ကုန်သွယ်ရေးသတင်း

ပြည်ပနိုင်ငံများသို့ ရေထွက်ကုန် ပစ္စည်းများ တင်ပို့လျက်ရှိရာမှာ ယခု ဘဏ္ဍာနှစ် ဧပြီ ၁ ရက်မှ အောက်တိုဘာ ၃၁ ရက်အထိ  ခုနစ်လတာကာလ အတွင်း ငါးမက်ထရစ်တန် ၁၆၀ဝ၀ဝ ကျော် တင်ပို့ထားပြီးဖြစ်ကြောင်း ငါး လုပ်ငန်းဦးစီးဌာနထံမှ သိရသည်။ 
ယခုဘဏ္ဍာနှစ်အတွင်း  ပုံမှန် ကုန်သွယ်မှု ပင်လယ်ရေကြောင်းမှ ငါး မက်ထရစ်တန်  ၈၅၇၅၆ ဒသမ ၉၁ တင်ပို့ခဲ့ပြီး အမေရိကန် ဒေါ်လာ ၁၃၁ ဒသမ ၈၄၆ သန်း၊ နယ်စပ်ကုန်သွယ်ရေး မှ ငါးမက်ထရစ်တန် ၇၉၃၅၂ ဒသမ ၄၇၇ တန်တင်ပို့ခဲ့ကာ   အမေရိကန် ဒေါ်လာ ၆၉ ဒသမ ၂၅၁ သန်း  ရရှိခဲ့ ခြင်းဖြစ်သည်။

ယခုနှစ် ထောပတ်သီးရာသီတွင် ပြည်ပနိုင်ငံများဖြစ် သည့် ထိုင်း၊ တရုတ်နှင့် အိန္ဒိယဈေးကွက်များထံသို့  ထောပတ် သီးတန်ချိန် ၅၀ဝ၀ ခန့် တင်ပို့နိုင်ရေး လျာထားလျက်ရှိကြောင်း မြန်မာနိုင်ငံ ထောပတ်သီး စိုက်ပျိုးထုတ်လုပ်တင်ပို့ရောင်းချ သူများအသင်း (MAVO)မှ  သိရသည်။
ပြည်တွင်းမှထွက်ရှိသည့် ထောပတ်သီးများကို  တရုတ် ပြည်သူ့သမ္မတနိုင်ငံ  အကောက်ခွန်  အထွေထွေအုပ်ချုပ်မှု အာဏာပိုင်အဖွဲ့ (GACC)၏ သတ်မှတ်ချက်များနှင့်အညီ ပင်လယ်ရေကြောင်းမှ တရားဝင်တင်ပို့နိုင်ရေး ပြင်ဆင်လျက် ရှိပြီး လာမည့်၂၀၂၆ ခုနှစ် ဇန်နဝါရီလတွင် တရုတ်နိုင်ငံဘက် က  လိုအပ်သည်များ လာရောက်စစ်ဆေးရန်ရှိနေကြောင်း သိရသည်။ 

ဈေးကောင်းရရှိလျက်ရှိသည့် သရက်သီး အနှစ်များကို ပြည်ပနိုင်ငံ များသို့ ဦးစားပေးတင်ပို့ရန် စီစဉ်လျက်ရှိကြောင်း မြန်မာ့သရက် ဈေးကွက် နှင့် နည်းပညာဖွံ့ဖြိုးတိုးတက်ရေးအသင်းမှ သိရသည်။ လက်ရှိတွင် သရက်သီးအလုံးထက် အနှစ်များ အေးခဲ၍ ပြည်ပဈေး ကွက်သို့ စမ်းသပ်တင်ပို့ခဲ့ရာတွင် ဈေးကောင်းရရှိသည့်အတွက် ပြည်ပဈေး ကွက်အသစ်ရှာဖွေကာ တင်ပို့သွားမည်ဖြစ်သည်။ပြည်ပဈေးကွက်တွင်  ဝယ်လိုအားရှိသည့် စိန်တစ်လုံး၊ မချစ်စုနှင့် ပတ္တမြားမောက် သရက်မျိုးများကို ရုရှားနှင့် စင်ကာပူနိုင်ငံ အပါအဝင် နိုင်ငံအချို့ကို အလုံးလိုက် နှစ်စဉ်တင်ပို့လျက်ရှိသည်။ပြီးခဲ့သည့် သရက်သီးရာသီတွင် လမ်းကြောင်း အခက်အခဲများကြောင့်  အနည်းင

တနင်္သာရီတိုင်းဒေသကြီး    မြိတ်မြို့သည် ကမ်းရိုးတန်းဒေသဖြစ်ပြီး ပင်လယ်ဝန်းရံလျက်ရှိ သော ဒေသဖြစ်သည့်အတွက် ရေထွက်ကုန်များ ဖြင့် ကုန်သွယ်ရောင်းဝယ်လျက်ရှိသည်။ ပင်လယ် ကမ်းရိုးတန်းဖြစ်သည့်အတွက် ငါး၊ ပုစွန်၊ ကဏန်း များကို နေ့စဉ် ဖမ်းဆီးရမိလျက်ရှိသည်။ 
ထိုကဲ့သို့    ဖမ်းဆီးရမိသော ငါးများကို အအေးခန်း ကုမ္ပဏီများနှင့် ငါးလေလံဈေးတွင် ရောင်းချလျက်ရှိကြသည်။ ရေထွက်ကုန်များ ရောင်းချရာ ငါးလေလံဈေးမှာ အနယ်နယ် အရပ် ရပ်မှ လာရောက်ရောင်းချကြသော ငါးမျိုးစုံများဖြင့် စည်ကား လျက်ရှိသည်။ ငါးဗန်းများ ၊ ခြင်းများဖြင့် လာရောက်ရောင်းချကြပြီး ကီလို၊ ပိဿာနှင့် ခြင်း အလိုက်သာ ရောင်းဝယ်ကြသည်။ 

မြဝတီကုန်သွယ်ရေးဇုန်၏ ၂၀၂၅ ခုနှစ် ဇူလိုင် ၁၉  ရက်မှ ၂၅ ရက်ထိ ကာလအတွင်း  ပို့ကုန်တန်ဖိုး  အမေ ရိကန်ဒေါ်လာ ၂ ဒသမ ၉၁၃ သန်း၊ သွင်းကုန်တန်ဖိုး အမေရိကန်ဒေါ်လာ ၁ ဒသမ ၅၅၉သန်း၊ ကုန်သွယ်မှုပမာဏ မှာ  တန်ဖိုး  အမေရိကန်ဒေါ်လာ ၄ ဒသမ ၄၇၂ သန်းဖြစ်ပြီး ယခင်တစ်ပတ် လုပ်ငန်း ဆောင်ရွက်မှုနှင့် နှိုင်းယှဉ်ပါ က ပို့ကုန်တန်ဖိုး အမေရိကန်ဒေါ်လာ သုည ဒသမ ၂၈၁ သန်းနှင့် သွင်းကုန် တန်ဖိုး  အမေရိကန်ဒေါ်လာ သုည ဒသမ ၂၁၅ သန်း   လျော့နည်းခဲ့ခြင်း ကြောင့် ကုန်သွယ်မှုပမာဏမှာ တန်ဖိုး အမေရိကန်ဒေါ်လာ သုည ဒသမ ၄၉၆ သန်း လျော့နည်းခဲ့ကြောင်း သိရသည်။  အနီးစပ်ဆုံးထက်  ပို့ကုန်ပိုင်း တွင် လျော့နည်းခြင်းမှာ လယ်ယာထွက် ပစ္စည်းအုပ်စု၊ ရေထွက်ပစ