ပြည်ပမှ ကြက်ဥ တင်သွင်းရမည်ဟု ထိုင်းစီးပွား/ကူးသန်းဝန်ကြီးဌာနမှ ထုတ်ပြန်ကြေညာ                 ထိုင်းစီးပွား/ကူးသန်းဝန်ကြီးဌာနက ပြည်တွင်း၌ ရာသီ ဥတု ပြောင်းလဲမှုနှင့် ရောဂါဖြစ်ပွားမှုတို့ကြောင့် ကြက်ဥထုတ်လုပ်မှု ကျဆင်းခဲ့၍ ပြည်တွင်း၌ ကြက်ဥအလုံအလောက် ရှိစေရန်အတွက် ပြည်ပမှတင်သွင်းရန် စဉ်းစားရမည်ဖြစ်ကြောင်း ပြောကြားခဲ့ပါတယ်။ ကြက်ဥဈေးကြီးမှုပြဿနာ တစ်လအတွင်း မရပ်တန့်ခဲ့ပါက ဌာနမှ အခြေအနေ အရပ်ရပ်ကို ထိန်းချုပ်ပြီး ကြက်ဥဈေးသတ်မှတ်ခြင်း၊ ပြည်ပ သို့ တင်ပို့မှုများ သုံးလ ရပ်ဆိုင်းမည်ဖြစ်ကြောင်း စီးပွား/ကူးသန်း ဝန်ကြီးဌာန ညွှန်ကြားရေးမှူး နိုင်းရန်ယုန်းဖုံးရတ်က ပြောကြားခဲ့ပါတယ်။ မေလအတွင်း ဈေးကွက်သို့ ကြက်ဥများစွာ ဝင်ရောက်လာမည်ဟုခန့်မှန်းထားပြီး မကြာသေးမှီက တင်သွင်းလာသော မျိုးပွားကြက်မအကောင် (၄၈ဝဝဝဝ) မှ တစ်နေ့ကြက်ဥ အလုံးရေ ၂၆ သန်းမှ ၂၈ သန်းအထိ ထုတ်လုပ်နိုင်မည် ဖြစ်ပြီး ယခုအချိန်တွင် တစ်နေ့ ကြက်ဥ ၂၂ သန်းမှ ၂၃ သန်းခန့်အထိသာ ထုတ်လုပ်နိုင်ကြောင်း သိရပါတယ်။ အစိုးရဆိုင်ရာ အဖွဲ့အစည်းများမှ ကြက်ဥဈေး  နှုန်းကို ထိန်းချုပ်ပေးသွားမှာ ဖြစ်ကြောင်း ၂၈-၄-၂ဝ၁ဝ ထုတ် ထိုင်းသတင်းစာမှာ ဖေါ်ပြထားပါတယ်။ Source:ထိုင်းရတ်သတင်းစာ၊သောင်းနိုင်

မြန်မာ့ပို့ကုန်ပစ္စည်းများ နယ်စပ်မှတင်ပို့မှု               မြန်မာ-တရုတ်နယ်စပ် မူဆယ် (၁ဝ၅)မိုင် ကုန်သွယ်ရေးဇုန်မှ တစ်ဖက် တရုတ်နိုင်ငံသို့ လယ်ယာထွက်ကုန်ပစ္စည်းများ၊ ရေထွက်ပစ္စည်းများ၊ သစ်တောထွက်ပစ္စည်းများ တင်ပို့လျက်ရှိရာ အဆိုပါပို့ကုန်အချို့ရဲ့ မူဆယ်၁ဝ၅မိုင် ကုန်သွယ်ရေးဇုန်နဲ့ တစ်ဖက်နိုင်ငံ ရွှေလီပေါက်ဈေးတွေကတော့ အောက်ပါအတိုင်း ဖြစ်ပါတယ် -                                             ယခုအပတ်                              ယခင်အပတ်ပစ္စည်းအမည် ရေတွက်ပုံ     မိမိဘက်ဈေး     တစ်ဖက်နိုင်ငံဈေး     မိမိဘက်ဈေး     တစ်ဖက်နိုင်ငံဈေး     ပြောင်းလဲမှု                                     (ကျပ်)              (ယွမ်)                (ကျပ်)                (ယွမ်)ပဲတီစိမ်း           တန်           ၈၇၄၇၇၄             ၇၁၈ဝ             ၁ဝဝ၅၈၂ဝ             ၈၃၈ဝပြောင်းဖူးစေ့      တန်           ၂၄၂၅၃၆             ၁၈၂ဝ             ၂၅၃၂ဝ၈                ၁၈၄ဝနှမ်းဖြူ             တန်          ၁၁၉၁၂၈ဝ            ၈၉ဝဝ            ၁၁၉၁၂၈ဝ                ၉ဝဝဝစိုးနိုင်               မြန်မာ-အိန္ဒိယနယ်စပ် ရိဒ်နယ်စပ်စခန်းမှ တစ်ဖက် အိန္ဒိယနိုင်ငံသို့ ကွမ်းသီး၊ မုန့်မျိုးစုံ၊ ဝက်အရှင် တို့တင်ပို့လျက်ရှိရာ အဆိုပါပို့ကုန်အချို့ရဲ့ ရိဒ် ပေါက်ဈေးနဲ့ တစ်ဖက်နိုင်ငံ မီဇိုရမ်ပေါက်ဈေးတွေကတော့ အောက်ပါအတိုင်းဖြစ်ပါတယ်-                                           ယခုအပတ်                           ယခင်အပတ်ပစ္စည်းအမည် ရေတွက်ပုံ     မိမိဘက်ဈေး တစ်ဖက်နိုင်ငံဈေး      မိမိဘက်ဈေး တစ်ဖက်နိုင်ငံဈေး     ပြောင်းလဲမှု                                    (ကျပ်)         (ရူပီး)                     (ကျပ်)        (ရူပီး)ကွမ်းသီး         တန်          ၈၉၂၅ဝဝ        ၅၄ဝ၄ဝ                   ၈၉၂၅ဝဝ      ၅၄ဝ၄ဝမုန့်မျိုးစုံ          ကီလို         ၁၃ဝဝ           ၂၉                         ၁၃ဝဝ           ၂၉ဝက်(အရှင်)     ကီလို         ၂ဝဝဝ           ၉၈                        ၂ဝဝဝ            ၉၈              မြန်မာ-ဘင်္ဂလားဒေ့ရှ် နယ်စပ် စစ်တွေနယ်စပ်စခန်းမှ တစ်ဖက် ဘင်္ဂလားဒေ့ရှ်နိုင်ငံသို့ ဖရဲသီး၊ ရေငန်ပုစွန်၊ ငါးကုန်းညိုခြောက်တို့ တင်ပို့လျက်ရှိရာ အဆိုပါပို့ကုန်အချို့ရဲ့ စစ်တွေပေါက်ဈေးနဲ့ တစ်ဖက်နိုင်ငံ တက္ကနာဗ်ပေါက် ဈေးတွေကတော့ အောက်ပါအတိုင်းပဲဖြစ်ပါတယ်-                                                  ယခုအပတ်                             ယခင်အပတ်ပစ္စည်းအမည် ရေတွက်ပုံ         မိမိဘက်ဈေး   တစ်ဖက်နိုင်ငံဈေး       မိမိဘက်ဈေး   တစ်ဖက်နိုင်ငံဈေး     ပြောင်းလဲမှု                                         (ကျပ်)            (တာကာ)               (ကျပ်)         (တာကာ)ငါးနီတူခြောက်    တန်              ၁၉၃၂ဝဝဝ       ၁၆၈ဝဝဝ              ၁၉၃၂ဝဝဝ        ၁၆၈ဝဝဝရေငန်ပုစွန်        တန်              ၅ဝ၆၅၂ဝဝ        ၄၄ဝ၄၅၂            ၅ဝ၆၅၂ဝဝ         ၄၄ဝ၄၅၂ငါးစုံလေးခြောက် တန်                ၅ဝ၄ဝဝဝ          ၄၃၈၂၆              ၅ဝ၄ဝဝဝ         ၄၃၈၂၆မြတ်မြတ်ထွန်း

အဆင့်မြင့်ဝန်ဆောင်မှုများ ထည့်သွင်းထားတဲ့ ရွှေလီ - မန္တလေး - ကျောက်ဖြူ ရထားလမ်း               ကျောက်ဖြူနဲ့ ကူမင်းတို့ကို ဆက်သွယ်တဲ့ မီးရထားလမ်းဖောက်လုပ်မှုနဲ့ စပ်လျဉ်းပြီး ကူမင်းခရိုင်အစိုးရနဲ့ ဟုန်တိုင်း ခရိုင်အစိုးရအဖွဲ့တို့ ပူးပေါင်းဆောင်ရွက်မှု လက်မှတ်ရေးထိုးပွဲကို မေလ ၁၃ ရက်နေ့က ကျင်းပခဲ့ကြပါတယ်။ ကူမင်းခရိုင်က တစ်ဆင့်တရုတ်နိုင်ငံ ရွှေလီခရိုင်အား ဖြတ်သန်းပြီး ကျောက်ဖြူမြို့ထိ ကီလိုမီတာ ၁၂၁၅ ရှည်လျား တဲ့ အဆင့်မြင့်အမြန်လမ်းကြောင်းအပါအဝင် တရုတ်-မြန်မာနှစ်နိုင်ငံ ဆက်သွယ်ဖောက်လုပ်နေတဲ့ မီးရထားလမ်းမကြီးဟာ ယခုအခါ ပေါင်ဆမ်းခရိုင် လုံလင်မြို့၊ လုံဆမ်းဂိတ်စခန်းကို ရောက်ရှိနေပြီလို့ သိရပါတယ်။ တစ်ချိန်တည်းမှာပဲ မြန်မာ တရုတ်နှစ်နိုင်ငံ ဖောက်လုပ်မဲ့ ရေနံပိုက်လိုင်းလမ်းကြောင်းလည်း ပေါ်ထွက်လာတော့မယ်လို့ ဆိုပါတယ်။ ပြည်နယ်အစိုးရနဲ့ နိုင်ငံတော်ရဲ့ ပံ့ပိုးကူညီမှုနဲ့ ကူမင်း-မန်စီ၊ မန်စီ-ရွှေလီတို့မှ မန္တလေး-ကျောက်ဖြူတို့သို့ အဆင့်မြင့် အမြန်မီးရထား လမ်း ဖောက်လုပ်မှုကို တွန်းအားပေး ဆောင်ရွက်သွားမယ်လို့ တာဝန်ရှိသူတွေက လက်မှတ်ရေးထိုးပွဲမှာ ပြောကြားခဲ့တယ်လို့ သတင်းများမှာ ဖော်ပြထားပါတယ်။ ကွန်ရက်ပုံစံအဆင့်မြင့် အမြန်လမ်းကြောင်းအဖြစ် တရုတ်-မြန်မာ-အိန္ဒိယသမုဒ္ဒရာတို့ကို ဆက်သွယ်မဲ့နိုင်ငံတကာ အဆင့်မြင့်လမ်းကြောင်းကို အဓိကဖော်ဆောင်သွားမှာဖြစ်ပြီး လေကြောင်း၊ ရထားလမ်းများကို အဆင့်မြင့် အမြန်လမ်း ကြောင်းနဲ့ လေဆိပ်ဝန်ဆောင်မှုများ၊ ကုန်စည်ပို့ဆောင်မှုနဲ့ သတင်းအချက်အလက်များ အပြန်အလှန် ဖလှယ်နိုင်ရေးပါ ထည့်သွင်း ဆောင်ရွက်သွားမယ်လို့ သိရပါတယ်။ Source:ယူနန်တူးဆီပေါင်း၊တင်လတ်

ရာသီကုန်ဆုံး ရှောင်ဖယ်ပုန်းတော့မယ့် ဖရဲသီး                   လွယ်ဂျယ် နယ်စပ်ကုန်သွယ်ရေးစခန်းမှ တစ်နှစ် တစ်ကြိမ် လှိုင်လှိုင်တင်ပို့တဲ့ ဖရဲသီးဟာ မေလဆန်းလောက် ကစပြီး ပျောက်ကွယ်စပြုလာပါတယ်။ ဒီနှစ် မတ်လမှာ ဖရဲသီး တန်ချိန် ၁၂၉၃ ခန့် တင်ပို့နိုင်ခဲ့ပါတယ်။ ယခင်နှစ် မတ်လမှာ တန်ချိန် ၂၇၆၈ ခန့် တင်ပို့နိုင်ခဲ့ပေမဲ့ ဒီနှစ်မှာ ရာသီဥတု အခြေအနေ အပြောင်းအလဲတွေကြောင့် ဖရဲသီး အထွက်နောက်ကျခဲ့ပြီး မတ်လအတွင်း တန်ချိန် ၁၄၇၅ ခန့် တင်ပို့မှုလျော့နည်းခဲ့တာတွေ့ရှိရပါတယ်။ ဧပြီလမှ တန်ချိန် ၆၃၈၅ ခန့်တင်ပို့ခဲ့ပြီး ယခင်နှစ် ဧပြီလမှာ တန်ချိန် ၄၈၈၆ ခန့်ပဲ တင်ပို့နိုင်ခဲ့တာ တွေ့ရှိရပါတယ်။ မေလဆန်းပိုင်းမှာ တန်ချိန် ၁၆၅ ခန့်တင်ပို့နိုင်ခဲ့ တာတွေ့ရှိရပေမဲ့ ယခင်နှစ် မေလမှာတော့ တင်ပို့မှု မရှိခဲ့တာတွေ့ရှိရပါတယ်။ ယခင် နှစ်က တန်ချိန် ၇၆၅၄ ခန့်တင်ပို့နိုင်ခဲ့တဲ့ ဖရဲသီးဟာ ဒီနှစ်မှာ တော့ တန်ချိန် ၇၈၄၃ ခန့် တင်ပို့နိုင်ခဲ့တာကြောင့် တန်ချိန် ၁၉ဝ နီးပါးပိုမိုတင်ပို့နိုင်ခဲ့ပါတယ်။ နှစ်စဉ် ဧပြီလ ဝန်းကျင်မှာ ဗန်းမော်ခရိုင် စင်းခန်းဒေသ ရွှေကူမြို့နယ်နဲ့ ကသာခရိုင် အတွင်းရှိ ကျေးရွာများမှ စိုက်ပျိုးထွက်ရှိတဲ့ ဒေသထွက် ဖရဲသီးတွေကို ဗန်းမော်-မိုးမောက်၊ လွယ်ဂျယ် လမ်းကြောင်းမှ တစ်ဆင့် တစ်ဖက်နိုင်ငံ ယူနန်ပြည်နယ်အတွင်းပိုင်း မြို့များ အထိ ပစ္စည်းအရည် အသွေးကိုကြည့်၍ ဖရဲကားတစ်စီးကို ယွမ် (၄၅ဝဝဝ) မှ ယွမ် (၅၈ဝဝဝ) ခန့်ထိပေး ဝယ်ယူကြပါတယ်။ ကားတစ်စီးမှာ ဖရဲသီး ၁၈ တန်ဝန်းကျင်တင်ဆောင် တယ်လို့သိရပါတယ်။ နကသ (လဂ)၊MIRT