မြန်မာ-တရုတ်နယ်စပ်ရှိ ချင်းရွှေဟော်နယ်စပ်မှ ကန်ဒေါ်လာ ၁ ဒသမ ၄၄၇ သန်းတန်ဖိုးရှိ ဧည့်မထ ၂၈၁၃ တန်နဲ့ ငစိန် ၅၉၅ တန်ကို မတ်လ ၂၈ ရက်မှ ဧပြီ လ ၃ ရက်ကာလအတွင်းမှာ အပို့ရှိခဲ့ပါတယ်။ ယခင်အပတ်က ချင်းရွှေဟော်မှ ဧည့်မထ ဆန်တစ်မျိုးသာ ၁၈၉၆ တန်ကျော် အပို့ရှိခဲ့တဲ့အတွက် ယခုအပတ်မှာ ဧည့်မထ ၉၁၇ တန်နဲ့ ငစိန် ၅၉၅ တန် အပို့ပိုခဲ့ပါတယ်။

    ဆူအိုစင်ကိုကုမ္ပဏီ (ထိုင်းနိုင်ငံ) သည် Striders Corporation  (ဂျပန်နိုင်ငံ) ကုမ္ပဏီဖြင့်MOU သဘောတူလက်မှတ် ရေးထိုး ခဲ့ကြောင်း ၃၁-၁-၂၀၁၂ နေ့တွင် ကုမ္ပဏီဥက္ကဌ မစ္စတာခဘူယူကိမိဆုမာချီက ပြောကြားခဲ့ပါတယ်။ ရင်းနှီးမြှုပ်နှံမှု အတွက် မှတ်ပုံ တင်ထားသည့်ငွေမှာ အမေရိကန်ဒေါ်လာ ၃ သိန်းဖြစ်ပြီး မဟာမိတ်ကုမ္ပဏီသည် အကျိုးဆောင် ကိုယ်စားလှယ် အဖြစ် ဆောင် ရွက်ပြီး မြန်မာနိုင်ငံမှ ကြော်ငြာလုပ်ငန်းများအား လက်ခံဆောင်ရွက်ပေးသွားမယ်လို့ သိရပါတယ်။

    မြန်မာ-ထိုင်းနယ်စပ်ရှိ မြဝတီ၊ ကော့သောင်းနဲ့ မြိတ် နယ်စပ်ကုန်သွယ်ရေးစခန်းများမှ ကန်ဒေါ်လာ ၄ ဒသမ ၁၀၉၁ သန်းတန်ဖိုးရှိ ရေထွက်ကုန် ၄၃၆၃ တန်ဝန်းကျင်ကို မတ်လ၂၇ ရက်မှ ဧပြီလ ၃ ရက် ထိကာလအတွင်းမှာ အပို့ ရှိခဲ့ပါတယ်။ ယခင်အပတ်ကထက် တန် ၈၅၀ ဝန်းကျင် ပိုမို တင်ပို့နိုင်ခဲ့တယ်လို့ သိရပါတယ်။

    မြိတ်နယ်စပ်ကုန်သွယ်ရေးညွှန်ကြားရေးမှူးရုံးမှ ကြီးမှူးပြီး ကုန်သွယ်မှုမူဝါဒ လုပ်ထုံးလုပ်နည်းသင်တန်းကို ဧပြီလ ၂ ရက်မှ ၆ ရက်အထိ မြိတ်မြို့ အထက (၁) ကျောင်းမှာ ဖွင့်လှစ်ပို့ချခဲ့တယ်လို့ သတင်းရရှိပါတယ်။