ဒီတစ်ပတ်မှာတော့ အမေရိကန်ဒေါ်လာဈေးကွက်ဟာ အရောင်းအဝယ် မရှိ သလောက်ကို တည်ငြိမ်နေတာ တွေ့ရပါတယ်။ သိမ်ဖြူငွေလဲစင်တာနဲ့ ပြင်ပမှာ ဖွင့်လှစ်ထားတဲ့ ငွေလဲစင်တာများမှာ လဲလှယ်တဲ့ ဒေါ်လာဈေးနှုန်း ဟာလည်း ဒီတစ် ပတ်အတွင်းမှာ အတက်အကျမရှိဘဲ ငြိမ်နေခြင်းကတော့ ပိတ်ရက်များ ရှိနေခြင်း ကြောင့်ဖြစ်ကြောင်း ဒေါ်လာပွဲစားတစ်ဦးက သုံးသပ်ပြပါတယ်။             " ဒီတစ်ပတ်အတွင်းမှာပဲ ပိတ်ရက်က နှစ်ရက်ဆိုတော့ ငွေဈေးက ထင်သလို ကျလည်းမကျ တက်လည်းမတက်နဲ့ ငြိမ်နေတာ။ နိုဝင်ဘာ ၇ ရက်က ဘက္ကဒီးအစ် နေ့၊ နိုဝင်ဘာ ၁၀ရက်က တန်ဆောင်မုန်းလပြည့်နေ့ ဆိုတော့ အရောင်းအဝယ်က သိပ်မရှိတော့ ဈေးကငြိမ်နေတာပေါ့။ နောက်တစ်ပတ်လောက်ဆို ရင်တော့ ပြန်တက် လာမယ်လို့ထင်တယ်။ အခုလို ပိတ်ရက်များရင် ငွေဈေးက  ငြိမ်နေတတ်တယ်။                အဲဒီလိုဖြစ်ပြီဆိုရင် နောက်တစ်ပတ်လောက်ဆို ငွေဈေးက အနည်းနဲ့အများတော့ ပြန်တက်တာပဲ"လို့ ဒေါ်လာပွဲစားတစ်ဦးက သုံးသပ်ပြခဲ့ပါတယ်။ အမေရိကန်ဒေါ်လာဈေးကွက်ဟာ နိုင်ငံတော်အစိုးရမှ တရားဝင်ဖွင့်လှစ် ထားတဲ့ ငွေလဲစင်တာများမှာ နိုဝင်ဘာ ၅ရက်က ၇၈၇ကျပ်ရှိခဲ့ရာမှ ဘက္ကဒီးအစ်နေ့ ပိတ်ရက်အပြီး ပြန်ဖွင့်သည့်အခါတွင် ၇၈၂ကျပ်သို့ ကျဆင်းလာခဲ့တာကို တွေ့ရှိရပါတယ်။ အဲဒီနေ့မှစပြီး တန်ဆောင်မုန်းလပြည့်နေ့ ပိတ်ရက်အပြီး ပြန်ဖွင့်သည့်အခါ တွင် ရောင်းဈေး ၇၈၂ကျပ်ရှိခဲ့ပြီး ဝယ်ဈေးမှာ ၇၇၅ ကျပ်ရှိတာကို တွေ့ရပါတယ်။ တစ်ပတ်အတွင်း ငွေဈေးမှာ အတက်အကျမရှိဘဲ တည်ငြိမ်နေတာကို တွေ့ရှိရပါတယ်။ ပြင်ပဒေါ်လာဈေးကွက်မှာလည်း အမေရိကန်ဒေါ်လာဈေးကွက်က နိုဝင်ဘာ ၈ ရက်မှာ ရောင်းဈေး ၇၇၁ ကျပ်ရှိခဲ့ပြီး ဝယ်ဈေးမှာ ၇၆၈ ကျပ်ရှိကြောင်း သိရှိရပါတယ်။ နိုဝင်ဘာ ၁၁ ရက် ဒေါ်လာဈေးပိတ်ချိန်တွင် ပြင်ပဒေါ်လာဈေးမှာ ရောင်းဈေး ၇၈၀ကျပ်ရှိပြီး ဝယ်ဈေး ၇၇၇ကျပ်ရှိတာကို သိရှိရပါတယ်။                 " ပြင်ပဈေးကွက်မှာတော့ ငွေဈေးက နည်းနည်းလေး အလှုပ်အခတ်ရှိတယ်။ စင်တာမှာ အရောင်းအဝယ်ပါးပေမယ့် ပြင်ပဈေးကွက်မှာတော့ သူ့ဟာနဲ့သူ အရောင်းအဝယ်ဖြစ်နေတာ။ ဒါကြောင့်လည်း ပြင်ပငွေဈေးက အတက်ဘက်ကို ပြန်ရောက်လာတာ" လို့ ဒေါ်လာမှောင်ခိုဈေးကွက်အတွင်းမှ စုံစမ်းသိရှိရပါတယ်။ ပို့ကုန်ဝင်ငွေဈေးနှုန်းမှာမူ နိုဝင်ဘာ ၈ရက်က ၈၁၁ ကျပ်ရှိခဲ့ပြီး နှစ်ရက်မျှ တည်ငြိမ်နေတာကို တွေ့ရပါတယ်။ တန်ဆောင်မုန်းလပြည့်ပိတ်ရက်အပြီး ရုံးများ ပြန်ဖွင့်ချိန်တွင် ပို့ကုန်ဝင်ငွေဈေးနှုန်းမှာ ကိုးကျပ်ခုန်တက်ခဲ့ကာ ၈၂၀ ကျပ်ဖြင့် ဈေးပိတ်ခဲ့တာကို တွေ့ရှိရပါတယ်။                    ယင်းကဲ့သို့ ပို့ကုန်ဝင်ငွေဈေးနှုန်းများ ရုတ်တရက် မြင့်တက်လာရခြင်း အကြောင်းမှာ ပို့ကုန်ဝင်ငွေဒေါ်လာ တစ်သိန်းနဲ့ အထက်ရှိတဲ့ လုပ်ငန်းရှင်တွေကို နိုင်ငံခြားမှ ကားများတင်သွင်း ခွင့်ပြုမည်ဆိုသည့်သတင်းကြောင့်ဖြစ်ကြောင်း ပို့ကုန် လုပ်ငန်းရှင်တစ်ဦးက သုံးသပ်ပြခဲ့ပါတယ်။ MTD,KM2O

                          အမေရိကန် ဒေါ်လာငွေကြေးဈေးကွက်ဟာ အခုတစ်ပတ်အတွင်းမှ ကျရိပ်ကို ပြစပြုလာတယ်လို့ ဒေါ်လာ ဈေးကွက်ကျွမ်းကျင်သူတွေက ခြုံငုံ သုံးသပ်နေကြပါတယ်။ အမေရိကန် ဒေါ်လာဈေးဟာ ပြီးခဲ့တဲ့ အောက်တို ဘာလ ၂၈ ရက်က ၈၀၂ ကျပ်ဈေးရှိ ခဲ့ပေမယ့် နိုဝင်ဘာ ၁ ရက်ရောက်တဲ့ အခါမှာတော့ ၇၉၇ ကျပ်အထိ ကျဆင်း ခဲ့ပါတယ်။ သုံးလေးရက်မျှ တည်ငြိမ်နေ ခဲ့ပြီးမှ အခုရက်ပိုင်းအတွင်းမှာ အမေရိကန်ဒေါ်လာဈေးဟာ တဖြည်းဖြည်းနဲ့ အကျဖက်ကို ဦးတည်လာတာကို တွေ့ရပါတယ်။                            သိမ်ဖြူငွေလဲစင်တာနှင့် ပြင်ပ ပုဂ္ဂလိက ငွေလဲစင်တာများတွင်လည်း လာရောက်ဝယ်သည့် အရေအတွက် ထက် ရောင်းသည့်ပမာဏကသာ များ ပြားနေဆဲပင်ဖြစ်သည်။ သို့သော် ပြင်ပ ပုဂ္ဂလိက ဘဏ်များတွင်လည်း ငွေလဲ စင်တာများ ဖွင့်လှစ်ခွင့်ပေးထားခြင်း ကြောင့် အဆိုပါသိမ်ဖြူလမ်းရှိ ငွေလဲ ကောင်တာများတွင် ငွေလာရောက် ရောင်းဝယ်သူများမှာ ယခင်ကထက်ပိုမို နည်းပါးသွားသည်ကို တွေ့ရှိရသည်။                               အမေရိကန်ဒေါ်လာ ငွေကြေးဈေး ကွက်သည် ပြီးခဲ့သည့်အောက်တိုဘာလ ၃၁ ရက်က ရောင်းဈေး ၈၀၂ ကျပ်ရှိခဲ့သော်လည်း နိုဝင်ဘာ ၁ရက်မှ ၈ ရက် အထိ ၇၉၂ကျပ်သို့ကျဆင်းကာ တည် ငြိမ်နေသည်ကို တွေ့ရှိရသည်။ ပြင်ပ ငွေကြေးဈေးကွက်တွင် နိုဝင်ဘာ ၁ ရက်က ရောင်းဈေး ၇၉၀ကျပ် ရှိခဲ့ပြီး ဝယ်ဈေးမှာ ၇၈၅ ကျပ်ရှိခဲ့သည်ကို တွေ့ရသည်။ ပြင်ပဈေးကွက်တွင် အမေရိကန်ဒေါ်လာဈေးသည် နေ့စဉ် ကျဆင်းလျက်ရှိနေပြီး နိုဝင်ဘာလ ၈ ရက်တွင် ၇၈၀ အထိ ကျဆင်းခဲ့သည် ကို တွေ့ရသည်။                           ပို့ကုန်ဝင်ငွေဈေးနှုန်းမှာ အောက် တိုဘာ ၃၁ရက်က ၈၂၅ ကျပ်ရှိခဲ့သော် လည်း နိုဝင်ဘာ ၈ ရက်တွင်မူ ၈၁၉ ကျပ်အထိ ကျဆင်းခဲ့သည်ကို တွေ့ရ သည်။ အဆိုပါ ပို့ကုန်ဝင်ငွေဈေးနှုန်း မှာ တည်ငြိမ်နေခြင်းမရှိဘဲ နေ့စဉ်ဆက် တိုက် ကျဆင်းနေခဲ့သည်ကို တွေ့ရသည်။ထိုကဲ့သို့ပို့ကုန်ဝင်ငွေများ ကျဆင်း ရခြင်းမှာ ယခုသီတင်းပတ်အတွင်း ပြည်ပမှ တင်သွင်းလာသည့် ကားများ ရောက်တော့မည်ဟူသည့် သတင်းများ လုပ်ငန်းရှင်များကြားတွင် ရေပန်းစား နေခြင်းကြောင့်ဖြစ်ရကြောင်း ပို့ကုန် လုပ်ငန်းရှင်တစ်ဦးက သုံးသပ်ပြခဲ့သည်။ MTD,KM2O

                   နိုင်ငံတော်အစိုးရမှ တရားဝင် ဖွင့်ဖွင့်လှစ်ခွင့်ပြုထားသည့် သိမ်ဖြူငွေ လဲကောင်တာတွင် အောက်တိုဘာ ၂၁ရက်၌ အမေရိကန် တစ်ဒေါ်လာလျှင် မြန်မာငွေကျပ် ၈၀၀ ဖြင့် ဝယ်ယူ လျက်ရှိပြီး တစ်ဒေါ်လာလျင် ၈၀၇ကျပ် ဖြင့်ရောင်းချလျက်ရှိကြောင်းသိရသည်။ ယခုတစ်ပတ်အတွင်း နိုင်ငံခြားငွေ လဲနှုန်းသည် အောက်တိုဘာ ၁၇ ရက် က ၈၁၀ ကျပ်ရှိခဲ့သော်လည်း ၁၈ ရက် တွင် ကျပ် ၈၀၀ အထိကျဆင်းခဲ့သည်။ ထိုကဲ့သို့ဖြစ်ရခြင်းမှာ အဝယ်ထက် အရောင်းပမာဏက ပိုများနေ၍ ဖြစ် ကြောင်း ဈေးကွက်အတွင်းမှ စုံစမ်းသိရှိရသည်။                     အောက်တိုဘာလ ဒုတိယပတ်က အမေရိကန်တစ်ဒေါ်လာလျှင် ၈၃၄ ကျပ်မှ ၈၂၅ ကျပ်အထိ ကျဆင်းသွားခဲ့ ပြီး တတိယပတ် ရောက်သည်အထိ ဆက်လက်ကျဆင်းနေသည်ကို တွေ့ရှိ ရသည်။ သိမ်ဖြူလမ်းရှိ ငွေလဲစင်တာများတွင်လည်း ကောင်တာတစ်ခုလျှင် အရေအတွက် သတ်မှတ်ချက်အတိုင်း သာ ရောင်းချပေးခြင်းတို့ကြောင့် ယခု ကဲ့သို့ ဈေးနှုန်းများ ကျဆင်းလာရခြင်း ဖြစ်ကြောင်း သုံးသပ်လျက်ရှိသည်။                        အောက်တိုဘာ ၁၈ရက်က အဆို ပါ ငွေလဲကောင်တာများရှိ တချို့ကောင် တာများတွင် အများဆုံးဒေါ်လာ ၅၀၀ အထိသာ လဲလှယ်ပေးခြင်း၊ စတင်ဖွင့် လှစ်စဉ်ကကဲ့သို့ မည်သူမဆို လဲလှယ် ခွင့်ရှိခြင်းအစား သတ်မှတ်ထားသည့် စာရွက်စာတမ်းများ တင်ပြနိုင်သူကိုသာ ရောင်းချခြင်းတို့ကို ပြုလုပ်လျက်ရှိကြောင်း တွေ့ရှိရသည်။ ဒေါ်လာ၁၀၀၀ နှင့်အထက် ရောင်းချလိုပါက နိုင်ငံခြား သားဖြစ်ပြီး ကိုယ်တိုင်လာရောက် ရောင်းချမှသာ လဲလှယ်ပေးခြင်းစသည့် အခြေအနေတို့ကြောင့် သိမ်ဖြူငွေလဲ စင်တာတွင် လာရောက်ရောင်းချသူ အနည်းငယ်သာရှိသည်ကိုတွေ့ရသည်။                          ပြင်ပဈေးကွက်၌ အောက်တိုဘာ လ ၂၁ ရက်တွင် အမေရိကန် တစ် ဒေါ်လာလျှင် ၇၉၅ ကျပ်ဖြင့် အဝယ်ရှိနေပြီး ရောင်းဈေးမှာ ၈၀၂ ကျပ်ဖြစ် ကြောင်း ဒေါ်လာပွဲစားတစ်ဦး၏ ပြော ပြချက်အရသိရသည်။ "အိုင်အမ်အက်ဖ် ကလာနေပြီလို့ ကြားတယ်။ အိုင်အမ် အက်ဖ်လာရင် ငွေဈေးက ပုံသေသတ် မှတ်တော့မယ်ဆိုတော့ ဒိုင်တွေက သိပ်ပြီးမဝယ်ဘူး။ အဲဒီလို အဝယ်နှေးနေ တယ်ဆိုရင် ငွေဈေးက နည်းနည်းကျမှာ ပဲ" ဟု ဒေါ်လာပွဲစားတစ်ဦးက သုံးသပ်ပြောဆိုခဲ့သည်။                          "Earning ဈေးကလည်း တစ်နေ့ တစ်နေ့ ငြိမ်နေတယ်လို့မရှိဘူး။ နေ့တိုင်း ပြောင်းနေတယ်။အရင်အပတ်က ဆိုရင် ဈေးအတက်အကျက သိပ်မသိသာပေ မယ့် အခုဒီတစ်ပတ်မှာတက်လာတယ်။ ဈေးတက်လာတဲ့ အခါကျတော့ ကုန်သည်တွေအနေနဲ့ ပစ္စည်းကိုဝယ်ဖို့ မှာ မထားရဲဘူး၊ ဈေးနည်းနည်းငြိမ်အောင် ပြန်စောင့်ပြီးမှ ဝယ်ကြတာဆိုတော့ အရောင်းအဝယ်တွေ နှေးကုန်တာပဲ။ နောက်ပြီး သိမ်ဖြူငွေလဲစင်တာမှာက လိုသလောက် ကြိုက်သလောက်လဲလို့ မရတော့ဘူးဆိုတော့ အပြင်မှာ ဈေးက ကောင်းကောင်း ကစားလို့ရတာပေါ့၊ ဒီနေ့(အောက်တိုဘာလ ၂၁ရက်)ဆိုရင် စင်တာမှာက ၈၀၀နဲ့ဝယ်တယ်။ အပြင် မှာက ၇၉၅ကျပ်နဲ့ဝယ်တယ်။ စင်တာမှာ ၈၀၇ကျပ်နဲ့ရောင်းတယ်။ အပြင်မှာက ၈၀၂ကျပ်နဲ့ရောင်းတယ်။ အဲဒီတော့ ငါး ကျပ် ကွာနေပေမယ့် အပြင်မှာက အလုပ်ဖြစ်နေတာပဲ။ ဝယ်တဲ့သူတွေက အပြင်မှာပဲဝယ်ပြီး ရောင်းတဲ့သူတွေက စင်တာမှာသွားရောင်းကြတော့ စင်တာ မှာ ဝယ်တဲ့သူက တော်တော်ကို နည်း သွားတာ။ ဒါမျိုးက မဖြစ်သင့်ဘူးလို့ ထင်တယ်"ဟု ပို့ကုန်လုပ်ငန်းရှင်တစ်ဦး က သုံးသပ်ပြောကြားသည်။ KMMO/ MTDA

                      အောက်တိုဘာ ၆ ရက်က နယူးယောက်မှာ ရေနံစိမ်းဈေးနှုန်း ဒုတိယ မြောက်နေ့အဖြစ် မြင့်မားလာတယ်လို့ သိရတယ်။ စီးပွားရေးဆိုင်ရာ စာရင်း ဇယားတွေ မျှော်လင့်ထားတာထက် အခြေအနေ ပိုမိုကောင်းမွန်လာခြင်း၊ အီးယူအနေနဲ့ ၎င်းင်းရဲ့ ကြွေးမြီအကျပ် အတည်းကိုထိန်းချုပ်နိုင်မယ့် လက္ခဏာ တွေက ရင်းနှီးမြှုပ်နှံသူတွေရဲ့ စိုးရိမ် ပူပန်မှုကို လျော့ကျစေခြင်းတို့ကြောင့် ရေနံစိမ်းဈေးနှုန်း မြင့်လာကြောင်း သိရတယ်။                    ဒါကြောင့် နိုဝင်ဘာလအရောက် ပို့ရေနံစိမ်းက တစ်စည်ကို ၁ ဒသမ ၂၉ ဒေါ်လာ မြင့်မားကာ ၈၀ ဒသမ ၉၇ ဒေါ်လာနဲ့နယူးယောက်ကုန်စည်ရောင်း ဝယ်ရေးမှာ အရောင်းအဝယ်ဖြစ်ခဲ့တယ် လို့သိရတယ်။ နိုဝင်ဘာလ ငွေချေမယ့် ဘရန့်အမျိုးအစား ရေနံစိမ်းကလည်း တစ်စည်ကို သုည ဒသမ ၉ ရာခိုင်နှုန်း မြင့်မားကာ ၁၀၃ ဒသမ ၆၄ ဒေါ်လာနဲ့ လန်ဒန် ICE Futures Europe Exchange မှာ အရောင်းအဝယ်ဖြစ်ခဲ့ ကြောင်း သိရပါတယ်။ Source:Bloomberg.com၊ ပပ