အောက်တိုဘာလ ၁၃ ရက်မှ ၁၉  ရက်ထိကာလ အတွင်းမှာ ပင်လယ်ရေကြောင်းကုန်သွယ်မှုမှ မလေးရှားနဲ့ စင်္ကာပူနိုင်ငံတို့သို့ ကန်ဒေါ်လာ ၄ ဒသမ ၅၆၅ သန်းတန်ဖိုးရှိ ရော်ဘာ ၂၁၂၁ တန်တင်ပို့မှုရှိခဲ့ပါတယ်။ ယခင်အပတ် အောက်တိုဘာ ၆ ရက်မှ ၁၂ ရက်ထိ ကာလက အပို့မရှိဘဲ စက်တင်ဘာ ၂၉ ရက်မှ အောက်တိုဘာ ၅ ရက်မှာတော့ မလေးရှားနိုင်ငံသို့တန် ၂၁၀ သာတင်ပို့နိုင်ခဲ့ပါတယ်။ ယခုအပတ်မှာ မလေးရှားသို့ MSR 20   ၁၀၅ တန်နဲ့စင်္ကာပူ သို့ MSR 50  တန် ၂၀၁၆ တင်ပို့ခဲ့တာဖြစ်ပါတယ်။

ထိုင်း ဝန်ကြီးချုပ်နဲ့ ထိုင်းနိုင်ငံသို့ အလည်အပတ် ခရီးစဉ် ရောက်ရှိနေတဲ့ တရုတ်ဝန်ကြီးချုပ်တို့ တွေ့ဆုံရာမှာ ကုန် သွယ်မှုပိုင်းဆိုင်ရာ အလားအလာကောင်းများ ဆွေးနွေးနိုင်ခဲ့ တယ်လို့ AP သတင်းမှာ ဖော်ပြထားပါတယ်။ ထိုင်းအစိုးရ Website မှာ တနင်္ဂနွေနေ့ ၁၃.၁၀.၂၀၁၃ ရက်နေ့က တရုတ်ဝန်ကြီးချုပ် Li Keqiang က တရုတ်နိုင်ငံအနေနဲ့ နှစ်စဉ် ဆန်တန်ချိန် ၁ သန်းနဲ့ ရော်ဘာတန်ချိန် ၂ သိန်းကို ၅ နှစ်ကျော်ကြာအောင် ဝယ်ယူသွားမယ်၊ အရောင်းအဝယ် ကို အစိုးရအချင်းချင်း အခြေခံတဲ့ စနစ်နဲ့ လုပ်ဆောင်သွား မယ်လို့ သိရပါတယ်။                                            CMK

မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးုဇုန်မှ သြဂုတ်လ  ၂၈ ရက်မှ စက်တင်ဘာလ ၃ ရက်အတွင်း ကန်ဒေါ်လာ ၂ ဒသမ ၉၃၆ သန်းဖိုးရှိ ပြောင်းဖူးစေ့ ၇၇၂၆တန်ကျော်၊ ချင်းရွှေဟော်မှ ကန်ဒေါ်လာ သုည ဒသမ ၁၀၈ သန်းဖိုးရှိ ပြောင်း ၃၃၆ တန်ခွဲနဲ့ လွယ်ဂျယ်မှကန်ဒေါ်လာသုညဒသမ ၀၀၁ သန်း ဖိုးရှိပြောင်းတန် ၃၀ အသီးသီးတင်ပို့ခဲ့ပါတယ်။တရုတ်နယ်စပ်စခန်းများမှ သြဂုတ်လ တစ်လလုံး တင်ပို့ခဲ့တဲ့ ပြောင်းတန်ချိန် ၅၂၄၃၀ ကျော်ရှိပါတယ်။ မူဆယ်-ရွှေလီ နှစ်နိုင်ငံပြောင်းဈေးများကိုကြည့်မယ်ဆိုလျှင် တစ်ဖက်နိုင်ငံ ဈေးပြောင်းလဲမှုမရှိပေမဲ့ မိမိဘက်ဈေးအနည်းငယ်မြင့်တက်လာတာတွေ့ရပါတယ်။ ယခင်အပတ်ကပြောင်း တစ်တန် ၃၄၉၄၉၄ ကျပ်မှ ယခုအပတ် ၃၅၀၁၅၇ ကျပ်သို့မြင့်တက်သွားတာတွေ့ရ ပါတယ်။ တရုတ်နိုင်ငံမှာ ရာသီဥတုအခြေအနေကြောင့် စိုက်ပျိုးရေးထွက်ကုန်လျော့ ကျမှုအပေါ်အခြေခံကာတိရစ္ဆာန်အစာကျွေးရန် လိုအပ်ချက်တစ်ခုဖြစ်တဲ့ ပြောင်းကို ပြည်တွင်းဈေးကွက်အတွင်းဈေးကောင်းပေးပြီးကိုယ်စားလှယ်များနဲ့ ကြိုပွိုင့် ဝယ်ယူမှုများရှိနေသဖြင့် လက်ရှိတွင် ပြောင်းဈေးနှုန်းများမြင့်တက်နေရခြင်း ဖြစ်ကြောင်း မြန်မာနိုင်ငံငါးပုစွန်အစား အစာထုတ်လုပ်ရောင်းချသူများအသင်းမှ တစ်ဆင့်သိရပါတယ်။ လက်ရှိတွင် တရုတ်ကိုယ်စားလှယ်များက ပြောင်းစိုက် တောင်သူများထံမှ ပြောင်းမပေါ်မီကြိုပွိုင့်စနစ်နဲ့ ဈေးကောင်းပေးကာကြိုတင် ဝယ်ယူနေကြကြောင်း၊ ပြောင်းစိုက်တောင်သူများအနေဖြင့်လည်း ပြောင်းကိုယခင် နှစ်များထက် ပိုမိုစိုက်ပျိုးသော်လည်း တရုတ်မှ ပြောင်းကိုဈေးကောင်းပေးပြီး၊ ကိုယ် စားလှယ်များနဲ့ဝယ်ယူနေတာကြောင့်ပြည်တွင်းမှာပြောင်းကုန်ရှားလာပြီးပြောင်းဈေး နှုန်းလည်းမြင့်တက်လာရခြင်းဖြစ်ပါတယ်။  မော်မော်အောင်MIRT (DCCA)

ပြည်တွင်း၌ဂျုံစက်ရုံများရှိနေပေမဲ့လည်း ဒေသနေပြည်သူများစားဝတ်နေရေး အဆင်ပြေချောမွေ့စေရန် ရည်ရွယ်ပြီး ဂျုံမှုန့်၊ ဂျုံစေ့များကိုတင်သွင်းခွင့်ပြုထားရာ ယခုအပတ်မှာဂျုံစေ့တန် ၆၀ နဲ့ ဂျုံမှုန့်တန် ၇၀ ကျော်ကို အိန္ဒိယနယ်စပ်ရှိ တမူး ကူးသန်းရောင်းဝယ်ရေးစခန်းမှ တင်သွင်းလာတာတွေ့ရပါတယ်။