Background
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်ကနေ ကန်ဒေါ်လာ ၃ ဒသမ ၃၄၀ သန်း တန်ဖိုးရှိ နှမ်းရောင်စုံ ၂၄၂၄ တန်ကျော် တင်ပို့ခဲ့ပါတယ်။ ယခင်အပတ်တန် ၂၅၀၀ကျော်တင်ပို့ခဲ့ပါတယ်။ နှမ်းအရောင်အလိုက်တင်ပို့မှု တွေ ကတော့ နှမ်းဖြူ ၈၉၂ တန်ကျော်၊ နှမ်းနက် ၁၁၈၄ တန်ကျော် နှမ်းဖြူ (အခွံချွတ်) ၂၅၀ တန်ခန့်နဲ့ နှမ်းညို ၉၈ တန် နီးပါး တင်ပို့ခဲ့ပြီး နှမ်းနီတင်ပို့နိုင်ခြင်းတော့ မရှိ ကြောင်း သိရပါတယ်။ သယ်ယူစရိတ် နှုန်းထားကတော့ နှမ်း ၁ ပိသာကို ၇ ကျပ်ခန့် လျော့နည်းသွားတာတွေ့ရပါတယ်။ နှမ်းဖြူနဲ့ နှမ်းနက်ဈေးနှုန်းတွေ ပြောင်းလဲမှု မရှိပေမယ့် နှမ်းညိုဈေးနှုန်း တက်လာပြီး နှမ်းနီဈေးနှုန်း ကျဆင်းလာတာ တွေ့ရပါတယ်။ မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %နှမ်းဖြူ ၉၀၂၉၆၁၄ ၉၀၂၉၆၁၄ - - ၁၂၉၄ ၁၂၉၄ - -နှမ်းနက် ၁၂၂၅၈၅၄ ၁၂၂၅၈၅၄ - - ၁၅၃၁ ၁၅၃၁ - -နှမ်းညို ၈၅၁၈၀၈ ၈၃၂၀၉၅ ၁၉၇၁၃ ၂ .၃ ၁၀၇၁ ၁၀၇၅ ၄ ၀ .၄နှမ်းနီ ၈၆၄၃၃၉ ၈၇၁၉၅၀ ၇၆၁၁ ၀ .၈ ၁၀၈၇ ၁၀၉၁ ၄ ၀ .၄MIRT(DOBT)
ယခင်တစ်ပတ်က ပင်လယ်ရေကြောင်း နှမ်းတင်ပို့မှု တန်ချိန် ၁၂၀၀ ကျော်ထိ ပြန်တိုးတက်ခဲ့ပေမဲ့ ယခုတစ်ပတ် (နိုဝင်ဘာ ၂၁ ရက်မှ ၂၅ ရက်) အတွင်းမှာတော့ တန် ၇၀၀ ခန့်သာရှိပါတယ်။ တင်ပို့တဲ့ နိုင်ငံများကတော့ ဂျပန်၊ ကိုရီယား၊ တရုတ်နဲ့ စင်ကာပူတို့ဖြစ်ပြီး ဂျပန်ကို တန် ၅၀၀ ခန့်နဲ့ အများဆုံးတင်ပို့ခဲ့ပါတယ်။ လက်ရှိဘဏ္ဍာနှစ် ၂၀၁၁-၂၀၁၂ နိုဝင်ဘာလ ၂၅ ရက်အထိ စုစုပေါင်း နှမ်းတင်ပို့မှုမှာ တန်ချိန် ၇၅၂၀၀ ကျော်ရှိပြီး ဝင်ငွေမှာ ကန်ဒေါ်လာ ၁၀၅ သန်းကျော်ရှိပြီဖြစ်ကြောင်း သိရပါတယ်။ ယခင် ဘဏ္ဍာနှစ် ကာလတူအတွင်း တန်ချိန် ၅၅၄၀၀ ခန့်နဲ့ ဝင်ငွေ ကန်ဒေါ်လာ ၇၇ သန်းကျော်ရရှိခဲ့တယ်လို့ သိရပါတယ်။ FOB ဈေးများအနေနဲ့ ပြောင်းလဲခြင်းမရှိဘဲ သိပ္ပံနှမ်းနက် တစ်တန် ကန်ဒေါ်လာ ၁၈၀၀-၁၉၀၀၊ နှမ်းနက်ရိုးရိုး တစ်တန် ကန်ဒေါ်လာ ၁၄၅၀-၁၅၀၀၊ နှမ်းဖြူမှာ ကန်ဒေါ်လာ ၁၃၀၀-၁၃၅၀၊ နှမ်းနီနဲ့ နှမ်းညိုမှာ ကန်ဒေါ်လာ ၁၂၂၅-၁၂၇၅ အသီးသီးရှိတယ်လို့ သိရပါတယ်။ MIRT(MAPT)
အမေရိကန်နိုင်ငံ ချီကာဂိုကုန်စည်ဒိုင်မှာ ပဲပုပ်ဆီကြိုပွိုင့်ဈေး သိသိသာသာ ကျဆင်းသလို တရုတ်နိုင်ငံ ဒေလီယံ ကုန်စည်ဒိုင်မှာလည်း စားဆီဈေးလျော့ကျခြင်း နဲ့အတူ ဥရောပဇုန်ကြွေးမြီ အကျပ်အတည်းနဲ့ပတ်သက်လို့ ရင်းနှီးမြှုပ်နှံသူများ စိုးရိမ်မှုတွေဖြစ်ခဲ့တာကြောင့် မလေးရှားကုန်စည်ဒိုင်မှာ စားအုန်းဆီကြမ်း ကြိုပွိုင့် ဈေးဟာ သီတင်းသုံးပတ်အတွင်း အနိမ့်ဆုံးကို ကျဆင်းခဲ့တယ်လို့ သိရပါတယ်။ ဘာစာမလေးရှားကုန်စည်ဒိုင်မှာ ဖေဖော်ဝါရီလစံနှုန်း စာချုပ်ဈေးဟာ တစ်တန် ရင်းဂစ် ၃၀၁၁ (ကန်ဒေါ်လာ ၉၆၃)ကို နိုဝင်ဘာလ ၁၀ ရက်နောက်ပိုင်း အနိမ့်ဆုံးကို ကျဆင်းခဲ့ပါတယ်။ ဥရောပဇုန်ကြွေးမြီ အကျပ်အတည်းကြောင့် စိုးရိမ်မှုတွေဖြစ်လာပြီး၊ ဝယ်လိုအားနည်းတဲ့အတွက် တစ်တန် ရင်းဂစ် ၃၀၀၀ (ကန်ဒေါ်လာ ၉၅၉)ထိ ကျဆင်း နိုင်တယ်လို့ ကွာလာလမ်ပူအခြေစိုက် ကုန်သည်တစ်ဦးက ဆိုပါတယ်။ ကာလတို အတွင်း စားအုန်းဆီတစ်တန်ရင်းဂစ် ၂၉၉၀ နဲ့ ၃၁၂၀ (ကန်ဒေါ်လာ ၉၅၆-၉၉၇) အတွင်းသာ ရှိနိုင်တယ်လို့လည်း ဘာလီမှာကျင်းပတဲ့ ညီလာခံတစ်ခုမှာ ဟင်းသီး ဟင်းရွက်လေ့လာဆန်းစစ်သူ အကြီးအကဲများဖြစ်တဲ့ Dorab Mistry နဲ့ James Fryတို့ကလည်း ခန့်မှန်းကြပါတယ်။ ဈေးကွက်အားပျော့လာခြင်းနဲ့အတူ ပဲပုပ်ဆီနဲ့ စားအုန်းဆီဈေး နှစ်ခုအကြား ကွာဟမှုကျဉ်းမြောင်း လာတဲ့အတွက် ပဲပုပ်ဆီကို ပိုမိုဝယ်ယူလာနိုင်ပြီး၊ စားအုန်းဆီ ဝယ်လိုအားလည်း နည်းသွားမယ်လို့ ဆိုပါတယ်။ မလေးရှား ဆိပ်ကမ်းများမှ သန့်စင်ပြီးစားအုန်းဆီဈေးဟာ အာဂျင်တီးနားမှ ပဲပုပ်ဆီကြမ်းဈေးထက် တစ်တန် ကန်ဒေါ်လာ ၃၈ သာ လျော့ကျကမ်းလှမ်းလျက်ရှိရာ ယခင်က တစ်တန် ကန် ဒေါ်လာ ၁၀၀-၁၅၀ထိ ကြီးမားစွာကွာခြားရာမှ ကွာဟမှုနည်းလာခြင်းဖြစ်ပါတယ်။ ကုန်ပစ္စည်းစစ်ဆေးတဲ့ Intertek Agri ဝန်ဆောင်မှု အေဂျင်စီရဲ့ စစ်ဆေးချက် အရ နိုဝင်ဘာလမှာ မလေးရှား စားအုန်းဆီတင်ပို့မှုဟာ ယခင်လထက် ၉ ရာခိုင်နှုန်းကျဆင်းပြီး၊ တစ်တန် ကန်ဒေါ်လာ ၁ ဒသမ ၅၃ သန်းသာ တင်ပို့ခဲ့ပါ တယ်။ ဒါပေမယ့် လာမယ့်မုတ်သုန်ရာသီမှာ လာနီညာရာသီ ဖြစ်စဉ်ဖြစ်ပေါ်လာနိုင်တဲ့အတွက် မလေးရှားနိုင်ငံမှာ မိုးပိုမိုပြင်းထန်စွာရွာသွန်းပြီး၊စားအုန်းဆီရိတ်သိမ်းမှုကိုနှောင့်နှေးစေ နိုင်သလို ဆီစက်များကို ကြိတ်ခွဲဖို့နဲ့ ဆိပ်ကမ်းများကို သယ်ယူရာမှာလည်း အဟန့်အတား ဖြစ်စေနိုင်တယ်လို့ ဆိုပါတယ်။ စားအုန်းဆီကြမ်း ရောင်းချမှု နည်းနိုင် တာကြောင့် ဒီဇင်ဘာလမှာ စားအုန်းဆီဈေးဟာ တစ်တန်ရင်းဂစ် ၃၂၀၀ (ကန်ဒေါ်လာ ၁၀၂၃)အထိ မြင့်တက်နိုင်တယ်လို့ Johor မှ စားအုန်းဆီစိုက်ပျိုးသူ တစ်ဦးက ဆိုပါတယ်။ လက်ငင်းဈေးကွက်အတွင်း ဒီဇင်ဘာလအတွက် သန့်စင်ပြီး၊ စားအုန်း ဆီဈေးဟာ ၅ ဒေါ်လာ လျော့ပြီး၊ မလေးရှား FOB ဈေး တစ်တန်ကန်ဒေါ်လာ ၁၀၆၅ ရှိပါတယ်။ ချက်ချင်းတင်ပို့ရမယ့် စားအုန်းဆီကြမ်း လက်ငင်း ဈေးမှာ ရင်းဂစ် ၅၀ (ကန်ဒေါ်လာ ၁၅ ဒသမ ၉၈)လျော့ကျပြီး၊ တစ်တန်ရင်းဂစ် ၃၀၃၀ (ကန် ဒေါ်လာ ၉၆၉)ဈေး ဖြစ်ခဲ့ပါတယ်။ ယုဇန၊ Source: palmolihq.com
ပြည်တွင်းဆီဈေးနှုန်း (၂၅-၁၁-၂၀၁၁) ကျပ်/ပိဿာ မြို့အမည် ပဲဆီ နှမ်းဆီ စားအုန်းဆီ ယခင် ယခု နှိုင်းယှဉ်ချက် ယခင် ယခု နှိုင်းယှဉ်ချက် ယခင် ယခု နှိုင်းယှဉ်ချက် နေပြည်တော် (ပျဉ်းမနား) 3400 3400 2700 2700 1900 1900 ရန်ကုန် 3600 3700 2700 2700 1690 1665 မန္တလေး 3200 3000 2475 2450 1790 1790 ပဲခူး 3300 3300 2800 2800 1700 1800 မကွေး 3300 3400 2500 2500 1800 1825 မုံရွာ 3500 3400 2450 2450 1800 1825 တောင်ကြီး 3000 3000 2700 2700 2000 2000 စစ်တွေ 3600 3600 3200 3200 2200 2000
ကမ္ဘာ့ ပဲပုပ်ဝယ်ယူမှု အများဆုံး တရုတ်နိုင်ငံဟာ အစိုးရသိုလှောင်မှု မြှင့်တင်ဖို့ အမေရိကန်ပဲပုပ်တန်ချိန် ၆ သိန်းဝယ်ယူခဲ့တယ်လို့ နိုဝင်ဘာလ ၁၆ ရက်နေ့မှာ ပြောကြားပါတယ်။ နိုင်ငံစား နပ် ရိက္ခာ အရန်သိုလှောင်မှုကို စီမံခန့်ခွဲ တဲ့ တရုတ်ကောက်ပဲသီးနှံအရန် သိုလှောင်မှုကော်ပိုရေးရှင်းဟာ နောက်နှစ် မှာ တင်ပို့ဖို့ ပဲပုပ်ဝယ်ယူထား ကြောင်း၊ ယင်းကုမ္ပဏီပြောခွင့်ရ Sheng Bingzhou ကပြောကြားခဲ့တာဖြစ်ပါတယ်။ ယခုဝယ်ယူခြင်းက ယခုလ ပထမ သီတင်းပတ်အတွင်း ပဲပုပ်ဆီ တန်ချိန် ၂၀၀၀၀ ဝယ်ယူပြီးနောက် ထပ်မံ ဝယ်ယူ မှု ပဲဖြစ်တယ်လို့ ဆိုပါတယ်။ အဲဒီကုမ္ပဏီ ဟာ အောက်တိုဘာလအစ ပိုင်းမှာလည်း ပြောင်းတန်ချိန် ၁ သန်း၊ ပဲပုပ်ဆီတန်ချိန် ၇ သိန်း-၈သိန်းနဲ့ ပဲပုပ်တန်ချိန် ၂ သန်း လည်း ဝယ်ယူထားတယ်လို့ ဆိုပါတယ်။ ချီကာကိုမှာ ဇန်နဝါရီလပို့ရမယ့် ပဲပုပ်ဈေးဟာ ၁ ဒသမ ၂ ရာခိုင်နှုန်း ကျဆင်းပြီး တစ်ဘူရှယ်ကို ကန်ဒေါ်လာ ၁၁ ဒသမ ၈၆၅ ရှိပါတယ်။ ဆီထွက် သီးနံှရောင်းချမှု တိုးမြင့်ခြင်းနဲ့ ကမ္ဘာ့ စီးပွားရေး အားပျော့ခြင်းက ဝယ်လိုအား ကို လျော့ကျစေခြင်းတို့ကြောင့် ကြိုပွိုင့် ဈေးဟာ ယခုလမှာ ၂ ဒသမ ၅ ရာခိုင်နှုန်းကျဆင်းခဲ့ပါတယ်။ ၂၀၁၁ -၂၀၁၂ ဈေးကွက်နှစ် အတွင်း တရုတ်နိုင်ငံရဲ့ ပဲပုပ်တင်သွင်းမှု ဟာ ယခင်နှစ်ကထက် ၇ ရာခိုင်နှုန်း မြင့်တက်ပြီး၊ တန်ချိန် ၅၆ သန်းရှိမယ်လို့ နိုင်ငံပိုင် သုတေသနဌာန တရုတ်နိုင်ငံ တော်ကောက်ပဲသီးနှံနဲ့ဆီသတင်းအချက် အလက်စင်တာမှ ပြောကြားခဲ့ပါတယ်။ တရုတ် နိုင်ငံရဲ့ တင်သွင်းမှုဟာ အာဂျင်တီးနားနဲ့ ဘရာဇီးတို့က မြင့်တက်နေဆဲ ဖြစ်ပြီး၊ အမေရိကန်မှ အာရှနိုင်ငံများကို တင်ပို့မှု ကျဆင်းဖွယ်ရှိတယ်လို့ Oil World မှ ပြောကြားပါတယ်။ ယမင်းခင် Source: bloomberg
တောင်ကြီးဈေးကွက်ကို မြေပဲများ အဝင်လှိုင်လာပါတယ်။ ဟိုပုံး၊ ဆီဆိုင်၊ ပင်လောင်းစတဲ့မြို့နယ်များမှာ မြေပဲများအဝင်အနည်းငယ် နည်းလာပြီး၊ ကျေးသီး၊ မိုင်းရှူးဘက်မှ မြေပဲများလှိုင်လှိုင်ဝင်လာပါတယ်။ မြေပဲများ အဝင်လှိုင်ပြီး၊ လှောင်လက်များက အဝယ်လိုက်လာတဲ့အတွက် မြေပဲဈေးမှာလည်း မာလာပါတယ်။ မြေပဲဆီဆံ တစ်ပိဿာ ၁၄၅၀ ကျပ်ဈေးရှိပြီး၊ မြေပဲအတောင့် တစ်ပိဿာ ၈၀၀ ကျပ် - ၈၅၀ ကျပ်ဈေးရှိပါတယ်။ ရောင်းဝယ် မှုဈေးကွက်အနေနဲ့ နေ့စဉ်ကုန်ချိန် ၃ သောင်းခန့် အဝင်ရှိပြီး၊ အဝင်ရှိသလောက် အရောင်းအဝယ်ဖြစ်နေတယ်လို့ သိရှိရပါတယ်။ S.Y.H
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ နိုဝင်ဘာလ ၁၆ ရက်မှ ၂၂ ရက်ထိ ကာလအတွင်း နှမ်းနီမှအပ ကန်ဒေါ်လာ ၃ ဒသမ ၈၅၉ သန်းတန်ဖိုးရှိ နှမ်းရောင်စုံ ၂၅၁၄ တန် အပို့ရှိခဲ့ရာ ယခင်အပတ်ကထက် တန် ၂၉၀ ခန့် ပိုမိုတင်ပို့နိုင်ခဲ့တယ်လို့ သိရပါတယ်။ နှမ်းအရောင်အလိုက် တင်ပို့နိုင်မှု တွေကတော့ နှမ်းဖြူ ၇၃၂တန်ကျော်၊ နှမ်းနက် ၁၄၈၇ တန်ကျော်၊ နှမ်းဖြူ အခွံချွတ် ၂၀၂ တန်ကျော်၊ နှမ်းညို ၉၂ တန်ခန့် အသီးသီးဖြစ်ပါတယ်။ ယခင်အပတ်ကထက် နှမ်းဖြူ ၉၈ တန်ခန့် အပို့လျော့ပေမဲ့ နှမ်းနက် ၄၇၂ တန်၊ နှမ်းဖြူ အခွံချွတ် ၂၇ တန်နဲ့ နှမ်းညို ၃၆ တန်ပိုမိုတင်ပို့နိုင်ခဲ့တယ်လို့ သိရပါတယ်။ ယခုအပတ် နှမ်းဈေး များ ယခင်အပတ်ကထက် လျော့နည်းလျက်ရှိပါတယ်။ မိမိ ဘက်နဲ့ တစ်ဖက်နိုင်ငံ နှမ်းဈေးများကို နှိုင်းယှဉ်ဖော်ပြပေးလိုက်ရပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %နှမ်းဖြူ ၉၀၂၉၆၁ ၉၅၉၂၄၃ ၅၆၂၈၂ ၆ ၁၂၉၄ ၁၂၉၇ ၃ ၀ .၂နှမ်းနက် ၁၂၂၅၈၅၄ ၁၁၀၈၁၂၇ ၁၁၇၆၇၇ ၁၁ ၁၅၃၁ ၁၅၃၄ ၃ ၀ .၂နှမ်းညို ၈၃၂၀၉၅ ၈၄၇၅၈၁ ၁၅၄၈၆ ၂ ၁၀၇၅ ၁၀၇၅ - -နှမ်းနီ ၈၇၁၉၅၀ ၈၆၀၀၅၀ ၁၁၉၀၀ ၁ ၁၀၉၁ ၁၀၉၀ ၁ ၀ .၁
ပင်လယ်ရေကြောင်းက နှမ်းတင်ပို့ရာမှာ ယခင်တစ်ပတ်က တန်ချိန် ၂၀၀ ခန့် သာ တင်ပို့ခဲ့ရာမှ နိုဝင်ဘာလ ၁၄ ရက်မှ ၁၈ ရက်အတွင်းမှာတော့ တန်ချိန် ၁၂၀၀ ကျော်ထိ ပြန်တိုးတက်တင်ပို့ခဲ့တာ တွေ့ရပါတယ်။ တင်ပို့တဲ့ နိုင်ငံတွေ ကတော့ တောင်ကိုရီးယား၊ ဂျပန်၊ စင်ကာပူ၊ မလေးရှားနဲ့ တရုတ်တို့ကိုဖြစ်ပြီး ပမာဏများများ တင်ပို့တာကတော့ ဂျပန်ကိုဖြစ်ပါတယ်။ ရန်ကုန် FOB ဈေးအနေနဲ့ ပြောင်းလဲမှုမရှိဘဲ နိုဝင်ဘာလ ၂၅ ရက်မှာလည်း သိပ္ပံနှမ်းနက် တစ်တန် ကန်ဒေါ်လာ ၁၈၀၀-၁၉၀၀၊ နှမ်းနက်ရိုးရိုး တစ်တန် ကန်ဒေါ်လာ ၁၄၅၀-၁၅၀၀၊ နှမ်းဖြူမှာ ကန်ဒေါ်လာ ၁၃၀၀-၁၃၅၀၊ နှမ်းနီနဲ့ နှမ်းညိုမှာ ကန်ဒေါ်လာ ၁၂၂၅-၁၂၇၅ အသီးသီးရှိကြောင်း သိရပါတယ်။ MIRT-MAPT
စားအုန်းဆီဈေးနှုန်းများ(၂၁-၁၁-၂၀၁၁ မှ ၂၅-၁၁-၂၀၁၁ နေ့ထိ) စဉ် နေ့စွဲ CIF (ရန်ကုန်) CIF (ရန်ကုန်) Cloud Point 10.C Max Cloud Point 8.C Max(၁) ၂၁-၁၁-၂၀၁၁ ၁၁၂၀ ၁၁၄၀(၂) ၂၂-၁၁-၂၀၁၁ ၁၁၁၀ ၁၁၃၀(၃) ၂၃-၁၁-၂၀၁၁ ၁၁၂၀ ၁၁၄၀(၄) ၂၄-၁၁-၂၀၁၁ ၁၁၀၀ ၁၁၂၀(၅) ၂၅-၁၁-၂၀၁၁ ၁၁၂၀ ၁၁၃၅Source: ဆီကုန်သည်များအသင်း
မလေးရှားစားအုန်းဆီအပတ်စဉ်ပျမ်းမျှ(FOB)ဈေးနှုန်း၂၅-၁၁-၂၀၁၁ US$/Ton နိုဝင်ဘာလတတိယပတ် နိုဝင်ဘာလစတုတ္ထပတ် နှိုင်းယှဉ်ချက်RBD P.Oil ၁၀၂၇ .၅၀ ၁၀၆၄ .၅၀RBD P.Olein ၁၀၄၉ .၅၀ ၁၀၈၁ .၅၀RBD P.Strarin ၉၂၄ .၀၀ ၉၈၁ .၀၀Source: econ.mpob