Background
၂၀၁၂ ခုနှစ် သြဂုတ်လရဲ့ ပခုက္ကူကုန်စည်ဒိုင် ကြက်သွန် နီ အဝင်အထွက်စာရင်းကို လေ့လာကြည့်ရာမှာ အဝင် အနေနဲ့ ပိဿာချိန် ၁၁ သိန်း ၆ သောင်းကျော်အဝင်ရှိတာကို တွေ့ရပါတယ်။ အထွက်အနေနဲ့ မန္တလေးကို ကားနဲ့သယ်ယူခ တစ်ပိဿာ ၁၇ ကျပ် - ၂၀ ကျပ်နှုန်းနဲ့ ပိဿာချိန် နှစ် သောင်းခွဲကျော် ရန်ကုန်ကို ကားနဲ့ သယ်ယူခ တစ်ပိဿာ ၄၀ ကျပ် - ၅၅ ကျပ်နှုန်းနဲ့ ပိဿာချိန် နှစ်သိန်းခြောက် သောင်းကျော် အထွက်ရှိတယ်ဆိုတော့ စုစုပေါင်းအထွက်က ၃ သိန်းနီးပါးရှိပါတယ်။ ကြက်သွန်နီဟာရေလမ်းနဲ့ မသွားဘဲ ကုန်းလမ်းနဲ့ သွားနေတာကို သတိထားမိပါတယ်။ အဝင်နည်း တဲ့အတွက် ကုန်ချိန်နှိုင်းယှဉ်ကြည့်ရင်လက်ကျန်အနေနဲ့ ပခုက္ကူမှာ ကြက်သွန်နီ ပိဿာချိန် ၈ သိန်းကျော် ၉ သိန်းနီးပါး(သြဂုတ်လတစ်လတည်း) ရှိနေတာတွေ့ရ မှာဖြစ် ပါတယ်။ဈေးနှုန်းတွေအနေနဲ့ကတော့ တစ်ပိသာကို အထက်စ ၆၀၀ ကျပ် - ၆၅၀ ကျပ် - ၆၇၅ ကျပ်၊ အောက်စ ၄၂၅ ကျပ် - ၄၅၀ ကျပ် - ၄၇၅ ကျပ်နဲ့ အရောင်းအဝယ်ဖြစ်ပါ တယ်။ စက်တင်ဘာလထဲမှာဆိုရင်လည်း စက်တင်ဘာ ၆ ရက်ထိ ပိဿာချိန် တစ်သိန်းနီးပါး ဆက်ဝင်နေတယ်လို့ သိရ ပါတယ်။ လှောင်ထားတဲ့ ကြက်သွန်နီဟာ နိုဝင်ဘာလမှာ အစို့ထွက်၊ ဥချောင်၊ အရည်ပျော်ဆိုတာ ဖြစ်တတ်တဲ့အတွက် သက်တမ်းကာလဟာ သုံးလ တင်းတင်းပဲ ရှိပါတော့တယ်။ လေ့လာခဲ့တဲ့ စာရင်းတွေအရ ပခုက္ကူမှ ကြက်သွန်နီဟာ အဝင်သွက်သလောက် အထွက်အီနေတာ တွေ့ရပါတယ်။ ကြက်သွန်ဖြူဆိုတာ မွှန်တတ်တာမျိုးဆိုတော့ သဘာဝမွှန် တာကိစ္စမရှိပေမယ့် ပစ္စည်းလက်ကျန်အခြေအနေကို တွက် ဆပြီး၊ တက်ဈေးမှန်းရင်း ဈေးနှုန်းမမွှန်ကြစေဖို့ သတိပြုအပ် ကြောင်း တင်ပြလိုက်ရပါတယ်။မြင့်ဦး
ရှမ်းနနွင်းကလည်း ပုံမှန်အရောင်းအဝယ်ဖြစ်နေပါတယ်။ ပြီးခဲ့တဲ့ အပတ်က မန္တလေးဝယ်လက်တွေ ဝယ်ယူ လာတာ ကြောင့် ဟိုပုံးနနွင်းကတစ်ပိဿာ ၉၀၀ ကျပ်ဈေးနဲ့ ပိဿာ ချိန် ၂ သောင်းခန့် အရောင်းအဝယ်ဖြစ်ခဲ့ ပါတယ်။ အဝင်က လည်း အနည်းအကျဉ်းလောက်သာ ရှိတယ်လို့ သိရပါတယ်။ အောင်ပန်းဈေးကွက်မှာတော့ ပုံမှန်အဝင်ရှိပြီး၊ ပုံမှန်ပြန်ရောင်း နေရတယ်လို့ ဆိုပါတယ်။ ပင်လောင်းနနွင်းကိုလည်း ပြည် တွင်း လုပ်ငန်းရှင်တွေက ခြင်ဆေးခွေပြုလုပ်ဖို့အတွက် ဝယ်ယူ နေ တာကြောင့် မနှစ်ကထက် အရောင်းအဝယ်ပိုဖြစ်နေပါ တယ်။ နနွင်းက ချင်းထက်အရောင်းနည်းနည်းအေးတာ ကြောင့် လက်ကျန်ကလည်း ခန့်မှန်းတန် ၂ သောင်းခန့် ကျန် နေသေးတယ်လို့ နနွင်းပွဲရုံတွေက သိရပါတယ်။ ဒီတစ်ပတ် နနွင်း ပေါက်ဈေးတွေက ပင်လောင်းနနွင်းဆိုရင် တစ်ပိဿာ ၆၀၀ ကျပ် - ၇၀၀ ကျပ်၊ ရိုးရိုးနနွင်း(တောင်ပို့လ)က နည်း နည်းညံ့ရင် ၉၀၀ ကျပ်၊ ကောင်းရင် ၁၀၀၀ ကျပ်နဲ့ ဆင်တောင် နနွင်းက တစ်ပိဿာ ၁၂၀၀ ကျပ် - ၁၃၀၀ ကျပ်ဈေး ရှိတယ်လို့ သိရပါတယ်။ ဧဧခိုင်
မြန်မာ-တရုတ်နယ်စပ်ရှိ မူဆယ်မှ ကန်ဒေါ်လာ သုည ဒသမ ၂၃၂ သန်းတန်ဖိုးရှိ နနွင်းတက် ၁၄၉ တန်ကျော်နဲ့ ကန်ဒေါ်လာ သုည ဒသမ ၀၁၉ သန်းတန်ဖိုးရှိ နနွင်းခေါင်း ၁၄ တန်ကျော်ကို သြဂုတ်လ ၂၉ ရက်မှ စက်တင်ဘာလ ၄ ရက်ထိ ကာလအတွင်းမှာအပို့ရှိခဲ့ပါတယ်။ ယခင်အပတ်တင်ပို့မှုနဲ့ နှိုင်းယှဉ်ပါက ၁၅၂ တန်တင်ပို့မှုလျော့နည်းခဲ့ပါတယ်။ မူဆယ်မှရောမြဝတီကပါ ယခုအပတ်မှာ တင်ပို့မှုပမာဏလျော့နည်း ခဲ့၍ ဖြစ်ပါတယ်။ MIRT(DOBT)
မြန်မာ-ဘင်္ဂလားဒေ့ရှ်နယ်စပ်ရှိ စစ်တွေနယ်စပ်မှ သြဂုတ်လ ၂၉ ရက်မှ စက်တင်ဘာလ ၄ ရက်ထိ ကာလအတွင်းမှာကန်ဒေါ်လာသုည ဒသမ ၀၀၃ သန်း တန်ဖိုးရှိမန်ကျည်းစေ့ ၁၃၈တန်ကျော်နဲ့ကန်ဒေါ်လာ သုညဒသမ ၀၇၁ သန်းတန်ဖိုးရှိ မန်ကျည်းမှည့် (အစေ့ပါ) ၉ တန်အပို့ရှိခဲ့ပါတယ်။ ယခင်အပတ်ကထက် မန်ကျည်း စေ့ ၂၇ တန်နဲ့ မန်ကျည်းမှည့် (အစေ့ပါ) ၃ တန်ခန့် အပို့ပိုခဲ့ပါတယ်။ တစ်ဖက်နိုင်ငံ ဆောက်လုပ်ရေး လုပ်ငန်းများ လုပ်ဆောင်ရာမှာ ရေစိမ့်ဝင်အားကိုတားဆီးနိုင်တဲ့ အတွက် မန်ကျည်းစေ့များကိုအမှုန့်ကြိတ်ပြီး ဘိလပ်မြေနဲ့ ရောသုံးတာဖြစ်ပါတယ်။ MIRT(DOBT)
ဟိုပုံးဈေးကွက်မှာတော့ ချင်း(ဥမ)တွေ ဒီတစ်ပတ်မှာ အဝင်မရှိသလောက် ဖြစ်နေပါတယ်။ ပြီးခဲ့တဲ့ အပတ်တွေကဝင်တဲ့ ချင်းတွေကိုသာ ရောင်းနေရ တယ်လို့ လည်း သိရပါတယ်။ အခုလောလောဆယ်မှာတော့ ချင်း(ဥမ) တွေကို ပွဲရုံတွေက အရည်အသွေးပေါ်လိုက်ပြီး၊ ကောင်းရင်ကောင်းသလို တစ်ပိဿာကို ၇၀ ကျပ်မှ ၁၃၀ ကျပ်ထိပေးပြီး လိုက်ဝယ်နေတယ်လို့ သိရပါတယ်။ ပြီးခဲ့တဲ့အပတ်ကတော့ ချင်း(ဥမ)အကြီး (အလှ)တွေကို တစ်ပိဿာ ၁၇၀ ကျပ်နဲ့ အရောင်းအဝယ် ဖြစ်ခဲ့တယ်လို့ သိရပါတယ်။ ချင်းခြောက်ကတော့ ကုန်သလောက်ဖြစ်နေပြီး၊ တစ်ပိဿာ ကို ၁၄၀၀ ကျပ်ဈေးပေါက်ပါတယ်။
မြန်မာ-တရုတ်နယ်စပ်ရှိ မူဆယ်နဲ့ မြန်မာ-ထိုင်းနယ်စပ်ရှိ မြဝတီတို့မှ သြဂုတ်လ ၂၉ ရက်မှ စက်တင်ဘာလ ၄ ရက် ထိကာလအတွင်းမှာ ကန်ဒေါ်လာ သုည ဒသမ ၀၇၈ သန်းတန်ဖိုးရှိ ချင်းခြောက် တန် ၄၀ ခန့်အပို့ရှိခဲ့ရာ ယခင်အပတ် တင်ပို့မှုထက် ၁၀ တန်ခန့်အပို့ပိုခဲ့တာဖြစ်ပါတယ်။ မူဆယ်မှ ၂၅ တန်ခန့် မြဝတီမှ ၁၅ တန်အပို့ရှိခဲ့တာဖြစ်ပြီး ယခင်အပတ်ကတော့ မြဝတီနယ်စပ်မှသာ ၂၉ တန်ခန့် တင်ပို့ခဲ့တာဖြစ်ပါတယ်။ MIRT(DOBT)
သြဂုတ်လအတွင်းမှာ စင်ကာပူနိုင်ငံသို့ ချင်း တန် ၁၃၀ တင်ပို့နိုင်ခဲ့ပါတယ်။ ဇူလိုင်လအတွင်းမှာ တင်ပို့နိုင်ခဲ့တာက တန်ရှစ်ဆယ်ကျော်ဖြစ်တာကြောင့် သြဂုတ် လမှာ တန် ၅၀ လောက်ပိုမို တင်ပို့နိုင်ခဲ့တာတွေ့ရပါတယ်။ ကာလတူကာလဖြစ်တဲ့ ၂၀၁၁ ခုနှစ် သြဂုတ်လမှာတော့ ချင်းတင်ပို့နိုင်ခြင်း မရှိခဲ့တာတွေ့ရပါတယ်။ သြဂုတ် လအတွင်း ချင်းတင်ပို့မှုမှရရှိခဲ့တဲ့ ဝင်ငွေစုစုပေါင်းက ကန်ဒေါ်လာ တစ်သိန်းရှစ် ထောင်ကျော်ရရှိခဲ့တယ်လို့ သိရပါတယ်။ MIRT (DOT)
ယနေ့အရောင်းအဝယ်လောကရဲ့ အများဆုံးဖြစ်ပေါ်နေတဲ့ မသမာမှုများ ဟာ ယုံကြည်မှုကို အလွဲသုံးစား ပြုခြင်းဖြစ်ပါတယ်။ နေ့စဉ် ပုံမှန် အရောင်းအဝယ် ပြုလုပ်နေရာမှ မိမိရဲ့အမြတ်အစွန်း တစ်ခုတည်း ကိုကြည့်ပြီး ဈေးကစားခြင်း ပြုလုပ်ရင်း ပြုလုပ်ရင်းမှ ဈေးအမြင့်နဲ့ ဝယ်မိပြီး၊ ဈေးကျသွားလို့ ဆုံးရှုံးမှု များဖြစ် ပေါ်ပြီး၊ မသမာမှုများ တိမ်းရှောင်မှုများ၊ လိမ်လည်မှုများ ဖြစ်ပေါ်လာရခြင်းဖြစ် တယ်လို့ သုံးသပ်မိပါတယ်။
ယခုတစ်ပတ် မုံရွာကုန်စည်ဒိုင်ပဲဈေးကွက်မှာ ကုလားပဲ မျိုးစုံ အရောင်းအဝယ်အေးပြီးဈေးလည်း အနည်းငယ်ကျခဲ့ တာ တွေ့ရပါတယ်။ မန္တလေး၊ ရန်ကုန်ဝယ်လိုအားလျော့ခြင်း၊ စက်တင်ဘာ မိုးပြောင်း ပဲခွဲစက်၊ အမှုန်ကြိတ်စက်နဲ့ ကြာဇံ စက်လိုင်းသမားတွေ အဝယ်အေးလို အခုလို အရောင်းအဝယ် လေးခဲ့ခြင်း ဖြစ်တယ်လို့ ကုန်သည်ရပ်ကွက်က ဆိုပါတယ်။ စက်တင်ဘာလ ပထမပတ်ထဲမှာ ဖြစ်ပေါ်ခဲ့တဲ့ ကုလားပဲဈေး ကွက်အနေနဲ့ V2 ကုလားပဲမှာ တစ်တင်း ၂၀၃၀၀ ကျပ်ထိ ကျဈေးဖြစ်ခဲ့ကာ တစ်ရက်ကို အိတ် ၃၀၀ မှ ၅၀၀ ခန့်သာ အရောင်း အဝယ်ဖြစ်ခဲ့ပါတယ်။ ထိုင်ဝမ်ကုလားပဲကတော့ တစ်တင်း ၂၀၈၀၀ ကျပ်ထိ အနိမ့်ဆုံးဖြစ်ခဲ့ကာ တစ်ရက်အိတ် ၃၀၀ ဝန်းကျင် အရောင်းအဝယ်ရှိခဲ့ပြီး၊ 929 ကုလားပဲအနေနဲ့ မုံရွာကုန်စည်ဒိုင်မှာ တစ်တင်း ၂၁၀၀၀ ကျပ်အနိမ့်ဆုံး ဈေး ဖြစ်ခဲ့ကာ တစ်ရက်ကို အိတ် ၅၀၀ ခန့် အရောင်းအဝယ်ဖြစ်ခဲ့ တယ်လို့ ကုန်သည်နဲ့ ပွဲစားလောကမှာ ကြားသိရပါတယ်။ စီးဆင်းမှုအနေနဲ့ ပြီးခဲ့တဲ့ သြဂုတ်လအတွင်း ရန်ကုန်ကို ရေကြောင်းနဲ့ အိတ် ၅၀၀၀ ခန့် မန္တလေးကို အိတ် ၁၀၀၀၀ ခန့် တင်ပို့ခဲ့ကြတယ်လို့ သိရပါတယ်။
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင်မှ ပြည်ပနဲ့ ပဲအရောင်းအဝယ်ပြုလုပ်ပြီး လိုင်စင်လျှောက် ထားရာမှာ အရောင်းအဝယ်ဖြစ်တဲ့ ဈေးနှုန်းကို ကုန်စည် ဒိုင်တာဝန်ရှိသူများမှ ယခင်က ထောက်ခံချက် ထုတ်ပေး ခဲ့ခြင်းဖြစ်ပါတယ်။ အဲဒီလို ဈေးနှုန်းထောက်ခံပေးခြင်း အားဖြင့် လိုင်စင်လျှောက်ထားရာမှာ ဈေးနှုန်းအာမခံ ချက်ရှိသလိုပြည်ပဝယ်လက်များနဲ့ ပြဿနာတစ်စုံတစ်ရာ ဖြစ်ခဲ့ရင်လည်း ယင်းထောက်ခံချက် အရ ဖြေရှင်းခြင်းအား ဖြင့် အဆင်ပြေချောမွေ့စေခဲ့ပါတယ်။