Main menu

Background

Monday, 31 Dec 2012

အာဆီယံ-အိန္ဒိယနိုင်ငံများ ဆက်သွယ်ရေးလမ်းကြောင်းပေါ် ကားမောင်းခရီးစဉ်ကို အင်ဒိုနီးရှားနိုင်ငံမှ စတင်ထွက်ရှိခဲ့ရာ ယခုလ ၁၃ ရက်နေမှာ မန္တလေးမြို့ကိုရောက်ရှိပြီး ၁၄ ရက် နံနက်မှာ မန္တလေးမြို့မှ ထွက်ခွာမှာဖြစ်ကြောင်း သိရပါတယ်။

Monday, 31 Dec 2012

ဗီယက်နမ်နိုင်ငံဟာ လာမယ့်နှစ်ဆန်းမှစပြီး သကြား တင်သွင်းမှုအပေါ် အခွန် ၄၀ ရာခိုင်နှုန်းကောက်ခံမယ်လို့ သိရတယ်။၂၀၁၃ ခုနှစ်မှာ  ဗီယက်နမ်သကြားပိုလျှံမယ် ခန့်မှန်းပြီး ပြည်တွင်းသကြားထုတ်လုပ်တဲ့ လုပ်ငန်းတွေကို အကာအကွယ်ပေးဖို့နဲ့ သွင်းကုန် အခွန်တိုးမြှင့်ကောက်ခံဖို့ စီစဉ်ရခြင်းဖြစ်တယ်လို့ ဘဏ္ဍာရေးဝန်ကြီးဌာနက ထုတ်ပြန် ထားတယ်။

Wednesday, 26 Dec 2012

ခရစ္စမတ်ရာသီအတွင်းဝယ်လိုအားမြင့်တက်တာကြောင့် ပြည် တွင်း ရောင်းချမှုတိုးမြှင့်ဖို့ တရုတ်နဲ့အိန္ဒိယ ကြက်သွန်နီများ ဖိလစ်ပိုင် နိုင်ငံအတွင်း ဝင်ရောက်မှုစတင်လာပြီလို့သိရပါတယ်။ ဟင်းသီးဟင်း ရွက်တင်သွင်း  သူများနဲ့ တင်ပို့သူများအသင်း(VIEUA) မှလွန်ခဲ့တဲ့ ၂ လကျော်မှာ ဖြစ်ပွားခဲ့တဲ့ကြက်သွန်နီပြတ်လပ်မှုကို ယခုတင်သွင်းခြင်း က အကူအညီ ဖြစ်စေလိမ့်မယ်လို့ဆိုပါတယ်။ ဒီဇင်ဘာလဟာ ပုံမှန် အားဖြင့် ပိတ်ရက်များ ကြောင့် ဖိလစ်ပိုင်နိုင်ငံအတွင်း ကြက်သွန်နီ စားသုံးမှု မြင့်တက်လေ့ရှိပါတယ်။

ယင်းလအတွင်း ဖိလစ်ပိုင်ပြည်သူများဟာ ကြက်သွန်နီပျမ်းမျှ တန်ချိန် ၇၀၀၀-၈၀၀၀ ခန့်စားသုံးပါတယ်။ တင်သွင်းမှုက ရက် ၂၀ လောက်သာကောင်းမယ်။ စားသုံးသူတွေက အစောပိုင်းရိတ်သိမ်း တဲ့ ကြက်သွန်ဝင် လာမယ့်အချိန်ထိ စောင့်ပြီး ဝယ်ယူတာကြောင့်လို့ VIEUA ဥက္ကဌ Leah Cruz  မှပြောကြားပါ တယ်။တင်သွင်းမှုကို  အပင်ထုတ်လုပ်မှုဗျူရိုက (ဏြူ) အောက်တိုဘာလမှာ အတည်ပြုခဲ့ တာဖြစ်ပါတယ်။BPL မှကြက်သွန်ပြတ်လပ်တဲ့တန်ချိန်၁၂၄၀၀ ခန့် ရဲ့ ၆၅ ရာခိုင်နှုန်းခန့်ဖြစ်တဲ့တရုတ်နဲ့ အိန္ဒိယကြက်သွန်နီ တန်ချိန် ၈၅၀၀ တင်သွင်းဖို့ ခွင့်ပြုထားတာဖြစ်ပါတယ်။ ကြက်သွန်ပြတ်လပ်မှု ကျန်တဲ့ပမာဏကိုတော့ ပြည်တွင်းထွက် ရှားလော့ကြက်သွန်နီနဲ့ ဖြည့်ဆည်းရ လိမ့်မယ်လို့ဆိုပါတယ်။ ပြည်ပက တင်သွင်းလာတဲ့ ကြက်သွန်ဝင်ရောက်လာတဲ့အတွက် ဈေးက တစ်ကီ လိုပီဆို ၁၃၀ (ကန်ဒေါ်လာ ၃ ဒသမ၁၇ )မှ ပီဆို ၅၀-၆၀  (ကန်ဒေါ် လာ၁ဒသမ ၂၂- ၁ ဒသမ ၄၆)  ကိုကျဆင်း ခဲ့ပါတယ်။  ကြက်သွန်နီ အဖြူကတစ်ကီလို ပီဆို ၃၅-၄၅(ကန်ဒေါ်လာ သုည ဒသမ ၈၅ - ၁ ဒသမ ၀၉)ရှိပြီး၊ရှားလော့ကြက်သွန်ကပီဆို ၃၀-၅၀(ကန် ဒေါ်လာ သုညဒသမ ၇၃ - ၁ဒသမ ၂၂) ဈေးရှိတယ်လို့ freshpalza သတင်း အရသိရပါတယ်။                                ယမင်းခင်
 

Wednesday, 26 Dec 2012

ပြည်ပဝယ်လိုအား အလားအလာအရ အိန္ဒိယနနွင်း ကြိုပွိုင့်ဈေးက အများဆုံးခွင့်ပြုနိုင်တဲ့ကန့်သတ်ချက်ရဲ့ ၄ ရာ ခိုင်နှုန်းခန့် မြင့်တက်လာခဲ့တယ်လို့သိရပါတယ်။ ဒါပေမဲ့ လက် ငင်းဈေးမှာတော့ ဆက်ပြီး ကျဆင်းခဲ့တယ်လို့ သိရပါတယ်။ နနွင်းဈေးက နေ့စဉ်ဆိုသလို အကျဘက်ဆင်းနေလို့ တောင် သူတွေရော ကုန်သည်များပါ နားမလည်နိုင် ဖြစ်ကြရတယ်လို့ ဆိုပါတယ်။ နနွင်းပြည်ပတင်ပို့သူတွေက အော်ဒါအချို့လက်ခံ ရရှိထားပြီး၊ ၎င်းင်းတို့အော်ဒါတွေ ဖြည့်ဆည်းဖို့ လက်ကျန် အကန့်အသတ် ဝယ်ယူနေကြတယ်လို့ သိရပါတယ်။ ဒါပေမဲ့ လှောင်လက်တွေကတော့ သိုလှောင်ဖို့အတွက် စတင်နေပြီလို့ သိရပါတယ်။

ကုန်သည်တွေပြောကြားတာကတော့ ယခုလကုန်ထိ ပြည်တွင်းမှာယူမှုတွေရရှိလိမ့်မယ်လို့ဆိုပါတယ်။ နောက်ထပ် အမှာတွေကတော့ မတ်လမှသာရရှိမှာ ဖြစ်လို့ ၎င်းတို့အနေနဲ့ လက်ကျန်အကန့်အသတ်သာ ဝယ်ယူနေတယ်လို့ဆိုပါတယ်။ ရောင်းချမှုနည်းပြီး၊ ပြည်တွင်းနဲ့ပြည်ပ ဝယ်လိုအား တိုးတက် လာဖွယ်ရှိခြင်းဟာ နနွင်းကြိုပွိုင့် ဈေး ထပ်မံ မြင့်တက်လာ နိုင်တယ်လို့ Religare Commodities မှဆိုပါတယ်။ ဒါ့အပြင်နနွင်း စိုက်ပျိုးတဲ့ပြည်နယ်တွေမှာအထူးသဖြင့် ကာနာ တာကာပြည်နယ်ရဲ့ ရာသီအပေါ် စိုးရိမ်မှု တွေရှိခြင်းကလည်း ဈေးနှုန်းမြင့်တက်ဖို့ အကူအညီ ဖြစ်စေနိုင်တယ်လို့ ကုန်သည် များက ဆိုပါတယ်။ နနွင်းအသစ်ထွက်ရှိမှုက ပြီးခဲ့တဲ့နှစ်ထွက်ရှိတဲ့ အိတ် ၈၀-၉၀ သိန်းထက်လျော့ပြီး၊ အိတ် ၅၀-၆၀ သိန်း ဝန်းကျင်သာရှိ ပေမဲ့ သိုလှောင်လက်ကျန်တွေ ရရှိနိုင်မှုများတာကြောင့် လာ မယ့်နှစ်မှာ ရောင်းချမှု များလိမ့်မယ်လို့ လည်း တချို့ကခန့်မှန်း ကြပါတယ်။တောင်သူတွေက နနွင်းသစ်ဝင်ရောက်လာ တော့ မှာ ဖြစ်လို့ ၎င်း တို့လက်ကျန်နနွင်း ဟောင်းအများစုကို ရောင်း ထုတ်လိုကြတယ်လို့သိရပါတယ်။ လာမယ့်လမှာ နနွင်းသစ် ဝင်ရောက် လာတော့မှာဖြစ်လို့ ဈေးနှုန်းထပ်မံကျဆင်း နိုင်တယ်လို့ ကုန်သည်များက ခန့်မှန်းကြ ပါတယ်။ အီရော့ နနွင်း ဈေးကွက်အသင်းဝင်းမှာ နနွင်းလက် ချောင်းတစ်တန် ရူပီး ၃၈၉၀၀-၅၄၈၉၀ (ကန်ဒေါ်လာ ၇၁၆-၁၀၁၀) ရှိပြီး၊ နနွင်းဥဈေးက ရူပီး ၃၇၉၉၀-၅၀၉၉၀ (ကန် ဒေါ်လာ ၆၉၉-၉၃၉) ရှိကြောင်း business line သတင်း အရ သိရပါတယ်။                            ယမင်းခင်
 

Wednesday, 26 Dec 2012

အိန္ဒိယနိုင်ငံရှိပဲစင်းငုံစိုက်ပျိုးတဲ့ ပြည်နယ်တွေမှာ မိုးပုံမှန်ရရှိမှုကြောင့် ယခုနှစ် ပဲစင်းငုံအထွက်နှုန်းဟာ ယခင်နှစ်ကထက် ကောင်းမွန်လိမ့်မယ်လိ့ု ကာနာတာကာ ပြည်နယ်ရှိ Bangalore မြို့စားနပ်ရိက္ခာသီးနှံနဲ့ ပဲမျိုးစုံ လက်ကားရောင်းဝယ်ရေး အသင်း ဥက္ကဋ္ဌ  Ramesh Chandra Lahoti က ပြောကြားတယ်။

Wednesday, 26 Dec 2012

အိန္ဒိယရဲ့ ကုလားပဲစိုက်ပျိုးတဲ့ ရာဂျက်စသန်၊ မဒ္ဒရာ ပရာဒေ့ရှ်နဲ့ ဂူဂျာရတ်တို့မှာ ဆောင်းစိုက်ဧရိယာ တိုးနေပြီး၊ အထွက်ပိုမိုမယ့် မျှော်လင့်ချက်တွေအပြင် ပြည်ပကတင်သွင်း မှုလည်း မြင့်တက်နေတာကြောင့် ကုလားပဲဈေးဆက်ပြီး ကျ ဆင်းနေပါတယ်။ နယူးဒေလီလက်ငင်းဈေးကွက်မှာ ကုလားပဲ ဈေးက ရူပီး ၂၁၀ (ကန်ဒေါ်လာ ၃ ဒသမ ၈၅)ကျပြီး၊ တစ် တန်ကို ရူပီး ၄၁၇၉၀(ကန်ဒေါ်လာ ၇၆၆)ဈေးရှိနေပါတယ်။ ပြီးခဲ့တဲ့နှစ်မှာ ပဲအထွက် လျော့ကျခဲ့တာကြောင့် ယခုနှစ် ကုလားပဲတင်သွင်းမှုက ပြီးခဲ့တဲ့နှစ်ထက် ပိုမိုဖွယ်ရှိနေ ပါတယ်။

Wednesday, 26 Dec 2012

ယခုတစ်ပတ် ပြည်တွင်းပဲဈေးကွက်အတွင်း ပြည်ပ အဝယ် လိုက်လာလို့ မတ်ပဲ၊ ပဲတီစိမ်းဈေး အနည်းငယ်ပြန်မာလာကြောင်း သိရပါတယ်။ ယခုတစ်ပတ်မှာ ပါကစ္စတန် ဝယ်လက်များလည်း အဝယ်လိုက်လာခဲ့တယ်လို့ သိရပါတယ်။ ဒါ့အပြင် နယ်စပ်မှ တစ် ဆင့် တရုတ်နိုင်ငံကို တင်ပို့မှုသွက် နေတာကြောင့် ပဲအားလုံးထဲမှာ ပဲတီစိမ်းဈေးကပိုမိုမြင့်တက်လာခဲ့ပါတယ်။ ဒီသတင်းပတ် နောက် ဆုံးရက်မှာတော့ ပဲစင်းငုံကိုလည်း အဝယ်တချို့ ရှိလာတယ်လို့ ကုန်သည်တစ်ဦးက ဆိုပါတယ်။

Wednesday, 26 Dec 2012

အိန္ဒိယပဲထွက်ရာ ဂျယ်နာ၊ လတ္တာစတဲ့ ဈေးကွက်တွေ ကို ပဲစင်းငုံအသစ်များ စတင်ဝင်ရောက် နေပြီဖြစ်ပြီး ဒီဇင် ဘာလ နောက်ဆုံးပတ်မှာတော့ အပြည့်အ၀ ဝင်ရောက်လာ ဖွယ်ရှိတယ်လို့ သိရပါတယ်။ ဈေးနှုန်းအနေနဲ့ ဝယ်လိုအား နည်းနေပြီး ရောင်းချမှု အလုံအလောက်ရှိတာကြောင့် ပဲစင်း ငုံဈေးက အားပျော့နေပါတယ်။ အိန္ဒိယ အစိုးရ စာရင်းတွေ အရ ၁၁ နှစ်မြောက် စီမံကိန်းကာလအတွင်း နိုင်ငံရဲ့ နှစ်စဉ် ပျမ်းမျှပဲဝယ်လိုအားက တန်ချိန် ၁၈ ဒသမ ၃၁ သန်းခန့်ရှိပြီး၊ ပျမ်းမျှ ထုတ်လုပ်မှုက တန်ချိန် ၁၅ ဒသမ ၈၉ သန်းသာရှိလို့ လိုအပ်ချက် ကွာဟမှုက ၁၃ ဒသမ ၂၁ ရာခိုင်နှုန်းရှိတယ်လို့ သိရပါတယ်။ ဒါကြောင့်လည်း နှစ်စဉ်ပဲတန်ချိန် ၂ ဒသမ ၄ သန်းခန့် တင်သွင်းနေရပါတယ်။

Wednesday, 12 Dec 2012

လက်ရှိရာသီအတွင်း ထိုင်းနိုင်ငံမှာ ကြံရိတ်သိမ်းမှု တိုး တက်လျက်ရှိပြီး၊ လက်ရှိအချိန်ထိ သကြားတန်ချိန် တစ်သိန်း ဝန်းကျင်ထုတ်လုပ်ထားပြီး ဖြစ်တယ်လို့သိရပါတယ်။ ဒါပေမဲ့ လက်ငင်းဈေးကွက်မှာတော့ စားသုံးသူတွေ အနေနဲ့ ရောင်းချ မှု များပြီး၊ ဈေးလျော့ကျတဲ့အချိန်ကို စောင့်နေတဲ့အတွက် အရောင်းအဝယ် အေးနေတယ်လို့ ဒီဇင်ဘာ ၄ ရက်မှာ ကုန် သည်များကဆိုပါတယ်။ ဘရာဇီးပြီးရင် သကြားတင်ပို့မှုမှာ ကမ္ဘာ့ဒုတိယအများဆုံးဖြစ်တဲ့ ထိုင်းနိုင်ငံ ဟာ နိုဝင်ဘာလ ၃၀ ရက်အထိ ကြံတန်ချိန် ၁ ဒသမ ၉၄ သန်းဝန်းကျင်ကြိတ် ခွဲပြီးဖြစ်လို့ ပြီးခဲ့တဲ့ ၂၀၁၁-၁၂ ရာသီ ကာလတူကြိတ်ခွဲမှု တန်ချိန် ၁ ဒသမ ၆၃ သန်းထက် ပိုမိုကြိတ်ခွဲပြီးသွားပြီ လို့ လည်း ကုန်သည်များက ဆိုပါတယ်။

Wednesday, 12 Dec 2012

မြန်မာ-တရုတ်နယ်စပ်ရှိ မူဆယ်နဲ့ ချင်းရွှေဟော် နယ်စပ်ကုန်သွယ်ရေးစခန်းများမှ ကန်ဒေါ်လာ ၅ ဒသမ ၃၇၃ သန်းတန်ဖိုးရှိ ရော်ဘာအဆင့်စုံ တန်ချိန် ၂၂၈၁ တန်ကျော်ကို နိုဝင်ဘာလ ၂၈ ရက်မှ ဒီဇင်ဘာလ ၄ ရက်ထိကာလအတွင်းမှာ တင်ပို့ခဲ့ပါတယ်။ ယခင်အပတ်က ရော်ဘာအဆင့်စုံ တန် ၁၆၀၀ ကျော် တင်ပု့ိခဲ့သဖြင့် ယခုအပတ်မှာ တန်ချိန် ၅၀၀ ကျော် ပိုမို တင်ပို့နိုင်ခဲ့ပါတယ်။ ယခုအပတ် မြန်မာ-ထိုင်းနယ်စပ်မ ှတင်ပို့မှုမရှိခဲ့သော်လည်း မူဆယ် ၁၀၅ မိုင်မှ ကန်ဒေါ်လာ ၂ ဒသမ ၀၄၈ သန်းတန်ဖိုးရှိ ရော်ဘာအဆင့်စုံ ၁၀၇၇ တန်ကျော်နဲ့ ချင်းရွှေဟော်မှ ကန်ဒေါ်လာ ၃ ဒသမ ၃၂၅ သန်းတန်ဖိုးရှိ RSS-3 ၆၀၄ တန်ကျော်၊RSS-5 တန်ချိန် ၆၀ ကျော်၊MSR-20 ၄၃၇ တန်ကျော်၊ MSR-50 ၃၇ တန်ခန့်နဲ့ RSS-1 ၆၅ တန်အသီးသီး တင်ပို့ခဲ့တာတွေ့ရပါတယ်။ ယခုအပတ်မိမိဘက်နဲ့ တစ်ဖက်နိုင်ငံမြေပြင်ပေါက်ဈေးများကို နှိုင်းယှဉ်ဖော်ပြ ပေးလိုက် ပါတယ်-

Pages