Background
ဇန်နဝါရီလအတွင်း ဂျပန်နိုင်ငံရဲ့ ကုန်သွယ်ရေးလိုငွေပြမှုမှာ ယန်း ၁ ဒသမ ၄၈ ထရီလီယံရှိလာကာ ၃၃ နှစ်အတွင်း လိုငွေပြမှု အများဆုံးဖြစ်ခဲ့ကြောင်း အစိုးရမှထုတ်ပြန်တဲ့ ကြေညာချက်အရ သိရပါတယ်။ပို့ကုန်တင်ပို့မှုမှရရှိတဲ့ ဝင်ငွေမှာ ယခင်နှစ်ကထက် ၉ ဒသမ ၃ ရာခိုင်နှုန်းကျဆင်းကာ အမေရိကန်ဒေါ်လာ ၄ ဒသမ ၅၁ ထရီ လီယံခန့်သာရှိခဲ့ပြီး လေးလဆက်တိုက်ကျဆင်းလာခြင်း ဖြစ်ပါတယ်။
၂၀၁၁ ခုနှစ် ဒီဇင်လာလကုန်၌ ဟောင်ကောင်ဒေသ၏ နိုင်ငံခြား အရန်ငွေပမာဏသည် အမေရိကန်ဒေါ်လာ ၂၈၃ ဒသမ ၅ ဘီလီယံ သို့မဟုတ် ဟောင်ကောင်ဒေါ်လာ ၂၂၀၀ ဘီလီယံကျော်ရှိ၍ လွန်ခဲ့သော နိုဝင်ဘာလထက် အမေရိကန် ဒေါ်လာ ၁ ဘီလီယံ သို့မဟုတ် ဟောင်ကောင်ဒေါ်လာ ၈ ဒသမ ၁ ဘီလီယံ မြင့်တက်ခဲ့ကြောင်း ဟောင်ကောင်ငွေကြေး အာဏာပိုင်မှ ထုတ်ပြန်ခဲ့သည်။
မြန်မာ့ယဉ်ကျေးမှုပို့ကုန်များကို ဥရောပနိုင်ငံများသို့ ပုံမှန်တင်ပို့ လျက်ရှိကြောင်း Myanmar String Puppets & Cultural Group မှသိရပါတယ်။ မြန်မာ့ယဉ်ကျေးမှုပို့ကုန်များကို ၂၀၀၀ ပြည့်နှစ်မှစလို့ တင် သွင်းလျက်ရှိရာ တစ်နှစ်ကို နှစ်ပွဲ၊ သုံးပွဲ သွားရောက်ဖျော်ဖြေမှုရှိကြောင်း သိရပါတယ်။ ယခုနှစ်အတွက် ဖေဖော်ဝါရီ ၂၈ ရက်မှာ သွားရောက် ဖျော်ဖြေမှာဖြစ်ကြောင်း သိရပါတယ်။
နိုင်ငံတကာ ကယ်ဆယ်ရေး အစီ အမံများ သေချာပေါက်ရရှိစေဖို့ ရည် ရွယ်ပြီး ဂရိနိုင်ငံ ပါလီမန်က ခြိုးခြံ ချွေတာရေးစီမံကိန်းတွေကို အတည်ပြု လိုက်ရာ ရင်းနှီးမြှုပ်နှံသူများအနေနဲ့ ဥရောပဒေသ ကြွေးမြီအကျပ်အတည်း အပေါ် စိုးရိမ်မှုတွေ လျော့ကျသွား တယ်။ အီးယူဒေသက ကမ္ဘာ့ရေနံသုံး စွဲမှုရဲ့ ၁၆ ရာခိုင်နှုန်းဝန်းကျင်ကို ကိုယ် စားပြုရာ အီးယူဒေသစီးပွားရေးအလား အလာအပေါ် စိုးရိမ်မှုလျော့ပါးလာ ခြင်းက ရေနံစိမ်းဝယ်လိုအားအတွက် အပေါင်းလက္ခဏာ ဖြစ်စေတယ်။ ဒါ့ အပြင် အီရန်နိုင်ငံအပေါ် အရေးယူ ပိတ်ဆို့မှုတွေ ပိုမိုဆိုးဝါးလာတဲ့သတင်း က ရေနံဝယ်ယူရရှိမှုအပေါ် စိုးရိမ်မှုကို ပိုလာစေတယ်။ ရေနံတင်သင်္ဘောစီးရေ ၁၀၀ ကျော်ကိုပိုင်ဆိုင်ထားတဲ့ ကုမ္ပဏီ ကြီးဖြစ်တဲ့ Overseas Shipholding Group, Frontline.Ltd က အီရန် နိုင်ငံမှ ရေနံသယ်ယူမှု ရပ်တန့်သွား မယ်လို့ ကြေညာခဲ့တယ်။
ယခုတစ်ပတ်အတွင်းတွင် အမေ ရိကန်ဒေါ်လာ လဲလှယ်နှုန်းမှာ ပြင်ပ ဈေးကွက်တွင် လဲလှယ်မှုနှုန်းထားနှင့် ငွေလဲစင်တာများ၏လဲလှယ်မှုနှုန်းထား ကွာဟချက်မှာ အနည်းငယ်သာရှိ ကြောင်း ဈေးကွက်အတွင်းမှ စုံစမ်းသိရှိ ရသည်။
ကမ္ဘာ့ဒုတိယမြောက် ရေနံသုံးစွဲမှုအများဆုံး တရုတ်နိုင်ငံမှာ လောင်စာဆီဈေးနှုန်းတွေကို ၁၀ လအတွင်း ပထမဆုံးအကြိမ်အဖြစ် တိုးမြှင့်သွားမယ်လို့ သိရတယ်။ China Petroleum & Chemical Corp နဲ့ Petrochina.Co တို့ရဲ့ လောင်စာဆီထုတ်လုပ်မှုကို မြှင့်တင်ပေးဖို့ ရည်ရွယ်ပြီး ဈေးနှုန်းကိုမြှင့်တင်မယ်လို့ သိရတယ်။
ဖေဖော်ဝါရီ ၆ ရက် နံနက်ဈေးကွက် ဖွင့်ချိန်မှာ ကမ္ဘာ့ရေနံစိမ်းဈေးနှုန်းတွေ တစ်ပတ်အတွင်း အမြင့်ဆုံးနှုန်းနီးပါး တန်ဖိုးနဲ့ အရောင်းအဝယ်ဖြစ်ခဲ့တယ်။ အမေရိကန်စီးပွားရေး အလားအလာ ကောင်းလာမယ့် လက္ခဏာကြောင့် ရေနံစိမ်းဝယ်လိုအား မြင့်မားမယ် ခန့် မှန်းကြရာ ဈေးနှုန်းမြင့်လာခြင်းဖြစ် တယ်။
ငွေလဲစင်တာများတွင် အမေရိကန်ဒေါ်လာ တစ်သောင်းအထိ အထောက် အထားမလိုဘဲ လဲလှယ်နိုင်ခြင်းကြောင့် ယခုတစ်ပတ်အတွင်း အမေရိကန်ဒေါ်လာ ဈေးကွက်မှာ အတက်အကျ အနည်းသာရှိခဲ့ကြောင်း သိရသည်။ဖေဖော်ဝါရီလ ၆ ရက်က ငွေဈေးဖွင့်ချိန်တွင် ငွေလဲစင်တာများ၌ အမေရိ ကန်တစ်ဒေါ်လာလျှင် ရောင်းဈေး ၈၂၃ကျပ် ဝယ်ဈေး ၈၀၀ကျပ်ဖြင့် ဈေးဖွင့်ခဲ့သည်။ တစ်ပတ်အတွင်းရောင်း ဈေးမှာ သိသိသာသာအတက်အကျမရှိခဲ့ဘဲ ဝယ်ဈေးမှာ သာ အတက်အကျ အနည်းငယ်ရှိခဲ့သည်ကို တွေ့ရသည်။
ဇန်နဝါရီ ၃၀ ရက် ဈေးကွက်ဖွင့်ချိန် အစောပိုင်းမှာ ကမ္ဘာ့ရွှေဈေးနှုန်းတွေက ယခင်အပတ်ကထက် မြင့်မားလာ တယ်။ တရုတ်နှစ်သစ်ကူးပွဲတော်ကာ လအတွင်း ရွှေလက်ဝတ်ရတနာ ဝယ် လိုအား မြင့်မားလာခြင်း၊ အီးယူဒေသ ကြွေးမြီ အကျပ်အတည်းအပေါ် စိုးရိမ် ပူပန်မှုများပိုလာခြင်း၊ အမေရိကန် ဗဟို ဘဏ်က ၂၀၁၄ခုနှစ်အထိ ဘဏ်အတိုး နှုန်းကို အပြောင်းအလဲမလုပ်ဘဲ ယခု နှုန်းထားအတိုင်း ဆက်ထားမယ်လို့ ကြေညာလိုက်ခြင်းတို့က ရွှေဈေးနှုန်းကို အထောက်အပံ့ပေးခဲ့တယ်လို့သိရတယ်။
အီးယူဒေသ ခေါင်းဆောင်တွေ အနေနဲ့ ဒေသတွင်း ကြွေးမြီအကျပ် အတည်းနဲ့ပတ်သက်တဲ့ အစည်းအဝေး ကို ဇန်နဝါရီ ၃၀ ရက်မှာ ဘယ်လ် ဂျီယံနိုင်ငံ ဘရပ်ဆဲလ်မှာ ကျင်းပကြမှာ ဖြစ်ပြီး ၎င်းအစည်းအဝေးမတိုင်မီ ရေနံ စိမ်းဈေးနှုန်း ကျဆင်းသွားတယ်လို့ သိရတယ်။