နိုင်ငံရဲ့ အထွေ ထွေ ရွေးကောက်ပွဲကို မေ ၅ ရက်နေ့မှာကျင်းပတော့မှာဖြစ်ပါတယ်။ဒီရွေး ကောက်ပွဲက အရှေ့တောင် အာရှဒေသမှ စီးပွားရေး အရတတိယ နေရာမှာရှိနေတဲ့ မလေးရှားနိုင်ငံကို ၅၆ နှစ်ကြာအုပ်ချုပ်ခဲ့တဲ့ညွန့်ပေါင်းအစိုးရ ရဲ့အာဏာကို ပြင်းပြင်း ထန်ထန်စမ်းသပ်တော့မှာ ဖြစ်ပါတယ်။ မေ ၃ ရက်နေ့လည်က  Bursa Malaysia Derivatives Exchange မှာဇူလိုင်အတွက် အခြေခံ စာချုပ်ဈေးနှုန်းက သုည ဒသမ ၄ ရာခိုင်နှုန်းမြင့်တက်ပြီး တစ်တန်ကို ၂၂၆၉ ရင်းဂစ်(၇၄၅ဒေါ်လာ)နှုန်းရှိခဲ့ပါတယ်။ဈေးနှုန်းခွင်က ၂၂၆၁ ရင်းဂစ်နဲ့ ၂၂၈၂ ရင်းဂစ်ကြားရှိနေပါတယ်။ ဟင်းရွက်ဆီဈေးကွက်မှာ အမေရိကန်ပဲပုပ်ဆီရဲ့ ဇူလိုင်ကြိုရောင်း ဈေးက မနက်ပိုင်းအာရှဈေးကွက်မှာ သုညဒသမ ၆ ရာခိုင်နှုန်း မြင့်တက်ခဲ့ပါတယ်။တရုတ် နိုင်ငံဒါလီယန်ကုန်စည်ဒိုင်မှာ စက်တင်ဘာအတွက် ပဲပုပ်ဆီဈေးက သုည ဒသမ ၅ ရာခိုင်နှုန်းမြင့်တက်ခဲ့ပါတယ်။                                                        UNT

မြန်မာ-တရုတ်ရှိ မူဆယ် ၁၀၅ မိုင်ကူးသန်းရောင်းဝယ်ရေးဇုန်မှ ဧပြီလ ၂၄ ရက်မှ ၃၀ ရက်တာကာလ အတွင်း ကန် ဒေါ်လာ သုည ဒသမ ၆၈၉ သန်းတန်ဖိုးရှိ နှမ်းရောင်စုံ တန် ၄၁၀ ကျော်ကိုတင်ပို့နိုင်ခဲ့ပါတယ်။ တင်ပို့ခဲ့တဲ့နှမ်း ရောင်စုံ တွေကတော့ နှမ်းနီတန် ၂၈၀ ခန့်၊ နှမ်းနက် ၈၉ တန်နဲ့ နှမ်းဖြူ ၄၂ တန်တို့ပဲဖြစ်ပါတယ်။ ယခင်အပတ်က နှမ်း နက် ၃၃ တန်ကျော်သာတင်ပို့ခဲ့တာမို့ ယခုအပတ်မှာ ၃၇၇ တန်ကျော်ပိုမိုလာပါတယ်။ ၂၀၁၃ ခုနှစ်ဧပြီလအတွင်း တင်ပို့ခဲ့တဲ့ နှမ်းတန်ချိန်ပေါင်း ၉၆၂ တန်ကျော်ရှိခဲ့ပါတယ်။ ယခုအပတ်မန္တလေး-မူဆယ်ကုန်စည် သယ်ယူခနှုန်းထားမှာ နှမ်း တစ်ပိသာကို သယ်ယူခ ၅၂ ကျပ်ဖြစ်၍ ယခင်အပတ်နဲ့နှိုင်းပါ က နှမ်းသယ်ယူ ခနှုန်းထားလျော့နည်းနေပါတယ်။ မူဆယ်-ရွှေလီနှစ်နိုင်ငံ နှမ်းပေါက်ဈေးတွေကိုကြည့်မယ်ဆိုလျှင်  ယခင်အပတ်က ထက် ဈေးနိမ့်ကျနေတာတွေ့ရပါတယ် -