Background
ဂျပန်ဆူမီတိုမိုဓာတုပစ္စည်းကုမ္ပဏီက ကမ္ဘာတစ်ဝန်းလုံးကို ဖြန့်ချိဖို့အတွက် ရော်ဘာတုစက်ရုံတစ်ခုကို စင်ကာပူနိုင်ငံမှာ တည်ဆောက်နေကြောင်းသိရပါတယ်။ ဒီစီမံကိန်းက မော်တော်ကားကဏ္ဍတွေကနေ ဝယ်လိုအားတက်လာတာကြောင့် ပတ်ဝန်း ကျင် ညစ်ညမ်းမှု လျော့နည်းစေမယ့် ကနဦးလှုပ်ရှားမှုပဲ ဖြစ်ပါတယ်။ ဒီစက်ရုံက ဂျပန်နိုင်ငံရဲ့ပြည်ပမှာ ပထမဆုံးတည်ဆောက်တဲ့ ဒေါ်လာသန်း ၁၄၀ တန် ဆူမီတိုမိုရဲ့ စက်ရုံဖြစ်ပါတယ်။
မြန်မာ - တရုတ်နယ်စပ်ရှိ မူဆယ် ၁၀၅ မိုင်နဲ့ ချင်းရွှေဟော်နယ်စပ်ကုန်သွယ်ရေးစခန်းများမှ ကန်ဒေါ်လာ ၃ ဒသမ ၆၉၂ သန်း တန်ဖိုးရှိ ရော်ဘာအဆင့်စုံ ၁၁၁၅ တန်ကျော်ကို ဖေဖေါ်ဝါရီလ ၁ ရက်မှ ၇ ရက်အတွင်း တစ်ဖက်နိုင်ငံသို့ အပို့ရှိခဲ့ပါတယ်။ ယခုအပတ်မှာRSS-3 ၈၅၃ တန်ကျော်၊ MSR-20 ၁၂၇ တန်ခန့်၊ MSR-50 ၁၁၈ တန်ကျော်နဲ့ ရော်ဘာဖြတ်စ ၁၇ တန် နယ်စပ်စခန်းများမှ အပို့ရှိခဲ့တာဖြစ်ပါတယ်။
ဇန်နဝါရီလ ၂၉ ရက်မှ ဖေဖော်ဝါရီလ ၄ ရက်အထိကာလအတွင်းပင်လယ်ရေကြောင်းမှ ကန်ဒေါ်လာ ၄ ဒသမ ၆၈၆ သန်းတန်ဖိုးရှိ ရော်ဘာအဆင့်စုံ ၁၃၈၅ တန်ကိုတင်ပို့နိုင်ခဲ့ပါတယ်။နိုင်ငံအလိုက်တင်ပို့မှုများကတော့ တရုတ်ကို တန် ၅၀၀၊ ပါကစ္စတန်ကို ၃၉ တန်၊ စင်ကာပူကို တန် ၄၀နဲ့ မလေးရှားကို ၈၀၆ တန် တင်ပို့ခဲ့တာ ဖြစ်ပါတယ်။ ယခင်အပတ်ထက် တန် ၂၀၀ ခန့် တင်ပို့မှုလျော့နည်းခဲ့ပါတယ်။ တရုတ်နယ်စပ်ကတော့ ၁၁၁၅ တန် တင်ပို့ပြီး ယခင်အပတ်ထက် နှစ်ဆတက်ခဲ့တာ တွေ့ရပါတယ်။ FOB(ရန်ကုန်)ဈေးကတော့ RSS-3 တစ်တန်ကို (၃၆၀၀-၃၇၀၀) ဒေါ်လာနဲ့ RSS-5 တစ်တန်ကို (၃၅၀၀-၃၆၀၀) ဒေါ်လာကြား ဈေးပေါက်လျက်ရှိတယ်လို့ သိရပါတယ်။ K.Z.W
ကမ္ဘာ့ပြောင်း တတိယအများဆုံးဝယ်ယူတဲ့ တောင်ကိုရီးယား မွေးမြူရေး ကဏ္ဍမှာ အဆိုးဝါးဆုံး ဖြစ်ပွားခဲ့တဲ့ ခွာနာလျှာနာရောဂါဖြစ်ခြင်းမှ ပြန်လည်ကောင်း မွန်လာပြီဖြစ်လို့ ယခုနှစ် ပြောင်းတင်သွင်းမှု ပြန်တက်လာနိုင်တယ်လို့ တိရစ္ဆာန် အစာထုတ်လုပ်တဲ့ ကုမ္ပဏီတစ်ခုမှ ပြောကြားပါတယ်။
ဇန်နဝါရီလ ၂၉ ရက်မှ ဖေဖော်ဝါရီ ၄ ရက်အထိကာလအတွင်း ကန်ဒေါ်လာ သုည ဒသမ ၃၀၉ သန်းဖိုးရှိ ပြောင်းတန်ချိန် ၁၁၀၄ တန်ကို စင်ကာပူနဲ့ ဖိလစ်ပိုင် နိုင်ငံကို ပင်လယ်ရေကြောင်းမှ တင်ပို့ခဲ့တယ်လို့ သိရပါတယ်။ ယခင်ရက်သတ္တပတ် နဲ့ ပမာဏတူ တင်ပို့ခဲ့တာကြောင့် ပုံမှန်တင်ပို့နေတယ်လို့ ဆိုရပါမယ်။ ဒီတစ်ပတ် မှာတော့ စင်ကာပူကိုအပို့ပိုပြီး ဖိလစ်ပိုင်ကို အပို့လျော့ခဲ့တာ တွေ့ရပါတယ်။ တရုတ် နယ်စပ်နဲ့ ထိုင်းနယ်စပ်ကတော့ တန်ချိန် ၆၀၀၀ နီးပါး တင်ပို့နေတာတွေ့ရပြီး ယခင်အပတ်ထက် တန် ၂၀၀၀ ခန့် အပို့ပိုခဲ့တယ်လို့ သိရပါတယ်။FOB (ရန်ကုန်) ဈေးနှုန်းကတော့ ပြောင်းလဲမှုမရှိဘဲ တစ်တန်ကို ဒေါ်လာ (၂၇၅-၂၉၅) ကြားဈေး ရတယ်လို့ သိရပါတယ်။ K.Z.W
အိန္ဒိယအစိုးရရဲ့မကြာသေးခင်က ကြက်သွန်နီ အနိမ့်ဆုံး ပြည်ပ တင်ပို့ဈေးနှုန်း (MEP)ကို တစ်တန် ကန်ဒေါ်လာ ၁၅၀ ထိလျှော့ချလိုက်ပြီးနောက် အကျိုးအမြတ်အနည်းငယ် တိုးလာတဲ့အတွက် ပြည်ပတင်ပို့မှု မြင့်တက်ခဲ့တယ်လို့ သိရ ပါတယ်။ ဒါပေမယ့် ကုန်သည်များကတော့ ကမ္ဘာ့ဈေးကွက်ကို ဆုတ်ကိုင်ထားနိုင်ဖို့ အစိုးရ အနေနဲ့ အနိမ့်ဆုံးတင်ပို့ ဈေးနှုန်း (MEP)လုံး၀ မထားသင့်ဘူးလို့ ဆိုပါတယ်။
အိန္ဒိယမှာ နနွင်းဈေးက ထုတ်လုပ်မှုစရိတ်နားကပ်အောင် ကျဆင်းနေတဲ့အတွက် တောင်သူများက အစိုးရဝယ် ယူခြင်းမှ အထောက်အပံ့ရဖို့ကြိုးစားနေပါတယ်။ နနွင်းက အနိမ့်ဆုံးထောက်ပံ့ဈေးနှုန်း နည်းစနစ်အရ ဈေးမရရှိ တဲ့အတွက် ပြည်နယ်အေဂျင်စီများက စီးပွားဖြစ်အခြေခံပြီး တောင်ပိုင်းမှ အဝါရောင် နနွင်းကိုသာ ဝယ်ယူကြတယ်လို့ သိရပါတယ်။ ယခင်နှစ်က နီဇမ်မာဘတ်မှာ နနွင်းတစ်ကီလို ရူပီး ၁၂၀ (ကန်ဒေါ်လာ ၂ ဒသမ ၄၂)ဈေးနဲ့ တောင်သူတွေ ရောင်းချခဲ့ရပြီး လက်ရှိမှာတော့ တစ်ကီလို ရူပီး ၄၇ (ကန်ဒေါ်လာသုည ဒသမ ၉၅)သာရှိပါတယ်။
ပြည်ပကို ပင်လယ်ရေကြောင်းကုန်သွယ်မှုလမ်းမှ ဇန်န ဝါရီ ၂၉ ရက်မှ ဖေဖော်ဝါရီ ၄ ရက်တာ ကာလအတွင်း နနွင်း ၁၆ တန်ကို စင်ကာပူနိုင်ငံကို တင်ပို့ခဲ့ပါတယ်။ ယခင်သီ တင်းပတ်ကကိုရီးယားနဲ့ မလေးရှားကိုတင်ပို့ခဲ့ပေမဲ့ ဒီတစ်ပတ် မှာတော့ စင်ကာပူကို တင်ပို့ခဲ့တာတွေ့ရပါတယ်။ ယခင်တစ် ပတ်နနွင်း တင်ပို့မှုက ၁၆ တန်ရှိခဲ့တာကြောင့် ဒီတစ်ပတ် တင်ပို့မှုက ယခင်တစ်ပတ်တင်ပို့မှုကို မီခဲ့တယ်လို့ ဆိုရပါမယ်။
နိုင်ငံတကာ ကြက်သွန်ဖြူဈေးနှုန်းတွေ မြင့်မားနိုင်ဖွယ်မရှိရာ အိန္ဒိယပြည်တွင်း ကြက်သွန်ဖြူ စိုက်ပျိုးသူတွေ ကို ကြက်သွန်ဖြူတွေကို ရိတ်သိမ်းပြီးပြီးချင်း ရောင်းချဖို့ အကြံပေးထားတယ်လို့ သိရတယ်။ လက်ရှိအိန္ဒိယပြည်တွင်း ကြက်သွန်ဖြူဈေးနှုန်း တွေမှာ တစ်ကွမ်တယ်ကို ၇၅-၈၀ ရူပီး (တစ်တန်ကို ကန်ဒေါ်လာ ၁၅၂၃-၁၆၂၅) ဖြစ်တယ်။
ဒီသီတင်းပတ်ဖြစ်တဲ့ ဇန်နဝါရီလ ၂၉ ရက်မှ ဖေဖော်ဝါရီ ၄ ရက်တာကာလ အတွင်း မန်ကျည်း ၇၁၄ တန်ကို ပင်လယ်ရေကြောင်း ကုန်သွယ်မှုလမ်းမှ ပြည်ပကို တင်ပို့နိုင်ခဲ့ပါတယ်။ ဒီသီတင်းပတ်မှာတော့ အင်ဒိုနီးရှားနိုင်ငံကို ၁၂၂ တန်၊ မလေး ရှားနိုင်ငံကို ၁၉၂ တန်၊ ပါကစ္စတန်နိုင်ငံကို ၃၂၅ တန်နဲ့ စင်ကာပူနိုင်ငံကို ၇၅ တန် အသီးသီးတင်ပို့ခဲ့တာတွေ့ရပါတယ်။