Background
ထိုင်းနိုင်ငံသို့ ယခုနှစ်တွင် နိုင်ငံတကာ ခရီး သွားဧည့်သည် ၂၅ သန်းအထိ ဝင်ရောက်ရန် ရည်မှန်းထားကြောင်း thailand-business-news သတင်းတွင် ဖော်ပြထားသည်။
လက်ရှိအချိန်၌ ထိုင်းနိုင်ငံတွင် ကိုဗစ်ကန့်သတ်ချက်များကို ရုပ်သိမ်းလိုက်သလို အာရှနိုင်ငံအများသည်လည်း ကိုဗစ်(၁၉) ကန့်သတ်ချက်များကို ဖြေလျှော့ရုပ်သိမ်းမှုများ ရှိလာပြီဖြစ်သည်။ သို့အတွက်ကြောင့် ယခု ပွင့်လင်းရာသီတွင် ထိုင်းနိုင်ငံသို့ တရုတ်၊ မလေးရှားနှင့် လာအို စသည့်နိုင်ငံများမှ ခရီးသွားဧည့်သည် အများအပြား ဝင်ရောက်လျက်ရှိနေကြောင်း သိရသည်။
၂၀၂၂ ခုနှစ်အတွင်း ထိုင်းနိုင်ငံတွင် ကွန်ဒို တိုက်ခန်းများ ဝယ်ယူသည့် ထိပ်တန်းငါးနိုင်ငံ စာရင်းကို ထုတ်ပြန်လိုက်ရာ တရုတ်နိုင်ငံသား များက ထိပ်ဆုံးမှ ရပ်တည်နိုင်ခဲ့ပြီး မြန်မာနိုင်ငံက အဆင့်(၅)နေရာတွင် ရှိနေကြောင်း ထိုင်းနိုင်ငံ၏ အိမ်ခြံမြေ သတင်းအချက်အလက်စင်တာ Real Estate Information Centre - REIC) ၏ ထုတ်ပြန် ချက်အရ သိရသည်။
တရုတ်နိုင်ငံတွင် ကိုဗစ်စည်းကမ်းများ တင်းကျပ်ချိန်မှစတင်ကာ တရုတ်နိုင်ငံသားများ အနေဖြင့် ထိုင်းနိုင်ငံတွင် အိမ်ခြံမြေများ ဝယ်ယူရန် ကြိုးပမ်းခဲ့ကြပြီး အများစုမှာ ကွန်ဒိုတိုက်ခန်းများကို ဝယ်ယူခဲ့ကြသည်ဟု စစ်တမ်းက ဖော်ပြထားသည်။
နွားနို့ပမာဏအမြောက်အမြား ထုတ်လုပ်ပေးနိုင်မည့် စူပါနွားဟု အမည်ပေးထားသည့် ပုံတူပွားဖန်တီးထားသော နွားသုံးကောင်ကို တရုတ်နိုင်ငံ သိပ္ပံပညာရှင်များက ပုံတူပွားနိုင်ခဲ့ပြီဖြစ်ကြောင်း စီအင်န်အင်န်သတင်းဌာနက ရေးသားဖော်ပြထားသည်။ တရုတ်နိုင်ငံ သိပ္ပံပညာရှင်များက ဖန်တီးလိုက်သည့် အဆိုပါ စူပါနွားများသည် ၎င်းတို့၏ သက်တမ်းတစ်လျှောက်တွင် နို့ပမာဏအမြောက်အမြားကို ထုတ်လုပ်ပေးနိုင်မည်ဖြစ်ကြောင်း သိရသည်။
နို့မှုန့်
ဇန်နဝါရီ ၁၄ ရက် မှ ၂၀ ရက်အထိ ကာလအတွင်း ပင်လယ်ရေကြောင်း ကုန်သွယ်မှုမှ အမေရိကန်ဒေါ်လာ သုည ဒသမ ၇၉၈ သန်းတန်ဖိုးရှိ နို့မှုန့် တန်ချိန် ၂၀ဝခန့် တင် သွင်းခဲ့သည်။ တင်သွင်းမှုများအနေဖြင့် နယူးဇီလန်နိုင်ငံမှ တန်ချိန် ၁၄၀ ကျော်နှင့် မလေးရှားနိုင်ငံမှ တန်ချိန် ၆၀ ခန့် တင်သွင်းခဲ့သည်။ အနီးစပ်ဆုံးကာလနှင့် နှိုင်းယှဉ်ပါက နို့မှုန့် တန်ချိန် ၁၀ဝ ကျော် ပိုမိုတင်သွင်းခဲ့ကြောင်း သိရသည်။
ဆေးဝါးပစ္စည်း
အိန္ဒိယနိုင်ငံသည် မိမိနိုင်ငံထွက် ကြက်ဥအလုံးပေါင်း သန်း ၅၀ ကို မလေးရှားနိုင်ငံသို့ တင်ပို့သွားမည်ဖြစ်ကြောင်း ရိုက်တာသတင်းတွင် ရေးသားဖော်ပြထားသည်။ အိန္ဒိယနိုင်ငံအနေဖြင့် အရှေ့အလယ်ပိုင်းနိုင်ငံများသို့ ကြက်ဥကို အဓိက တင်ပို့နေခြင်းဖြစ်သည်။ သို့သော် ၂၀၂၂ ခုနှစ်တွင် မလေးရှားနိုင်ငံမှ ကြက်ဥအမှာစာများကို အိန္ဒိယနိုင်ငံက စတင်လက်ခံရရှိခဲ့ပြီး ယခုနှစ် ဖေဖော်ဝါရီလတွင် စတင် တင်ပို့သွားမည်ဖြစ်ကြောင်း သိရသည်။
AirlineRatings.com သည် ၂၀၂၃ ခုနှစ်အတွက် အလုံခြုံဆုံးလေ ကြောင်းလိုင်းများကို စစ်တမ်းကောက် ကာ ထုတ်ဖော်ကြေညာခဲ့သည်။ AirlineRatings.com ၏ လေ့လာမှုတွင် ခရီးသည်များဘေးကင်းရေး၊ ဆန်းသစ်တီထွင်မှုနှင့် လေယာဉ်သစ်များကို မိတ်ဆက်ခြင်း စသည်ဖြင့် လေကြောင်းလိုင်း ၃၈၅ လိုင်းကို လေ့လာပြီး ထုတ်ပြန်ခဲ့ခြင်းဖြစ်သည်။