နိုင်ငံတကာသတင်း

ပနားမား အပင်ရောဂါပိုးမွှား (Panama Disease)  ပျံ့နှံ့ဖြစ် ပွားခဲ့သည့်ကြားမှ ဖိလစ်ပိုင်နိုင်ငံသည် ကမ္ဘာ့တတိယအများဆုံး ငှက်ပျောသီး တင်ပို့သည့်နိုင်ငံအဖြစ် ဆက်လက်ရပ်တည်လျက်ရှိပါ ကြောင်း နိုင်ငံတကာအစီရင်ခံစာများအရ သိရှိရသည်။ ၂၀၂၄ ခုနှစ်အတွင်  ဖိလစ်ပိုင်နိုင်ငံမှ ငှက်ပျောသီး တင်ပို့မှုသည် မက် ထရစ်တန်ချိန် ၂ဒသမ၃ သန်းရှိခဲ့ပြီး ၂၀၂၃ ခုနှစ်က တန်ချိန် ၂ ဒသမ ၃၅ သန်းဖြစ်သည့်အတွက် နှိုင်းယှဉ်မည်ဆိုလျှင် ကျဆင်းခဲ့ပါ ကြောင်း၊ ထို့အတွက် ကမ္ဘာ့အဆင့် သတ်မှတ်ချက် တတိယနေရာ တွင် နှစ်နှစ်ဆက်တိုက် ဆက်လက်တည်ရှိနေခြင်းဖြစ်သည်။ 

ဘင်္ဂလားဒေ့ရှ်နိုင်ငံ၏  အာလူး တင်ပို့မှုသည် ၂၀၂၄-၂၀၂၅ ဘဏ္ဍာနှစ် အတွင်းတွင် သုံးနှစ်ဆက်တိုက် မြင့် တက်ခဲ့ကြောင်းနှင့် ကုန်သည်များက ပြည်တွင်းဈေး ကမောက်ကမ ဖြစ်မှုကို အခွင့်ကောင်းယူ၍ နိုင်ငံခြားသို့ တင်ပို့ မှုကို မြှင့်တင်ခဲ့ခြင်းကြောင့်ဖြစ်ကြောင်း သိရသည်။ 

ဘဏ္ဍာရေးဝန်ကြီး Pichai Chunhavajira ဦးဆောင်သည့် ထိုင်းနိုင်ငံ၏ အခွန်အကောက်ဆိုင်ရာ ညှိနှိုင်းရေးအဖွဲ့သည် ကုန် သွယ်မှုဆိုင်ရာ ဆွေးနွေးပွဲများပြုလုပ်ရန်  ဇူလိုင်လ ပထမပတ်အတွင်း အမေရိကန်နိုင်ငံသို့  သွားရောက်ရန် စီစဉ်ထားသည်ဟု ကူးသန်း ရောင်းဝယ်ရေးဝန်ကြီးဌာနမှ သိရသည်။ အဖွဲ့၁၀ ဦးအထိပါဝင်သည့် အဆိုပါအဖွဲ့တွင်  ကူးသန်းရောင်းဝယ်ရေး အမြဲတမ်းအတွင်းဝန် Vuttikrai Leewiraphan  ပါဝင်မည်ဖြစ်သည့်အပြင် အမေရိကန်နှင့် ကုန်သွယ်ရေးဆွေးနွေးရာတွင် အရေးပါသည့်သူများလည်း ပါဝင် မည်ဖြစ်သည်။ 

တရုတ်-ပါကစ္စတန် စီးပွားရေးစင်္ကြံ (CPEC)) မူဘောင်အောက်တွင် နှစ်နိုင်ငံအကြား ပိုမိုခိုင်မာသော ကုန်သွယ်ရေးဆိုင်ရာ ပူးပေါင်းဆောင် ရွက်မှုများ တိုးတက်လာခဲ့ရာ တရုတ်နိုင်ငံသို့ ပါကစ္စတန်၏ ဆန်တင်ပို့မှု သည် ယခုနှစ် ပထမငါးလတွင် ၁၂၁ ရာခိုင်နှုန်းအထိ သိသာစွာ မြင့်တက် လာခဲ့ကြောင်း PTV World ပါကစ္စတန် သတင်းဌာနက ဖော်ပြထားသည်။ 

အမေရိကန်ဝက်သား တန်ချိန် ၁၂၀ဝ၀ဝ မှာယူ တင်သွင်းမှု အား တရုတ်နိုင်ငံမှ ပယ်ဖျက်လိုက်ကြောင်း ဧပြီလ ၂၅ ရက်နေ့ က ထုတ်ပြန်သော အချက်အလက်များအရ သိရသည်။ 
၎င်းသည် ကိုဗစ် (၁၉) ကပ်ရောဂါ စတင်ဖြစ်ပွားပြီးချိန်မှစ၍ အကြီးမားဆုံး ဖျက်သိမ်းမှုတစ်ခုလည်းဖြစ်သည်။ တရုတ်နိုင်ငံ သည် အမေရိကန် ဝက်သားတင်ပို့မှုအတွက် အဓိကဈေးကွက် တစ်ခုဖြစ်ပြီး တရုတ်နိုင်ငံသည် ၂၀၂၄ ခုနှစ်တွင် အမေရိကန်ဝက် သားတန်ချိန် ၄၇၅၀ဝ၀ နီးပါး တင်သွင်းခဲ့ကာ တန်ဖိုးအားဖြင့် အမေရိကန်ဒေါ်လာ တစ်ဘီလီယံကျော်ရှိသည်။