မေလ ၁၉ ရက်မှ ၂၅ ရက်ထိ ကာလအတွင်းမှာ ပင် လယ် ရေကြောင်းကုန်သွယ်မှုမှ စင်္ကာပူနိုင်ငံသို့ ကန်ဒေါ်လာ ၁ ဒသမ ၀၆၅ သန်းတန်ဖိုးရှိ ရော်ဘာ MSR 20  ၄၄၃ တန်ကျော်နဲ့  RSS 3 ၁၈တန်ကို တင်ပို့နိုင်ခဲ့ပါတယ်။ ယခင် အပတ်က တန် ၇၀၀ ကျော်တင်ပို့နိုင်ခဲ့တဲ့အတွက် ယခု အပတ်မှာ တန် ၂၀၀ ကျော် လျော့နည်းခဲ့ပါတယ်။ နိုင်ငံ တကာ ရော်ဘာဈေးများမှာလည်း ယခင်အပတ်ကထက် တစ်တန်လျှင် ဒေါ်လာ ၁၀၀ ခန့် ဈေးကျသွားတာကိုတွေ့ရ ပါတယ်။ ပြည်ပပို့မဲ့ ရော်ဘာဈေးများကတော့  RSS 1 တစ်တန်လျှင် ဒေါ်လာ ၂၅၀၀ -၂၆၀၀၊  RSS 2 တစ်တန်လျှင် ဒေါ်လာ ၂၄၀၀- ၂၅၀၀၊  RSS 3 နဲ့ MSR 50 တစ်တန် လျှင်ဒေါ်လာ ၂၃၀၀- ၂၄၀၀၊MSR 10 တစ်တန်လျှင် ဒေါ်လာ၂၄၅၀- ၂၅၅၀၊MSR 20 တစ်တန်လျှင်ဒေါ်လာ ၂၄၀၀- ၂၅၀၀၊ Creep Rubber  တစ်တန်လျှင် ဒေါ်လာ ၂၂၀၀- ၂၃၀၀ ဖြစ်ကြောင်းမြန်မာနိုင်ငံရော်ဘာစိုက်ပျိုး ထုတ် လုပ်သူများအသင်းက ထုတ်ပြန်ထားပါတယ်။ယဉ်ယဉ်အေး DCCA

ဒီတစ်ပတ်မှာတော့ နနွင်းအရောင်းအဝယ်မှာ တရုတ်က အဝယ် နောက်ပြန်ဆုတ်သွားတဲ့အတွက် အရောင်း အဝယ် အေးသွားခဲ့တယ်လို့ သိရပါတယ်။ ပစ္စည်းလက်ကျန်တွေ ကတော့ အတော်လေးရှိသေးတယ်လို့လည်း သိရပါတယ်။ ဟိုပုံးဈေးကွက်မှာ နနွင်းပုံမှန်အဝင်ရှိနေပြီး၊ ဈေးကတော့ တစ်ပိဿာကို ၆၅၀ ကျပ်ဈေးရှိ ပါတယ်။ အောင်ပန်းဈေးကွက် မှာတော့ နနွင်းပုံမှန်အဝင်ရှိနေပြီး၊ အရောင်းအေးနေပါတယ်။ အမှုန့်ကြိတ်လုပ်ငန်း လုပ်တဲ့ သူတွေလောက်သာ အဝယ်ရှိ နေပါတယ်။ အမှုန့်ကြိတ်လုပ်ငန်း လုပ်သူတွေက နနွင်းကို အလှဆုံး၊ အကောင်းဆုံး ဖြစ်တဲ့ ဆင်တောင်နနွင်းကို အဆွဲ များလို့ တစ်ပတ်အတွင်း ပိဿာချိန် ၅၀၀၀၀ ပတ်ဝန်းကျင် ခန့် အရောင်းအဝယ်ဖြစ်ခဲ့ပါတယ်။ အောင်ပန်းဈေးကွက်မှာ နနွင်းပေါက်ဈေးက အင်းနနွင်း တစ်ပိဿာ ၇၀၀ ကျပ် - ၈၀၀ ကျပ်ဈေးရှိပြီး၊ ဆင်တောင် နနွင်းကတော့ တစ်ပိဿာ ၉၀၀ ကျပ် - ၁၀၀၀ ကျပ် - ၁၀၅၀ ကျပ်ဈေးရှိတယ်လို့ ပွဲရုံများမှ သိရပါတယ်။စောယုထွေး တောင်ကြီး

မလေးရှားနိုင်ငံနဲ့စင်္ကာပူနိုင်ငံသို့ ဧပြီလ ၂၈ ရက်မှ မေလ ၄ ရက်ထိကာလအတွင်းမှာ ပင်လယ်ရေကြောင်း ကုန်သွယ်မှုမှ ကန်ဒေါ်လာသုည ဒသမ ၇၈၇ သန်းဖိုးရှိ ရော်ဘာတန် ၃၀၀ ကျော်တင်ပို့နိုင်ခဲ့ပါတယ်။ တင်ပို့တဲ့တန်ချိန်တွေကတော့ မလေးရှား နိုင်ငံသို့ MSR-20 တန် ၆၀ နဲ့ RSS-3 တန် ၆၀၊ စင်္ကာပူနိုင်ငံသို့ RSS-3 ၂၁၂ တန်ခန့်ဖြစ်ပြီး စုစုပေါင်းတန်ချိန် ၃၃၂ တန်နီးပါးဖြစ်ပါတယ်။ယခင်အပတ်ကတင်ပို့မှုမရှိဘဲ သြင်္ကန်လွန်ကာလ ယခုအပတ်မှစတင်တင်ပို့ခဲ့တာဖြစ်ပါတယ်။ နိုင်ငံ တကာ ရော်ဘာပေါက်ဈေးများ ဈေးပြန်တက်လာတာကိုတွေ့ရှိရပြီး၊ FOB ရော်ဘာပေါက်ဈေးကိုလည်း တစ်တန်လျှင် ကန်ဒေါ် လာ ၁၀၀ ဈေးတိုးမြှင့်ကာ RSS-1 တစ်တန်လျှင်ဒေါ်လာ ၂၅၀၀-၂၆၀၀၊RSS-3 နဲ့ MSR-20 တစ်တန်လျှင် ဒေါ်လာ ၂၄၀၀-၂၅၀၀၊RSS-5 နဲ့ MSR-50 တစ်တန်လျှင်ဒေါ် လာ၂၃၀၀-၂၄၀၀၊ MSR-10 တစ်တန်လျှင်ဒေါ်လာ ၂၄၅၀-၂၅၅၀ နဲ့ Creep Rubber တစ်တန်လျှင်ဒေါ်လာ ၂၂၀၀-၂၃၀၀ ဖြစ်ကြောင်းမြန်မာနိုင်ငံရော်ဘာ စိုက်ပျိုးထုတ်လုပ်သူများအသင်းက သိရှိရပါတယ်။                        ယဉ်ယဉ်အေး MIRT

ယခုရက်ပိုင်းအတွင်း အိန္ဒိယမွန်ဘိုင်းဈေးကွက်မှာ မြန်မာပဲစင်းငုံနီကို အကျဈေးဖြင့် ပဲခွဲစက်နှင့် ကုန်သည်များမှ ဝယ် လိုအားများလာတဲ့အတွက် ဈေးမြင့်တက်လာခဲ့ပြီး မတ်ပဲကို ဈေးမေးစုံစမ်းဝယ်ယူမှု မရှိသေး တာေ ကြာင့် ဈေးငြိမ်နေပါတယ်။ ၂၀၁၃ ခုနှစ်၊ ဧပြီလ ၂၄ ရက်နေ့က အိန္ဒိယနိုင်ငံရဲ့ ဘာသာရေးပွဲတော်နေ့ဖြစ်၍ မွန်ဘိုင်းေ ဈးကွက် အပါအဝင် ပြည်တွင်း ပဲဈေးကွက်အများစု ပိတ်ထားခဲ့ပါတယ်။