နိုင်ငံတကာသတင်း

အိန္ဒိယနှင့် ထိုင်းနိုင်ငံတို့သည် ကုန်းလမ်း၊ လေကြောင်းလမ်းနှင့် ရေကြောင်း တို့မှ ချိတ်ဆက်မှုမြှင့်တင်ခြင်းနှင့် ကုန်သွယ်မှုအတားအဆီးများ လျှော့ချခြင်းအား ဖြင့် နှစ်နိုင်ငံအပြန်အလှန် ကုန်သွယ်မှုကို ၂၀၂၇ ခုနှစ်တွင် အမေရိကန်ဒေါ်လာ ၃၅ ဘီလီယံထိ ရောက်ရှိရန် ရည်မှန်းထားကြောင်း သိရသည်။ 

မလေးရှားနိုင်ငံအစိုးရအနေဖြင့်    ပထဝီနိုင်ငံရေး ပဋိပက္ခများ သက်ရောက်မှုခံရသည့် အဓိက ပို့ကုန်ဈေးကွက် များအပေါ်  မှီခိုအားထားနေရခြင်းကို လျှော့ချရန်အတွက် စားအုန်းဆီတင်ပို့မှုဈေးကွက် အသစ်များရှာဖွေရန် ကြိုးပမ်း လုပ်ဆောင်နေသည်ဟု စိုက်ခင်းနှင့်  ကုန်စည်များရေးရာ ဝန်ကြီး Mr. Datuk Seri Johari Abdul Ghani က ပြောကြားခဲ့ ကြောင်းThe Star  သတင်းဌာနက ဇွန် ၂၂ ရက်တွင် ဖော်ပြ ထားသည်။

ထိုင်းနိုင်ငံ၏ ပို့ကုန်တင်ပို့မှုသည် ၂၀၂၅ ခုနှစ် မတ်လတွင်  ဖေဖော်ဝါရီလထက် ၁၄ ရာခိုင်နှုန်း ပိုမိုမြင့်တက် တင်ပို့လာ ခဲ့သည်။ ယခုသီတင်းပတ်အတွင်း အမေရိကန်နိုင်ငံနှင့် တင်သွင်းခွင့် အခွန်ကိစ္စရပ်များနှင့်ပတ်သက်၍ ညှိနှိုင်းဆွေးနွေးသွား မည်ဖြစ်ပြီး အပြုသဘောဆောင်သည့် ဆွေးနွေးမှုရလဒ်များ ရရှိမည်ဟု မျှော်လင့်ထားကြောင်း ထိုင်းနိုင်ငံ ဏငခ့ငေ ြမေငစအ့စေ့ညေ က ဧပြီ ၂၁ ရက်တွင်  ပြောကြားခဲ့သည်။
ပို့ကုန်တင်ပို့မှုလုပ်ငန်းသည် ထိုင်းနိုင်ငံစီးပွားရေး၏ အဓိက မောင်းနှင်အားဖြစ်ပြီး ဆွေးနွေးမှု အောင်မြင်ပါက ပို့ကုန် ကဏ္ဍ ဆက်လက်တိုးတက်နိုင်သည်ဟု ကုန်သွယ်ရေးဝန်ကြီးက ပြောကြားခဲ့သည်။

ထိုင်းအစိုးရသည် ပြည်ပရင်းနှီးမြှုပ်နှံမှုများ တိုးတက်လာစေရေး၊ ရင်းနှီးမြှုပ်နှံသူများ ပိုမိုအဆင်ပြေစွာ ဆောင်ရွက်နိုင်သည့် နိုင်ငံဖြစ်စေ ရေးအတွက် နိုင်ငံခြားသား စီးပွားရေး လုပ်ငန်းများဆိုင်ရာ ဥပဒေတွင်ပါ ရှိသည့် အချို့စည်းမျဉ်းစည်းကမ်း ကန့်သတ်ချက်များကို ပြင်ဆင်ဖြေ လျှော့ရန်  မူအားဖြင့် သဘောတူထားပြီးဖြစ်သည်။  ထိုင်းနိုင်ငံ ဥပဒေ ပြုပြင်ရေးကော်မရှင်သည် လက်ရှိပြောင်းလဲလာသည့် စီးပွားရေးအခြေ အနေများနှင့် လိုက်လျောညီထွေမှုရှိစေရေးအတွက် ထိုင်းစီးပွားရေးလုပ် ငန်းရှင်များကို အလွန်အမင်း ကာကွယ်ထားသည့် သက်တမ်းအားဖြင့် ၂၅ နှစ်ရှိသည့် အဆိုပါဥပဒေကို ပြုပြင်သင့်ကြောင်း အကြံပြုထားပြီး ဖြစ်သ

အိန္ဒိယနိုင်ငံအနေဖြင့် စားအုန်းဆီကို ငါးလကြာမျှ တင်သွင်းမှု လျှော့ချခဲ့ရာမှ ယခုအခါ စားအုန်းဆီဈေးနှုန်းများ သည် ပြိုင်ဘက်ပဲပုပ်ဆီ၏ ဈေးနှုန်းအောက်သို့ ကျဆင်းလျက် ရှိရာ စားသုံးဆီ ပြန်လည်သန့်စင်ပြုပြင်သည့် လုပ်ငန်းများ၏ ကုန်စည်သိုလှောင်ဖြည့်တင်းရန် အဝယ်အမှာစာများ ပေးပို့မှု ကို တွန်းအားဖြစ်ပေါ်စေပြီး စားအုန်းဆီဝယ်ယူမှုမှာ စတင်၍ မြင့်တက်လာသည်ဟု ကုန်သည်လုပ်ငန်းရှင်လေးဦးက ရိုက်တာ သတင်းဌာနသို့ ပြောကြားခဲ့သည်။