Background
ပြည်မတ်ပဲဈေးကွက်ကို ပန်းတောင်း၊ ပေါင်းတလည်၊ ဝက်ထီးကန်ဘက်မှ တစ်ခါတရံ အိတ် ၁၅၀ - ၂၀၀ ခန့် အဝင်ရှိခဲ့တယ်လို့ သိရပါတယ်။ မတ်ပဲဈေးမှာ တဖြည်းဖြည်းလျော့လာခဲ့ပြီး၊ ပဲတစ်တင်းကို ၁၈၀၀၀ ကျပ်ဈေးသာရှိခဲ့ တယ်လို့ သိရပါတယ်။ ပဲကုန်သည်လက်ဝယ်ရှိ လှောင်ပဲများနဲ့ ဒေသတွင်း မြို့နယ်များမှ ဝင်လာတဲ့ ပဲများလည်း ရန်ကုန်ဝယ်လက် အဝယ်ရှိတယ်လို့ သိရပြီး၊ တစ်နေ့ကို အိတ် ၂၀၀ - ၃၀၀ ခန့် အရောင်းအဝယ်ဖြစ်တယ် လို့ သိရပါတယ်။ ယခုတစ်ပတ် အတွင်း ပဲခူးတိုင်းဒေသကြီး ပြည်ဘက်မှ ရန်ကုန်ဘုရင့်နောင်ကို တစ်နေ့ အိတ် ၂၀၀၀ ခန့် တင်ပို့မှုရှိတယ်လို့ သိရပါတယ်။ မိမိအေး
သြဂုတ်လဆန်းကစပြီး ကယားပြည်နယ် လွိုင်ကော်ဈေးကွက်ကို မိုးပဲတီစိမ်း အသစ်တွေ စတင် ဝင်ရောက်ခဲ့ပြီး၊ ပဲတီစိမ်းတစ်ပိဿာကို ၇၈၀ ကျပ် - ၈၀၀ ကျပ်နဲ့ ဈေးကွက်စတင်ခဲ့ပေမယ့် သြဂုတ်လ ဒုတိယ အပတ်မှာတော့ ပဲတီစိမ်း အသစ်တွေ အဝင်လှိုင်လာသလို တစ်ပိဿာကို ၈၂၀ ကျပ် - ၈၃၀ ကျပ်နဲ့ ဈေး ကလည်း မာလာတာတွေ့ရ ပါတယ်။ ကယားပြည်နယ်မှာ ပဲတီစိမ်းကို ဒီမော့ဆိုးမြို့နယ်က အများဆုံးစိုက်ပျိုး ထွက်ရှိပြီး၊ ဒီနှစ် မိုးပဲတီစိမ်း စိုက်ပျိုးရာမှာ အထွက်နှုန်းလည်းကောင်းပြီး၊ ဈေး ကလဲကောင်းတာကြောင့် ငွေကျပ် ၃ သိန်းခန့် အကျိုးအမြတ် ရရှိခဲ့လို့ မိုးစပါး အတွက် စိုက်စရိတ်နဲ့ သွင်းအားစုဓာတ်မြေသြဇာဝယ်ဖို့ စိတ်ပူစရာမလိုတော့ဘူးလို့ ဆောင်ဒူရွာသစ် ကျေးရွာအုပ်စု ပူဖါးကျေးရွာက ပဲတီစိမ်း ၃ ဧကစိုက်ပျိုးခဲ့သူ တောင်သူ ဦးမောင်စိန်ရဲ့အဆိုအရ သိရပါတယ်။မင်းအောင်
မူဆယ် ၁၀၅ မိုင်ကုန်သွယ်ရေးဇုန်မှတစ်ဆင့် တစ်ဖက်တရုတ်နိုင်ငံသို့ သြဂုတ်လ ၈ ရက်မှ ၁၄ ရက်ထိကာလအတွင်းမှာ တင်ပို့လျက်ရှိတဲ့ အခြား ပဲမျိုးစုံများကတော့ ပဲလွန်းဖြူ၊ ပဲပုပ်စေ့၊ စွန်တာနီပြာ၊ ထောပတ်ပဲနဲ့ ပဲနီကြား တို့ဖြစ်ပါတယ်။ ကန်ဒေါ်လာသုညဒသမ ၀၃၁ သန်းတန်ဖိုးရှိ ပဲလွန်းဖြူ ၄၄ တန်ခန့်၊ ကန်ဒေါ်လာသုညဒသမ ၀၃၁ သန်းတန်ဖိုးရှိ ပဲပုပ်စေ့ ၄၆ တန်ခန့်၊ ကန်ဒေါ်လာသုညဒသမ ၀၉၉ သန်းတန်ဖိုးရှိ စွန်တာနီပြာ ၁၅၂ တန်ကျော်၊ ကန်ဒေါ်လာသုညဒသမ ၀၈၀ သန်းတန်ဖိုးရှိ ထောပတ်ပဲ တန် ၁၄၀ ကျော်နဲ့ ကန်ဒေါ်လာ သုည ဒသမ ၀၁၀ သန်းတန်ဖိုးရှိ ပဲနီကြား ၁၃ တန်အသီးသီး ဖြစ် ပါတယ်။ ယခင်အပတ်ကထက် ထောပတ်ပဲနဲ့ ပဲနီကြားသာအပို့လျော့ခဲ့ပြီး ကျန်ပဲ များကတော့ ယခင်အပတ်ကထက် အပို့ပိုမိုခဲ့ပါတယ်။ MIRT(DOBT)
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ ကန်ဒေါ်လာ သုည ဒသမ ၆၅၅ သန်းတန်ဖိုးရှိ ပဲတီစိမ်းလုံးပြည့် ၈၅၄ တန်ခန့်နဲ့ ကန်ဒေါ်လာ သုည ဒသမ ၀၆၈ သန်းတန်ဖိုးရှိ ပဲတီစိမ်းလုံးခြမ်း ၇၁ တန်ကျော်ကို သြဂုတ်လ ၈ ရက်မှ ၁၄ ရက်ထိကာလအတွင်းမှာ အပို့ရှိခဲ့ပါတယ်။ ယခင်အပတ်က အပို့ မရှိခဲ့တဲ့လုံးခြမ်းများ ယခုအပတ်မှာတင်ပို့မှုရှိခဲ့သော်လည်း လုံးပြည့်တင်ပို့မှုကတော့ ယခင်အပတ်ကထက် ၂၂၉ တန်ခန့် လျော့နည်းခဲ့ ပါတယ်။
မုံရွာကုန်စည်ဒိုင် သြဂုတ်လဒုတိယပတ်ပဲဈေးကွက်မှာ ကုလားပဲအုပ်စုဝင် V2 ထိုင်ဝမ်နဲ့ 929 ပဲအားလုံး ပုံမှန် အရောင်းအဝယ်သာဖြစ်ခဲ့ပါတယ်။ V2 အနေနဲ့ ဒေသတွင်း စက်သမား၊ ကြာဇံသမားတွေ အဝယ်ပုံမှန်ရှိပြီး၊ နယ်အဆွဲမရှိ ပေမဲ့ တစ်နေ့ကို အိတ် ၅၀၀ မှ ၇၀၀ ကြား နေ့စဉ် အရောင်း အဝယ်ဖြစ်ခဲ့ကာ ပေါက်ဈေးအားဖြင့် ယခုတစ်ပတ်မှာ တစ် တင်းအနိမ့်ဆုံး ၂၁၈၀၀ ကျပ်မှ အမြင့်ဆုံး ၂၂၅၀၀ ကျပ်ဖြစ် ပေါ်ခဲ့ပါတယ်။
ပြီးခဲ့တဲ့ ဘဏ္ဍာနှစ်အတွင်း အိန္ဒိယက ပဲတင်သွင်းမှုဟာ တန်ချိန် ၃ ဒသမ ၃၁ သန်း တန်ဖိုးအားဖြင့် ကန်ဒေါ်လာ ၁၈၂၁ ဒသမ ၉၅ သန်း (ရူပီး ကုဋေ ၁၀၁၄၉ ဒသမ ၅)ဖိုးရှိခဲ့လို့ ပြီးခဲ့တဲ့ နှစ်ထက် ၂၃ ရာခိုင်နှုန်း ပိုမိုတင်သွင်းခဲ့ပါတယ်။ ၂၀၁၀-၁၁ ဘဏ္ဍာနှစ်မှာ ပဲမျိုးစုံတန်ချိန် ၂ ဒသမ ၆၉ သန်း၊ တန်ဖိုးအားဖြင့် ကန်ဒေါ်လာ ၁၅၆၅ ဒသမ ၄၄ သန်း(ရူပီး ၈၇၂၅ ကုဋေ)ဖိုး တင်သွင်းခဲ့ကြောင်း၊ စားနပ်ရိက္ခာ ဝန်ကြီး ကေဗွီသောမတ်စ်မှ ပြောကြားပါတယ်။
အိန္ဒိယနိုင်ငံ အချို့ဒေသတွေမှာ မိုးခေါင်နေတဲ့အခြေ အနေကြောင့် လယ်ယာထွက်ကုန်ထုတ်လုပ်မှုကို ထိခိုက်နိုင်ပြီး အဓိက ကုန်စည်တွေရဲ့ဈေးနှုန်းအပေါ် ရိုက်ခတ်လိမ့်မယ်လို့ စားနပ်ရိက္ခာ ဝန်ကြီး၊ ကေဗွီသောမတ်စ် မှ ပြောကြားပါတယ်။ အိန္ဒိယမိုးလေဝသ ဌာန (IMD) ရဲ့ ထုတ်ပြန်ချက်အရ ဇွန် ၁ ရက်နဲ့ သြဂုတ် ၅ ရက်အတွင်း မိုးရွာသွန်းမှုဟာ ပုံမှန် အောက် ၁၇ ရာခိုင်နှုန်း လျော့ကျနေပါတယ်။ ကာနာတာ ကာ၊ ရာဂျက်စသန်၊ ဂူဂျာရက်နဲ့ မဟာရပ်ရှတရာတို့ဟာ မိုး ခေါင်ခြင်းနဲ့ ရင်ဆိုင်နေရပါတယ်။
အိန္ဒိယအစိုးရ စိုက်ပျိုးရေးဝန်ကြီးဌာနမှ ပဲမျိုးစုံအတွက် အနိမ့်ဆုံးထောက်ပံ့ဈေးနှုန်း(MSP) ကို နောက်ဆုံး ပြင်ဆင် သတ်မှတ်ခဲ့ပါတယ်။ ၂၀၁၂-၁၃ အတွက် ပဲစင်းငုံနဲ့ ပဲတီစိမ်း တို့ရဲ့MSP ဈေးနှုန်းမှာ တစ်တန် ရူပီး ၃၈၄၀၀ (ကန် ဒေါ်လာ ၆၉၂)နဲ့ ရူပီး ၄၄၀၀၀ (ကန်ဒေါ်လာ ၇၉၂)အဖြစ် သတ်မှတ် ခဲ့ပါတယ်။ အဲဒီဈေးနှုန်းများ ဟာ လယ်ယာထွက်ကုန် ကုန်ကျ စရိတ်နဲ့ဈေးနှုန်းကော်မရှင် (ဃဗဃဏ)မှ အကြံပြုခဲ့တဲ့ ဈေးနှုန်း ထက်လျော့ကျကြောင်း သိရပါတယ်။
ယခုသီတင်းပတ် အိန္ဒိယအချို့ဒေသတွေမှာ မိုးရွာသွန်းမှု တိုးတက်လာပြီး အချို့ပြည်နယ်တွေမှာ မိုးသည်းထန်ခဲ့ပါ တယ်။ ဒါပေမဲ့လည်း အချို့ဒေသတွေမှာတော့ မိုးရွာသွန်းမှုက ပုံမှန်အောက် လျော့နည်းနေ ဆဲ ဖြစ်ပါတယ်။ သြဂုတ်လ ဒုတိယပတ် ပဲစိုက်ပျိုးမှုမှာတော့ ယခင်တစ်ပတ်ထက် တိုး တက်လာပေမဲ့ ပုံမှန်နှစ် ကာလတူ ထက်တော့ လျော့နည်းနေ ဆဲရှိပါတယ်။ အိန္ဒိယစိုက်ပျိုးရေးဝန်ကြီးဌာနရဲ့ သြဂုတ်လ ၉ ရက်နေ့အထိ မိုးပဲစိုက်ပျိုးမှု စာရင်းကိုကြည့်ရင် ဟက်တာ ၇၄ ဒသမ ၄၈ သိန်း စိုက်ပျိုးထားပြီးဖြစ်လို့ ပြီးခဲ့တဲ့ ၂၀၁၁ ခုနှစ် ကာလတူ စိုက်ပျိုးမှုဟက်တာ ၈၉ ဒသမ ၃ သိန်းထက် နည်းလာသလို ပုံမှန်စိုက်ပျိုးမှုဟက်တာ ၉၂ ဒသမ ၈၁ သိန်းထက်လည်း လျော့ကျနေပါတယ်။
မြန်မာနဲ့ ထိုင်းကြက်သွန်ဖြူထွက်ရှိတဲ့ ရာသီဥတု တူ ညီတာကြောင့် မြန်မာဘက်မှကြက်သွန်ဖြူများအား နှစ်စဉ် ဇူလိုင်လမှ အောက်တိုဘာလထိ တင်သွင်းခွင့်ပြုထားတယ်လို့ ထိုင်းနိုင်ငံ မယ်ဆိုင်မြို့ရှိ အကောက်ခွန်ဌာန တာဝန်ရှိသူနဲ့ တာချီလိတ် နယ်စပ်ကုန်သွယ်ရေးစခန်းတာဝန်ခံတို့ ဇူလိုင်လ ၂၄ ရက်က တွေ့ဆုံစဉ်က ပြောကြားခဲ့ကြောင်း သတင်း ရရှိ ပါတယ်။