Background
ဘာစမာတီမဟုတ်သောဆန်များကို ပြည်ပသို့ တင်ပို့ရာတွင် အကောက်ခွန် ဌာနထံမှ ခွင့်ပြုချက်မရယူမီ ဆန်တင်ပို့မှု အရောင်းအဝယ်စာချုပ်များကို လယ်ယာ ထွက်ကုန်နှင့် ပြုပြင်ပြီး စားသောက်ကုန်များ တင်ပို့မှု ဖွံ့ဖြိုးတိုးတက်ရေးအာဏာပိုင် အဖွဲ့ (APEDA) ထံ၌ မဖြစ်မနေ မှတ်ပုံတင်ဆောင်ရွက်ရန် အိန္ဒိယအစိုးရက အမိန့် ထုတ်ပြန်ခဲ့ကြောင်း သိရှိရသည်။
အိန္ဒိယနိုင်ငံ၏ အကြီးဆုံး စမတ်ဖုန်းတင်ပို့သည့် ဈေး ကွက်ဖြစ်သည့် အမေရိကန်နိုင်ငံသို့ စမတ်ဖုန်းတင်ပို့မှုသည် မေလက တင်ပို့ခဲ့သော အမေရိကန်ဒေါ်လာ ၂ ဒသမ၂၉ ဘီလီယံမှ သြဂုတ်လတွင် အမေရိကန်ဒေါ်လာ ၉၆၄ ဒသမ၈ သန်းသို့ ၅၈ ရာခိုင်နှုန်း ကျဆင်းခဲ့ကြောင်း ျွွှှု ၏ စက် တင်ဘာ ၂၂ ရက် အချက်အလက်များအရသိရသည်။
ကမ္ဘာ့စားသုံးဆီဈေးကွက်ခိုင်မာမှုနှင့် ရောင်းလိုအားအပိုင်း မရေရာမှုများ ရှိနေခြင်းတို့ကြောင့် မလေးရှား စားအုန်းဆီကြမ်း (MPOC) ဈေးနှုန်းသည် မကြာမီကာလအတွင်း တစ်တန်လျှင် ရင်း ဂစ် ၄၂၀ဝ နှင့် ရင်းဂစ် ၄၅၀ဝ ကြားနှုန်းထားဖြင့် အရောင်းအဝယ် ဖြစ်နိုင်ဖွယ်ရှိသည်ဟု မလေးရှား စားအုန်းဆီကောင်စီ (MPOC) ၏ ပြောကြားချက်အရ သိရကြောင်းThe Edge Malaysia သတင်း ဌာနက စက်တင်ဘာ ၂၂ ရက်တွင် ဖော်ပြထားသည်။
ကမ္ဘောဒီးယားနိုင်ငံသည် ၂၀၂၅ ခုနှစ် ဇန်နဝါရီလမှ သြဂုတ်လအတွင်း အထည်အလိပ်၊ အဝတ်အထည်၊ ဖိနပ်နှင့် ခရီးသွား အထောက်အကူပြုပစ္စည်း၊ စုစုပေါင်း အမေရိကန် ဒေါ်လာ ၁၀ ဒသ မ ၉၇ ဘီလီယံ တန်ဖိုး တင်ပို့ခဲ့ရာ ယခင်နှစ် အလားတူအချိန်က တင်ပို့ခဲ့သည့် ဒေါ်လာ ၉ဒသမ၂၁ ဘီလီယံ နှင့် နှိုင်းယှဉ်ပါက ၁၉ ရာခိုင်နှုန်း တိုးတက်ခဲ့ကြောင်း စက်တင် ဘာ ၁၉ ရက် ထုတ်ပြန်သော တရားဝင် အချက်အလက်များ အရ သိရသည်။
ဗီယက်နမ်နိုင်ငံ စိုက်ပျိုးမွေးမြူရေးနှင့် သဘာဝပတ်ဝန်းကျင်ဝန်ကြီးဌာန၏ စက်တင် ဘာ ၂၂ ရက် အဆိုအရ ဗီယက်နမ် သည် ၂၀၂၅ ခုနှစ် သြဂုတ်လအထိ ကော်ဖီတန်ချိန် ၁ ဒသမ ၂ သန်း တင်ပို့ရာမှ ဝင်ငွေ အမေရိကန် ဒေါ်လာ ၆ ဒသမ ၄၂ ဘီလီယံရရှိခဲ့ပြီး ၂၀၂၄ ခုနှစ် တူညီသည့်ကာလ နှင့် နှိုင်းယှဉ်ပါက တင်ပို့သည့် ပမာဏတွင် ၈ ဒသမ ၇ ရာခိုင်နှုန်းသာ မြင့်တက်ခဲ့သော်လည်း ဝင်ငွေရရှိမှုတွင် ၅၉ ဒသမ ၁ ရာခိုင်နှုန်းထိ မြင့် တက်ခဲ့ကြောင်း သိရ သည်။
အမေရိကန်နိုင်ငံထံမှ မျိုးဗီဇပြုပြင်ထားသော ပြောင်း များကို တင်သွင်းခွင့်ပြုရန် ဆုံးဖြတ်ခဲ့ခြင်းသည် ပြည်တွင်း ဈေးနှုန်းများ တစ်ဟုန်ထိုး ကျဆင်းမှုကို ဖြစ်စေနိုင်သဖြင့် အစိုးရအနေဖြင့် နစ်နာကြေးများ ထောက်ပံ့ပေးအပ်ရန် ထိုင်း နိုင်ငံPhetchabun ပြည်နယ်ရှိ ရာနှင့်ချီသော ပြောင်းစိုက် တောင်သူများက သြဂုတ် ၁၅ ရက်တွင် တောင်းဆိုခဲ့ကြကြောင်း သိရသည်။ အမေရိကန်မှ မျိုးဗီဇပြုပြင်ထားသော ပြောင်းတန်ချိန် ၃ သန်းကို တင်သွင်းခွင့်ပြုရန် အစိုးရက သဘောတူညီခဲ့ပြီး နောက် ပြည်တွင်းရှိ တိရစ္ဆာန်မွေးမြူရေး အစာစပ်စက်ရုံများ သည် ထိုင်းပြောင်းများကို ဝယ်ယူရန်ငြင်းဆိုခြင်း သို့မဟုတ် ဈေးနှုန်းနှိမ့်ချ၍ ဝယ်ယ
ပနားမား အပင်ရောဂါပိုးမွှား (Panama Disease) ပျံ့နှံ့ဖြစ် ပွားခဲ့သည့်ကြားမှ ဖိလစ်ပိုင်နိုင်ငံသည် ကမ္ဘာ့တတိယအများဆုံး ငှက်ပျောသီး တင်ပို့သည့်နိုင်ငံအဖြစ် ဆက်လက်ရပ်တည်လျက်ရှိပါ ကြောင်း နိုင်ငံတကာအစီရင်ခံစာများအရ သိရှိရသည်။ ၂၀၂၄ ခုနှစ်အတွင် ဖိလစ်ပိုင်နိုင်ငံမှ ငှက်ပျောသီး တင်ပို့မှုသည် မက် ထရစ်တန်ချိန် ၂ဒသမ၃ သန်းရှိခဲ့ပြီး ၂၀၂၃ ခုနှစ်က တန်ချိန် ၂ ဒသမ ၃၅ သန်းဖြစ်သည့်အတွက် နှိုင်းယှဉ်မည်ဆိုလျှင် ကျဆင်းခဲ့ပါ ကြောင်း၊ ထို့အတွက် ကမ္ဘာ့အဆင့် သတ်မှတ်ချက် တတိယနေရာ တွင် နှစ်နှစ်ဆက်တိုက် ဆက်လက်တည်ရှိနေခြင်းဖြစ်သည်။
အင်ဒိုနီးရှား - ဥရောပသမဂ္ဂ ဘက်စုံစီးပွား ရေးမိတ်ဖက် ဆောင်ရွက်မှု သဘောတူညီချက် IEU-CEPA) ကို လက်မှတ်ရေးထိုးနိုင်ရေး စေ့စပ် ညှိနှိုင်းမှုများ၏ နောက်ဆုံးအဆင့်သို့ ရောက်ရှိ လာချိန်တွင် ၂၀၂၅ ခုနှစ် ဒုတိယနှစ်ဝက်ကာလ အတွင်း ဥရောပသမဂ္ဂသို့ စားအုန်းဆီတင်ပို့မှု တိုး တက်လာမည်ဟု ခန့်မှန်းထားကြောင်း အင်ဒိုနီး ရှား ဘဏ္ဍာရေးဝန်ကြီးဌာနရှိ စီးပွားရေးနှင့် ဘဏ္ဍာရေး မဟာဗျူဟာ မူဝါဒရေးရာဌာန ညွှန် ကြားရေးမှူးချုပ် Febrio Kacaribu က ပြောကြား ခဲ့သည်။
ဘင်္ဂလားဒေ့ရှ်နိုင်ငံ၏ အာလူး တင်ပို့မှုသည် ၂၀၂၄-၂၀၂၅ ဘဏ္ဍာနှစ် အတွင်းတွင် သုံးနှစ်ဆက်တိုက် မြင့် တက်ခဲ့ကြောင်းနှင့် ကုန်သည်များက ပြည်တွင်းဈေး ကမောက်ကမ ဖြစ်မှုကို အခွင့်ကောင်းယူ၍ နိုင်ငံခြားသို့ တင်ပို့ မှုကို မြှင့်တင်ခဲ့ခြင်းကြောင့်ဖြစ်ကြောင်း သိရသည်။
ကမ္ဘောဒီးယား၏ ဒေသတွင်း ဘက်စုံစီးပွားရေး မိတ်ဖက် ဆက်ဆံရေး RCEP) အဖွဲ့ဝင်နိုင်ငံများနှင့် ကုန်သွယ်မှုသည် ၂၀၂၅ ခုနှစ် ပထမနှစ် ဝက်တွင် ကန်ဒေါ်လာ ၁၉ဒသမ၇ ဘီလီယံအထိ ရောက်ရှိခဲ့ပြီး ၂၀၂၄ ခုနှစ် အလားတူကာလထက် ဒေါ်လာ ၁၆ ဒသမ၅ ဘီလီယံမှ ၁၆ ဒသမ ၉ ရာခိုင်နှုန်း တိုးလာကြောင်း ဇူလိုင် ၁၆ ရက်တွင် ထုတ်ပြန်သည့် တရားဝင် အစီရင်ခံစာ အရသိရသည်။
