နိုင်ငံတကာသတင်း

အိန္ဒိယနိုင်ငံတွင် ပဲစင်းငုံများအား အကောက်ခွန်လွတ် တင်သွင်းခွင့်ကို ယခင်က ၂၀၂၅ ခုနှစ် မတ် ၃၁ ရက်အထိ ခွင့်ပြုထားရာမှ ယခုအခါ ၂၀၂၆ ခုနှစ် မတ် ၃၁ ရက်အထိ သက်တမ်း တိုးမြှင့်လိုက်ကြောင်း ပြည်ပကုန်သွယ်ရေး ညွှန် ကြားမှုဦးစီးဌာန (ွီငွှ်္) က ဇန်နဝါရီ ၂၀ ရက်နေ့တွင် အမိန့် ကြော်ငြာစာ ထုတ်ပြန်ဖော်ပြခဲ့သည်။

ထိုင်းနိုင်ငံ၏  ဆန်တင်ပို့မှုသည် ယခင်နှစ်က  ဆန်တန် ချိန် ၁၀ သန်း တင်ပို့နိုင်ခဲ့ပြီး လျာထားချက်ထက် တစ် သန်း   ကျော်လွန်  တင်ပို့နိုင်ခဲ့သည်။ ၂၀၂၄ ခုနှစ်တွင် ထိုင်းဆန်တင်ပို့ မှုသည် ယခင်နှစ်ကထက် ၁၃ ရာခိုင်နှုန်း မြင့်တက်ခဲ့ပြီး ဝင်ငွေ အားဖြင့် အမေရိကန်ဒေါ်လာ ၆ ဒသမ ၄၃ ဘီလီယံ ( ထိုင်း ဘတ် ၂၂၅ ဘီလီယံ) ၂၇ ရာခိုင်နှုန်း ပိုမိုရရှိခဲ့သည်။

ကမ္ဘောဒီးယားနိုင်ငံ၌ စီးပွားရေးနှင့် ကူးသန်းရောင်းဝယ်ရေးဝန် ကြီးဌာနသည် ပထဝီဒေသဆိုင်ရာအညွှန်း GI  အသိအမှတ်ပြု ထုတ်ကုန်များအဖြစ် သတ်မှတ်ရန်အလားအလာရှိသော ကုန်ပစ္စည်း များစာရင်းကို ဒီဇင်ဘာလ တတိယရက်သတ္တပတ်တွင် ထုတ်ပြန် ခဲ့ရာ ဆန်၊ သီဟိုဠ်စေ့၊ သရက်သီးနှင့် ဒူးရင်းသီးတို့  ပါဝင်ကြောင်း သိရှိရသည်။    
GI အသိအမှတ်ပြု လက်မှတ်သည် ဂုဏ်သိက္ခာရှိသော အဆင့် အတန်း တစ်ရပ်အနေဖြင့် အဆိုပါထုတ်ကုန်များ၏ ထူးခြားသော အရည်အသွေးနှင့် မူလပင်ရင်းကို အသိအမှတ်ပြုသွားမည်ဖြစ်ပြီး တုပခြင်းများမှ ကာကွယ်ပေးလျက် ၎င်းတို့၏ ဈေးကွက်တန်ဖိုးကို မြှင့်တင်ပေးသွားမည်ဖြစ်သည်။

ထောက်ပံ့ပို့ဆောင်ရေး၊ ကုန်ကြမ်း ပစ္စည်းနှင့် ဆက်စပ်သည့် ဈေးကွက်များ တွင် စိန်ခေါ်မှုများ  ရှိနေ‌သော်လည်း ၂၀၂၄ ခုနှစ်တွင် ဗီယက်နမ်၏ ရေထွက် ကုန်တင်ပို့မှုသည် အမေရိကန်ဒေါ်လာ ၁၀ ဘီလီယံရောက်ရှိခဲ့ကြောင်း ဗီယက် နမ်နိုင်ငံ ပင်လယ်စာတင်ပို့သူများနှင့် ထုတ်လုပ်သူများအသင်း (VASEP) က ဒီဇင်ဘာ ၂၃ ရက်က     ပြောကြားခဲ့ ကြောင်း သိရသည်။ 

ကမ္ဘောဒီးယားနိုင်ငံသည် ၂၀၂၄ ခုနှစ် ၁၀ လအတွင်း ဗီယက်နမ်နိုင်ငံသို့ သီဟိုဠ်စေ့တန်ချိန် ၇၉၀ဝ၀ဝ ကျော် တင်ပို့ခဲ့ပြီး ဝင်ငွေ အမေရိ ကန်ဒေါ်လာ ၁ ဒသမ ၁၁၀ ဘီလီယံရရှိကာ ၃၆ ရာခိုင်နှုန်း တိုးလာကြောင်း သီဟိုဠ်စေ့ အသင်း (ဃဗဃ) မှ တာဝန်ရှိသူတစ်ဦးကပြောကြားခဲ့သည်။ ကမ္ဘောဒီးယား သီဟိုဠ်စေ့အသင်း (CAC) ၏ ဒုတိယ ဥက္ကဋ္ဌ Suy Kokthean က ကမ္ဘောဒီး ယားသည် ၂၀၂၄ ခုနှစ် ဇန်နဝါရီလမှ အောက်တိုဘာလအထိ  သီဟိုဠ်စေ့ တန်ချိန် ၈၄၀ဝ၀ဝ ထုတ်လုပ်တင်ပို့ခဲ့ပြီး ၂၀၂၃ ခုနှစ်နှင့်    နှိုင်းယှဉ်ပါက   ၂၆ ရာခိုင်နှုန်း တိုးမြင့်လာကြောင်း ပြော ကြားခဲ့သည်။