ပို့ကုန်သွင်းကုန်နှင့်ပတ်သက်သည့် သတင်းလွှာအမှတ်(၁၀/၂၀၂၂)အရ ဘဏ်စနစ်အသုံးပြု၍ ကုန်သွယ်မှုဆောင်ရွက်ရန်ကိစ္စနှင့် ပတ်သက်၍ ၁-၁၁-၂၀၂၂ ရက်မှစတင်ပြီး ပို့ကုန်ရငွေဖြင့် သွင်းကုန်လိုင်စင်လျှောက်ထားရခြင်းသည် ပို့ကုန်လုပ်ငန်းရှင်များသာမက သွင်းကုန်လုပ်ငန်းရှင်များသည် ပို့ကုန်ရငွေရယူလိုသည့်အတွက် ထိုင်းနိုင်ငံသို့ ပို့ကုန်တင်ပို့နိုင်ရေးအမယ်များ ရှာဖွေခြင်း၊ပြည်တွင်းထုတ်လုပ်သူများ ထိုင်းဝယ်လက်များနှင့် ချိတ်ဆက်ခြင်းများ ဆောင်ရွက်လာကြသည်။ ထိုသို့ ပို့ကုန်ကဏ္ဍအပေါ် စိတ်ဝင်တစားဆောင်ရွက်ကြရာတွင် ပို့ကုန်အမယ်သစ်များကိုပါ တင်ပို့နိုင်ရေး ကြိုးပမ်းဆောင်ရွက်လာကြသည်။

ဆန်    
ဒီဇင်ဘာ ၁၇ ရက်မှ ၂၃ ရက်ထိ ကာလအတွင်း ပင်လယ်ရေ ကြောင်း ကုန်သွယ်မှုမှ အမေရိကန်ဒေါ်လာ ၇ ဒသမ ၁၄၀ သန်း တန်ဖိုးရှိ ဆန်တန်ချိန် ၁၈၀ဝ၀ ကျော်တင်ပို့ခဲ့ကြောင်း သိရသည်။ တင်ပို့မှုများအနေဖြင့် အီးယူအဖွဲ့ဝင်နိုင်ငံများသို့ ဆန်တန်ချိန် ၇၉၇၀ ခန့်နှင့် အာရှနိုင်ငံများသို့ ဆန်တန်ချိန် ၁၀ဝ၃၀ ကျော် တင်ပို့ခဲ့သည်။ 

နို့ဆီ   

နိုဝင်ဘာ ၁ ရက်မှ ၃၀ ရက်ထိကာလအတွင်း ပင်လယ်ရေကြောင်းကုန်သွယ်မှုမှ အမေရိကန်ဒေါ်လာ ၂ ဒသမ ၂၆၃ သန်း တန်ဖိုးရှိ နို့ဆီတန်ချိန် ၁၆၀ဝ ကျော် တင်သွင်းခဲ့သည်။ နိုဝင်ဘာလအတွင်း စင်ကာပူနိုင်ငံမှ တန်ချိန် ၉၅၀ ကျော်နှင့် မလေးရှားနိုင်ငံမှ တန်ချိန် ၆၅၀ ကျော် တင်သွင်းခဲ့သည်။ အနီးစပ်ဆုံးကာလနှင့် နှိုင်းယှဉ်ပါက နို့ဆီတန်ချိန် ၅၀ဝ ခန့် ပိုမိုတင်သွင်းခဲ့ကြောင်း သိရသည်။

နို့မှုန့်

ကော်ဖီပေါ်စရာသီအတွင်း ထိုင်းနိုင်ငံက ဝယ်လက်များ ဒေသအရောက်ဝယ်ယူမှုများရှိလာခြင်းကြောင့်  ယခင်နှစ်ထက် ကော်ဖီဈေးနှုန်းများ သုံးဆခန့် ပိုမိုရရှိနေကြောင်း မြန်မာနိုင်ငံကော်ဖီအသင်းမှ သိရသည်။
လက်ရှိ ပြည်တွင်း၌ ကော်ဖီကို ယခု ၂၀၂၂ ခုနှစ် နိုဝင်ဘာလမှစတင်ကာ လာမည့် ၂၀၂၃ ခုနှစ် မတ်လကုန်အထိ ဆွတ်ခူးလေ့ရှိပြီး ယခုနှစ် ကော်ဖီပေါ်ချိန်ရာသီအစမှာပင် ထိုင်းဝယ်လက်များက ပေါက်ဈေးပေးပြီး ဒေသအရောက် ဝယ်ယူနေကြခြင်းဖြစ်သည်။