ကမ္ဘာ့ထိပ်တန်းရော်ဘာထုတ်လုပ်သူများဖြစ်တဲ့ ထိုင်း၊ အင်ဒိုနီးရှားနဲ့ မလေးရှားနိုင်ငံများက ဒေသတွင်းဈေးကွက်ကို ဈေးနှုန်း မှန်ကန်အောင် ပြန်လည်တည်ဆောက်မှာဖြစ်ပြီး လာမယ့်ကာလများမှာ တောင်သူတွေအတွက် ဈေးနှုန်းမှန်ကန်စွာ ရရှိရေး ကာကွယ်ပေးသွားမှာဖြစ်ကြောင်း ပြောရေးဆိုခွင့်ရှိသူတစ်ဦးက ပြောကြားခဲ့ပါတယ်။

    မြန်မာ-တရုတ်နယ်စပ်ရှိ မူဆယ် (၁၀၅)မိုင်နယ်စပ်ကုန်သွယ်ရေးဇုန်မှ ဒီဇင်ဘာလ ၇ ရက်မှ ၁၃ ရက်ထိ ကာလအတွင်း ကန်ဒေါ်လာ ၂ ဒသမ ၇၆၈ သန်းတန်ဖိုးရှိ ရော်ဘာအဆင့်စုံ ၈၂၂ တန်ကျော်တင်ပို့နိုင်ခဲ့ပါတယ်။ ယခင်အပတ်ကထက် တန် ၁၃၀ ကျော်အပို့ပိုခဲ့ပါတယ်။ မူဆယ်နယ်စပ်မှ ယခုအပတ် အဆင့်လိုက်ရော်ဘာတင်ပို့နိုင်မှုများမှာ RSS-3 ၄၆၃ တန်ကျော်၊  MSR-20 ၂၄၄ တန်ခန့်နဲ့ MSR-50 ၁၁၅ တန်ခန့်ဖြစ်ပါတယ်။ ယခုအပတ်မှာတော့ ချင်းရွှေဟော်နယ်စပ်မှ ကန်ဒေါ်လာ သုညဒသမ ၀၇၁ သန်းတန်ဖိုးရှိ  RSS-3 တန် ၂၀ နီးပါးအပို့ရှိခဲ့ပါတယ်။ ယခင်အပတ်ကထက် ချင်းရွှေဟော် နယ်စပ်မှ ရော်ဘာတင်ပို့မှု ၂၇၆ တန် လျော့နည်းခဲ့ပါတယ်။ ယခုအပတ်မှာ မြိတ်နယ်စပ်မှ ကန်ဒေါ်လာ သုညဒသမ ၆ သန်းတန်ဖိုးရှိ  RSS-5 တန် ၁၀၀ နဲ့ MSR-50 တန် ၁၀၀ လည်း အပို့ရှိခဲ့တယ်လို့သိရပါတယ်။ ယခုအပတ်မှာ နယ်စပ်ကုန် သွယ်ရေးစခန်းများမှ ကန်ဒေါ်လာ ၃ ဒသမ ၄၄ သန်းတန်ဖိုးရှိ ရော်ဘာအဆင့်စုံ ၁၀၄၂ တန်ကျော်အပို့ရှိခဲ့ရာ ယခင်အပတ် တင်ပို့မှုထက် ၁၆ တန် အပို့ပိုခဲ့ပါတယ်။ ယခင်အပတ်က မြိတ်မှအပို့မရှိခဲ့သော်လည်း ယခုအပတ်မှာ အဆင့်စုံတန် ၂၀၀ အပို့ရှိခဲ့ပြီး တာချီလိတ်နယ်စပ်ကယခင်အပတ်က  RSS-1 တန် ၄၀ အပို့ရှိခဲ့သော်လည်း ယခုအပတ်မှာတော့ တင်ပို့နိုင်ခြင်း မရှိခဲ့ပါဘူး။ နိုဝင်ဘာလမှာနယ်စပ်မှရော်ဘာ ၄၂၉၄ တန်အပို့ရှိခဲ့ပြီး ဧပြီလမှနိုဝင်ဘာလထိ နယ်စပ်ကုန်သွယ်ရေးစခန်းများမှ ရော်ဘာ အဆင့်စုံ တန် ၂၁၈၅၀ ခန့်တင်ပို့ထားခဲ့ပြီးဖြစ်ပါတယ်။ ယခင်အပတ်နဲ့ ယခုအပတ်ရော်ဘာ ဈေးများကိုကြည့်ရာမှာ မိမိဘက်မြေပြင်ဈေးများ အနည်းငယ်ပိုမိုဈေးရတာတွေ့ရပါတယ်။ တစ်ဘက်နိုင်ငံဈေးမှာတော့ RSS-3 ဈေးမှာ ယခင် အပတ်ဈေးအတိုင်း ပြောင်းလဲမှုမရှိသော်လည်း RSS-5 ဈေး အနည်းငယ်လျော့နည်းလျက်ရှိပါတယ်-                                             မိမိဘက်(ကျပ်/တန်)                    တစ်ဘက်နိုင်ငံ(ဒေါ်လာ/တန်)                             ယခု            ယခင်      ပြောင်းလဲမှု    %          ယခု         ယခင်    ပြောင်းလဲမှု    %RSS - 3    ၂၅၇၉၇၁၄    ၂၅၇၀၅၂၈    ၉၁၈၆        ၀ .၃၆    ၃၃၁၅       ၃၃၁၅              -           -RSS - 5    ၂၂၄၂၁၃၂    ၂၂၃၂၉၄၆    ၉၁၈၆        ၀ .၄၁    ၂၉၉၉       ၃၁၅၇            ၁၅၈       ၅ MIRT (DOBT)

    ကြက်သွန်နီတင်သွင်းပါက ဒီဇင်ဘာလမှာ ဖိလစ်ပိုင်တောင်သူများရိတ်သိမ်းနေပြီး၊ လက်ရှိဈေးကွက်များကို အိတ် ၁၀၀၀၀ ဝန်းကျင် ဝင်ရောက်နေတဲ့အတွက် ပြည်တွင်းဈေးကွက်ကို ထိခိုက်စေနိုင်တာကြောင့် တင်သွင်းမှု ခွင့်မပြုရေး၊ စိုက်ပျိုးရေးဌာန DA ကို ကြက်သွန်နီတောင်သူများမှ တောင်းဆိုထားတယ်လို့ သိရပါတယ်။ DA ရဲ့ စာရင်းအရ ကြက်သွန်နီ သိုလှောင်မှု ၂၅ ကီလိုပါအိတ် ၅ သိန်းခန့်ရှိနေတဲ့အတွက် နိုင်ငံရဲ့ တစ်လစားသုံးမှု အိတ် ၃၅၀၀၀၀ အတွက် ရောင်းချဖို့ လုံလောက်တယ်လို့ တင်ပြထားတယ်လို့ သိရပါတယ်။

    အောင်ပန်းမြို့နယ်၊ ပင်လောင်းမြို့နယ်၊ ပင်းတယမြို့နယ်က နနွင်းသစ်တွေဖော်နေပေမယ့် ဈေးကွက်မှာတော့ အရောင်း အဝယ် အေးနေပါတယ်။ လက်ကျန်နနွင်းရဲ့ ဈေးကွက်ကလည်း မရှိသလို ချင်းအသစ်ကလည်း အဝယ်ပါးနေပါသေးတယ်။ ဝယ်လက်အချို့ကတော့ ဆင်တောင် နနွင်းကို တစ်ပိဿာ ၁၅၀၀ ကျပ်နဲ့ ဝယ်ယူချင်ပေမယ့် တောင်သူတွေက မရောင်းနိုင်ဘူး လို့သိရပါတယ်။