Background
တရုတ်နိုင်ငံသို့ အဆင့်မြင့်နည်းပညာတင်ပို့မှု ကန့် သတ်ချက်ကို လျှော့ချဖို့နဲ့ တရုတ်နိုင်ငံကို "ဈေးကွက်စီး ပွားရေး"(Market Economy) အဆင့်အဖြစ်အာမခံချက် ပေးဖို့ တရုတ်ဒုတိယဝန်ကြီးချုပ် ဝမ်ရှီရှန်းက အမေရိကန် နိုင်ငံကို နိုဝင်ဘာ ၂၁ ရက်က တိုက်တွန်းပြောကြားပါတယ်။ အမေရိကန်ပြည်ထောင်စုနဲ့ ပိုမိုနီးကပ်ပြီးကျယ်ပြန့် တဲ့ စီးပွားရေး ပူးပေါင်းဆောင်ရွက်မှုတွေ ဆောင်ရွက်ဖို့ တရုတ် နိုင်ငံက အသင့်ဖြစ်နေပြီလို့ တရုတ်နိုင်ငံ အနောက် တောင်ပိုင်း ချန်ဒူးပြည်နယ်မှာကျင်းပတဲ့ ကူးသန်းရောင်း ဝယ်ရေးနဲ့ ကုန်သွယ်မှုဆိုင်ရာ တရုတ်-အမေရိကန် ပူးတွဲကော်မရှင် အစည်းအဝေးမှာ ဝမ်ကပြောကြားခဲ့ပါတယ်။ တရုတ်နိုင်ငံနဲ့ အမေရိကန်နိုင်ငံတို့အတွက် သူတို့ရဲ့ ကိုယ်ပိုင်မှန်မှန် ဖြစ်ပေါ်နေတဲ့ စီးပွားရေးဖွံ့ဖြိုးမှုက ကမ္ဘာကြီးကိုအပြုသဘောနဲ့ အထောက်အကူဖြစ်စေပါတယ်လို့ သူက ပြောပါတယ်။ ဖွံ့ဖြိုးတိုးတက်မှုရေရှည်တည်တံ့ပြီးချိန်ခွင် လျှာညီမျှ တဲ့ ကမ္ဘာ့စီးပွားရေးဖွံ့ဖြိုးမှုအတွက် တရုတ်နိုင်ငံနဲ့ အမေရိ ကန် ပြည်ထောင်စုတို့က အတူတကွပူးပေါင်း ဆောင်ရွက်သင့်တယ်လို့ သူကထပ်လောင်းပြောကြားပါ တယ်။ ကမ္ဘာ့စီးပွားရေးဟာ စီးပွားရေးဆုတ်ကပ်ထဲကိုရေရှည်ကျဆင်းနိုင်တယ်လို့လည်း နိုဝင်ဘာ ၁၉ ရက်ကသတိပေး ပါတယ်။ Source. rttnews.com
ကုန်ကျစရိတ်များမြင့်မားနေခြင်းနှင့် အတူတစ်ပြိုင်နက် ဖြစ်ပေါ်နေတဲ့ ဘိလပ်မြေဝယ်လိုအားကျဆင်းမှုက ဗီယက်နမ် ဘိလပ်မြေထုတ်လုပ်မှုလုပ်ငန်းမှာယခုနှစ်ပထမ ၁၀ လ အတွင်း ဗီယက်နမ်ဒေါင် ၂၂၀ ဘီလီယံ (ဒေါ်လာ ၁၀ ဒသမ ၅၃ သန်း) အရှုံးပေါ်နေပါတယ်။ ထိုကာလ အတွင်းမှာ ဗီယက်နမ် ဘိလပ်မြေထုတ်လုပ်မှုကော်ပိုရေး ရှင်းအဖွဲ့ဝင်တွေရဲ့ ဈေးကွက်ဝေစုက ၃ ရာခိုင်နှုန်း ကျဆင်းနေပါတယ်။ အိမ်ခြံမြေဈေးကွက် အေးနေတဲ့ အတွက် ဝယ်လိုအားကျဆင်းမှု၊ ငွေအတိုးနှုန်းတွေမြင့်မား မှု၊ အများပြည်သူရင်းနှီးမြှုပ်နှံမှု၊ စီမံကိန်းများလျှော့ချမှုနဲ့ သွင်းအားစု စရိတ်မြင့်တက်မှုတို့ကြောင့် ဘိလပ်မြေအသုံး လျော့ကျခဲ့ရတယ်လို့ ဆိုပါတယ်။ သွင်းအားစုစရိတ်ဘက်ကကြည့်ရင် လောင်စာဆီ ဈေးနှုန်းက ၃၂ ရာခိုင်နှုန်းကနေ ၄၃ ရာခိုင်နှုန်း၊ လျှပ်စစ် ဓာတ်အားခ ၁၅ ဒသမ ၂၈ရာခိုင်နှုန်းနဲ့ ကျောက်မီးသွေးက ၈၈ ရာခိုင်နှုန်းမြင့်တက်ခဲ့တယ်လို့ ဆိုပါတယ်။ Souce.vietnamnews.vnagency.com.vn
အဆက်မပြတ်မြင့်တက်နေတဲ့ ဂျပန်ယန်းငွေကြောင့် ဖြစ်လာရတဲ့ ဂယက်ကို ရှောင်ရှားနိုင်ဖို့အတွက် ကုန်ထုတ်လုပ်ငန်းတွေကို ပင်လယ်ရပ်ခြားရွှေ့ဖို့ စဉ်းစား လာတဲ့စီးပွားရေးလုပ်ငန်းတွေ တစ်စစများလာပါတယ်။ ဒါကြောင့် '' Made in Japan" ဆိုတဲ့ ကုန်အမှတ်တံဆိပ်တွေဟာ အခက်အခဲနဲ့ရင်ဆိုင်နေရပါတယ်။ တစ်ဒေါ်လာကို ၇၆ ယန်းနှုန်းနဲ့ ယန်းငွေတန်ဖိုးဆက်ပြီးတည်တံ့နေမယ်ဆိုရင် ထုတ်လုပ်မှု အခြေစိုက် စခန်းတွေကို နိုင်ငံခြားကိုပြောင်းရွှေ့မယ်လို့ သြဂုတ်လအတွင်းက ဝန်ကြီးဌာနစစ်တမ်း ကောက်ယူခဲ့တဲ့ ကုန်ထုတ်လုပ်သူတွေရဲ့ ၄၆ ရာခိုင်နှုန်းက ပြောတယ်လို့ စီးပွားရေး၊ ကုန်သွယ်ရေးနဲ့ စက်မှုလုပ်ငန်းဝန်ကြီးဌာနက ဆိုပါတယ်။ လောလောဆယ်မှာ တစ်ဒေါ်လာကို ၇၇ ယန်းနှုန်းဝန်းကျင်မှာရှိနေပြီး ယန်းငွေမြင့်တက်မှုကြောင့် ဂျပန် မော်တော်ကားလုပ်ငန်းပြိုကွဲသွားနိုင်တယ်လို့ တိုယိုတာ ဒုတိယဥက္ကဌ ဆာတိုရှီအိုဇာဝါက လွန်ခဲ့တဲ့ရက်သတ္တပတ်က ပြောပါတယ်။ တိုယိုတာကုမ္ပဏီရဲ့ ပထမနှစ်ထက်အမြတ်အစွန်း ၇၂ ရာခိုင်နှုန်းကျဆင်းခဲ့ရတဲ့ အကြောင်းတွေထဲမှာ ယန်းငွေတန်ဖိုးမြင့်တက်တာလည်း တစ်စိတ်တစ်ပိုင်းပါဝင်ပါတယ်။ ဒေါ်လာနဲ့ ဖလှယ်ရာမှာ တန်ဖိုးတစ် ယန်းမြင့်တက် တိုင်း တိုယိုတာရဲ့တစ်နှစ် အတွက် အမြတ်ငွေမှာယန်းငွေဘီလီယံပေါင်းများစွာ ဆုံးရှုံးနိုင်ပါတယ်။ မတ်လမှာ ကုန်ဆုံးတဲ့ ဘဏ္ဍာရေးနှစ်မှာ တိုယိုတာကဂျပန်မှာထုတ်လုပ်ခဲ့တာက စုစုပေါင်း ထုတ်လုပ်မှုရဲ့ ထက်ဝက်ကျော်ရှိပြီး နီဆန် ထက်သာလွန်ပါတယ်။ တိုယိုတာနဲ့ အတူ အခြားဂျပန်ကုမ္ပဏီကြီးတွေဖြစ်တဲ့ ဆိုနီ၊ မာဇဒါနဲ့ ကင်နွန်စတဲ့ကုမ္ပဏီကြီး တွေကလည်း ယန်းငွေတန်ဖိုးမြင့်တက်မှုနဲ့ သဘာဝဘေးအန္တရာယ်ရဲ့ ဂယက်ကြောင့်အမြတ်နှုန်းတွေ ကျဆင်းခဲ့ရပါတယ်။ ဂျပန်ငွေကြေးတန်ဖိုးမြင့်တက်ခဲ့တဲ့အတွက် ဂျပန်မှာထုတ်လုပ်တဲ့ ကုန်ပစ္စည်းတွေ ပြည်ပမှာ ယှဉ်ပြိုင်နိုင်တဲ့ စွမ်းရည်ကျတဲ့အပြင် ပင်လယ်ရပ်ခြားကရရှိတဲ့ ဝင်ငွေတွေကို ဂျပန်ကုန်ပြန်လွှဲတဲ့အခါ တန်ဖိုးကျဆင်းတဲ့အတွက် နိုင်ငံရဲ့ပြည်ပပို့ကုန်လုပ်ငန်းကို ထိခိုက်စေနိုင်ပါတယ်။ ကုမ္ပဏီတွေကလုပ်ငန်းတွေကို ပြည်ပရွှေဖို့ပြောလာကြတဲ့ အတွက် ဂျပန်စက်မှုလုပ်ငန်းမှာ "အခွံချည်းပဲ" ကျန်မှာကိုစိုးရိမ်ကြောင်း ဂျပန် ဝန်ကြီးချုပ်ယူရှီဟိကိုနိုဒါက ပြောပါတယ်။ Souce.AFP
ကမ္ဘာ့ဈေးကွက်များကို လှိုင်းတံပိုး ထစေခဲ့တဲ့ အီတလီနဲ့ ဂရိနိုင်ငံတို့မှာဖြစ်ပေါ်နေတဲ့ နိုင်ငံရေးမတည်ငြိမ် မှုတွေကိုဖြေရှင်းရာမှာ ဂရိနဲ့ အီတလီနိုင်ငံတို့က ထူးထူးခြားခြားဆောင်ရွက်ခဲ့တဲ့အတွက် အပြည်ပြည်ဆိုင်ရာငွေ ကြေးရန်ပုံငွေအဖွဲ့ (IMF )အကြီးအကဲ ခရစ်စတင်း လာဂတ်က ကြိုဆိုလိုက်ပါတယ်။ တကယ်လို့ ဥရောပမှာဖြစ်ပျက်နေတဲ့ အခြေအနေ တွေ ထပ်မံဆိုးဝါးလာရင် ကုန်သွယ်ရေးနဲ့ ဘဏ္ဍာရေး ဂယက်ရိုက်ခတ်မှုများမှတစ်ဆင့်အာရှကလည်းအကျိုးဆက် ကို ခံစားရလိမ့်မယ်လို့ IMF မန်နေဂျင်းဒါရိုက်တာက တိုကျိုမှာပြုလုပ်တဲ့သတင်းစာရှင်းလင်းပွဲမှာ သတိပေး စကား ပြောကြားပါတယ်။ ဂရိနဲ့ အီတလီမှာဖြစ်ပေါ်နေတဲ့ နိုင်ငံရေးမတည်ငြိမ် မှုတွေကြောင့် ယူရိုကြွေးမြီအခက်အခဲကို ဖြစ်စေပြီး ထို အခက်အခဲက ကမ္ဘာ့စီးပွားရေးကိုတစ်ကျော့ပြန် စီးပွားရေး ဆုတ်ကပ်ထဲသို့ ကျဆင်းစေနိုင်တယ်ဆိုတဲ့ စိုးရိမ်မှုတွေ ဖြစ်ပွားနေချိန်မှာ သူမရဲ့ တိုကျိုခရီးစဉ်ဖြစ်ပေါ်ခဲ့တာ ဖြစ်ပါတယ်။ ဂျပန်ခရီးစဉ်မတိုင်ခင်မှာ လာဂတ်က ရုရှားနဲ့ တရုတ် နိုင်ငံတို့ကိုသွားရောက်ခဲ့ပါတယ်။ သူမပေကျင်းကိုရောက်ရှိနေတဲ့ ကာလအတွင်းမှာ အီတလီနိုင်ငံက ယူရိုဇုန်မှာ ငွေကြေးအခက်အခဲတွေ့နေတဲ့ နိုင်ငံတစ်ခုဖြစ်လာနိုင်တဲ့ အခြေအနေတွေကိုတွေ့မြင်နေရ ပါတယ်။ ဂရိနိုင်ငံမှာ လူကပ်ပါကါဒဲမို့စ် ဦးဆောင်တဲ့အစိုးရ အဖွဲ့က နိုဝင်ဘာ ၁၁ ရက်က စတင်ပြီးရာထူးလက်ခံ ခဲ့ပါတယ်။ အလားတူ နိုဝင်ဘာ ၁၁ ရက်နေ့မှာ ဝန်ကြီးချုပ် ဆီဗီယို ဘာလုစကိုနီ ရာထူးမှမနုတ်ထွက်မီ ဈေးကွက် တင်းမာမှုတွေကိုလျှော့ချနိုင်ဖို့အတွက် အီတလီအမတ် တွေက ပြုပြင်ပြောင်းလဲရေး အစီအစဉ်တွေကို အတည်ပြု ပေးခဲ့ပါတယ်။ Souce. AFP.
ကိုရီးယားနိုင်ငံမှာ အင်တာနက်လုပ်ငန်းတွေထူထောင်ရာမှ အားပေး ကူညီဖို့နဲ့ ကမ္ဘာမှာလူသိအများဆုံး Search Engine ဖြစ်တဲ့ ယူကျုမှာ K-pop သီးသန့်ချန်နယ်ကိုဆောင်ရွက်ဖို့ ဂူးဂဲဥက္ကဌ အီရစ်ရှမစ်က ကတိပြုခဲ့ပါတယ်။ ဂူးဂဲအမှုဆောင်ဘုတ်အဖွဲ့ဥက္ကဌအဖြစ် ဆောင်ရွက် နေတဲ့ ရှမစ်က နိုဝင်ဘာ ၇ ရက်က တောင်ကိုရီးယား သမ္မတ လီ မြောင်ဘတ်နဲ့ တွေ့ဆုံပြီးနောက် ယခုလိုကတိပြုခဲ့တာဖြစ်တယ်လို့ သမ္မတ ရုံးအရာရှိတွေက ပြောပါတယ်။ တောင်ကိုရီးယားနည်းပညာ ကုမ္ပဏီ တွေက အိုင်တီလောကစွမ်းအင်ကြီးတဲ့လုပ်ငန်းတွေဖြစ်တဲ့ အတွက် ဂူဂဲနဲ့ ဒီကုမ္ပဏီကြီးတွေက အနာဂတ်ကာလမှာလုပ်ငန်းကို ပူးပေါင်းဆောင်ရွက် သွားနိုင်မှာဖြစ်တယ်လို့ ခေါင်းဆောင် နှစ်ဦးကအမြင်ချင်းတူညီကြပါတယ်။ တီထွင်ဖန်တီးမှုရှိတဲ့ အင်တာနက်စီးပွားရေးစနစ်ကို ထူထောင်ဖို့ တောင်ကိုရီးယား အစိုးရကကြိုပမ်းဆောင် ရွက်နေသလို " Smart Society" လို့ခေါ်တဲ့ စမတ်ကျတဲ့လူ့အဖွဲ့အစည်းကို ဖြစ်လာစေမဲ့ စီမံ ကိန်းတွေကို တောင်ကိုရီးယားအစိုးရက ကြိုးပမ်းဆောင်ရွက်နေတယ်လို့ လီကပြောပါတယ်။ ဂူးဂဲကုမ္ပဏီနဲ့ တောင်ကိုရီးယား အီလက်ထရွန်းနစ်နဲ့ ဆက်သွယ်ရေးကုမ္ပဏီတွေ ပူးပေါင်းဆောင်ရွက်ဖို့ကိစ္စကို ဆွေးနွေးရအောင် ဂူးဂဲဥက္ကဋ္ဌက တောင်ကိုရီးယားနိုင်ငံကို နှစ်ရက်ကြာလာရောက်ခဲ့တာ ဖြစ်ပါတယ်။ စောစောပိုင်းကSK Telecom, KT Corp နဲ့ LG Uplus တို့နဲ့လည်း တွေ့ဆုံဆွေးနွေးခဲ့ပါတယ်။ Souce. koreaherald.com
ဂျီ-၂၀ ထိပ်သီးအစည်းအဝေးကို နိုဝင်ဘာ ၄ ရက်က မပြေမလည်နဲ့ ပြီးဆုံးခဲ့ပါတယ်။ အစည်းအဝေးမှာ ဥရောပ ကြွေးမြီအကျပ်အတည်း သက်သာအောင် ဆောင်ရွက်ဖို့ ပြင်ပမှ နောက်ထပ်ငွေကြေးမရခဲ့သည့်အပြင် ဂရိနိုင်ငံကို ကြွေးမြီ အကျပ်အတည်းမှ လွတ်မြောက်စေမဲ့အစီအစဉ်ကို အီတလီကိစ္စကလွှမ်းမိုးခဲ့ပါတယ်။ ဒုက္ခတွေအကြားလှုပ်ရှားရုန်းနေရတဲ့ယူရိုဇုန်ကို ဂျီ- ၂၀နိုင်ငံတွေက အကူအညီပေးလိမ့်မယ်လို့ ရင်းနှီး မြှုပ်နှံသူ တွေကမျှော်လင့်ထားပါတယ်။ ဒါပေမဲ့ ဥရောပကိုဥရောပ က ပထမဆုံးကယ်တင်ဖို့ ဂျီ-၂၀ ခေါင်းဆောင်တွေကပြော ပါတယ်။ ပိုမိုအကူအညီပေးနိုင်ဖို့အတွက် အပြည်ပြည် ဆိုင်ရာငွေကြေးရန်ပုံငွေအဖွဲ့ကိုပိုမိုခိုင်မာလာအောင်လုပ်ရ မယ်လို့ သူတို့က ပြောပါတယ်။ လွန်ခဲ့တဲ့နှစ်နှစ်ကျော် ကာလအတွင်း ယူရိုဇုန် ၁၇ နိုင်ငံကို ကသောင်းကနင်း ဖြစ်စေခဲ့တဲ့ ကြွေးမြီအကျပ်အတည်းက မြင့်သည်ထက်မြင့် လာပြီး ကမ္ဘာ့စီးပွားရေးကို ဒုတိယစီးပွားရေးဆုတ်ကပ်ထဲ ကို တွန်းချဖို့ ခြိမ်းခြောက်နေပါတယ်။ အစည်းအဝေးကို ဂရိနိုင်ငံအတွင်းမှာဖြစ်ပေါ်နေတဲ့ နိုင်ငံရေးမတည်မငြိမ်မှုနဲ့သူ့ရဲ့ပြုပြင်ပြောင်းလဲရေး လုပ်ငန်း များကို အပြည်ပြည်ဆိုင်ရာ ငွေကြေးရန်ပုံငွေအဖွဲ့၏ ကြီးကြပ်မှုကိုအီတလီနိုင်ငံကလက်ခံခဲ့တဲ့ ကိစ္စနဲ့ပတ်သက် ပြီး စိုးရိမ်မှုတွေက ကြီးစိုးနေပါတယ်။ အိုင်အမ်အက်ဖ်ရဲ့ လုပ်ရပ်က စီးပွားရေးအရကမ္ဘာ့ ရှေ့ဆောင် နိုင်ငံတစ်ခုရဲ့ အရေးအရာမှာ ဝင်ရောက်စွက်ဖက်တာ ဖြစ်ပါတယ်။ ဥရောပရဲ့ကယ်တင်ငွေပေးရေးကြိုးပမ်းမှုတွေကအရေးကြီး တဲ့ မေးခွန်းထုတ်စရာတွေ ရှိနေတဲ့အတွက် တရုတ်၊ ရုရှားနဲ့ ဘရားဇီးတို့ လိုငွေ ကြေးချမ်းသာနေတဲ့ နိုင်ငံတွေ ကတိ ကဝတ်ပေးဖို့ နောက်တွန့်လာစေပါတယ်။ လွန်ခဲ့တဲ့ နှစ်နှစ်လောက်ကအထိ အိုင်အမ်အက်ဖ်က ဘဏ္ဍာရေးညှိနှိုင်းမှုအစီအစဉ်တွေကို အာရှ၊ လက်တင် အမေရိကနဲ့ အာဖရိကရှိ ဆင်းရဲတဲ့ထွန်းသစ်စနိုင်ငံတွေ အတွက် အသုံးပြုခဲ့ရပါတယ်။ ယခုအခါမှာ တရုတ်၊ ဘရာဇီးနဲ့ တောင်အာဖရိကလို စွမ်းအင်ကြီးထွားလာတဲ့ နိုင်ငံတွေက ဥရောပမှာ ရင်းနှီးမြှုပ်နှံဖို့သင့်မသင့်စဉ်းစား ရတော့မှာ ဖြစ်ပါတယ်။Source. economictimes.indiatimes.com
စင်ကာပူရှိစာရင်းအင်းကဏ္ဍအတွက် ထက်မြက်သူများကို ဆွဲဆောင်ထိန်းသိမ်းထားရေးမှာ အဓိကစိန်ခေါ် မှုဖြစ်နေကြောင်း ဘဏ္ဍာရေးနဲ့သယ်ယူပို့ဆောင်ရေး ဝန်ကြီးဌာနဝန်ကြီး မစ္စဂျိုးဇက်ဖင်တဲအိုက စင်ကာပူ ငွေ စာရင်း အစည်းအဝေးမှာ နိုဝင်ဘာ ၅ ရက်က ပြောပါတယ်။ ကျွမ်းကျင်တဲ့ငွေစာရင်းနဲ့ ဘဏ္ဍာရေးဆိုင်ရာ ပညာရှင်တွေကိုရရှိအောင် လူသစ်ခေါ်စုဆောင်းရာမှာ အခက် အခဲရှိတယ်လို့ အလုပ်ရှင်သုံးဦးအနက် နှစ်ဦးကပြောကြား ကြောင်း Global Financial Employment Monitor အစီရင်ခံစာ မှာဖော်ပြထားတယ်လို့ သူမကပြောပါတယ်။ ထိပ်တန်းရာထူးတွေမှာ တာဝန်ယူထားသူတွေက လာမဲ့ နှစ်မှာ တခြား လုပ်ငန်းတွေကိုပြောင်းသွားမှာကို စိုးရိမ်နေ ရတယ်လို့ပြောကြားသူက ၅၆ ရာခိုင်နှုန်းရှိပါတယ်။ ၂၀၁၁ ပြည့်နှစ်ကနဲ့ နှိုင်းယှဉ်ရင် ၁၁ ရာခိုင်နှုန်း ပိုများလာတာ တွေ့ရ ပါတယ်။ ငွေစာရင်းဌာနတွေက သူတို့တာဝန်ထမ်းတွေ ပိုမို အလေးပေးလာရပြီး သူတို့ကိုအဖိုးတန်ရတနာ တွေအဖြစ် သဘောထားလာရတယ်လို့ သူမကပြောပါတယ်။ ပြည်တွင်းကမွေးထုတ်တဲ့ ပညာရှင်တွေပေါ် ထွန်းစေ မဲ့ အရည်အသွေးမြှင့် အစီအစဉ် (Qualification Programme) က အရည်အသွေးပြည့်မီသူတွေကို စု ဆောင်းရာမှာ အထောက်အကူဖြစ်စေလိမ့်မယ်လို့ သူမကပြောပါတယ်။Souce. The Business Times
ကြော်ငြာလုပ်ငန်းမှာ ဂူးဂဲနဲ့ဖေ့စ်ဘုတ်တို့ရဲ့ လွှမ်းမိုးမှုက တစ်စစ ကြီးထွားနေပါတယ်။ ဒါကြောင့် ယာဟူး၊ မိုက်ကရိုဆော့ဖ် ကော်ပိုရေးရှင်းနဲ့ အေအိုအယ်လ်တို့က ကြော်ငြာလုပ်ငန်းမှာဖက်စပ်ပူးပေါင်းဆောင်ရွက် လာပါတယ်။မဟာမိတ် အဖြစ် ပူးပေါင်း မှုကို နိုဝင်ဘာ ၈ ရက်ကကြေညာခဲ့ပါတယ်။ ဒီပူးပေါင်းမှုအရ display ads လို့ခေါ်တဲ့ မရောင်းရသေးတဲ့ပရီမီယံ ကြော်ငြာလက်ကျန်တွေကို လာမဲ့နှစ်စောစောပိုင်း အချင်းချင်း ပြန်လည်ရောင်းချဖို့ ဖြစ်ပါတယ်။ Display Unit တွေက Web စာမျက်နှာ တွေပေါ် အကြီးကြီးပေါ်နေပြီး ဈေးကွက်ရှာသူတို့ရဲ့ အာရုံကို ဖမ်းစားနိုင်ပါတယ်။ ထုံးစံအားဖြင့် ဒီကြော်ငြာတွေက နှုန်းထားမြင့်ပါတယ်။ ယခုလိုပေါင်းစည်းလိုက်တဲ့ အတွက် ပြိုင်ဆိုင်မှုကိုလျော့ကျစေနိုင်မယ်။ သို့မဟုတ် ကြော်ငြာနှုန်းထားကို ထိခိုက် နိုင်တဲ့အတွက် တရားရေးဌာနက ကန့်ကွက်မှု ရှိနိုင်ပေမဲ့ ဒီကိစ္စအတွက် ပြဿနာ မရှိလောက်ဘူးလို့ ယာဟူး၊ အေအိုအယ်လ်နဲ့ မိုက်ကရိုဆော့ဖ်တို့က မျှော်လင့်ထား ပါတယ်။ ၂၀၁၁ ခုနှစ် အမေရိကန်ပြည်ထောင်စုမှာ အွန်လိုင်းကြော်ငြာတဲ့ဝေစုကို ၉ ဒသမ ၃ ရာခိုင်နှုန်းနဲ့ ၁၆ ဒသမ ၃ ရာခိုင်နှုန်း အသီးသီး တိုးမြှင့်သွားဖို့ ဖေ့စ်ဘုတ်နဲ့ ဂူးဂဲတို့ကမျှော်မှန်းထားတယ်လို့ eMarketer သုတေသနလုပ်ငန်းက ပြောပါတယ်။ တစ်ချိန်တည်းမှာ အေအိုအယ်လ်၊ မိုက်ကရိုဆော့ဖ်နဲ့ ယာဟူးတို့ရဲ့ ရှယ်ယာတွေလျော့ကျမယ်လို့ခန့်မှန်းပါတယ်။ ယခုနှစ်အတွင်းမှာ ဖေ့စ်ဘုတ်က ယာဟူးကို ပထမဆုံး အကြိမ်အဖြစ် ကျော်တက်မယ်လို့ ခန့်မှန်းပါတယ်။ Souce.economocitimes.indiatimes.com
အပြည်ပြည်ဆိုင်ရာ ငွေကြေးရန်ပုံငွေအဖွဲ့ အကြီး အကဲခရစ်စတင်းလာဂတ်က တရုတ်နိုင်ငံကို နိုဝင်ဘာ ၉ ရက်မှာ သွားရောက်ပြီး ယူရိုဇုန်အကျပ်အတည်းနက်ရှိုင်း နေတဲ့ ကိစ္စကိုဆွေးနွေးပြီး ကယ်တင်မှုရန်ပုံငွေအတွက် တရုတ်နိုင်ငံဖြည့်ဆည်းနိုင်မဲ့ အခြေအနေကို ဆွေးနွေးမယ်လို့ ခန့်မှန်းရပါတယ်။ လာဂတ်က ပေကျင်းမြို့ကို သွား ရောက်တဲ့ နှစ်ရက်ကြာခရီးစဉ်အတွင်းမှာ ပေကျင်းရှိ အပြည်ပြည်ဆိုင်ရာဘဏ္ဍာရေး ဖိုရမ်မှာမိန့်ခွန်းပြောကြား မှာ ဖြစ်ပါတယ်။ သူဘယ်သူနဲ့တွေ့ဆုံမည်ဆိုတာ ကွဲကွဲပြားပြား မသိရ သေးပေမဲ့ ကယ်တင်မှု ရန်ပုံငွေဖြစ်တဲ့ European Financial Stability Facility ကို ထောက်ပံ့ဖို့နဲ့ ယူရိုဇုန် ကြွေးမြီအကျပ်အတည်း ကျော်လွှားနိုင်ဖို့ကိစ္စကို ဆွေးနွေး မယ်လို့ ခန့်မှန်းရပါတယ်။ တရုတ်နိုင်ငံက နိုင်ငံခြားအရန် ငွေ ဒေါ်လာ ၃ ဒသမ ၂ ထရီလီယံရှိပြီး ကမ္ဘာမှာနိုင်ငံခြား အရန် ငွေအများဆုံးရှိတဲ့နိုင်ငံတစ်ခုဖြစ်ပါတယ်။ ဒါကြောင့် ဥရောပရန်ပုံငွေမှာ ရင်းနှီးမြှုပ်နှံဖို့ ဥရောပခေါင်းဆောင် တွေက တရုတ်နိုင်ငံကို တိုက်တွန်းခဲ့ပါတယ်။ ဥရောပ ရန်ပုံငွေအဖွဲ့အကြီးအကဲ ကလော့စ်ရက်ဂလင်းကလည်း တရုတ်ပြည်ကို ရောက်လာပြီး တရုတ်နိုင်ငံ ကထည့်ဝင်ရေး ကိစ္စကို ဆွေးနွေးပါတယ်။ ဒါပေမဲ့ ဒုက္ခတွေ့နေတဲ့ ယူရို ဇုန်အတွက် ဘဏ္ဍာရေးအကူအညီပေးဖို့ အတည်ပြုချက် မရှိသေးပါဘူး။ Souce. AFP
Scoot လို့ အမည်ပေးထားတဲ့ ခရီးဝေးတန်ဖိုးနည်း လေယာဉ် ခရီးစဉ်ကို တရားဝင်စတင်မယ်လို့ စင်ကာပူ လေကြောင်းလိုင်းက နိုဝင်ဘာ ၁ ရက်က ကြေညာပါတယ်။ လုပ်ငန်းသစ်ကို စင်ကာပူလေကြောင်း လိုင်းကသာ ပိုင်ဆိုင်ပြီး သူ့ရဲ့မိခင်ကုမ္ပဏီဆီကဝယ်ယူထားတဲ့ ဘိုရင်း B 777-200 လေယာဉ်တွေကို အသုံးပြုပြီး ၂၀၁၂ ခုနှစ်နှစ်လယ်က ခရီးစဉ်တွေ စတင်ပြေးဆွဲမယ်လို့ ပြောပါတယ်။ ပထမနှစ်အတွက် သတ်မှတ်ထားတဲ့ ခရီးစဉ်တွေက သြစတြေးလျ၊ တရုတ်နဲ့ အခြားနေရာတွေ ဖြစ်ပါတယ်။ ၂၀၁၆ ခုနှစ်မှာ လေယာဉ် ၁၄ စီးအထိတိုးချဲ့သွားမယ်လို့ ကုမ္ပဏီကပြောပါတယ်။ လက်ရှိအချိန်မှာ အာရှဒေသတန်ဖိုးနည်းလေယာဉ်ခရီးစဉ်တွေက ခရီးတိုတွေသာဖြစ်ပါတယ်။ မြို့ပြလေ ကြောင်းလုပ်ငန်းမှာ ထိပ်ဆုံး စာရင်းထဲမှာပါဝင်နေတဲ့ စင်ကာပူလေကြောင်းလိုင်းက တိုက်ဂါး အဲဝေး ဦးပိုင် ကုမ္ပဏီမှာ ရှယ်ယာဝင်ထားတဲ့ ကုမ္ပဏီဖြစ်ပါတယ်။ ဒီလေကြောင်း လိုင်းက SilkAir လေကြောင်းလိုင်းလည်း ဆောင်ရွက်လျက် ရှိပါတယ်။ Source. xinhua